Dagblaðið Vísir - DV - 24.07.2009, Blaðsíða 8

8 föstudagur 24. júlí 2009 fréttir
Athafnamaðurinn Jóhannes B. Skúlason situr í fangelsi í Bretlandi eftir að hann var handtekinn á Heath-
row-flugvelli á leið heim til Íslands. Hann er grunaður um að tengjast umfangsmiklum fjársvikum og hefur
málið verið í rannsókn allt frá árinu 2005 þegar húsleit var gerð á heilmili hans hér á landi. Hann er grun-
aður um að hafa beitt símasvindli til þess að selja hlutabréf í fyrirtæki sínu en hann er sagður hafa lofað
fjárfestum skjótfengnum gróða.
Bretar vilja 20
milljóna tryggingu
Jóhannes B. Skúlason, 39 ára gamall
athafnamaður, situr í gæsluvarðhaldi
í Bretlandi eftir að hann var handtek-
inn á Heathrow-flugvelli á leið sinni
til Íslands, grunaður um aðkomu að
stóru fjársvikamáli og peningaþvætti.
Hann hefur setið í gæsluvarðhaldi
síðan um miðjan júní. Samkvæmt
heimildum DV vilja bresk yfirvöld
fá sem samsvarar um 20 milljónum
króna í tryggingu fyrir því að hann
verði látinn laus.
Samkvæmt heimildum DV situr
Jóhannes í fangelsi í Burnley í Bret-
landi og svo lengi sem 20 milljóna
króna trygging verður ekki greidd,
mun hann áfram sitja á bak við lás og
slá. Talið er að málið verði tekið fyrir
í Bretlandi í byrjun september. Vinir
og kunningjar Jóhannesar eru byrj-
aðir að safna fyrir tryggingagjaldinu
til þess að losa hann úr fangelsi. Mik-
il öryggisgæsla er í fangelsinu, hann
mun hafa verið í einangrun fyrstu
vikuna, en deilir nú klefa með öðrum
manni. Honum er sagt illa brugðið
og segir heimildamaður að hann hafi
varla vitað hvaðan á sig stóð veðrið,
þar sem ekkert kom út úr húsleitinni
fyrir fjórum árum. Jóhannes hefur
alltaf lýst yfir sakleysi sínu.
Umfangsmikið fjársvikamál
Málið sem Jóhannes er flæktur í snýst
um fjárdrátt sem er allt að ein milljón
pund, eða um 200 milljónir króna.
Jóhannes hefur rekið starfsemi í
tveimur löndum, hér á landi með
símasölufyrirtækið Skúlason ehf. og
í Bretlandi með Skulason ltd. Þá rak
hann einnig fyrirtækið Skyndiprent.
Jóhannes hefur legið lengi undir grun
bresku lögreglunnar vegna fjársvika
og í október 2005 gerðu starfsmenn
embættis ríkislögreglustjóra hús-
leit á heimili hans á Vesturgötu og á
skrifstofu Skúlason ehf. á Laugavegi.
Húsleitirnar voru gerðar í samstarfi
við breska lögreglu. Á sama tíma fóru
fram viðamiklar lögregluaðgerðir í
London vegna umsvifamikillar fjár-
svikarannsóknar þar í landi. Í yfirlýs-
ingu ríkislögreglustjóra vegna máls-
ins þá sagði: „Bresk lögregluyfirvöld
rannsaka umfangsmikil fjársvik í
Bretlandi og peningaþvætti sem felst
í því að koma afrakstri ætlaðra fjár-
svika undan. Fjársvikin eru talin fel-
ast í kerfisbundinni sölu hlutabréfa í
fyrirtækjum með blekkingum, röng-
um og villandi upplýsingum um fyr-
irtæki og væntanlega skráningu bréfa
í kauphöll.“
Húsleitirnar leiddu ekki til afger-
andi niðurstöðu og því mun það hafa
komið ákaflega flatt upp á Jóhannes
þegar hann var handtekinn um borð
í flugvél á leið til Íslands, ekki síst þar
sem hann hefur ferðast ítrekað og
óhindrað á milli Íslands og Bretlands.
Kunningi Jóhannesar, sem trúir á
sakleysi félaga síns, telur hann leik-
sopp í svikamyllu annarra og bend-
ir á að Jóhannes hafi ekki haft mikið
fé milli handanna í gegnum tíðina og
geti því varla hafa hagnast af þessum
meintu 200 milljóna fjársvikum.
Ætlaði að skrá
félagið í kauphöll
Fram hefur komið að Jóhannes er
grunaður um svokölluð „boiler-
room“-svik sem ganga út á mjög
ágenga og eftir atvikum svikula síma-
sölu. Símasölumönnum er gert að
beita miklum þrýstingi til þess að
sannfæra viðmælendur sína og hafa
þeir sem starfa við símasölu jafn-
an ekki vitneskju um að þeir séu að
vinna fyrir glæpamenn. Þannig er
viðskiptavinum talin trú um að þeir
séu að kaupa vöru, sem á endanum
reynist ýmist gölluð eða hreinlega
ekki til. Bresk yfirvöld gruna Jóhann-
es um að hafa beitt þessari aðferð við
selja hlutabréf.
Hluthafar í Skúlason limited sögðu
í viðtali við Morgunblaðið á þeim
tíma sem málið kom upp að þeir hafi
keypt í félaginu í von um skjótfeng-
inn gróða þegar félagið færi á mark-
að, sem ekki hefur orðið neitt af. Einn
hluthafinn sagði að sér hefði verið
lofað að hlutabréfin myndu hækka
úr 10 pensum á hlut í 18 pens á hlut
þegar fyrirtækið yrði sett á markað
í London. Dæmi eru um að sumir
hluthafar hafi keypt tvisvar í fyrirtæk-
inu og í síðara skiptið hafi verið tal-
að um að fyrirtækið hafi verið á leið á
markað. Þeir hafi reynt árangurslaust
að hafa samband við forsvarsmenn
fyrirtækisins, þar sem þeir voru farn-
ir að undrast hversu hægt hlutirnir
gengu.
Jóhannes sagðist á þeim tíma
enga skýringu kunna á því að félag-
ið væri flækt inn í umfangsmikið fjár-
svikamál. „Ég held að við séum fórn-
arlömb mjög undarlegra aðstæðna,“
sagði hann.
Ríkislögreglustjóri ekki aðhafst
Skúlason ehf. starfaði sem fyrr seg-
ir aðallega á sviði símsvörunar og
símasölu. Meðal viðskiptavina voru
Skífan, Lánasjóður íslenskra náms-
manna og Fréttablaðið á sínum tíma.
Málið hefur dregist á langinn því
síðustu fjögur ár hefur Jóhannes far-
ið ferða sinna óhindraður og kom-
ið margoft til Bretlands vegna starfs
síns. Hann hefur sem fyrr segir lýst
því yfir að hann sé saklaus af öllu því
sem hann er grunaður um. Hjá al-
þjóðadeild ríkislögreglustjóra hafa
engar upplýsingar fengist um hand-
töku Jóhannesar. Alþjóðadeildin
mun ekki hafa átt samstarf við lög-
reglu ytra vegna málsins. DV hefur
heimildir fyrir því að lögmenn Lög-
fræðistofu Reykjavíkur hafi haft mál
Jóhannesar á sinni könnu. Þar á bæ
sögðust menn kannast við Jóhann-
es, en engar frekari upplýsingar var
að fá.
valgeiR öRn RagnaRSSon
og þóRaRinn þóRaRinSSon
blaðamenn skrifa
valgeir@dv.is og toti@dv.is
Jóhannes er grunaður um
svokölluð „boiler-room“-svik
sem ganga út á mjög ágenga
og svikula símasölu.
Jóhannes B. Skúlason Var
handtekinn í Bretlandi, grunaður
um fjársvik, en hefur lýst yfir
sakleysi sínu.
Ári eftir brunann á Finnbogastöðum:
Strandabóndi alsæll í nýju húsi
„Reisugillið var haldið síðastliðið
haust og nú í vor flutti ég inn í húsið
þannig að það leið ekki nema eitt ár
frá því að gamla húsið brann þar til ég
var kominn í nýtt,“ sagði Guðmund-
ur Þorsteinsson bóndi að Finnboga-
stöðum í Trékyllisvík á Ströndum.
Þann 16. júní í fyrra ónýttist búð-
arhús Guðmundar í miklum elds-
voða þar sem hann tapaði öllum sín-
um persónulegu eigum og munum
sem fylgt höfðu fjölskyldu hans í ár-
hundruð. Hið nýja hús er afar snot-
urt, smíðað í Kanada með frönskum
áhrifum.
„Það kom aldrei til álita að bregða
búi og flytja brott. Hér hefur fjöl-
skyldan búið um aldir og mín von er
að svo verði áfram,“ segir Guðmund-
ur bjartsýnn.
Fólki hefur heldur fjölgað að und-
anförnu í sveitinni og búskapur er
nokkuð blómlegur. Guðmundur seg-
ir að þó býlum hafi fækkað sé enn
sami fjöldi fjár í sveitinni. Og krepp-
an kemur lítið við fólk á Ströndum.
„Búum hefur fækkað en þau sem
eftir eru hafa stækkað og eflst, fólk
hefur verið flytja hingað enda stend-
ur líf hér traustum fótum hvað sem
líður óáran í landsmálum, það er
eitthvað sem breytir litlu fyrir okkur.
Sprettan hefur verið góð og það er
kannski það sem skiptir mestu máli
fyrir okkur og því ekki neinu að kvíða
fyrir komandi vetur.“
GS
Bóndinn á Finnbogastöðum Guðmundur
Þorsteinsson við nýja íbúðarhúsið sitt sem
hann er nú fluttur í. Frönsk áhrif á bygging-
unni eru auðsæ. mynd gUðmUndUR SigURðSSon