Dagblaðið Vísir - DV - 14.08.2009, Side 44

44 föstudagur 14. ágúst 2009
Kveðjum stelpurnar EM-fararnir í íslenska kvennalandsliðinu í knattspyrnu
verða í sviðsljósinu á laugardaginn þegar þær mæta Serbíu í fyrsta leik undankeppni
heimsmeistaramótsins á Laugardalsvelli klukkan 14.00. Fær landinn þar tæki-
færi til að berja stelpurnar okkar augum í síðasta skiptið áður en þær halda á
vit ævintýranna í Finnlandi á Evrópumótinu. Síðast þegar þjóðirnar mætt-
ust valtaði íslenska landsliðið yfir það serbneska, 5-0, á Laugardalsvellinum
en á þeim leik var sett áhorfendamet. Við hvetjum alla til að fjölmenna og
kveðja stelpurnar með stæl.
UMSjón: tóMaS þór þórðarSon, tomas@dv.is
Þeir fótboltaunnendur sem sjá sér
ekki fært að fylgjast með íslenska
boltanum á sumrin eru nú hver af
öðrum að vakna úr sumarlöngum
dvala. Uppáhald allra landsmanna,
enska úrvalsdeildin eða hin deild-
in okkar hér heima, hefst á laugar-
daginn og er tíu leikjum að vanda
vel pakkað inn á tveimur dögum. DV
spáði fyrir um lokastöðu deildarinn-
ar í síðasta helgarblaði og heldur því
fram að Chelsea verði meistari.
Það er mikið af spurningamerkj-
um við upphaf deildarinnar eins
og svo oft áður. Hvað gera meistar-
ar Manchester United án Ronald-
os? Missti Liverpool of mikið með
Alonso? Er Carlo Ancelotti nægilega
góður þjálfari fyrir ensku úrvals-
deildina? Hvaða lið verður spútniklið
ársins? Ætlar Stoke í alvöru að halda
áfram að byggja leik sinn á löngum
innköstum? Fær Jói Kalli að spila? Og
ætlar Tottenham enn eina ferðina að
sjá til þess að stuðningsmenn verði
með tárin í augunum fram í maí?
Það eru níu langir mánuðir þar til
við fáum svör við öllu þessu en þang-
að til eru 380 leikir sem þarf að spila
og við þökkum pent fyrir að fá að
fylgjast með því.
Innrásin í efstu fjögur
DV spáði því í síðasta helgarblaði að
einokun þeirra fjóru stóru yrði rofin í
ár. Ríkisbubbarnir í Manchester City
koma með ógnvænlegt lið til leiks og
spáði DV því að það myndi skjóta sér
í fjórða sætið á meðan Arsenal dytti
niður í það fimmta. City hefur auð-
vitað verið afar duglegt á leikmanna-
markaðinum á meðan Arsene Weng-
er hefur ekkert gert hjá Arsenal nema
selja tvo sterka menn. Hvert? Jú til
Arsenal.
Þú kaupir ekki liðsanda segja
margir. Vissulega. Það er mikið
verk fyrir höndum hjá Mark Hug-
hes að púsla liðinu saman og það
tók hann nú nægilega langan tíma
í fyrra. Ef Chelsea er til dæmis bor-
ið saman við City varðandi peninga
plús árangur er einn augljós mun-
ur. Chelsea byggði sitt veldi á traust-
um undirstöðum. Fyrir í liðinu voru
heimsklassa landsliðsmenn og leið-
togar á borð við John Terry og Frank
Lampard. Þetta City-lið er þó afskap-
lega vel mannað og það einfaldlega
skal, já skal blanda sér í baráttuna.
Jói Kalli kominn aftur
Þrír Íslendingar leika í ensku úr-
valsdeildinni í ár. Því miður færri en
Norðmenn sem hafa aldrei skilið af
hverju Íslendingar eru svo oft fleiri
en þeir í þessari bestu deild heims.
Hermann Hreiðarsson ákvað að vera
áfram hjá Portsmouth sem DV spáði
fallbaráttu enda liðið misst afskap-
lega mikið og ekkert keypt þrátt fyr-
ir að milljarðamæringur hafi nýver-
ið keypt liðið. Grétar Rafn Steinsson
verður að vanda í hægri bakverð-
inum hjá Bolton sem DV spáði að
myndi enda rétt fyrir neðan miðju.
Kaup Bolton fyrir tímabilið virka
mjög skynsamleg og gæti Bolton átt
gott tímabil í ár.
Þriðji Íslendingurinn, Jóhann-
es Karl Guðjónsson, kom upp með
einu skemmtilegasta liði síðasta árs
á öllu Englandi. Burnley heillaði
marga með framgöngu sinni í báð-
um bikarkeppnum þar sem það náði
hreint ótrúlegum úrslitum. Þjálfar-
inn Owen Coyle virðist einstaklega
hæfur í að ná mönnum upp á tærnar
fyrir leiki og er fyrir löngu kominn í
guðatölu þar á bæ. Afar líklegt þykir
þó að okkar maður muni verma tré-
verkið eins og hann gerði svo mikið
í fyrra en Jói Kalli er baráttuhundur
og mun gefa sig allan í verkefnið þeg-
ar hann fær tækifærið. DV spáir þó
Burnley falli enda leikmannahópur-
inn engan veginn nógu góður fyrir
ensku úrvalsdeildina.
Evrópubaráttan
Eins og alltaf snýst allt fyrir neðan
efstu fjögur um að ná Evrópusæti.
Það er í raun það eina sem mörg lið
geta stefnt að enda á enginn séns í
stórliðin á toppnum. Í fyrra gerðist
loksins eitthvað óvænt þegar Fulham
krækti sér í Evrópusæti með vasklegri
framgöngu allt tímabilið þar sem
heimavöllur var þeirra virki. Baráttan
var þó mjög hörð og má búast við því
sama í ár. Everton og Aston Villa eru
alltaf líklegir kandídatar í þá baráttu
en ef City ætlar að blanda sér í bar-
áttu efstu fjögurra liðanna gefur auga
leið að þá fer hinum Evrópusætun-
um að fækka.
Lið eins og West Ham og Tott-
enham sem áttu lengi möguleika á
Evrópusæti í fyrra vilja eflaust gera
betur og svo er alltaf beðið eftir ein-
hverju liði sem spilar fram úr getu
eins og Fulham í fyrra. Það gæti vel
orðið Blackburn í ár með Stóra Sam
í brúnni, jafnvel Bolton þó afar tæpt
sé.
Eitt er þó allavega morgunljóst að
fram undan eru frábærir mánuðir af
frábærum fótbolta, frábærum mörk-
um og umdeildum atvikum. Liðin
ykkar hefja leik um helgina og er ekki
annað hægt en að lyfta glasi og bjóða
góða skemmtun.
Tímabilið 2009/2010 í ensku úrvalsdeildinni – deild allra landsmanna – hefst með pomp og prakt um helg-
ina. Nokkra áhugaverða leiki má finna og eru meðal annars stórleikir bæði laugardag og sunnudag. DV
mun fylgjast grannt með enska boltanum að vanda og hita upp fyrir hverja helgi með tippkeppni og fleiru
skemmtilegu.
Allt klárt á EnglAndi
TÓMAS ÞÓR ÞÓRÐARSON
blaðamaður skrifar: tomas@dv.is
Laugardagur 15. ágúst
11.45 Chelsea - Hull
14.00 Blackburn - Man. City
14.00 Aston Villa - Wigan
14.00 Bolton - Sunderland
14.00 Portsmouth - Fulham
14.00 Stoke - Burnley
14.00 Wolves - West Ham
16.30 Everton - Arsenal
Sunnudagur 16. ágúst
12.30 Man. Utd - Birmingham
15.00 Tottenham - Liverpool
lEikir hElgArinnAr
Klár í bátana Magnaði framherjinn
Fernando torres er aðeins ein af þeim
fjölmörgu ofurstjörnum fótboltans sem
fara af stað í ensku úrvalsdeildinni um
helgina. H&N-MyNd AFP