Dagblaðið Vísir - DV - 30.09.2009, Blaðsíða 4

4 miðvikudagur 30. september 2009 fréttir
„Kjaftasögur“
um vændiskonu
í World Class
„Ég er satt best að segja hissa á
þeim að setja þetta svona fram
þar sem þeir hafa ekkert fyrir
sér í þessu,“ segir Björn Leifs-
son, betur þekktur sem Bjössi
í World Class. Eyjan.is fullyrti
í frétt sinni að nuddkona í lík-
amsræktarstöðinni hefði verið
rekin eftir að upp komst að hún
væri að selja blíðu sína. „Þessi
stúlka var rekin fyrir að mæta
seint og illa. Þetta eru bara
hreinar kjaftasögur,“ segir Björn
Rændi jóla-
skrauti
Í vikunni sem leið handtók lög-
reglan á Akranesi mann sem
var að láta greipar sópa í ólæstri
geymslu þar í bæ. Var hann í
óðaönn að bera muni, aðallega
jólaskraut, úr geymslunni þegar
til hans sást. Fram kemur í dag-
bók lögreglunnar að maðurinn
hafði unnið talsverðar skemmd-
ir á geymslunni, rifið niður ljós
og utanáliggjandi raflagnir. Í ljós
kom að sami maður hafði einnig
farið inn í bifreið sem stóð þarna
nærri, skemmt hana talsvert og
stolið úr henni öllu lauslegu.
Nýjar hraða-
myndavélar
1. október næstkomandi verða
tvær hraðamyndavélar á Hring-
vegi milli Hveragerðis og Selfoss
teknar í notkun. Jafnframt hef-
ur verið bætt við nýrri hraða-
myndavél í Hvalfjarðargöng-
um sem verður gangsett á sama
tíma. Um er að ræða stafræna
myndatöku þar sem upplýsingar
um hraðabrot eru sendar sam-
stundis til lögreglunnar. Ekki er
tekin mynd nema um brot sé að
ræða.
Ákærður fyrir
kynferðisbrot
Ríkissaksóknari hefur gefið út
ákæru á hendur starfsmanni
meðferðarheimilisins Árbótar
á Norðurlandi en hann hafði í
tvígang verið sakaður um kyn-
ferðisbrot gegn unglingsstúlkum
á heimilinu. Starfsmanninum
hefur verið sagt upp störfum til
frambúðar. Meðferðarheimil-
ið er einkarekið en með þjón-
ustusamning við Barnavernd-
arstofu. Fyrra málið kom upp
árið 2007 og var fellt niður þar
sem rannsóknin leiddi ekki til
ákæru. Seinna málið kom upp
fyrr á þessu ári og var rannsak-
að af lögreglunni á Akureyri. Af
því tilefni var fyrra málið tekið
upp aftur. Rannsókn lauk í vor
og voru bæði málin þá send til
ríkissaksóknara sem nú hefur
ákært manninn fyrir brotin.
Sigmundur Ernir Rúnarsson hefur skráð lögheimili sitt hjá systur sinni á Akureyri.
Hann býr hins vegar ásamt fjölskyldu sinni í Grafarvoginum í Reykjavík. Öll fjölskylda
hans er nú skráð með lögheimili hjá systur Sigmundar fyrir norðan. Akureyrarbær
styrkir skólagöngu yngstu barnanna hans í Reykjavík.
Með lögheiMili í
KjallaRa systuR siNNaR
Sigmundur Ernir Rúnarsson, þing-
maður Samfylkingarinnar, er með
skráð lögheimili hjá systur sinni á
Akureyri samkvæmt þjóðskrá. Sig-
mundur býr samt sem áður ásamt
eiginkonu sinni og börnum í Hver-
afold í Grafarvoginum. Sigmund-
ur bauð sig fram, eins og frægt er
orðið, í Norðausturkjördæmi í síð-
ustu alþingiskosningum fyrir Sam-
fylkinguna eftir að hafa verið sagt
upp störfum hjá Stöð 2. Sigmund-
ur segist í samtali við DV vera kom-
inn með sína eigin íbúð á Akureyri.
Sigmundur er fæddur á Akureyri en
hefur búið á höfuðborgarsvæðinu í
fjölda ára vegna starfa sinna í fjöl-
miðlum.
Í kjallaranum hjá systur sinni
„Í fyrsta lagi til að taka þátt í kosn-
ingunum og í annan stað hef ég
ákveðið að vera eins mikið á svæð-
inu og ég get og taka á mig þann
kostnað að reka tvö heimili. En það
er enginn fjárhagslegur ávinningur
af þessu,“ segir Sigmundur aðspurð-
ur af hverju hann færði lögheimili
sitt norður.
„Ég er með íbúð á Akureyri. Ég
held heimili bæði í Reykjavík og á
Akureyri,“ segir Sigmundur Ernir
í samtali við DV. Aðspurður hvort
ekki sé rétt að hann sé í augnablik-
inu skráður með lögheimili hjá syst-
ur sinni á Akureyri segir Sigmundur
að hann eigi eftir að flytja það. „Ég
bjó fyrst um sinn í kjallaranum hjá
henni,“ bætir hann við.
Falinn launakostnaður
Í annari grein reglna um þingfara-
kostnað um húsnæðis- og dval-
arkostnað segir að alþingismaður
fyrir kjördæmi utan Reykjavíkur-
kjördæma og Suðvesturkjördæm-
is fái mánaðarlega greiddar 90.700
krónur í húsnæðis- og dvalarkostn-
að. DV hefur áður fjallað um þessi
starfskjör þingmanna. „Fjárhæðin er
ætluð til að standa undir húsnæðis-
og dvalarkostnaði (gistingu, fæði) á
höfuðborgarsvæði eða í kjördæm-
inu ef þingmaður á heimili á höf-
uðborgarsvæði,“ segir í reglunum.
Þessi upphæð leggst ofan á mánað-
arlaun þingmanna sem eru 520 þús-
und krónur. Haldi þingmaður, sem á
aðalheimili utan höfuðborgarsvæð-
is, annað heimili í Reykjavík getur
hann óskað eftir að fá greitt álag, 40
prósent, á fjárhæðina 90.700 krónur.
Þetta þýðir að óski þingmaður eftir
því fær hann 126.980 krónur mán-
aðarlega ofan á 520.000 króna mán-
aðarlaunin sín.
Sparar fyrir Alþingi
Sigmundur kveðst ekki græða neitt
á þessu fyrirkomulagi sínu fjár-
hagslega. „Ef ég geri þetta ekki hef
ég heimild til að vera á hóteli á Ak-
ureyri og þá kemur þetta út á eitt.
Það er búið að afnema hitt ruglið
að þingmenn græði eitthvað á því
að hafa lögheimili annars staðar. Ég
er bara að fara eftir reglum Alþing-
is hvað húsnæðismál varðar. Ann-
aðhvort að fá 40 þúsund króna styrk
við að halda tvö heimili, eða fara á
hótel þar sem nóttin kostar tuttugu
þúsund krónur,“ segir Sigmund-
ur sem kveðst vera í það minnsta
sjö daga í mánuði á Akureyri. „Það
er einfaldlega ódýrara fyrir Alþingi
að ég sé með eigin íbúð á Akureyri.
Annars gæti ég bara verið á hóteli út
í hið óendanlega nánast,“ segir Sig-
mundur og bætir við: „Ef eitthvað er
þá er ég að spara fyrir Alþingi,“ segir
Sigmundur.
Styrkur frá Akureyri
Sigmundur segir aðspurður að hann
þiggi styrk frá Akureyrarbæ vegna
skólagöngu barna sinna í Reykja-
vík. Um er að ræða samkomulag
sem sveitarfélög hafa gert sín á milli
um að greiða námskostnað fyrir
börn sem eru í skóla utan lögheim-
ilissveitarfélags. „Ég fæ styrk. Mín
meginvinnuaðstaða er náttúrlega í
Reykjavík og Akureyrarbær borgar
fyrir tvö yngstu börnin mín leikskóla
og grunnskóla,“ segir Sigmundur.
Aðspurður hvort hann telji rétt að
hann fái styrk frá Akureyrarbæ fyrir
skólagöngu barna sinna í Reykjavík,
þegar fjölskyldan búi í raun þar, seg-
ir Sigmundur að hann geti vel flutt
lögheimili sitt suður aftur á morgun
ef því er að skipta og ítrekar: „Það
er enginn fjárhagslegur ávinningur
af þessu. Það er aðalatriðið í þessu
finnst mér. Akureyrarbær græð-
ir á því að ég borga mína skatta og
skyldur norður.“
SiguRðuR MikAEl jónSSon
blaðamaður skrifar: mikael@dv.is
„Ef ég geri þetta ekki hef
ég heimild til að vera á
hóteli á Akureyri og þá
kemur þetta út á eitt“
Sigmundur og frú Þau eru nú bæði skráð til heimilis á heimili systur Sigmundar
Ernis á Akureyri þrátt fyrir að vera bæði búsett í Grafarvogi.
lögheimili í kjallara
Sigmundur Ernir er með
skráð lögheimili hjá
systur sinni á Akureyri.
Helgi Felixson boðar nýjar upplýsingar í heimildarmynd um hrunið:
Leyniupptökur af Jóni Ásgeiri
„Það verður allt í myndinni eins og til er
ætlast,“ segir Helgi Felixson kvikmynd-
argerðarmaður aðspurður hvort viðtal
við Jón Ásgeir Jóhannesson verði klippt
úr heimildarmynd hans Guð blessi Ís-
land. Helgi sagði Jón Ásgeir hafa krafist
þess að efni sem var tekið upp leyni-
lega fyrir myndina yrði fjarlægt. Þetta
kom fram í Ríkissjónvarpinu.
Helgi segir Jón Ásgeir ekki vera bú-
inn að hóta lögfræðingi í málið og við-
talið verði sýnt. „Það er ekkert við það
að athuga af minni hálfu. Ekki nema
menn séu hræddir við sannleikann,“
segir Helgi Felixson. Hann segir upp-
lýsingar, sem ekki hafa áður komið
fram um bankahrunið, verða birtar í
myndinni.
Í heimildarmyndinni verða einn-
ig viðtöl við Björgólf Thor Björgólfs-
son, Bjarna Ármannsson og Geir H.
Haarde. Helgi segir hluta myndarinn-
ar hafa verið tekinn upp leynilega fyrir
og eftir að viðtölin áttu sér stað. Helgi
gerði samninga við viðmælendur sína
um að þeir fengju að sjá hvernig við-
tölin væru matreidd í myndinni.
Helgi er Íslendingur búsettur í
Svíþjóð og talinn virtur kvikmynda-
gerðarmaður erlendis. Hann var fyrir
tilviljun staddur á Íslandi 6. október
þegar Geir H. Haarde hélt sína frægu
ræðu rétt fyrir setningu neyðarlag-
anna.
Helgi Felixson brást við ræðu
Geirs H. Haarde með því að taka upp
kvikmyndavélina og mynda það sem
fyrir augu bar og afraksturinn má sjá
í myndinni sem verður frumsýnd 6.
október næstkomandi á Íslandi og
verður í kjölfarið sýnd víða um heim.
birgir@dv.is
Sagður biðjast undan birtingu Jón Ásgeir
Jóhannesson er einn þeirra sem voru teknir
upp á laun við vinnslu myndarinnar.