Dagblaðið Vísir - DV - 04.12.2009, Blaðsíða 12

12 föstudagur 4. desember 2009 fréttir
Undarlega umferðarslysið sem Tiger Woods lenti í á dögunum hefur leitt til uppljóstrana
um einkamál golfmeistarans sem áður voru á huldu. Tiger hefur verið orðaður við
þrjár konur og á hljóðupptöku virðist sem hann biðji eina þeirra um að halda sam-
bandi þeirra leyndu. Málið setur þrýsting á hjónaband Tigers en er ekki talið hafa
áhrif á feril hans og auglýsingasamninga.
Þess var skammt að bíða að kjafta-
sögur fengju vængi og altalað varð
að slysið hefði gerst í kjölfar rifrild-
is hjónanna vegna framhjáhalds
Woods og fóru fjölmiðlar mikinn í
ásökunum á hendur honum. Það átti
eftir að koma á daginn að Gróa á Leiti
fór nokkuð nærri sannleikanum.
Orðsendingu á vefsíðu Woods
má túlka sem hvort tveggja í senn,
syndajátningu og ávítur í garð fjöl-
miðla fyrir að hafa flett ofan af hon-
um. „Ég er ekki gallalaus og langt
í frá fullkominn. Ég tek á hegðun
minni og persónulegum mistök-
um á bak við luktar dyr ásamt fjöl-
skyldu minni. Þær tilfinningar sem
því fylgja ættu að vera okkar einka-
mál,“ segir Woods á vefsíðunni.
Eflaust má til sanns vegar færa að
málið er í heild sinni einkamál Tig-
ers og Elinar, en athyglin sem það
hefur hlotið sýnir svo ekki verður
um villst að ekki eru allir sammála
orðum Woods á vefsíðunni.
Konur í röðum
Ein þeirra kvenna sem Tiger Woods
hefur verið orðaður við er þjónustu-
stúlkan Jaimee Grubbs sem fullyrð-
ir að hún hafi átt í ástarsambandi
við Woods í tvö og hálft ár. Tíma-
ritið Us Weekly setti á vefinn upp-
töku þar sem Woods er sagður tala.
Á upptökunni heyrist hann biðja
Jaimee Grubbs að hjálpa honum
að hylja slóð sína með því að eyða
nafni hennar af símsvara hennar.
„Konan mín skoðaði símann minn
og, öh, gæti hringt í þig. Þannig að
ef þú getur, eyddu þá nafninu þínu
úr símanum [...] Þú verður að gera
þetta fyrir mig [...] Fljótt. Bless,“ seg-
ir á upptökunni.
En fleiri konur hafa verið nefnd-
ar til sögunnar og sú fyrsta sem naut
þess vafasama heiðurs er �a�hel
U�hitel, móttökudama í nætur-
klúbbi í New York. Þriðja konan
inni í myndinni er Kalika Moqu-
in, framkvæmdastjóri klúbbs í Las
Vegas.
Seint í rassinn gripið
Spurningin sem hangir yfir hausa-
mótunum á Tiger Woods þessa
dagana er hvort opinber iðrun
hans og afsökun dugi til að slá á
fjölmiðlafárið og geri honum kleift
að laga það sem aflaga hefur farið í
hjónabandi hans. Þess utan er ekki
vert að gleyma þeim hagsmunum
sem tengjast nafni hans sem vöru-
merkis, því verulega hefur fallið á
ímyndina.
Mistökin sem Woods gerði voru
að neita ásökununum í upphafi.
Honum til vorkunnar má segja að
hann er ekki einn um að hafa fallið
í þá gryfju í gegnum tíðina.
Howard nokkur �ubenstein,
sem ku vera lærimeistari sérfræð-
inga í almannatengslum þegar
skórinn kreppir sagði í viðtali við
Guardian að yfirlýsing Woods hefði
verið „aðeins of seint á ferðinni“, en
verið það rétta í stöðunni. Að mati
�ubensteins hefði afsökunarbeiðn-
in verulega slegið á fárið hefði hún
verið gefin út innan tveggja sólar-
hringa frá bílslysinu. �ubenstein
telur að hvað sem afsökunarbeiðn-
inni líður hafi ímynd Tigers Woods
sem hins fullkomna eiginmanns og
fjölskylduföður beðið varanlegan
hnekki.
Standa með stráknum
�ubenstein er þó þeirrar skoðun-
ar að þetta mál verði Tiger Woods
fjötur um fót utan heimilisins:
„Þetta kann að skipta eiginkonu
hans máli, en flestir eru orðnir van-
ir hugmyndinni um
framhjáhald. Við lif-
um ekki á Viktoríu-
tímabilinu.“
Fyrstu viðbrögð
þeirra fyrirtækja sem
njóta ímyndar hans renna
stoðum undir skoðun �u-
bensteins. Tiger Woods er
einn af markaðsvænustu
íþróttamönnum heims og Nike
Golf, Gillette og Gatorade eru á
meðal þeirra fyrirtækja sem Woods
auglýsir fyrir.
Nú þegar hafa þó nokkur fyrir-
tæki gefið til kynna að þau hyggist
styðja við strákinn og sérfræðing-
ar í markaðssetningu á íþróttum
vænta þess að auglýsingagildi Tig-
ers Woods bíði ekki tjón vegna feil-
spora hans.
Kolbeinn þorSTeinSSon
blaðamaður skrifar: kolbeinn@dv.is
Gróa á Leiti
fer á stjá
„Konan mín skoð-
aði símann
minn og, öh,
gæti hringt í
þig. Þannig
að ef þú get-
ur, eyddu
þá nafninu
þínu úr sím-
anum [...] Þú
verður að
gera þetta
fyrir mig
[...] Fljótt.
Bless.“
Frægir gjálíFiSSeggir
bill Clinton,
fyrrverandi forseti
Bandaríkjanna,
neitaði af lífi og sál að
hafa átt í sambandi
við lærlinginn Monicu
Lewinsky, en neyddist
á endanum til að játa
sök sína og biðjast
afsökunar í sjónvarpi.
„Ég blekkti fólk, þess á meðal eiginkonu
mína,“ sagði Clinton. „Ég átti í óviðeig-
andi sambandi við ungfrú Lewinsky.“
Nýlega neyddist þáttarstjórnandinn
David Letterman til að viðurkenna
breyskleika sinn og gerði það í þætti
sínum Late Show.
Letterman hafði
fallið fyrir freistingum
holdsins og haldið
fram hjá eiginkonu
sinni með konum
sem unnu við
þátt hans. Játning
Lettermans kom
til vegna tilraunar til að kúga fé af
honum og fannst honum vænlegra að
viðurkenna sök sína en að reiða af hendi
tvær milljónir bandaríkjadala.
„Það óhugnanlega var að ég stundaði
kynlíf með starfskonum þáttar míns,“
sagði Letterman meðal annars.
Breski þingmaðurinn
og frjálslyndi
demókratinn Mark
Oaten, kvæntur
tveggja barna
faðir, viðurkenndi
árið 2006 að
hafa átt í eins
árs sambandi
við „leigudreng“. Hann baðst
fyrirgefningar vegna þess sem
hann sagði vera „dómgreindar-
skort“ í hegðun, en skellti síðar
skuldinni á gráa fiðringinn og
að skallamyndun sem hann
glímdi við hefði að hluta til verið
ástæða ótryggðar hans.
gríðarleg athygli
Athygli fjölmiðla
hefur beinst að meintu
framhjáhaldi Tigers.
erfiðir dagar fyrir
Tiger Mikið hefur reynt
á golfmeistarann
Tiger Woods
síðustu daga.