Dagblaðið Vísir - DV - 04.12.2009, Blaðsíða 50

NíðiNgum heNt út Eftir tilkomu nýrra laga sem þegar hafa verið
staðfest í 25 af fylkjum Bandaríkjanna eiga samskiptasíðurnar Facebook og
MySpace auðveldara með henda út notendum sem fundnir hafa verið sekir
um kynferðislega misnotkun í hvaða formi sem er. Dæmdum kynferðisaf-
brotamönnum er nú skylt að gefa upp öll netföng sem þeir nota við stjórn-
völd og samskiptasíðurnar geta nú borið saman þær skrár við gagnagrunna
sína. Í New York-fylki einu hefur um 3.500 skráðum kynferðisafbrotamönnum
verið hent út af síðunum á síðustu mánuðum eftir tilkomu laganna.
DaguriNN eftir
morguNDagiNN
Bandaríska kvikmyndin The Day
After Tomorrow frá 2004 fjallaði um
þegar ísöld lagðist yfir nánast alla
heimsbyggðina á fáeinum vikum.
Þrátt fyrir að handrit kvikmyndar-
innar hafi ekki verið byggt á neinum
vísindalegum staðreyndum er nú
leitt að því líkum að slíkur atburður
hafi einmitt átt sér stað fyrir
tæplega þrettán þúsund árum. Talið
er að skyndileg útrás gífurlegs
magns jökulvatns út í norðanvert
Atlantshafið hafi breytt farvegi
hlýrra hafstrauma og orsakað ísöld á
aðeins einu til tveimur árum um
álfuna. Ísöldin varði í heil 1300 ár.
risastjarNa
spriNgur
Stjörnufræðingar hafa fylgst með
sprengistjörnu (supernova)
síðastliðin tvö ár sem slær öllum fyrri
uppgötvunum við. Sprengistjörnur
verða alla jafnan jafnbjartar og heil
stjörnuþoka en birtan fjarar smátt
og smátt út eftir því sem lengra líður
frá sprengingunni. Stjarnan sem um
ræðir var hins vegar á milli fimmtíu
til hundrað sinnum bjartari en
hefðbundin sprengistjarna og gátu
vísindamenn fylgst með henni í tvö
ár úr sjónaukum sínum. Þessi
uppgötvun rennir stoðum undir
kenningar um risastjörnur en
vísindamenn telja að þessi stjarna
hafi haft massa sem er tvö hundruð
sinnum meiri en sólin okkar hefur.
UMSjóN: páll SvANSSoN, palli@dv.is
Stærsta orkufyrirtæki Danmerk-
ur, Dong Energy, hefur gert samn-
ing við bandarískt fyrirtæki um að
byggja upp grunnkerfi hleðslu-
stöðva fyrir rafbíla í Danmörku.
Samgönguráðherra Dana, Lars
Barfoed, hefur lýst yfir eindregn-
um vilja dönsku ríkisstjórnarinn-
ar að landið verði á næstu árum og
áratugum, tilraunasvæði fyrir raf-
bíla, vetnisbíla og hverskonar nýja
tækni sem dragi úr mengun loft-
hjúpsins og minnki gróðurhúsa-
áhrif. Ríkisstjórnin hefur þegar
gefið loforð um allt að fimm millj-
óna króna niðurfellingu skatta af
hverjum nýjum rafbíl og að eig-
endur þeirra geti lagt farartækjum
sínum í bílastæði endurgjaldslaust
í miðborg Kaupmannahafnar.
Loftslagsráðstefna
Þann sjöunda til átjánda desem-
ber næstkomandi verður haldin
alþjóðleg ráðstefna í Kaupmanna-
höfn um loftslagsbreytingar og
munu Danir kynna þar fyrir öðrum
þjóðum þessa metnaðarfullu áætl-
un sína sem miðar að því að draga
úr notkun jarðeldsneytis sem aðal-
orkugjafa fyrir bifreiðar. Áætlunin
gerir ráð fyrir að strax á næsta ári
verði komnar um hundrað þúsund
hleðslustöðvar og nokkur þúsund
rafbílar á götur Danmerkur. Í kjöl-
farið koma síðan sérstakir rafbíl-
ar á markað árið 2011 og munu
dönsk bæjarfélög verða í farar-
broddi að skipta út bílaflotum sín-
um fyrir hin nýju farartæki.
Mun ódýrari kostur
Dönsk stjórnvöld vonast til þess að
niðurfelling skatta á rafbíla leiði til
þess að almenningur muni í aukn-
um mæli íhuga rafbíl sem vænlegri
kost en hefðbundinn bíl sem knúinn
er áfram af bensíni. Það er kannski
ekki að undra því að sérstakur 200
prósenta skattur er lagður á hverja
nýja bifreið sem flutt er inn til lands-
ins í dag. Til viðmiðunar kostar bíll,
sem fæst á tæpar tvær og hálfa millj-
ón króna í Bandaríkjunum, um sjö
milljónir og þrjú hundruð þúsund
krónur í Danmörku.
Aðeins einn bílaframleiðandi,
Renault Nissan, hefur eins og er
ákveðið að leggja frændum okk-
ar Dönum lið og hefja framleiðslu
rafbíla sem uppfylli þau skilyrði
sem áætlunin gerir ráð fyrir. Þeir
bílar koma á markað árið 2011
en vonast er til að aðrir framleið-
endur taki við sér innan tíðar. Það
hefur þó vakið áhyggjur Dana að
forsvarsmenn eins stærsta bíla-
framleiðanda heims, Toyota, sem
er leiðandi í framleiðslu svokall-
aðra tvinnbíla (hybrid cars) segj-
ast ekki sjá viðskiptalegan ávinn-
ing af því að hefja framleiðslu bíla
fyrir áætlunina.
Vindorkustöðvar
og vatnsaflsvirkjanir
Dong Energy fyrirhugar að nýta vind-
orku til að knýja grunnkerfi hleðslu-
stöðvanna en nú þegar er um tuttugu
prósentum af orkuþörf Danmerkur
mætt með raforku sem fæst með sér-
stökum vindorkustöðvum. Fyrir um
áratug var orkuframleiðsla stærstu
myllnanna um það bil eitt megawatt
en nú framleiða stærstu myllurnar
um fimm megawött. Framleiðslu-
kostnaður slíkrar orku er hinsveg-
ar mun hærri en þekkist hér á landi
með vatnsaflsvirkjunum og greið-
ir danska ríkið með orkunni til að
draga úr notkun jarðeldsneytis. Það
er því áhugavert fyrir okkur Íslend-
inga að fylgjast náið með þessari til-
raun Dana og skoða þá hagkvæmni
sem fylgdi því að byggja upp álíka
kerfi hér á landi. palli@dv.is
50 föstuDagur 4. desember 2009 helgarblað
KOMIÐ ÚT
Danir kynna metnaðarfulla áætlun sína um innleiðingu rafbíla þegar fulltrúar 192 þjóða
koma saman á loftslagsráðstefnu Sameinuðu þjóðanna í Kaupmannahöfn í næstu viku.
rafvæðiNg
bílaflotaNs
Nissan EV Versa versa rafbíllinn kemur á markað í Bandaríkjunum og japan á næsta
ári og líklegt að sá bíll sem kemur á markað í Danmörku 2011 verði byggður á
honum.
Samgönguráðherra Dana, lars
Barfoed, vill að landið verði tilraunasvæði
fyrir rafbíla, vetnisbíla og hverskonar nýja
tækni sem dragi úr mengun lofthjúpsins
og minnki gróðurhúsaáhrif.