Dagblaðið Vísir - DV - 08.01.2010, Qupperneq 40

40 FÖSTUDAGUR 8. janúar 2010
NAFN OG ALDUR?
„Sævar Sigurgeirsson, 40 ára.“
ATVINNA?
„Texta- og hugmyndasmiður hjá Pipar TBWA, hand-
ritshöfundur og Ljótur hálfviti í hjáverkum.“
HJÚSKAPARSTAÐA?
„Afskaplega vel giftur.“
FJÖLDI BARNA?
„Þrjú.“
HVAÐA TÓNLEIKA FÓRST ÞÚ Á SÍÐAST?
„Hið dásamlega en vel geymda leyndarmál Ármanns,
vinar míns, og Söru Blandon, Band on stage á Café
Rosenberg.“
HEFUR ÞÚ KOMIST Í KAST VIÐ LÖGIN?
„Ja… hvað kallarðu kast? Ég var mjög kurteis!“
HVER ER UPPÁHALDSFLÍKIN ÞÍN OG AF HVERJU?
„Má segja tvennt? Það eru nefnilega hlýir og notalegir
innisokkaskór hvor upp á sína löppina, þar sem ég er
fótkaldur með afbrigðum.“
HEFUR ÞÚ TEKIÐ ÞÁTT Í SKIPULÖGÐUM MÓTMÆLUM?
„Nei. Ég er svo jákvæður að eðlisfari. Eða bara svona
mikil undirlægja og aumingi. Annað hvort.“
TRÚIR ÞÚ Á FRAMHALDSLÍF?
„Ef það hentar. Ég er ekki viss um að framhaldslíf sé
góð hugmynd fyrir alla sko.“
HVAÐA LAG SKAMMAST ÞÚ ÞÍN MEST FYRIR AÐ HAFA
HALDIÐ UPP Á?
„Ætli það sé ekki Susanna með Art Company sem
tröllreið öllu þegar ég var svona 14–15 ára. Ég leyfi
mér að efast um framhaldslíf útvarpstækisins ef ég
myndi heyra lagið í dag.“
HVAÐA LAG KVEIKIR Í ÞÉR?
„Held stundum að það vanti í mig kveikjuþráðinn
þegar kemur að tónlist. En ef blandaður kór myndi
birtast við rúmgaflinn hjá mér og syngja Land míns
föður fjórraddað, þá get ég fullyrt að ég myndi fara að
hágrenja.“
TIL HVERS HLAKKAR ÞÚ NÚNA?
„Kvöldsins. Og bara framtíðar. Það er tilgangslaust að
hlakka til fortíðarinnar. Hún verður ekkert spes.“
AFREK VIKUNNAR?
„Ég mætti á réttum tíma í vinnuna á miðvikudaginn.“
HEFUR ÞÚ LÁTIÐ SPÁ FYRIR ÞÉR?
„Nei. En ég er að spá í það.“
SPILAR ÞÚ Á HLJÓÐFÆRI?
„Það er mjög á mörkunum. Hef samið nokkur lög á
gítar en spila lítið. Er skástur á það sem við í Hálfvit-
unum köllum sprekán, sem er tilfallandi tréverk og
hristur ýmiss konar.“
VILTU AÐ ÍSLAND GANGI Í EVRÓPUSAMBANDIÐ?
„Alveg eins. Því ekki? Samt soldið efins líka. Og þó.
Ef það er almenn stemning fyrir því, þá er ég svo sem
alveg til.“
HVAÐ ER MIKILVÆGAST Í LÍFINU?
„Heiðarleiki. Nei annars, ég er að ljúga. Jú, ég ætla að
segja það.“
HVAÐA ÍSLENSKA RÁÐAMANN MUNDIR ÞÚ VILJA
HELLA FULLAN OG FARA Á TRÚNÓ MEÐ?
„Mér leiðist fullt fólk á trúnó jafnvel meira en pólitík,
svo þetta er snúin spurning. En það væri óneitanlega
áskorun að koma víni ofan í forsetann og fá hann til
að opna sig um aðdragandann að synjuninni.“
HVAÐA FRÆGA EINSTAKLING MYNDIR ÞÚ HELST VILJA
HITTA OG AF HVERJU?
„Sigmund Erni. Bara til að þakka honum fyrir inn-
blásturinn og lánið á karakternum.“
NÝLEGT PRAKKARASTRIK?
„Áramótaskaupið. Held ég hafi aldrei hrekkt eins
marga í einu.“
HVAÐA FRÆGA EINSTAKLING LÍKIST ÞÚ MEST?
„Nicole Kidman. Nei, hva… ekki hugmynd. Aldrei
spáð í það. En eðlilega talar fólk um Sigmund Erni
núna og sonur minn vill meina að ég sé sláandi líkur
hollenska markverðinum Edwin Van der Sar.“
ERTU MEÐ EINHVERJA LEYNDA HÆFILEIKA?
„Alveg fullt af þeim. Ég er til dæmis mjög fljótur að
gleyma. Svo kann ég… bíddu hver var aftur spurning-
in? Jú, ég get hreyft annað eyrað í einu.“
Á AÐ LEYFA ÖNNUR VÍMUEFNI EN ÁFENGI?
„Ómögulega takk. Og þá meina ég nei, ómögulega.“
HVAÐ ER ÞAÐ SÍÐASTA SEM ÞÚ GERIR ÁÐUR EN ÞÚ
FERÐ AÐ SOFA?
„Tek niður gleraugun og slekk veggljósið.“
HVER ER LEIÐ ÍSLANDS ÚT ÚR KREPPUNNI?
„Vonandi upp.“
Sævar Sigurgeirsson er fjölhæfur maður. Hann er áhugaleik-
ari, auglýsingasmiður, leikskáld og meðlimur í Ljótu hálfvit-
unum. Sævar vakti mikla athygli í síðasta Áramótaskaupi
þegar hann brá sér í gervi Sigmundar Ernis Rúnarssonar.
LANGAR AÐ HITTA
SIGMUND ERNI
Betulic birkilaufstöflurnar innihalda 98% birkilaufsduft
og eru framleiddar af natni með aðferð sem varðveitir
upprunalega eiginleika birkilaufs sem allra best.
Það er mikil og gömul hefð fyrir því að nota birkilauf sem
fæðubótarefni til að hraða efnaskiptum og losa vatn úr
líkamanum, draga úr bólgum og afeitra líkamann (detox).
Birkilauf hefur góð áhrif á bæði vökvajafnvægi líkamans og húð,
auk þess sem það örvar starfsemi nýrna og þvagfæra.
Ráðlagður dagskammtur 2 til 4 töflur er samsvarar 980 - 1960 mg. af
birkilaufi. Betulic inniheldur hvorki laktósa, glúten, sætuefni né ger.
BETULIC - BIRKILAUF
www.birkiaska.is
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf
Umbo›s- og sölua›ili
Birkiaska ehf.
sími: 551 9239
www.birkiaska.is
Vali› fæ›ubótarefni ársins 2002 í Finnlandi
Minnistöflur
NICOLAI
Véla- og hjólastillingar
Tímareimar - Viðgerðir
BIFREIÐASTILLINGAR
Faxafeni 12 Sími 588-2455
OXYTARM
Endurnærir og hreinsar ristilinn
Allir dásama OXYTARM
Í boði eru 60-150 töflu skammtar
30days&
Betri apótekin og Maður lifandi www.sologheilsa.is.
Losnið við hættulega kviðfitu og
komið maganum í lag með því að
nota náttúrulyfin Oxytarm og
30 days saman -120 töflu skammtur -
DETOX