Dagblaðið Vísir - DV - 03.02.2010, Blaðsíða 11

FRÉTTIR 3. febrúar 2010 MIÐVIKUDAGUR 11
MILLJARÐAR Í MÍNUS
Í HULDUFÉLAGI
fjórða hundrað þúsund krónur, í árs-
reikningnum.
Stefán Hilmar Hilmarsson, þáver-
andi fjármálastjóri Baugs, og lögmað-
urinn Þórður Bogason eru skráðir sem
stjórnarmenn í Sólinni skín samkvæmt
ársreikningnum.
Fons dró sig út að sögn Pálma
Pálmi Haraldsson, fyrrverandi eig-
andi Fons, sem aftur átti í Sólinni skín,
segir að Fons hafi dregið sig út úr Sól-
inni skín skömmu eftir að félagið var
stofnað. Þegar Pálma er sagt að kröfur í
þrotabú félagsins nemi nú þegar á ann-
an tug milljarða króna segir hann: „Ha?
Það er ekki á okkar vegum. Við vorum
ekki í þessu félagi. Við vorum þátttak-
endur í þessu félagi í upphafi en dróg-
um okkur út úr því strax,“ segir Pálmi.
Pálmi segir að upphaflegi tilgangur
félagsins hafi verið að kaupa hlutabréf
í Marks & Spencer. „Þegar ekkert varð
af því drógum við okkur út úr þessu fé-
lagi,“ segir Pálmi. Hann segist ekki vita
hvað Sólin skín gerði eftir að Fons dró
sig út úr félaginu og getur hann því ekki
svarað hvort félagið hafi fjárfest í af-
leiðusamningum, líkt og heimildir DV
herma.
DV hefur ekki náð tali af Stefáni
Hilmari Hilmarssyni til að spyrja hann
út í Sólina skín þrátt fyrir ítrekaðar til-
raunir.
„Þetta er ekki heimili,“ segir Þór-
dís Ólafsdóttir, íbúi á Reykjavíkur-
vegi 50 í Hafnarfirði. Hún er ósátt
við forsvarsmenn verslunar Krón-
unnar á fyrstu hæð hússins og segir
Hafnarfjarðarbæ hafi brugðist íbú-
um hússins. Íbúð Þórdísar liggur
yfir lager verslunarinnar og gámar
standa fyrir utan glugga íbúðarinnar.
„Þeir sem reka Krónuna hafa rústað
heimilinu. Ég get ekki selt íbúðina
mína, hver heldurðu að vilji kaupa
þessa íbúð? Ég er komin með líkam-
leg streitueinkenni af því að búa hér
á staðnum, sem á að heita heimilið
mitt,“ segir Þórdís.
Stórir flutningabílar
daglegt brauð
Þórdís er hætt að vinna og er því
mikið heima á daginn. Hún seg-
ist hafa þurft að flýja íbúðina heilu
dagana vegna ónæðisins sem fylgir
nábýlinu við Krónuna. „Ég er með
hávaðasaman pressugám undir
svefnherbergisglugganum og rusla-
gámana undir stofuglugganum.
Reglulega eru þessir gámar tæmd-
ir með tilheyrandi hávaðamengun.
Svona er leikurinn, frá átta á morgn-
ana fram til fimm á daginn.“
„Ég er með lager undir allri íbúð-
inni. Það er kannski allt í lagi með
það. En birgjarnir, stóru flutninga-
bílarnir sem koma að lagernum,
valda gífurlegu ónæði. Það er líkt og
ég búi í umferðarmiðstöð fyrir stóra
flutningabíla,“ segir Þórdís.
Ræddi við bæjarstjórann
Þórdís Ólafsdóttir hefur bæði rætt
við forsvarsmenn Krónunnar og yf-
irvöld í Hafnarfirði. Hún segist hafa
talað við Lúðvík Geirsson bæjar-
stjóra og að hann hafi tekið und-
ir kvartanir hennar. „Skipulagsráð
Hafnarfjarðar, heilbrigðiseftirlitið
og bæjarstjórinn sjálfur hafa sagt að
Krónumenn gangi algjörlega yfir
okkur hér og brjóti lög. Þar á bæ
draga menn samt lappirnar vegna
verslunarinnar. Forráðamenn versl-
unarinnar byggðu svo stórt og mikið
anddyri án þess að fá leyfi okkar íbú-
anna fyrir því.“
Bílaplanið stórskemmt
Að mati Þórdísar hefur ónæðið af
völdum Krónunnar verið æði marg-
þætt. Hún segir að íbúabyggð og
verslunarrekstur geti vel farið sam-
an. „Þegar ég keypti íbúðina vissi
ég af versluninni. En ég vissi ekki
að hún myndi ganga svona yfir íbú-
ana. Þetta háttalag hefur dregið úr
verðgildi fasteignanna hérna í hús-
inu. Húsið er sameign. Verslunar-
rekendur verða að sækja leyfi til íbú-
anna. Þeir eru búnir að merkja húsið
Krónunni í bak og fyrir og alla íbú-
ana með.“
Þórdís segir gífurlega mikla um-
ferð fylgja Krónunni. „Ég líki fyrstu
dögum verslunarinnar hér við árás.
Kúnnarnir komu hingað kolóðir,
keyrðu yfir allt á bílunum og beygl-
uðu jafnvel bíla íbúanna í húsinu.
Það er búið að stórskemma bíla-
planið hérna.“
Unnið að lausn málsins
Benedikt Ingi Tómasson, verkefna-
stjóri hjá Smáragarði, eigendum
verslunarhúsnæðisins, segir að allt
kapp sé lagt á að koma til móts við
íbúana á Reykjavíkurvegi 50. Fyr-
irtækið hafi í samstarfi við Hafnar-
fjarðarbæ reynt að finna gámum
nýjan stað. „Við getum ekki fært
gáminn án samráðs við bæjaryfir-
völd og alla íbúa í húsinu og það mál
er nú í afgreiðsluferli.“
Benedikt segist margoft hafa
komið á húsfundi á Reykjavíkur-
vegi og lýst yfir miklum vilja til að
leysa þessi mál. „Þetta er allt sam-
an í vinnslu núna. Við höfum unnið
í góðu samráði við stjórn húsfélags-
ins og höfum ekki áhuga á að standa
í illdeilum við íbúana. Þetta er alltaf
tvíþætt, annars vegar vinnum við í
samráði við íbúana í húsinu og hins
vegar við bæjaryfirvöld. Þetta hef ég
útskýrt fyrir íbúum hússins á hús-
fundi og því tóku allir vel.“
Flestir ánægðir með anddyrið
Benedikt segir að Smáragarður hafi
séð um að gera við bílaplanið í þágu
íbúanna og reynt að leysa öll mál
eins vel og hægt er.
Hann viðurkennir að fyrirtæk-
ið hafi gert mistök þegar nýja and-
dyrið í versluninni var byggt. Á móti
komi að íbúarnir hafi síðar nær allir
lýst ánægju með nýja anddyrið sem
vísi í átt frá þeim. „Okkur láðist að fá
samþykki húsfélagsins fyrir því. En
við vorum hins vegar með bygging-
arleyfi frá Hafnarfjarðarbæ.“
Þórdís Ólafsdóttir, íbúi á Reykjavíkurvegi í Hafnarfirði, er ósátt við umgengni í
kringum verslun Krónunnar á fyrstu hæð hússins. Hún segir verslunina hafa eyði-
lagt fyrir sér heimilisfriðinn og telur Hafnarfjarðarbæ hafa brugðist íbúum.
EINS OG AÐ BÚA Á
UMFERÐARMIÐSTÖÐ
HELGI HRAFN GUÐMUNDSSON
blaðamaður skrifar: helgihrafn@dv.is
Kúnnarnir komu hingað kolóðir,
keyrðu yfir allt á bílun-
um og beygluðu jafnvel
bíla íbúanna í húsinu.
Vandasamt mál Þórdís Ólafsdóttir
er ósátt við ágengni Krónunnar, anda-
varaleysi húsfélagsins og aðgerðarleysi
bæjaryfirvalda. MYND KRISTINN MAGNÚSSON
Gámurinn blasir við Stór gámur
stendur beint fyrir utan einn glugga og
vörumóttakan er undir öðrum á heimili
Þórdísar. MYND KRISTINN MAGNÚSSON
Skærgul eyrnamerking Krónunnar Þórdís segir rekstraraðila Krónunnar hafa
gengið alltof langt í merkingum verslunarinnar. Guli liturinn eyrnamerki íbúana
sem sé táknrænt fyrir yfirganginn. MYND KRISTINN MAGNÚSSON
Réðst á mann
með sverði
Karlmaður á þrítugsaldri lagði með
sverði til manns á svipuðum aldri í
heimahúsi á höfuðborgarsvæðinu
um helgina. Sá sem fyrir því varð var
fluttur á slysadeild en sauma þurfti
allnokkur spor í höfuð hans. Árásar-
maðurinn var handtekinn en ekki er
vitað hvað honum gekk til. Menn-
irnir höfuð setið að sumbli þegar því
lauk með þessum hætti.
Fimm líkamsárásir voru tilkynnt-
ar til lögreglunnar um helgina. Í
miðborginni fékk karl um fertugt
skurð á hnakkann eftir að hafa verið
sleginn hnefahöggi og annar maður,
á þrítugsaldri, var handtekinn eftir
að hafa veist að dyravörðum en einn
þeirra sat eftir með brotna tönn.