Dagblaðið Vísir - DV - 03.02.2010, Blaðsíða 6

6 MIÐVIKUDAGUR 3. febrúar 2010 FRÉTTIR
Einn fjórmenninganna sem grun-
aður er um stórfelld gjaldeyrissvik,
Karl Löve Jóhannsson, er einn eig-
enda gistiheimilis sem Fangelsis-
málastofnun hefur tekið á leigu und-
ir nýtt skammtímafangelsi. Um er að
ræða gistiheimilið Bitru í Flóahreppi
og leigir stofnuninn af Karli næstu tvö
árin.
Í október síðastliðnum auglýsti
Framkvæmdasýsla ríksins eftir hús-
næði undir skammtímafangelsi og
fyrir valinu varð gistiheimilið Bitra í
Flóahreppi, skammt frá Selfossi, en
þar var um árabil rekið kvennafang-
elsi. Fyrir liggur viljayfirlýsing milli
Fangelsismálastofnunar og eigenda
gistiheimilisins um leigu en unnið
er hörðum höndum að því að koma
húsnæðinu í stand fyrir útleigu undir
fangelsið þar sem vistaðir verða brota-
menn sem ekki þarfnast stífrar örygg-
isgæslu. Á þeim tíma sem Fangelsis-
málastofnun leigir húsnæðið af Karli
gæti verið réttað yfir honum fyrir hin
meintu gjaldeyrissvik og verði hann
fundinn sekur gæti hann mögulega
afplánað dóm í eigin húsnæði.
Karl Löve skráður eigandi
Bæði talsmaður Framkvæmdasýsl-
unnar og fangelsismálastjóri telja að
Karl eigi fyrirtækið ekki lengur en það
stangast á við hlutafélagaskráningu.
Það er við fyrir-
tækið Árberg
ehf. sem
samið var
um leigu
húsnæð-
isins en
húsaleigu-
samningur
verður full-
kláraður þeg-
ar stand-
setning
húsnæðisins lýkur. Stofnandi fyrirtæk-
isins var Karl Löve en skráður eigandi
þess í dag, samkvæmt hlutafélagaskrá,
er fyrirtækið Lyngdalur ehf. Eigandi
Lyngdals er svo aftur Karl Löve ein-
samall og bæði fyrirtækin eru skráð
til heimilis að Goðatúni í Garðabæ, á
sama stað og Karl var áður skráður til
heimilis. Það er því ljóst að Fangels-
ismálastofnun hefur samið við Karl
Löve um leiguna.
Í stjórn Árbergs er núverandi
rekstaraðili Skíðaskálans í Hvera-
dölum, Ragnar Vignir Guðmunds-
son, og samkvæmt upplýsingum frá
Framkvæmdasýslu ríkisins var hann
í broddi fylkingar viðsemjenda um
leigu húsnæðisins undir bráðabirgða-
fangelsi. Ragnar Vignir vinnur nú að
endurbótum húsnæðisins og er
vonast til að þeim ljúki í byrjun
marsmánaðar.
Meint milljarðasvik
Karl Löve var sá fjórði í röðinni
sem var handtekinn og færður til yfir-
heyrslu hjá efnahagsbrotadeild ríkis-
lögreglustjóra. Áður höfðu þeir Gísli
Reynisson, Markús Máni Michaelsson
og Ólafur Sigmundsson verið hand-
teknir í tengslum við meint gjaldeyris-
brask. Þeir þrír eru fyrrverandi starfs-
menn Straums fjárfestingabanka en
hjá bankanum hefur verið fullyrt að
ekkert bendi til þess að þremenning-
arnir hafi brotið af sér í starfi sínu þar.
Efnahagsbrotadeildin grunar þá
um að hafa grætt milljarð króna í
braskinu en heildarfjárhæðin sé tal-
in nema þrettán milljörðum. Braskið
á að hafa farið í gegnum sænska fé-
lagið Aserta AB þar sem fjórmenning-
arnir eru sagðir lykilmenn. Karl Löve
vísaði málinu á bug í yfirlýsingu og
segir ásakanirnar algjöran skáldskap.
„Það er ekki einu sinni flugufótur fyr-
ir þessu. Stundum verður fjöðrin að
hænu en í þessu tilfelli varð fjöðrin
að fataskáp. Þeir hefðu allt eins get-
að sagt að við tengdumst Al Kaída og
stæðum auk þess í stórfelldum inn-
og útflutningi á eiturlyfjum,“ sagði
Karl í yfirlýsingu.
Málið skoðað
Jón H. Ásbjörnsson, verkefnisstjóri
hjá Framkvæmdasýslu ríkisins, stað-
festir að samið sé við Árberg ehf. um
leiguna en telur að annar eigandi
en Karl Löve sé að fyrirtækinu í dag.
Hann bendir á að Karl hafi uppruna-
lega lagt inn leigutilboðið en nýr eig-
andi hafi tekið það yfir. „Sá sem á
fyrirtækið rekur meðal annars Skíða-
skálann og sá eigandi er í forsvari fyrir
Árberg. Þegar við auglýstum eftir hús-
næði lagði fyrri eigandi inn tilboðið og
það var samþykkt. Nýr eigandi kaupir
síðan fyrirtækið og tekur þannig yfir
tilboðið,“ segir Jón.
Páll Winkel fangelsismálastjóri
segist ekki hafa staðið í þeirri trú að
verið væri að semja við Karl Löve um
leiguna. Reynist svo vera segir hann
málið verða skoðað. „Karl Löve er
ekki leigusali í þessu tilviki því hann
átti fyrirtækið en á það ekki lengur.
Af okkar hálfu kemur ekki til greina
að semja við dæmdan brotamann en
viðkomandi hefur ekki verið dæmd-
ur. Ef slíkt kæmi upp á leigutímanum
þá yrðum við að skoða það vel,“ seg-
ir Páll.
Einn úr hópi hinna grunuðu fjórmenninga í stórfelldu gjaldeyrissvikamáli, Karl Löve
Jóhannsson, leigir Fangelsismálastofnun húsnæði undir fyrirhugað skammtíma-
fangelsi skammt frá Selfossi.
GRUNAÐUR LEIGIR
RÍKINU FANGELSI
TRAUSTI HAFSTEINSSON
blaðamaður skrifar: trausti@dv.is
Af okkar hálfu kemur ekki til greina að semja við dæmdan brotamann en viðkom-
andi hefur ekki verið dæmdur. Ef slíkt kæmi upp á
leigutímanum þá yrðum við að skoða það.
Til bráðabirgða Leiga Fangelsis-
málastofnunar er til bráðabirgða og
þar verða vistaðir fangar sem ekki
þarfnast strangrar öryggisgæslu.
Yrði skoðað Páll segist í þeirri trú að
Karl Löve sé ekki eigandi húsnæðisins
en reynist svo vera verði málið skoðað
komi til sakfellingar viðkomandi.
Tveir milljarðar
greiddir í bætur
Fimmtán þúsund og sjö hund-
ruð einstaklingar fengu atvinnu-
leysisbætur greiddar í gær fyrir
tímabilið 20. desember til 19. jan-
úar. Fyrir það reiddi Vinnumála-
stofnun fram um 1.988 milljónir
króna.
Flestir eru sem fyrr atvinnu-
lausir á höfuðborgarsvæðinu eða
11.640 manns samkvæmt upp-
lýsingum frá Vinnumálastofnun.
Suðurnes koma þar á eftir með
1.864 atvinnulausa en á Norður-
landi eystra er 1.401 án atvinnu.
17.339 eru skráðir atvinnulausir
en sá fyrirvari er á þeirri tölu að
um 20% þeirra eru í hlutastörfum
á móti bótum.
Sextíu misstu
vinnuna
Um sextíu manns var sagt upp í
fjórum hópuppsögnum í síðasta
mánuði. Fyrirtækin sem sögðu
fólkinu upp starfa að mann-
virkjagerð og upplýsinga- og út-
gáfustarfsemi. Helstu uppgefnu
ástæður uppsagnanna eru verk-
efnaskortur, endurskipulagning,
rekstrarerfiðleikar og minni fjár-
framlög til opinbers rekstrar.
Þessar hópuppsagnir koma
til framkvæmda á tímabilinu
febrúar til júlí á þessu ári, flestar
í apríl. Flestar uppsagnanna eru
á höfuðborgarsvæðinu.
Ólafur fagnar sigri í
borgarstjórn
Ólafur F. Magnússon borgarfulltrúi
fékk samþykkta tillögu sína um að
frambjóðendur til borgarstjórnar
í vor ásamt sitjandi borgarfulltrú-
um skuli gera grein fyrir eignastöðu
sinni. Tillöguna lagði hann fram á
fundi borgarstjórnar og var málinu
vísað til forsætisnefndar. Ólafur F.
sagði að þetta væri mikill sigur fyrir
sig.
„Mikill fjáraustur sumra sigur-
sælla frambjóðenda í prófkjöri Sjálf-
stæðisflokksins rennir stoðum undir
vísbendingar um að fjárhagsleg
tengsl og eignastaða þeirra gerir þá
vanhæfa til að gegna trúnaðarstörf-
um sem kjörnir fulltrúar Reykvík-
inga,“ segir í bókun Ólafs F. frá borg-
arstjórnarfundi á mánudag.
Enn er Ólafi
afneitað
Deilur Frjálslynda flokksins og Ól-
afs F. Magnússonar borgarfulltrúa
um F-listann standa enn. Ólafur F.
keypti auglýsingu í Fréttablaðinu
á þriðjudag til
að kynna mál-
flutning sinn á
borgarstjórnar-
fundi sama dag.
Auglýsingin var
í nafni Borg-
armálafélags
F-lista.
Þetta sætta
frjálslyndir sig ekki við og segja fé-
lag þetta ekkert tengjast Frjálslynda
flokknum, sem stóð að framboði
F-lista. „Félag það sem Ólafur kallar
„Borgarmálafélag F lista“ er einka-
hlutafélag sem Ólafur stofnaði á
valdatíma sínum sem borgarstjóri til
þess eins að færa til fjárstyrk af hálfu
borgarinnar sem áður hefur jafnan
runnið til Frjálslynda flokksins,“ seg-
ir í yfirlýsingu þeirra.
Lítill samhljómur í orðum og gerðum forystumanna ríkisstjórnarinnar:
Indriði undrast orð Jóhönnu
Indriði H. Þorláksson, aðstoðarmað-
ur Steingríms J. Sigfússonar fjármála-
ráðherra, segir ummæli Jóhönnu
Sigurðardóttur í Kastljósinu í gær,
um að skynsamlegra hefði verið að fá
vanan alþjóðlegan samningamann
til að semja við Breta og Hollendinga
um Icesave, vera illa rökstudd.
„Ég sá nú engan rökstuðning fyrir
því hjá henni. Menn þyrftu þá að geta
rökstutt þetta með einhverjum hætti
ef það yrðu líkur á betri árangri,”
sagði Indriði í samtali við DV.is í gær.
Aðspurður sagði Indriði Svavar hafa
staðið sig ágætlega við samnings-
gerðina. Menn ættu að benda á hvað
fór úrskeiðis í stað þess að úthrópa
Svavar.
Gunnar Helgi Kristinsson stjórn-
málafræðingur segir ekki vera full-
an samhljóm á milli Jóhönnu Sig-
urðardóttur forsætisráðherra og
Steingríms J. Sigfússonar fjármála-
ráðherra vegna ummæla Jóhönnu
í Kastljósinu. „Steingrímur skipar í
samninganefndina og það er á hans
forræði. Jóhanna gefur því undir fót-
inn að það gæti hafa verið gert öðru-
vísi og betur. Þannig að það er ekki
fullur samhljómur þar á milli. En ég
veit ekki hvað má lesa mikið í þetta,“
sagði Gunnar Helgi í samtali við
DV.is í gær.
Gunnar Helgi sagði það vera rétt
hjá Indriða H. Þorlákssyni að orð
Jóhönnu hefðu verið illa rökstudd.
„Jóhanna rökstuddi þetta ekki enda
var þetta togað út úr henni í við-
talinu,“ sagði Gunnar Helgi. For-
ystumenn ríkisstjórnarinnar fund-
uðu með stjórnarandstöðunni í gær
um málefni Icesave. Lítið kom út úr
þeim fundahöldum og segist stjórn-
arandstaðan vera að gefast upp á
ríkisstjórninni. Engrar lausnar sé að
vænta.
Bjarni Benediktsson, formaður
Sjálfstæðisflokksins, og Sigmund-
ur Davíð Gunnlaugsson, formaður
Framsóknarflokksins, sögðu báðir
í fréttum RÚV í gærkvöldi að ríkis-
stjórnin héldi áfram að verja fengna
niðurstöðu um Icesave.
birgir@dv.is
Gagnrýndi
fjármálaráðherra
Forsætisráðherra
telur að skynsam-
legra hefði verið að
fá vanan samninga-
mann í Icesave.