Dagblaðið Vísir - DV - 03.02.2010, Blaðsíða 8

8 MIÐVIKUDAGUR 3. febrúar 2010 FRÉTTIR
Hið opinbera þarf að greiða ríflega 350 milljarða í afborganir og vexti á næsta ári og
greiðslubyrði ríkisins verður hærri en hún er í dag næstu 12 árin. Icesave er tiltölu-
lega lítill hluti þess sem ríkið og sveitarfélögin þurfa að borga. Hagfræðingur óttast
greiðslufall ef ekki semst um Icesave.
AFBORGANIR LÆKKA
LOKSINS ÁRIÐ 2023
Ríkið og sveitarfélögin þurfa að
greiða rúma 350 milljarða íslenskra
króna í afborganir og vexti af lánum á
næsta ári. Næsta ár verður jafnframt
það þyngsta og næstu 12 ár verða öll
erfiðari en þetta ár ef marka má út-
reikninga Vilhjálms Þorsteinssonar
forritara og bloggara á mbl.is.
Hann hefur tekið saman hvern-
ig afborganir og vextir af lánum hins
opinbera munu dreifast næstu árin.
Árið 2023 rofar fyrst til, miðað við nú-
verandi fosendur.
Icesave bara 13%
Eins og sjá má á grafinu nema
heildarafborganir af erlendum
lánum næstu fjórtán árin 2.260
milljörðum króna. Þar af eru af-
borganir vegna Icesave aðeins
tæplega 13 prósent. Vilhjálmur
byggir samantekt sína á fyrirliggj-
andi gögnum frá Lánasýslu ríkis-
ins, ársreikningum orkufyrirtækja
og sveitarfélaga og upplýsingum
um fjármögnun nýju bankanna.
Miðað er við fast verðlag og gengi.
Vextir af erlendum lánum eru
reiknaðir sem áætlaðir raunvextir í
viðkomandi gjaldmiðli, gert er ráð
fyrir 88 prósenta endurheimtum af
Icesave og að raunvextir af lánum
verði 4 prósent. Þá er gert ráð fyrir
því að endurheimtur úr búi Lands-
bankans byrji fyrst að berast árið
2011, líkt og Seðlabankinn spáir.
Tekjurnar aukast
Guðmundur Ólafsson hagfræðing-
ur segir að útreikningar Vilhjálms
virðist nærri lagi. „Þeir eru kannski
örlítið í hærri kantinum en nokk-
uð nærri lagi,“ segir hann og bæt-
ir við að samantektin rími við töl-
ur sem aðrir hafi sett fram. Spurður
hvort ríkið ráði við þessar afborg-
anir spáir Guðmundur að svo verði
með þeim fyrirvara að Ísland fái lán
til að dreifa greiðslunum yfir lengri
tíma, eða þar til hagvöxtur aukist.
„Ef við gerum ráð fyrir 3,5 prósenta
hagvexti eins og var frá 1945 til 2000
þá tvöfaldast þjóðarframleiðslan á
20 árum. Margur hefur séð minna
grand í mat sínum en það. Það
gleymist stundum að tekjur okkar,
ef allt er með felldu, aukast mjög
hratt,“ segir Guðmundur.
Greiðslufall ríkisins
Eins og sést á bláu súlunni eru nú-
verandi skuldir ríkissjóðs miklar.
„Stærsti hlutinn af skuldunum er
uppsafnaður halli ríkissjóðs, svo
það sem Seðlabankinn skilur eft-
ir. Minnsti hlutinn er Icesave,“ seg-
ir hann og bætir við að skuldir orku-
fyrirtækjanna verði ekki vandamál
þar sem um þær hafi verið samið.
Guðmundur óttast greiðslufall tak-
ist Íslandi ekki að semja um Icesave.
„Ef samningarnir við Icesave verða
felldir, og við verðum ekki í sam-
starfi við AGS, þá er það mjög lík-
legt. Skuldatryggingarálagið getur
snarhækkað ef við fellum Icesave.
Það þýðir að við fáum engin lán. Þá
getum við beðið Guð að blessa okk-
ur. Við lifum það af en það verður
erfitt,“ segir hann.
BALDUR GUÐMUNDSSON
blaðamaður skrifar baldur@dv.is
Afborganir og vextir af erlendum lánum
GRAF VILHJÁLMUR ÞORSTEINSSON
Kæra Steinþórs Skúlasonar, forstjóra
Sláturfélags Suðurlands, á hendur
fyrrverandi starfsmanni, Oddi Ey-
steini Friðrikssyni, hefur skilað sér
í ákæru af hálfu ríkissaksóknara.
Forstjórinn kærði Odd Eystein fyrir
gróf meiðyrði í sinn garð og annarra
stjórnenda fyrirtækisins.
Steinþór kærði Odd og sakar hann
um að hafa haldið úti vefsíðunni slat-
urfelagid.com þar sem fram komu
ásakanir á hendur forstjóranum og
öðrum yfirmönnum þess efnis að þeir
væru að slátra fyrirtækinu með harð-
neskjulegum stjórnunarstíl og slæleg-
um starfsanda. Steinþór og fleiri yfir-
menn voru á vefsíðunni nafngreindir
og birtar myndir af þeim þar sem yf-
irmennirnir voru meðal annars kall-
aðir rassasleikjur forstjórans. Þá fékk
Steinþór nóg og kærði til lögreglu.
Steinþór segir ekki nokkurn vafa
á því að Oddur Eysteinn hafi haldið
síðunni úti og þannig vegið að SS og
stjórnendum fyrirtæksins úr laun-
sátri. „Við erum búin að senda inn
allnokkrar kærur og þær eru frá þeim
einstaklingum sem hafa verið settir
á skotskífuna á þessari vefsíðu. Búið
er að birta myndir af fjölda starfs-
manna með alls konar skítkasti. Mér
finnst mjög slæmt að menn geti kom-
ist upp með svona skrif og trúi því ekki
að nokkur maður taki mark á þessu.
Þetta er orðið algjört ógeð og viðbjóð-
ur fram og til baka,“ sagði Steinþór í
samtali við DV þegar hann var nýbú-
inn að kæra vefsíðuna til lögreglu.
Á vefsvæðinu komu fram full-
yrðingar um að starfsandinn innan
SS væri í molum og meðal annars
hefðu brotist út slagsmál vegna þess á
fjöldaskemmtun fyrirtæksins. Þar var
fullyrt að slök stjórnun af hálfu Stein-
þórs hefði orsakað hið slæma and-
rúmsloft innan fyrirtækisins.
trausti@dv.is
Ummæli á vefsíðu gegn Sláturfélaginu draga dilk á eftir sér:
Ákærður fyrir meiðyrði
Ekki sáttur Steinþór fékk nóg af skít
og ógeði á vefsvæðinu og kærði því til
lögreglu.
Ragnheiður tekur
sæti Ásbjörns
Ragnheiður Ríkharðsdóttir hefur af
hálfu Sjálfstæðisflokksins tekið sæti
Ásbjörns Óttarssonar í þingmanna-
nefnd sem hefur með höndum að
semja tillögur um viðbrögð við nið-
urstöðum rannsóknarskýrslu Al-
þingis. Skýrslan er væntanleg fyrir
næstu mánaðamót.
Ásbjörn ákvað að segja sig úr
nefndinni eftir að DV og fleiri fjöl-
miðlar fjölluðu um ólögmæta arð-
greiðslu úr fjölskyldufyrirtækinu
Nesveri í Snæfellsbæ. Ásbjörn skil-
aði 20 milljóna króna arðgreiðslu frá
árinu 2007. Efnahagsbrotadeild rík-
islögreglustjóra hefur mál Ásbjörns
til skoðunar.
Norski loðnuflot-
inn á Íslandsmið
Norski loðnuflotinn er nú kom-
inn til loðnuveiða austur og suð-
austur af Íslandi en fyrir helgi
komu út nýjar reglugerðir um
loðnuveiðar íslenskra og erlendra
skipa á vetrarvertíð 2010. Á
mánudag voru 22 norsk loðnu-
skip komin á svæðið. Eftirlit með
veiðunum mun fara fram með
eftirlitsflugvélinni Sif og varðskipi
Landhelgisgæslunnar.
79 norsk skip eru komin með
leyfi til að veiða á þessari vertíð
en 25 skip geta verið við veiðar
í einu.
Kannabisræktun
í blokk
Lögreglan á höfuðborgarsvæðinu
stöðvaði kannabisræktun í íbúð í
fjölbýlishúsi í Breiðholti um helg-
ina. Við húsleit á áðurnefndum stað
fundust nokkrir tugir kannabis-
plantna á ýmsum stigum ræktunar
auk lítilræðis af öðrum fíkniefnum.
Á sama stað var einnig lagt hald á
kylfu og nokkra hnífa. Þá tók lögregl-
an í sína vörslu ýmsan búnað sem
tengist kannabisræktuninni.