Dagblaðið Vísir - DV - 03.02.2010, Blaðsíða 18

Á M I Ð V I K U D E G I
AVATAR ENN Á TOPPNUM
Sigurgöngu Avatar virðist ekki ætla ljúka en myndin situr enn á toppn-
um fjórðu vikuna í röð. Myndin hefur því alls verið 5 vikur á toppnum af
þeim sjö sem hún hefur verið í sýningu. Áhorfendur eru komnir upp í 102
þúsund. Í öðru sæti er nýja mynd Denzels Washington, The book of Eli og
í því þriðja It´s Complicated sem skartar þeim Meryl Streep og Alec Bald-
win í aðalhlutverkum.
SÝNINGAR Á
THRILLER HEFJAST
Sýningar á söngleiknum Thriller
hefjast næstkomandi fimmtudag í
uppfærslu nemendafélags Verzl-
unarskóla Íslands. Það er Ívar Örn
Sverrisson sem samdi nýtt handrit
og leikstýrir jafnframt hópnum. Í
söngleiknum koma fyrir lög frá The
Jackson 5-tímabilinu og ýmis önnur
lög. Miða má nálgast á midi.is og
kostar 2.150 krónur á sýninguna.
DANSVERKIÐ
ENDALAUS
FRUMSÝNT
Íslenski dansflokkurinn frumsýnir
á fimmtudaginn verkið Endalaus
eftir Alan Lucien Öyen. Alan er
norskur danshöfundur sem hefur
getið sér gott orð fyrir falleg, til-
finningarík og ljóðræn verk með
djúpri merkingu. Tónlistin í verk-
inu er frumsamin og er eftir Ólaf
Arnalds sem er einn af áhuga-
verðustu tónlistarmönnunum í
dag. Sýningin hefst klukkan 20 og
er hægt að fá miða á midi.is.
ÓBÆTANLEG
EYÐA Í SÖGU
Stjórn Félags leikskálda og handrits-
höfunda hefur sent frá sér yfirlýs-
ingu vegna fyrirhugaðs niðurskurðar
RÚV á framleiðslu og innkaupum á
innlendu efni. Í yfirlýsingu er nið-
urskurðurinn harmaður og hann
sagður eiga eftir að skilja eftir sig
óbætanlega eyðu í sögu þjóðarinnar.
Í yfirlýsingunni segir meðal annars:
„Menningarlegar skyldur Ríkisút-
varpsins eru ótvíræðar samkvæmt
lögum um stofnunina. Fyrirhugaður
niðurskurður er skýlaust brot gegn
þeim lögum og verður ekki annað
séð en með tillögum sínum hafi út-
varpsstjóri viðurkennt getuleysi sitt til
að stýra stofnuninni samkvæmt þeim
fyrirmælum sem lögin fela honum.“
Leikflokkur undir stjórn Vignis Rafn
Valþórssonar leikara hefur að und-
anförnu sýnt splunkunýtt breskt
leikrit í Norræna húsinu. Það nefnist
Orphans á frummálinu, Munaðar-
laus í þýðingu Vignis Rafns. Eftir því
sem lesa má í leikskrá sýningarinn-
ar byrjaði höfundurinn, Denis Kelly,
fremur seint að skrifa leikrit: hann er
fæddur árið 1970 og sendi fyrsta leik-
ritið frá sér fyrir sex árum, en hefur
síðan skrifað tíu verk og er Orphans
þeirra nýjast, frumsýnt á Edinborg-
arhátíðinni síðastliðið sumar.
Ég þekkti ekkert til skáldsins fyr-
ir, en eftir þessu verki að dæma er
Denis sannarlega höfundur sem
vert er að fylgjast með. Orphans er
átakaverk með að heita má klassísku
sniði: einn staður, ein atburðarás,
einn tími. Persónur aðeins þrjár. Of-
beldisverkið sem unnið er á sér stað
utansviðs, við kynnumst því aðeins í
gegnum frásagnir og viðbrögð per-
sónanna; sjáum hvernig það legg-
ur líf þeirra í rúst á fáeinum klukku-
tímum. Auðvitað verður það miklu
áhrifameira en að láta viðbjóðinn
fara fram fyrir augum okkar með
leikhúsblóði og tilheyrandi; það er
gömul saga sem þessi sýning stað-
festir enn og aftur. Og um leið fæst
skýrari fókus á þær siðferðisspurn-
ingar sem þarna er brotið upp á: um
tilviljunarkennt ofbeldið í samfélag-
inu sem alltaf á sér að einhverju leyti
rætur og hliðstæður í ofbeldinu sem
fólk beitir hvert annað í einkalífinu,
jafnt í skólunum sem innan veggja
heimilisins.
Leikur þeirra Hannesar Óla Ág-
ústssonar, Stefáns Benedikts Vil-
helmssonar og Tinnu Lindar Gunn-
arsdóttur var mjög góður, hraður
og öruggur, og það fór ágætlega um
leikinn í kassanum sem byggður
hafði verið utan um hann í sal Nor-
ræna hússins. Þau munu vera á leið
með sýninguna til Akureyrar þar
sem hún fær vonandi þá aðsókn sem
hún á skilið.
Jón Viðar Jónsson
Leikhús sem á erindi
Jane (Streep) er afskaplega farsæl við-
skiptakona sem á stórt bakarí, stórt
hús og frábær börn. Það sem hana
vantar þó í líf sitt er karlmaður þar sem
fyrrum eiginmaðurinn, Jake (Bald-
win), er löngu farinn frá henni og tek-
inn saman við yngri konu. Á einni
fylliríisnótt í New York breytist þó allt
þegar þau sofa saman og hefst aftur
ástarsamband, framhjáhald í hans til-
felli, milli þeirra tveggja.
Jane verður aftur svo
lífsglöð og full orku og reyn-
ir að horfa fram hjá því að hún sé að
gera konu Jakes það sama og sú síð-
arnefnda gerði henni á sínum tíma.
En á meðan ástarsambandið er í
gangi kynnist hún arkitektinum Adam
(Martin) sem er að gera upp glæsi-
legt hús hennar í Kaliforníu. Adam er
allt öðruvísi en Jake, blíðlyndur, hug-
ulsamur og algjör toppmaður. Hefst
á milli þeirra ástarþrí-
hyrningur sem mynd-
in fjallar um. Það helsta
sem er að þessari mynd
er að hún er alltof löng.
Rómantísk gamanmyd
þarf ekki að vera lengri
en 90 mínútur og líða
þessir tveir tímar afar
hægt. Fannst gerend-
um myndarinnar ef-
laust hægt að afsaka það
með góðum leikurum á
borð við Streep, Bald-
win og Martin en svo er
einfaldlega ekki. Ég veit ekki hversu oft
ég leit á klukkuna því myndin fer eftir
algjörri Hollywood-formúlu og hefði
getað klárast mun fyrr.
Þökk sé gæðaleikurum er myndin
vel leikin en pínlegt getur þó verið að
horfa á Streep og Baldwin stunda kyn-
mök í gegnum myndina. Vissulega er
ekkert sýnt en oft er farið afar náið í
lýsingar. Þegar Jake talar um að hann
fíli að Jane sé hætt að fara í brasilískt
vax þurfti ég að leggja frá mér snakk-
ið. Fyrir mitt leyti var þetta eins og að
horfa á foreldra manns tala um kynlíf
og það vill enginn sjá eða heyra.
Meryl Streep var tilnefnd til Golden
Globe-verðlauna fyrir leik sinn sem ég
verð að segja að sé algjört ofmat. Eng-
inn stóru leikaranna á þarna einhvern
stjörnuleik. Það er helst Office-stjarn-
an John Krasinski, sem leikur tengda-
son Jane, sem gerir eitthvað sem telst
eitthvað nærri því að vera fyndið í
myndinni. Annars eru öll hin börn-
in hvert öðru ófyndnara og þá leikur
sprelligosi eins og Steve Martin frekar
bugaðan gaur og er nær ekkert fynd-
inn alla myndina.
Ég veit hreinlega ekki fyrir hvaða
aldurshóp þessi mynd á að vera.
Kannski að fólk yfir fertugu geti tengt
við hana. Það er líka eins og maður eigi
að gleyma því að Meryl Streep sé orð-
in sextug. Þegar hún er í saumaklúbbi
með vinkonum sínum að monta sig af
framhjáhaldinu er hún að tala við kon-
ur sem eru minnst tuttugu árum yngri
en hún. Það, eins og svo margt annað
í myndinni, er afskaplega misheppnað
og er einfaldlega vont að sjá ljómandi
fína leikara eins og Steve Martin og
Alec Baldwin með hana á ferilskránni.
Tómas Þór Þórðarson
18 MIÐVIKUDAGUR 3. febrúar 2010 FÓKUS
MUNAÐARLAUS
eftir Dennis Kelly.
Leikstjóri og þýðandi: Vignir Rafn
Valþórsson
Búningar: Anna María Tómasdóttir
Tónlist: Gunnar Karel Másson
Ljós: Karl Sigurðsson
LEIKLIST
Munaðarlaus „Þau munu vera á leið með sýninguna til Akureyrar þar sem hún
fær vonandi þá aðsókn sem hún á skilið.“
Gamalt fólk
IT’S COMPLICATED
Leikstjórn: Nancy Meyers
Aðalhlutverk: Meryl Streep, Alec
Baldwin, Steve Martin, John Kra-
sinski, Zoe Kazan, Lake Bell, Hunter
Parrish, Pat Finn og Rita Wilson.
KVIKMYNDIR
að gera do-do
It’s Complicated Skartar
fjölda afbragðsleikara.