Dagblaðið Vísir - DV - 01.03.2010, Blaðsíða 13

Atlögu að Gunnari Sigurðssyni, odd-
vita sjálfstæðismanna í bæjarstjórn
Akraness, lauk með því að oddvitinn
stóð keikur eftir meðan áskorandinn,
Halldór Jónsson, náði ekki sæti með-
al sex efstu. Bæjarstjórinn sem sótt-
ist eftir þriðja sæti listans fékk heldur
ekki hljómgrunn meðal kjósenda og
endaði í sjöunda til áttunda sæti.
Gunnar hefur lengi setið í bæj-
arstjórn Akraness og var oddviti
sjálfstæðismanna þegar þeir unnu
kosningasigur í bænum fyrir fjórum
árum. Hann hélt sæti sínu en í ann-
að sæti valdist Einar Brandsson sem
kemur nýr inn í bæjarstjórn. Karen
Jónsdóttir hlaut þriðja sætið í próf-
kjöri Sjálfstæðisflokksins á Akranesi,
hún leiddi lista Frjálslyndra fyrir fjór-
um árum.
Eydís Aðalbjörnsdóttir bæjarfull-
trúi endaði í fjórða sæti og Ragnar
Már Ragnarsson í því fimmta. Sjötta
varð Anna María Þórðardóttir, hún á
ekki langt að sækja áhugann á bæj-
armálum á Akranesi. Faðir hennar
er Þórður Þ. Þórðarson, bæjarfulltrúi
Sjálfstæðisflokksins á Akranesi, sem
gaf ekki kost á sér til endurkjörs.
Fall Gísla
Slæm útkoma Gísla bæjarstjóra vek-
ur athygli. Gísli hafði í prófkjörsbar-
áttunni lýst stuðningi við Gunnar
oddvita sem hafði fjórum árum áður
óvænt fengið hann til að verða bæj-
arstjóraefni sjálfstæðismanna. Gísli
var þá ekki ókunnugur bæjarmálun-
um á Akranesi því hann sat í bæjar-
stjórn Akraness 1986 til 1993. Hann
var hins vegar ókunnugri störfum
með Sjálfstæðisflokknum því hann
var kosinn í bæjarstjórn fyrir Alþýðu-
flokkinn á sínum tíma og sat síðar
á þingi fyrir þann flokk og Samfylk-
inguna. Hann var gerður að bæjar-
stjóraefni fyrir fjórum árum í von um
að það dygði til að auka fylgi Sjálf-
stæðisflokksins nægilega til að hann
næði meirihluta í bæjarstjórn. Það
gekk ekki eftir en sjálfstæðismenn
mynduðu meirihluta með F-lista
og réðu Gísli sem bæjarstjóra. Ka-
ren Jónsdóttir, oddviti F-lista gekk
síðan til liðs við Sjálfstæðisflokkinn
og hreppti 3. sætið í prófkjörinu um
helgina.
Pólitísk fortíð Gísla í Alþýðu-
flokknum og Samfylkingunni vann
gegn honum í prófkjöri Sjálfstæð-
isflokksins um helgina. Sumir sjálf-
stæðismenn sættu sig aldrei við hann
og töldu hann enn samfylkingarmann
inn við beinið þótt hann hafi gengið í
flokkinn og boðið sig fram í prófkjör-
inu. Þá hefur það unnið gegn Gísla að
hann lýsti stuðningi við Gunnar, for-
seta bæjarstjórnar, í baráttunni um
oddvitasætið. Það varð til þess að
stuðningsmenn Halldórs Jónssonar
voru ólíklegri til að kjósa hann en ella.
Sú stuðningsyfirlýsing virðist hins
vegar ekki hafa dugað til að stuðn-
ingsmenn Gunnars fylktu sér um
bæjarstjórann. Forseti bæjarstjórnar
fékk meirihluta atkvæða í fyrsta sætið
en bæjarstjórinn náði engu flugi.
Hissa bæjarstjóri
„Ég var frekar hissa á þessu, ég hef
fundið fyrir mjög miklum stuðningi
í bænum almennt. Ég hélt að þetta
myndi hafast þetta þriðja sæti,“ segir
Gísli S. „Það er hvorki reiði né sárindi
yfir nokkrum sköpuðum hlut, en ég
var samt dáldið hissa.
Ég var sá eini sem lýsti yfir stuðn-
ingi við Gunnar Sigurðsson. Sá sem
var að keppa við hann var ekki að
styðja mig, að sjálfsögðu ekki,“ segir
Gísli en bendir á að litlu hafi mun-
að á atkvæðafjölda og því hefði ekki
þurft að muna nema þremur til fimm
atkvæðum að hann hefði náð sæti
ofar á lista.
„Þetta er lokað prófkjör. Það
eru bara flokksbundnir sjálfstæð-
ismenn sem geta tekið þátt í því.
Sá breiði hópur sem styður Sjálf-
stæðisflokkinn af fólki sem er ekki
flokksbundið gat ekki tekið þátt í
þessu prófkjöri,“ segir Gísli.
Bæjarstjórinn segist ánægður
með störf meirihlutans þó hann
hafi sjálfur ekki fengið betri kosn-
ingu en raun ber vitni. „Það er búið
að gera meira á síðustu fjórum
árum en gerðist á næstu 20 árum
þar á undan. Eins og ég sé þetta og
reikningar sýna er staða Akraness
nokkuð góð meðal kaupstaðanna.
Fólk gerir sér alveg grein fyrir því
að staða Akraness er fjárhagslega
góð þrátt fyrir þennan ógnar öldu-
sjó sem hefur verið í fjármálum.“
FRÉTTIR 1. mars 2010 MÁNUDAGUR 13
Lin Design • Laugavegi 176, gamla sjónvarpshúsið • sími 533 2220 • www.lindesign.is
Fermingargjöfin
er íslensk hönnun
BÆJARSTJÓRINN
ÚTI Í KULDANUM
Gunnar Sigurðsson, forseti bæjarstjórnar Akraness, varðist atlögu Halldórs Jónssonar
í prófkjöri Sjálfstæðisflokksins um helgina. Bæjarstjórinn Gísli S. Einarsson sóttist eftir
sæti á listanum en var hafnað. Hann hafði lýst stuðningi við Gunnar í prófkjörsbaráttunni.
Féll í prófkjörinu
Sjálfstæðismenn höfnuðu gamla kratanum í
prófkjöri um helgina, eftir að hafa gert hann
að bæjarstjóra fjórum árum áður.
BRYNJÓLFUR ÞÓR GUÐMUNDSSON
fréttastjóri skrifar: brynjolfur@dv.is
120 milljarða
króna skuldir
Um það bil 120 milljarða króna
skuldir eru allt það sem stendur
eftir í tveimur eignarhaldsfélögum
sem tengjast Jóni Ásgeiri Jóhannes-
syni, Pálma Haraldssyni og Hannesi
Smárasyni. Félögin eru hins vegar
eignalaus. Þetta kom fram í fréttum
Ríkisútvarpsins á sunnudagskvöld.
Þar segir að Gaumur, eignarhalds-
félag Bónusfjölskyldunnar, stefni í
að minnsta kosti 20 milljarða króna
gjaldþrot. Hitt félagið er Stytta sem
situr eftir með um eitt hundrað millj-
arða króna skuldir. Eignirnar eru því
sem næst engar. Félagið var að sögn
RÚV notað sem einskonar leppur
í flóknum viðskipta-
fléttum Jóns Ásgeirs,
Pálma og Hann-
esar þegar þeir
seldu Sterling,
Iceland og
fleira sín á
milli.
anna í málinu. Viðræðurnar hafa
farið af einu stigi á annað og hug-
myndum kastað á milli. Íslenska
samninganefndin hefur beðið átekta
í London yfir helgina og í gærkvöldi
var óvíst hvort af samningafundi yrði
með Bretum og Hollendingum.
Neitunarvald stjórnarandstöðu
Engu að síður blasir við að stjórnar-
andstaðan hefur neitunarvald í mál-
inu og að því leyti ber hún ábyrgð á
framvindu þess ekki síður en ríkis-
stjórnin og meirihlutinn á þingi.
Eins og málin standa býðst tug-
milljarða afsláttur frá Icesave-samn-
ingnum sem lögfestur var fyrir ára-
mótin. Áætlað er að heimtur upp í
innstæðutryggingar sem ætlast er til
að Íslendingar ábyrgist nemi nú um
90 prósentum í þrotabúi Landsbank-
ans eða sem nemur um 630 af 700
milljörðum króna. Af höfuðstólnum
standa því einir 70 milljarðar út af.
Vextir í gamla samningnum námu
um 160 milljörðum króna. Af þeirri
upphæð býðst nú umtalsverður af-
sláttur í samningaviðræðunum sem
nú standa yfir.
Ef litið er til efnis þjóðaratkvæða-
greiðslunnar blasir við að hún er nú
þegar úrelt og jafnvel móðgun við
heilbrigða skynsemi eins og einn
stjórnarliði orðaði það í samtali við
DV.
Það flækir stöðuna, að verði af
þjóðaratkvæðagreiðslunni næst-
komandi laugardag og gildandi lög
felld, gæti fyrri samningur tekið gildi
frá því í ágúst í fyrra. Nær allir þing-
flokkarnir komu að þeim samningi
þótt þeir hefðu ekki allir stutt þann
samning í atkvæðagreiðslu á þingi.
Ríkisábyrgð á Icesave-lánunum
yrði þó ekki virk nema með sérstakri
undirritun samnings fjármálaráð-
herra við Tryggingasjóð innstæðu-
eigenda.
Þannig hafa nær allir sem nú sitja
á þingi komið að því að gera samning
– með fyrirvörum þingsins – sem er
mun verri en sá sem ræddur er í við-
ræðum við Hollendinga og Breta nú.
RÍKISSTJÓRNIN Í ÖNGSTRÆTI
Höggvið á hnútinn
Stuðningsmenn Steingríms innan
ríkisstjórnarinnar telja ástandið
óviðunandi og tæplega verði
höggvið á hnútinn nema með
stjórnarslitum.