Dagblaðið Vísir - DV - 17.05.2010, Side 14

DÍSILOLÍA
Algengt verð VERÐ Á LÍTRA 206,9 kr. VERÐ Á LÍTRA 204,9 kr.
Skeifunni VERÐ Á LÍTRA 207,3 kr. VERÐ Á LÍTRA 205,3 kr.
Algengt verð VERÐ Á LÍTRA 209,9 kr. VERÐ Á LÍTRA 207,9 kr.
BENSÍN
Akranesi VERÐ Á LÍTRA 206,2 kr. VERÐ Á LÍTRA 204,2 kr.
Akureyri VERÐ Á LÍTRA 206,2 kr. VERÐ Á LÍTRA 204,2 kr.
Algengt verð VERÐ Á LÍTRA 209,6 kr. VERÐ Á LÍTRA 207,6 kr.
UMSJÓN: BALDUR GUÐMUNDSSON, baldur@dv.is / ney tendur@dv.is
el
d
sn
ey
ti
14 MÁNUDAGUR 17. maí 2010
SKOÐIÐ
TILBOÐIN
Þrátt fyrir að matarverð hafi hækk-
að mikið undanfarin ár er enn
hægt að gera góð kaup. Á vefsíð-
unni matarkarfan.is er hægt að
finna upplýsingar yfir öll gildandi
tilboð í öllum helstu verslunum
landsins. Þegar þetta er skrifað má
til dæmis kaupa lambalæri á til-
boði í Bónus og ungnautapiparsteik
á stórlækkuðu verði í verslunum
Krónunnar. Í Hagkaupum eru ind-
verskar kjúklingalundir á niður-
settu verði og í Nóatúni eru ýmsar
kjötvörur seldar á lækkuðu verði.
Tilboðin eru margfalt fleiri en ætla
mætti. Enginn ætti að láta hjá líða
að kíkja inn á matarkarfan.is áður
en í verslunarferð er haldið.
SUNDLAUG
KÓPAVOGS
n „Lastið fær sá sem ber ábyrgð á því
að ekki var búið að uppfæra breyttan
opnunartíma á vef Kópavogsbæjar.
Ég tók strætó úr Hafn-
arfirði á miðvikudags-
kvöldið til þess eins
að komast að því að
Sundlaug Kópavogs
var lokað fyrr en stóð
á vefnum,“ sagði óða-
mála og foxillur viðskipta-
vinur við DV.
SENDIÐ LOF EÐA LAST Á NEYTENDUR@DV.IS
VEIÐIBÚÐIN
n Lofið fær Veiðibúðin við Lækinn í
Hafnarfirði. Þjónustan þar er
bæði persónuleg og fagleg.
Blaðamaður hefur átt við-
skipti þar í nokkur skipti,
bæði í vor og í fyrra, og
alltaf komið ánægður
út. Andrúmsloftið er
heimilislegt og viðmót-
ið vinalegt.
LOF&LAST
„Fólk kemur yfirleitt inn og seg-
ist vanta hjól. Það veit sjaldnast
hvað það vill,“ segir Jón Þór Skafta-
son, sölumaður hjá Erninum. Með
hækkandi sól og bensínverði velja
sífellt fleiri hjólið til að komast á
milli staða.
Jón Þór segir að mikilvægt sé að
fólk velti því fyrir sér til hvers það
ætli að nota hjólið. Þannig sé auð-
veldara að finna hjól sem hent-
ar hverjum og einum. Hann seg-
ir fjallahjól á undanhaldi og hvetur
fólk sem ætlar að hjóla á malbiki til
að velja hjól með grennri dekkjum.
Á þeim sé auðveldara að hjóla og
fólk fái síður í bakið.
DV fékk Jón Þór til að gefa upp
hvaða atriði gott er að hafa í huga
þegar reiðhjól er keypt.
Fjallahjólin víkja
Hann segir aðspurður að búið sé
að mata fólk á hugmyndinni um að
fjallahjól henti Íslendingum best í
mörg ár. Nú séu sífellt fleiri farnir
að skoða aðra kosti. „Götuhjól eru
þannig gerð að stýrið er stillanlegt
og ásetan er þægilegri en á fjalla-
hjólum. Á þeim er yfirleitt held-
ur stærri hnakkur vegna þess að
þyngdin hvílir fyrst og fremst á hon-
um. Dekkin eru slétt og ekki jafn-
breið og á fjallahjólum. Fólk er rétt-
ara í baki og er þess vegna ekki alltaf
að drepast í bakinu við að þurfa að
halla sér svona mikið fram, eins og
á fjallahjólunum,“ segir hann. Jón
Þór segir að reiðhjólastígar á höf-
uðborgarsvæðinu séu orðnir miklu
betri en fyrir 15 eða 20 árum, því
henti götuhjólin fólki miklu betur
nú. Hann ráðleggur fólki að velja
hjól með millibreiðum dekkjum svo
líka sé gott að hjóla uppi í Heiðmörk
eða í Öskjuhlíðinni þar sem malar-
stígar eru. Grennstu dekkin henti
þar illa.
Kosta frá 70 þúsund krónum
Spurður hvað gott reiðhjól kosti í
dag segir Jón Þór að þau kosti frá 70
þúsund krónum. Vissulega sé hægt
að fá ódýrari hjól í stórmörkuðum
en endingin á þeim sé yfirleitt mun
verri. „Þau eru fín fyrir þá sem vilja
ódýra vöru sem endist stutt en fólk
kaupir yfirleitt bara svona ódýr hjól
einu sinni,“ segir hann og bætir við
að þá sé einfaldlega verið að kaupa
minni gæði. Hann segir enn frem-
ur að stórmarkaðirnir hafi hingað til
ekki veitt þá þjónustu sem þeir sem
sérhæfi sig í sölu reiðhjóla bjóði, til
dæmis hvað varðar varahluti, ráð-
gjöf og viðgerðir.
Geta enst í tíu ár
Spurður hvað gott reiðhjól eigi að
endast lengi, miðað við dæmigerða
notkun, segir hann að það eigi að
geta dugað í tíu ár, sé því vel hald-
ið við. Skipta þurfi um keðju á 1.000
til 1.500 kílómetra fresti auk þess
sem endurnýja þurfi reglulega slit-
fleti á borð við bremsupúða. Gjarðir,
demparar og stellið eigi þó að end-
ast í tíu ár.
Jón Þór segir þó mikilvægast að
þrífa hjólið vel og vandlega. „Átta-
tíu og fimm prósent af þeim hjólum
sem koma inn á verkstæðið til okkar
eru biluð vegna drullu í búnaði. Þá
þarf að hreinsa þetta og stilla upp á
nýtt,“ útskýrir hann.
ÞEGAR VELJA Á REIÐHJÓL
Gott reiðhjól á að endast í tíu ár ef vel er um það hugsað og fjallahjól
víkja nú fyrir götuhjólum að sögn Jóns Þórs Skaftasonar, sölumanns
hjá Erninum. DV fékk Jón Þór til að fara yfir hvað fólk þarf að hafa í
huga þegar kaupa á gott reiðhjól sem hæfir kaupandanum. Gírar, brems-
ur, hnakkur og dekk eru allt atriði sem mikilvægt er að kunna lágmarks-
skil á þegar gera á góð kaup.
BALDUR GUÐMUNDSSON
blaðamaður skrifar: baldur@dv.is
Fjallahjól á undanhaldi Jón Þór Skaftason hjá Erninum segir að gott reiðhjól eigi
hiklaust að geta dugað í tíu ár, sé því vel haldið við.
DEKK Velja skal dekk eftir því í
hvað hjólið verður notað. Það hent-
ar til dæmis best, að mati Jóns Þórs,
að taka millibreidd á dekkjum, með fínu
mynstri, ef eigandinn ætlar yfirleitt að hjóla
um höfuðborgarsvæðið eða í þéttbýli, þar
sem flestir stígar eru malbikaðir. Þeir sem hjóla
alls ekkert á möl ættu að velja grennstu dekkin. Þau
veita minnsta viðnámið. Þrýstingur í dekkjum á lágmark
að vera 30 pund. Kjörþrýstingur er 40 pund fyrir flest dekk.
DEMPARAR Demparinn gegnir
einungis því hlutverki að mýkja högg
sem verður vegna óslétts yfirborðs. Á
götuhjólum (á millibreiðum dekkjum)
er yfirleitt hjólað á tiltölulega sléttum
stígum. Demparar, bæði að framan
og aftan, taka orku af þeim sem hjóla
og gera hjólreiðamanni erfiðara fyrir.
Hafið þetta hugfast. Jón Þór segir að á
mörgum hjólum sé það valmöguleiki
að læsa dempurunum.
HANDFÖNG Þar eru nokkrir
mýktarflokkar. Handföng sem
eru breiðari á ytri endanum eru
til þess fallin að rétta höndina af
svo fólk leiti síður út á endann
á stýrinu þegar það þreytist í
úlnliðunum. Þau geta komið í veg
fyrir sinaskeiðabólgu.
GÍRAR Shimano-gírar eru ekki ávísun á gæði. Til eru fjölmargar
undirtegundir en þær bestu má finna inni á shimano.com. Betri
gerðir frá Shimano heita Deore, SLX, XT og XTR, svo dæmi séu tekin,
en Acera og Alivio eru einnig mjög góðar skiptingar frá Shimano
á hjólum í ódýrari kantinum. Jón Þór segir að gerðir á borð við
Tourney og SIS séu nokkuð síðri. Ástæðan fyrir því að gírarnir bila
er að spennan á vírnum sem skiptir um gír gerir það að verkum að
hann slaknar smám saman. Því þarf að herða reglulega á vírnum.
STÝRIÐ Gott er að hafa stillan-
legt stýri þannig að laga megi
það að þörfum þess sem hjólar,
eftir því hvernig aðstæður eru. Á
fjallahjólum eru stýrin sjaldnast
stillanleg. Stýri við hæfi getur
komið í veg fyrir verki í baki.