Dagblaðið Vísir - DV - 01.09.2010, Qupperneq 2

2 fréttir 1. september 2010 miðvikudagur
„BRÆÐUR MÍNIR!“: BRÉF
ÓLAFS TIL FRÍMÚRARA
Ólafur H. Johnson, skólastjóri og eigandi
Hraðbrautar, sendi bræðrum sínum í
frímúrarareglunni bréf í sumar þar sem
hann skýrir sína hlið á málefnum skólans.
Skólastjórinn ver sig vegna þeirrar um-
fjöllunar um fjármál skólans sem birst hef-
ur í DV. Hann ræðir þó ekki efnislega um
tugmilljóna arðgreiðslur og lánveitingar
frá skólanum. Stutt er þar til Ríkisendur-
skoðun lýkur við úttekt á Hraðbraut.
„Kæru bræður,“ eru fyrstu orðin í
tölvupósti sem Ólafur H. Johnson,
eigandi og skólastjóri Menntaskól-
ans Hraðbrautar, sendi til reglu-
bræðra sinna í frímúrarareglunni í
júlí. Í tölvupóstinum fer Ólafur yfir
málefni Hraðbrautar og þá fjölmiðla-
umfjöllun sem verið hafði um mál-
efni skólans mánuðinn á undan og
ver sig fyrir þeirri gagnrýni sem þar
kom fram.
Líkt og komið hefur fram í DV tók
Ólafur fleiri tugi milljóna í arð og lán
frá skólanum á árunum fyrir íslenska
efnahagshrunið og fer Ríkisendur-
skoðun nú yfir bókhald skólans að
beiðni menntamálaráðuneytisins.
Skólinn er einkaskóli sem fjármagn-
aður er að 80 prósenta leyti með op-
inberu fé en að 20 prósentum með
skólagjöldum nemenda hans. Á
síðastliðnum sjö árum hefur skól-
inn fengið meira en 1.100 milljónir
króna á fjárlögum frá íslenska ríkinu
og virðist hluti þeirra fjármuna hafa
runnið til Ólafs í formi arðgreiðslna
og til eignarhaldsfélaga hans og við-
skiptafélaga í formi lána. Annað sem
vakið hefur athygli við starfsemina er
að hlutfall launagreiðslna af heild-
artekjum skólans er rúmlega helm-
ingi minna en í öðrum menntaskól-
um – um 80 prósent af tekjum flestra
menntaskóla fara í launagreiðslur en
einungis á bilinu 30 til 40 prósent í
Hraðbraut.
Ólafur telur hins vegar að ekkert
sé athugavert við bókhald skólans
eins og sést í málsvörninni sem hann
sendi til bræðra sinna í frímúrara-
reglunni.
Ólafi brá
Ólafur segir að sér hafi brugðið þeg-
ar fjallað var um málefni Hraðbraut-
ar í fjölmiðlum. Hann fer hörðum
orðum um DV og umfjöllun blaðs-
ins um skólann og telur hana óvand-
aða, fulla af rangfærslum og telur að
ekkert sé hæft í „ávirðingum“ blaðs-
ins. Ljóst er því að Ólafur telur um-
fjöllun blaðsins um málefni skólans
ekki byggða á staðreyndum. „Veit þó
að ef aðeins brot af ávirðingum DV
væri sannleikanum samkvæmt væri
væntanlega búið að loka skólanum,“
segir Ólafur.
Skólastjórinn lætur hins vegar
alveg ógert að svara því hvort það
sé satt að hann hafi bæði tekið arð-
greiðslur út úr rekstrarfélagi skólans
og fasteignafélagi á síðustu árum en
þessar upplýsingar eru teknar úr árs-
reikningum eignarhaldsfélaga sem
tengjast Menntaskólanum Hrað-
braut. Ólafur fer því ekki ofan í eðli
málsins í málsvörn sinni og hrek-
ur ekki þær fullyrðingar sem komið
hafa fram í DV um arðgreiðslur og
lánveitingar út úr rekstrar- og fast-
eignafélagi skólans.
Jákvæður varðandi framtíðina
Þrátt fyrir að upplýsingarnar um arð-
greiðslurnar og lánveitingar frá félög-
um tengdum skólanum séu byggðar
á opinberum gögnum er Ólafur já-
kvæður þegar kemur að framtíðinni.
Hann undirstrikar við reglubræður
sína að búið sé að framlengja sam-
starfssamning skólans við mennta-
málaráðuneytið fram á næsta sum-
ar og að hann sé sannfærður um að
Hraðbraut sé komin til vera þrátt
fyrir að á móti hafi blásið. „Er ég því
sannfærður um að við séum á réttri
leið og ef faglegar forsendur verða
lagðar til grundvallar mun skólinn
starfa um mörg ókomin ár.“
Ólafur er því handviss um að
hann muni geta átt skólann áfram og
stýrt honum með fjárstuðningi hins
opinbera og er ekki smeykur við út-
tekt Ríkisendurskoðunar á málefn-
um skólans. „Að lokinni úttekt Rík-
isendurskoðunar, sem væntanlega
verður um miðjan næsta vetur, verð-
ur málið tekið upp aftur og stefnt
að nýjum samningi til lengri tíma.“
Hann telur því að ekki muni standa
á því að menntamálaráðuneytið geri
langtímasamning við skólann sem
muni tryggja honum frekari fjárveit-
ingar um ókomin ár.
Styttist í úttekt Ríkisendur-
skoðunar
Sveinn Arason ríkisendurskoðandi
segir að stofnunin sé nokkuð vel á
veg komin í athuguninni á bókhaldi
Hraðbrautar. „Já, við erum komnir
eitthvað áleiðis með það.“ Aðspurð-
ur hvenær athuguninni muni ljúka
segir Sveinn að það verði að öllum
líkindum á allra næstu dögum. „Ætli
við sendum ekki drög að niðurstöðu
Launagreiðslur og tekjur til starfsmanna Hraðbrautar 2006 til 2008:
Upphæð Tekjur skólans Hlutfall
2006 55,5 milljónir 172,7 milljónir 32%
2007 69,95 milljónir 164,3 milljónir 43%
2008 77 milljónir Um 200 milljónir 39%
launagreiðslur
„Kæru bræður.
Mér, eins og ykkur, brá þegar málefni
Menntaskólans Hraðbrautar komust í
hámæli í fjölmiðlum fyrir nokkru.
Nokkrar deilur höfðu verið innan
skólans um fagleg málefni í vetur,
sem og launamál, en öll voru þau í
eðlilegum farvegi. Samningur skólans
við ráðuneytið átti að renna út um
næstu áramót og var ég í viðræðum við
ráðuneytið um framhald skólastarfsins. Það verkefni var einnig í eðlilegum farvegi.
Samkvæmt samningnum á Ríkisendurskoðun að annast eftirlit með skólanum og
var ákveðið að sú endurskoðun færi fram áður en næsti samningur tekur við.
Ég þurfti að segja starfsmanni upp og virðist það hafa orðið kveikjan að umfjöllun
fjölmiðla og þá fyrst og fremst DV. Var uppsögnin gerð tortryggileg og mennta-
málaráðuneytinu blandað í málið. Flestir fjölmiðlar áttuðu sig fljótt á að hér var
ekki um neitt fréttnæmt að ræða – nema DV. Þeir ákváðu – og það ekki í fyrsta
sinn í sögu blaðsins – að fara í krossferð. Virðing DV fyrir staðreyndum er engin.
Þannig voru rangfærslur á hverjum degi, mannanöfn röng, aðilar, sem enga
aðkomu hafa að skólanum, spyrtir við skólann og jafnvel reynt að koma okkar
ágætu Reglu inn í málið. Ég ákvað strax, að ráði góðra manna, að svara DV engu;
það er gömul saga og ný að DV hlustar ekki á rök, ef menn svara þeim, heldur
aflaga svörin í eigin þágu.
Ég átta mig ekki enn á þessari aðför að mér og mínum, en vonandi skýrist það
einhvern tímann. Veit þó að ef aðeins brot af ávirðingum DV væri sannleikanum
samkvæmt væri væntanlega búið að loka skólanum.
Staða málsins er nú sú að búið er að framlengja samning menntamálaráðu-
neytisins við skólann til 31. júlí 2011. Að lokinni úttekt Ríkisendurskoðunar, sem
væntanlega verður um miðjan næsta vetur, verður málið tekið upp aftur og stefnt
að nýjum samningi til lengri tíma. Skólinn er ungur og við erum enn að læra.
Faglega starfið hefur hins vegar verið gott og nýtur sannmælis víðast. Er ég því
sannfærður um að við séum á réttri leið og ef faglegar forsendur verða lagðar til
grundvallar mun skólinn starfa um mörg ókomin ár.
Bræður mínir! Mér þykir leitt að þessi umræða skuli hafi komist í slíkt hámæli og
valdið svo mörgum hugarangri, ekki bara mér og mínum nánustu, heldur einnig
miklu fleirum og þar á meðal ykkur.
Mér finnst ástæða til að láta mína nánustu bræður vita mitt sjónarmið og mun
láta ykkur fylgjast með framvindunni.
Bróðurkveðjur,
Ólafur Haukur Johnson“
Bréf Ólafs til frímúrarareglunnar:
ingi f. viLHJáLmSSon
fréttastjóri skrifar: ingi@dv.is
Veit þó að ef aðeins brot af
ávirðingum DV væri
sannleikanum sam-
kvæmt væri væntanlega
búið að loka skólanum.
Útskýrði sín mál Ólafur H.
Johnson sendi bræðrum sínum í
frímúrarareglunni tölvupóst í júlí
þar sem hann skýrði frá sinni sýn á
umfjöllun DV um málefni Mennta-
skólans Hraðbrautar. Hann er þess
fullviss að Hraðbraut muni starfa
um ókomin ár með fjárstuðningi
frá íslenska ríkinu.