Dagblaðið Vísir - DV - 03.01.2011, Blaðsíða 8

8 | Fréttir 3. janúar 2011 Mánudagur
Kaupmáttur rýrnar minnst hjá lágtekjufólki en mest hjá hátekjufólki:
15 prósent kaupmáttarrýrnun
Frá 2008 til 2009 rýrnuðu tekjur
hjóna og fólks í sambúð um fimmt-
án prósent. Tekjur þeirra lægst laun-
uðu lækkuðu minnst en tekjur fólks
í efsta tekjuhópnum lækkuðu mest.
Skattkerfið hafði talsverð áhrif á
kaupmáttarskerðingu fjölskyldna í
landinu, en hjá þeim sem lægst laun
hafa dró skattkerfið úr kaupmáttar-
rýrnuninni. Nemur kaupmáttarrýrn-
un tíu prósent tekjulægstu heimil-
anna 6,6 prósentum eftir skatt. Þetta
kemur fram í fréttabréfi Þjóðmála-
stofnunar þar sem rýnt er í tölur frá
Ríkisskattstjóra. Fjármagnstekjur
lækkuðu umtalsvert meira á sama
tímabili, eða um 36 prósent að raun-
virði.
Í fréttabréfinu segir að á heildina
litið sé ljóst að breytingar á skattkerf-
inu hafi mildað kjaraskerðinguna á
árinu 2009 fyrir hátt í 70% heimila,
og þá mest í lægstu tekjuhópunum.
Ef launafólki er skipt niður í tíu hópa
eftir tekjum kemur í ljós að kjara-
skerðingin eykst aðeins hjá þremur
tekjuhæstu hópunum, og þá mest
hjá þeim allra tekjuhæstu. Fer kaup-
máttarrýrnunin hjá þeim hópi úr
23,8 prósentum fyrir skatt upp í 28,2
prósent eftir skatt.
Kaupmáttur tuttugu prósent
tekjulægstu heimilanna í landinu er
sambærilegur því sem hann var á ár-
unum 2006–2007. Hefur því kaup-
máttur þeirra tekjulægstu færst aftur
um 2 til 3 ár. Flestir tekjuhærri hóp-
arnir verða fyrir kaupmáttarrýrn-
un sem gerir kaupmátt þeirra sam-
bærilega á við það sem hann var árið
2005. Talsvert meiri kaupmáttarrýrn-
un á sér stað hjá tíu prósent tekju-
hæstu heimilanna í landinu, en er
kaupmáttur þeirra heimila álíka og
hann var árið 2003. Sá hópur hefur
þó talsvert meiri kaupmáttaraukn-
ingu frá árinu 2000, eða um 37–38
prósent samanborið við 16–18 pró-
senta kaupmáttaraukningu hinna
hópanna. adalsteinn@dv.is
Kaupmáttarrýrnun Minnst rýrnar kaupmáttur tekjulægstu heimilanna, eða um 6,6
prósent.
Breytingar á vef ja.is:
Lokað á Nova
„Við hjá Já viljum gjarnan gera við-
skiptavinum okkur kleift að senda
ókeypis SMS af vefnum okkar, en
það krefst eins og gefur að skilja
samstarfs við símafyrirtækin,“
segir Sigríður Margrét Oddsdóttir
framkvæmdastjóri Já en um ára-
mótin hætti að vera hægt að senda
SMS af vefnum ja.is í síma hjá
símafyrirtækinu Nova. „Við höfum
undanfarna mánuði prófað að
selja auglýsingar með SMS-skeyt-
unum en þær tekjur hafa því mið-
ur ekki staðið undir væntingum
okkar og Nova. Ég tek það fram
að við eigum í góðu samstarfi við
Nova en við getum ekki greitt með
þessari þjónustu og því bendum
við notendum ja.is á heimasíðu
Nova, nova.is, ef þeir vilja senda
ókeypis SMS til viðskiptavina
Nova.
Vetrarflug
Air Berlin
Tina Birke, talsmaður Air Berlin-
flugfélagsins, útilokar ekki að fé-
lagið hefji reglubundnar ferðir á
milli Íslands og annarra áfanga-
staða sinna yfir vetrartímann.
Hingað til hefur félagið eingöngu
flogið til Íslands á sumrin og hefur
verið góður stígandi í umsvifum
þess hér á landi. Fréttavefurinn
turisti.is greindi fyrst frá þessu.
Flugfélagið er annað stærsta flug-
félag í Þýskalandi á eftir Luft-
hansa. Félagið hefur 153 flugvélar
í sinni þjónustu og flýgur til 146
áfangastaða víðsvegar um heim-
inn. Félagið er jafnframt hluti af
OneWorld-samstarfinu sem mörg
af stærstu flugfélögum heims taka
þátt í.
Nær ekkert svifryk
Styrkur svifryks var undir heilsu-
verndarmörkum á fyrsta degi ársins
í Reykjavík. Mældist þó svifryk við
Grensásveg og við Blesugróf tals-
vert yfir heilsuverndarmörkum á
miðnætti. Loft var þó ferskt og tært í
borginni þegar leið á daginn en bíla-
umferð var hverfandi. Loftmengun
mældist vart í borginni klukkan 14 á
laugardag. Til samanburðar mældist
svifryk á nýársdag 2010 vel yfir sól-
arhringsmörkum, eða 225 míkró-
grömmum á rúmmetra.
Steinþór Stefánsson bjargaði lífi
fjögurra ungmenna á sunnudags-
morgun þegar hann gekk fram hjá
brennandi húsi á Akureyri klukkan
rúmlega sjö um morguninn. Hann
hringdi í neyðarlínuna sem kallaði
til slökkvilið en hófst að því loknu
sjálfur handa við að reyna að vekja
fólkið sem var í húsinu. Hann
barði á glugga og veggi hússins í
von um að einhver myndi vakna.
Það tókst og náði hann að vekja
tvo karlmenn sem sváfu á neðri
hæð hússins. Slökkviliðið, sem var
aðeins fjórar mínútur á vettvang,
segir manninn vera sannkallaða
hetju. Sjálfur segist hann ekki vilja
gera mikið úr hetjudáð sinni.
Barði á glugga
„Ég þarf nú ekki mikið að gorta mig af
þessu,“ segir Steinþór þegar hann er
beðinn um að lýsa atvikinu. „Ég var
bara í smá heilsubótargöngu og svo
heyri ég í reykskynjaranum og geng á
hljóðið. Þá sé ég þennan ægilega reyk
þannig að ég fer í það að reyna að
vekja fólkið sem var í húsinu. Það kom
einn strax út og svo náði ég að berja á
glugga til að vekja annan,“ segir hann.
Samkvæmt upplýsingum frá slökkvi-
liðinu á Akureyri hringdi Steinþór at-
vikið inn um tuttugu mínútur yfir sjö á
sunnudagsmorgun.
Steinþór sem sjálfur hafði enga
fyrri reynslu af björgunarstörfum brást
hárrétt við, samkvæmt upplýsingum
frá slökkviliðinu á Akureyri. Hann fór
ekki sjálfur inn í húsið en mikill reykur
var kominn um allt húsið. „Það var svo
fullt af reyk að þegar drengurinn vakn-
aði og opnaði hurðina þá lagði maður
nú ekki í það að fara þangað inn,“ seg-
ir hann en hann þekkir fólkið sem býr
í húsinu ekki neitt. Steinþór segir það
hafa verið einskæra tilviljun að hann
hafi verið á gangi þarna um morgun-
inn og að hann hafi ákveðið að ganga
þessa leið.
Sofnaði brosandi
„Maður sofnaði með bros á vör eftir
að það var allt í lagi með fólkið,“ seg-
ir hann aðspurður um hvernig til-
finningin væri að byrja árið með því
að bjarga fjórum mannslífum. „Nei,
ekki neitt, ekkert meira en maður hef-
ur heyrt svona um hvað þessi reykur
er skuggalega hættulegur,“ segir hann
aðspurður hvort hann hafi einhvern
tímann kynnt sér hvernig á að bregð-
ast við þegar kviknar í. „Ég lagði bara
áherslu á að vekja þau. Þegar mér
varð ljóst að þau hefðu vaknað þá –
ég svo sem veit ekki hvað maður hefði
gert, ætli maður hefði ekki örugglega
asnast til að hlaupa þangað inn hefðu
þau ekki vaknað.“
Bæði slökkviliðsmenn og lögreglu-
menn sem voru á vakt á sunnudags-
morgun segja að Steinþór hafi unnið
mikla hetjudáð. „Ég er svo innilega
sammála því að þessi maður er mik-
il hetja. Hann bjargar mannslífum
hérna, og ég er ekki að tala um eitt
eða tvö, hann bjargar þarna fjórum
manneskjum,“ segir slökkviliðsmað-
ur sem sinnti útkallinu. Líðan fólks-
ins er góð en þau voru öll fjögur flutt
á sjúkrahús til aðhlynningar. Voru þau
öll með minniháttar reykeitrun.
Aðalsteinn Kjartansson
blaðamaður skrifar adalsteinn@dv.is
n Maður bjargaði fjórum úr brennandi húsi n „Sýndi hárrétt viðbrögð,“
segir slökkviliðsmaður n „Maður sofnaði með bros á vör,“ segir hetjan„Ég þarf nú ekki
mikið að gorta mig
af þessu.
Bjargaði fjórum
úr brennandi húsi
Hetjan Reyk lagði á
móti Steinþóri þegar
hann kom að húsinu.