Dagblaðið Vísir - DV - 18.03.2011, Síða 14

14 | Fréttir 18.–20. mars 2011 Helgarblað
Bröns
alla laugardaga og sunnudaga
Aðalstræti 2 | 101 Reykjavík | Sími: 517 4300 | www.geysirbistrobar.is
Verð
aðeins
1.795
með kaffi
eða te
Síðastliðinn miðvikudag fór fram
fyrirtaka í máli Orkuveitu Reykja-
víkur gegn ríkinu í Héraðsdómi
Suðurlands. Ástæðan er sú að
Orkuveitan keypti árin 1999 og
2000 mikið landsvæði af íslenska
ríkinu, sveitarfélaginu Ölfusi,
Grímsnes- og Grafningshreppi og
16 einstaklingum.
Í raun er um að ræða endur-
upptöku á máli sem vísað var frá
með dómi Hæstaréttar síðasta
sumar, en það snýst í grundvallar-
atriðum um niðurstöðu óbyggða-
nefndar frá árinu 2006 þess efnis
að ákveðin svæði á Hellisheiði telj-
ist þjóðlendur. Fari svo að niður-
staða óbyggðanefndar verði stað-
fest fyrir dómstólum má ætla að
Orkuveitan geri kröfu á hendur
ríkinu og þeim landeigendum sem
seldu Orkuveitunni jarðir á þessu
landsvæði.
Snýst um auðlindir
Landið sem um ræðir er að hluta
til á Hellisheiðinni þar sem Orku-
veitan hefur borað eftir gufu
til raforkuframleiðslu. Á meðal
landeigenda er þingkona Sjálf-
stæðisflokksins, Þorgerður Katr-
ín Gunnarsdóttir, en hún gæti
eins og fleiri þurft að endurgreiða
Orkuveitunni kaupverð jarðarinn-
ar verði dómurinn henni óhag-
stæður. Þorgerður Katrín vildi ekk-
ert tjá sig um málið í samtali við
DV. Réttargæslumaður hennar og
nokkurra annarra landeigenda í
málinu, Indriði Þorsteinsson, seg-
ir málið meðal annars snúast um
hitaveituréttindi, jarðhita og önn-
ur verðmæti á svæðinu.
Þá sé tekist á um þá spurningu
hvort landið sem selt var Orkuveit-
unni á sínum tíma hafi verið í eigu
þessara aðila eða þjóðlenda í eigu
ríkisins. „Þessir aðilar áttu þarna
jarðir og seldu þær Orkuveitunni
út af Hellisheiðarvirkjun á sínum
tíma. Fari málið á versta veg telur
Orkuveitan að hún eigi endurkröfu
á hendur þessum landeigendum,“
segir Indriði.
Endurgreiðslu hugsanlega
krafist
Elín Björg Smáradóttir, lögmað-
ur Orkuveitunnar, segir stefnuna
vera tilkomna til þess að fá botn í
málið. Aðspurð hvort gerð verði
krafa á hendur landeigendum um
að endurgreiða Orkuveitunni segir
Elín Björg: „Það er ekkert verið að
tala um það í þessu máli. Í þessari
atrennu er bara verið að krefjast
ógildingar á hluta af niðurstöðu
óbyggðanefndar.“
Hún segir að verði niðurstaða
óbyggðanefndar staðfest fyrir
dómi verði í framhaldinu að fara
í mál bæði gegn ríki og landeig-
endum og krefjast endurgreiðslu á
kaupverðinu, þar sem viðkomandi
hafi ekki átt það sem hann seldi.
Dregist á langinn
DV fjallaði um málið þegar það
var fyrst tekið fyrir árið 2007 en þá
sagði Hjörleifur Kvaran, þáverandi
lögmaður Orkuveitunnar, stefn-
una einfalda: „Ríkið seldi okkur
land fyrir tugi milljóna en tók það
svo til baka í gegnum óbyggða-
nefnd. Við viljum fá landið til baka
og erum að fara í mál til ógildingar
úrskurði óbyggðanefndar.“
Guðmundur A. Birgisson, einn
landeigendanna, sagðist í þeirri
sömu grein hissa á að Orkuveitan
blandaði landeigendum í málið.
„Ef Orkuveitan telur sig eiga að fá
einhvern afslátt af landinu vegna
úrskurðarins munum við frekar
taka við landinu aftur og fá þá bara
endurgreitt með vöxtum.“
TEKIST Á
UM ÞJÓÐ-
LENDUR
n Orkuveita Reykjavíkur stefnir ríkinu á nýjan leik vegna
jarðakaupa n Jarðirnar voru skilgreindar sem þjóðlend-
ur árið 2006 n Þorgerður Katrín er einn landeigenda
n Staðfesti dómstólar niðurstöðu óbyggðanefndar geta
landeigendur verið krafðir um endurgreiðslu
Jón Bjarki Magnússon
blaðamaður skrifar jonbjarki@dv.is
„Fari málið á versta
veg telur Orkuveit-
an að hún eigi endurkröfu
á hendur þessum land-
eigendum.
Landeigandi Óvissa ríkir um það hvort
Þorgerður Katrín og aðrir landeigendur hafi
átt jarðir sem þau seldu Orkuveitunni.
Orkuveita Reykjavíkur Stefnir ríkinu
vegna úrskurðar óbyggðanefndar.