Dagblaðið Vísir - DV - 28.03.2011, Blaðsíða 12

12 | Fréttir 28. mars 2011 Mánudagur
Bjarni Benediktsson og faðir hans
Benedikt Sveinsson seldu verulegt
magn hlutabréfa í Glitni í febrúar
árið 2008, nokkrum mánuðum fyr-
ir íslenska efnahagshrunið. Þetta
kemur fram í hluthafalista Glitnis
yfir 250 stærstu hluthafa bankans á
árunum 2006 til 2008 sem DV hef-
ur undir höndum. Svo virðist því
sem þessir aðilar hafi verið búnir að
missa trúna á Glitni talsvert löngu
áður en bankinn hrundi í lok sept-
ember 2008.
Út frá hluthafalistanum virðist
sem Glitnir hafi byrjað að lenda í
verulegum vandræðum með hluta-
bréf í bankanum strax í febrúar
2008. Líkt og DV greindi frá á föstu-
daginn seldi bandaríski bankinn
Citibank rúmlega 300 milljón hluti
í þeim mánuði og tveir bréfberar –
aðilar sem bankinn leitaði til til að
taka við bréfunum með tryggðri fjár-
mögnun frá bankanum – Rákungur
og félag í eigu fjárfestingarfélagsins
Sunds, keyptu rúmlega 560 milljónir
hluta í bankanum. Gengi hlutabréfa
í Glitni var 16,95 á hlut í lok febrú-
ar 2008 þannig að um var að ræða
viðskipti upp á nærri tíu milljarða
króna. Í báðum tilfellum var Glitnir
sjálfur seljandi bréfanna til Rákungs
og dótturfélags Sunds.
Tóku við láni frá Morgan
Stanley
Febrúarmánuður 2008 var mikil-
vægur í sögu Glitnis banka. Í þessum
mánuði, líkt og DV hefur fjallað um
í mörgum fréttum, tók Glitnir með-
al annars við fjármögnun eignar-
haldsfélagsins Þáttar International,
sem var einn stærsti hluthafi Glitn-
is, frá bandaríska fjárfestingarbank-
anum Morgan Stanley vegna þess
að bandaríski bankinn vildi ekki
lengur fjármagna hlutabréfin. Með
þessari yfirtöku jókst áhætta Glitnis
vegna lána til tengdra aðila umtals-
vert en lánið frá Morgan Stanley til
Þáttar International nam 217 millj-
ónum evra, rúmlega 20 milljörðum
króna. Þáttur International var fjár-
festingarfélag í eigu félaga Karls og
Steingríms Wernerssona og Einars
og Benedikts Sveinssona og átti það
7 prósenta hlut í bankanum. Bjarni
Benediktsson kom að þessari end-
urfjármögnun á Glitnisbréfunum,
Vafningsviðskiptunum svokölluðu,
með því að veðsetja hlutabréf Einars
og Benedikts í Vafningi hjá Glitni.
Þessi hlutabréf voru veð fyrir láninu
frá Glitni sem notað var til að endur-
greiða Morgan Stanley.
Ástæðan fyrir því að Morgan
Stanley krafðist endurgreiðslu á lán-
inu til Þáttar International var að
gengi hlutabréfa í Glitni var kom-
ið niður fyrir tiltekið lágmark sem
kveðið var á um í lánasamningi
félagsins við bandaríska bankann,
og því hefði bankinn getað leyst
hlutabréf félagsins í Glitni til sín og
selt þau á markaði. Óvíst er hins
vegar að kaupendur hefðu fund-
ist að bréfunum og því hefði hluta-
bréfaverð í Glitni getað tekið enn
meiri dýfu ef Morgan Stanley hefði
gert þetta. Glitnir ákvað því að lána
Þætti International fyrir uppgreiðslu
á láninu við Morgan Stanley. Glitnir
tók því við áhættunni af hlutabréfa-
eign Þáttar International sem áður
hafði hvílt á Morgan Stanley.
Seldu rúmlega 57
milljónir hluta
Áhugavert er að sjá að á sama tíma
og þetta gerðist seldu þeir Benedikt
Sveinsson og sonur hans Bjarni, sem
þá var þingmaður Sjálfstæðisflokks-
ins og nú formaður flokksins, nærri
57,5 milljónir hluta í Glitni. Þetta
kemur fram á hluthafalistanum sem
blaðið hefur undir höndum, líkt og
áður segir.
Söluverðmæti þessara hluta-
bréfa í Glitni hefur því samtals ver-
ið um 975 milljónir króna miðað við
það að lokagengið á hlutabréfunum
í Glitni hafi verið 16,95 í lok febrúar
2008. Miðað við að hlutabréfaverð
í Glitni hafði farið hríðlækkandi frá
því þegar það komst í hæstu hæðir í
júlí 2007, þá fór gengið í rúmlega 30,
er kannski ekki skrítið að svo marg-
ir hafi selt bréf sín þegar þarna var
komið sögu. Morgan Stanley hafði
misst trúna á Glitni, líkt og veðkallið
vegna Glitnisbréfa Þáttar sýnir, sem
og Citibank og aðrir virðast í aukn-
um mæli einnig hafa byrjað að gera
það líka.
Benedikt Sveinsson seldi bæði
tæplega 35 milljónir hluta sem voru
skráðir á hann persónulega og eins
rúmlega 15 milljónir hluta sem
eignarhaldsfélag hans Hafsilfur átti.
Heildarverðmæti bréfa sem Bene-
dikt seldi var tæpar 850 milljónir.
Hlutabréfaeign Benedikts og Hafsilf-
urs í Glitni hafði verið talsvert meiri
tæpu ári áður, rúmlega 200 milljónir
hluta, en hann seldi bróðurpart bréfa
sinna í apríl 2007 þegar Milestone og
Benedikt og Einar bróðir hans seldu
stærstan hluta bréfa sinna í Glitni til
FL Group og tengdra aðila. Benedikt
hélt hins vegar eftir um 50 milljón
hlutum.
Benedikt og Bjarni seldu því þau
Glitnisbréf sín sem þeir áttu pers-
ónulega á sama tíma og Glitnir tók
við fjármögnuninni á hlutabréfa-
eign Þáttar International í Glitni af
Morgan Stanley. Eftir þessi viðskipti
keyptu þeir ekki aftur bréf í Glitni
fram að bankahruninu 2008, sam-
kvæmt hluthafalistanum.
Ekki keypt með
lánum, segir Bjarni
Samkvæmt hluthafalista Glitnis
eignaðist Bjarni sín bréf í bankan-
um, upphaflega tæplega 8,7 milljónir
hluta, í janúar 2007 þegar faðir hans
og föðurbróðir voru stórir hluthafar
í bankanum ásamt Milestone. Verð-
mæti þessara bréfa í janúarlok 2007
var um 220 milljónir króna miðað við
að lokagengi á bréfum í Glitni var þá
25,3 á hlut. Í febrúar 2008 var þessi
hlutabréfaeign Bjarna komin niður
í tæplega 7,45 milljónir hluta. Mið-
að við gengið á hlutabréfum Glitnis
í febrúarlok 2008 var söluverðmætið
um 126 milljónir.
Í skýrslu rannsóknarnefndar Al-
þingis kom fram að Bjarni hefði verið
með útistandandi 174 milljóna króna
lán í íslenska bankakerfinu í ársbyrj-
un 2008. Bjarni sagði, aðspurður um
þá lánafyrirgreiðslu í apríl í fyrra, að
hann hefði greitt upp þessi lán árið
2008.
Bjarni segir aðspurður að hann
hafi ekki fjármagnað hlutabréfaeign
sína í Glitni með lántökum. DV sendi
honum fyrirspurn þar sem hann var
meðal annars spurður að því hvort
umrædd 174 milljóna króna skuld í
skýrslunni hefði verið tilkomin vegna
kaupa hans á hlutabréfunum í Glitni
sem rætt er um hér. Svo var þó ekki
samkvæmt Bjarna. „Ég get þó stað-
fest að ég eignaðist ekki hlutabréf í
Glitni með lántökum,“ segir Bjarni í
skriflegu svari við fyrirspurn DV.
Bjarni vill hins vegar ekki svara
öðrum spurningum DV um hluta-
bréfaviðskiptin, en DV lék meðal ann-
ars forvitni á að vita af hverju hann
keypti bréfin, fyrir tilstuðlan hvers, og
hvers vegna hann seldi. Í svari sínu
ber Bjarni því fyrir sig að um sé að
ræða hans persónulegu fjármál. „Ég
mun ekki tjá mig frekar við þig um
mín persónulegu fjármál.“
Samkvæmt svörum Bjarna lagði
hann því sjálfur út fjármuni fyrir
hlutabréfunum í Glitni í ársbyrjun
2007. Ef þetta var raunin tapaði Bjarni
nokkrum tugum milljóna króna á við-
skiptunum þar sem hlutabréfaverð í
Glitni lækkaði umtalsvert, um meira
en 8 krónur á hlut, frá því Bjarni keypti
bréfin þar til hann seldi þau rúmu ári
síðar.
Margir aðrir seldu
Fleiri seldu hlutabréf sín í Glitni um
þetta leyti, á fyrstu mánuðum árs-
ins 2008, og byrjaði Glitnir í auknum
mæli að styðjast við óhefðbundnar
aðferðir við að koma hlutabréfunum
yfir til nýrra kaupenda eftir því sem
fleiri og fleiri hluthafar gengu úr skaft-
inu. Fræg dæmi um slíkar aðferðir í
tilfelli Glitnis er sala á hlutabréfum til
Stíms, Rákungs og félaga í eigu Sunds.
Margir af hluthöfum Glitnis, sem voru
framámenn í íslensku viðskipta- og
jafnvel stjórnmálalífi, virðast því hafa
verið búnir að missa trúna á Glitni
strax í ársbyrjun 2008. Lítið sem ekk-
ert var hins vegar um þetta rætt í fjöl-
miðlum eða annars staðar í samfé-
laginu fram að hruninu.
Fjallað verður áfram um hluthafa-
lista Glitnis og kaup og sölu á bréfum
í bankanum fram að hruninu 2008 í
næsta blaði.
Bjarni seldi bréf sín í
Glitni í febrúar 2008
n Bjarni Benediktsson og Benedikt Sveinsson seldu Glitnisbréf sín í febrúar 2008 n Vafningsviðskiptin fóru fram á
sama tíma n Heildarverðmæti viðskiptanna var um 975 milljónir n Bjarni segist ekki hafa tekið lán fyrir bréfunum„Ég get þó staðfest
að ég eignaðist
ekki hlutabréf í Glitni með
lántökum.
Seldi í sama mánuði og Vafningsvið-
skiptin fóru fram Bjarni Benediktsson seldi
hlutabréf í Glitni, sem hann hafði keypt í bank-
anum í ársbyrjun 2007, í febrúar 2008. Þetta var í
sama mánuði og Vafningsviðskiptin fóru fram.
Hluthafalisti Glitnis
Ingi Freyr Vilhjálmsson
fréttastjóri skrifar ingi@dv.is
2. hluti