Dagblaðið Vísir - DV - 28.03.2011, Qupperneq 20

U
xbal (Javier Bardem) hefur
marga fjöruna sopið og mik-
ið af henni ólöglegri. Hann
reynir að ná endum sam-
an með ýmsu misjöfnu meðan fjöl-
skyldulíf hans er nokkurn veginn í
molum. En hann hættir ekki að reyna
að láta hlutina ganga upp. Maður
skynjar fljótlega að hann sér hluti
sem aðrir sjá ekki og skynjar fram-
liðna sterkt. Hann er í fullu starfi sem
skúrkur en er engu að síður sann-
arlega hetja myndarinnar þar sem
hann reynir sitt besta í aðstæðum
sem eru allt annað en öfundsverð-
ar. Líf hans er lítið glansandi hark
en maður sér að hann er ekki hjarta-
laus, alls ekki. Vendipunktur mynd-
ast skyndilega þar sem hann sér
sinn eigin dauða nálgast. Lítið hress-
andi við það nema hvað að þar með
fær hann tækifæri til að breyta rétt
þrátt fyrir hinnar röngu aðstæður.
Aðstæðurnar sem eru í klassískum
ömurleika, götuhöstl í svitasjoppu-
bransa, mútur, spilling, áfengissýki,
geðveilur, lygar, svik, rasismi, mis-
rétti og brotið fjölskyldulíf í skítugri
endanum á Barcelona með kellingu
sem talar of mikið. Hvernig getur
maður ræktað blómlegt fjölskyldu-
líf í öðru eins malbiki? Hvað þá á
þeim stutta tíma sem hann hefur til
stefnu? Í því ferli þarf að forgangs-
raða hlutunum sem skipta raun-
verulega máli. Iñárritu er löngu bú-
inn að sanna óskoraða hæfileika sína
sem leikstjóri. Myndir hans á borð
við Babel, 21 gramm og Amores Per-
ros eru eitthvað virkilega sérstakt og
ekki síst fyrir hvað þær eru mann-
legar í raunveruleika sínum. Biuti-
ful gefur ekki mikið upp í framvind-
unni, hálf myndin er liðin og þú ert
ennþá að átta þig á stöðunni. Hún
er þar að auki á þriðja tíma löng án
þess að maður taki eftir því þar sem
maður er svo djúpt sokkinn í fram-
vinduna. Það er ekki eitt feilspor hér,
mestmegnis handheld takan er full-
komin fyrir efnið, tónlistin er allt-
af frábær og viðeigandi, leikurinn
er frábær og þessi einstaka næmni
Iñárritu gerir verkið að einu kraft-
mesta stykki sem sést hefur lengi.
Alls konar tilfinningar, jákvæðar og
neikvæðar, þrýsta á áhorfandann.
Uxbal sér handan okkar heims og
djöfull eru yfirskilvitlegar skynjanir
hans óhuggulegar… og þetta er ekki
einu sinni hryllingsmynd. Afstað-
an til dauðans er eitt sterkasta ele-
ment myndarinnar og hvernig hún
lætur mann endurhugsa tilveruna í
því samhengi. Einnig hvernig raun-
verulegt traust er ekkert endilega
að finna meðal ástfanginna eða fjöl-
skyldutengdra og hvernig þetta sama
traust er það dýrmætasta sem við
eigum. Þegar þú getur skyndilega
ekki treyst á sjálfan þig ertu ofur-
seldur því að eiga aðgang að alvöru
manneskjum. Biutiful er samfélags-
spegill „par excellence“. Til að skilja
hismið frá kjarnanum er enginn af-
sláttur gefinn af raunsæinu, þetta er
raunverulegt fólk með stór nef og
bogna siðferðiskennd. Svo túlkunin
er mest gegnum augu áhorfandans.
Það er eðall Iñárritu. Það er aldrei
þannig að einhver geri allt rétt og
auðvelt sé að mynda sér svarthvíta
skoðun á sögupersónum. Engir Jes-
úsar, bara Lokar sem gera gott eða
slæmt allt eftir því hvað aðstæður
bjóða þeim. Fyrir vikið verða mynd-
ir hans allar svo mannlegar. Biutiful
sér fegurðina þar á einstakan hátt.
Því dýrlingur er bara syndari sem
heldur áfram að reyna að gera hið
rétta.
20 | Fókus 28. mars 2011 Mánudagur
Sýningarskráin er matreiðslubók og kynning á hönnuðum:
Kjammi og kók
Leirlistafélag Íslands opnaði lystuga
sýningu á HönnunarMars í Norræna
húsinu. Yfirskrift sýningarinnar er
Kjammi og kók: íslensk matargerð
í íláti. Á sýningunni eru tólf félags-
menn að velta fyrir sér formum og
hugmyndum um íslenskan mat og
hefðum Íslendinga tengdum mat,
svo sem verkfæri og ílát sem við
höfum notað í gegnum tíðina sem
tengjast íslenskum matarhefðum.
Ílátin eru hugsuð utan um mat
eða drykk og í sýningarskrá sem
verður gefin út í tengslum við sýn-
inguna verða uppskriftir af hverj-
um rétti sem ílátunum er ætlað
eftir hönnuðina sjálfa. „Sýningar-
skráin er í senn matreiðslubók sem
og kynning á hönnuðinum og er
ætlað að að vera uppspretta enda-
lausra hugmynda að góðum mat
eða drykk. Við erum fjórtán hönn-
uðir sem erum með verk á sýning-
unni og allar erum við að hugsa um
ílát og mat í ýmsum skilningi,“ segir
Árdís Olgeirsdóttir einn hönnuða.
„Sýningin stendur til 30. mars næst-
komandi og félagið á þrjátíu ára af-
mæli í ár og þess vegna er sýningin
fremur vegleg. Við veltum fyrir okk-
ur hefðum og erum að skapa ný verk
byggð á gömlum ílátum og matar-
hefð.“
Í sýningarskránni má finna
uppskriftir að heimagerðri jógúrt,
bláberjalíkjör, fjallaskyri, plokk-
fiski í sparifötunum, skankasúpu,
ávaxtalíkjörum og mörgu og fleiru.
„Við notum íslenskt ferskt hráefni og
af því að við erum leikerasmiðir og
erum alltaf að vinna ílát í kringum
mat þá hugsum við um umgjörðina
um hráefni.“
kristjana@dv.is
Mottukeppnin Tom Selleck var
endurvakin á skemmtistaðnum
Boston í fyrra og vakti mikla lukku
og í ár verður hún haldin enn á
ný á miðvikudaginn á þeim sama
skemmtistað. Eins og í fyrra verð-
ur líka safnað fé til styrktar átakinu
Mottumars.
Sigurvegarinn í fyrra, Aron
Bergmann Magnússon myndlista-
maður og leikmyndahönnuður,
heldur um stjórnartaumana í ár
ásamt Ragga, kenndum við Botn-
leðju. „Það kepptu 32 í keppninni
í fyrra og hún er skemmtileg upp-
ákoma að horfa á,“ segir Aron.
„Keppendur fá aukastig fyrir fram-
komu og stíl og klæða sig gjarnan
í ýmsa búninga.“ Sjálfur klæddist
Aron búningi skógarhöggsmanns
og segir gervin hafa verið margvís-
leg í fyrra, í þriðja sæti lenti til að
mynda Helgi Svavar Helgason sem
vakti lukku í gervi Steinríks úr Ást-
ríks-teiknimyndunum.
Aron segir verðlaun verða veitt
fyrir mottu ársins, annað og þriðja
sætið og hýjung ársins. Aðalsig-
urvegarinn fær vinningshatt sem
hann fær að vera með í ár og sæti í
dómnefnd næsta árs. En hvað með
konur? Hafa engar tekið þátt? Aron
skellir upp úr. „Nei, ekki enn þótt
að sumar séu ef til vill með efni-
legan hýjung. En við myndum svo
sannarlega taka vel á móti þeim.
Keppnin er ekki lokuð konum.“
Skráning í keppnina stendur yfir
til miðvikudags.
kristjana@dv.is
Biutiful
IMDb 7,6 RottenTomatoes 66% Metacritic 58
Leikstjórn: Alejandro Gonzalez Inarritu
Aðalhlutverk: Javier Bardem, Maricel
Álvarez, Hanaa Bouchaib, Guillermo Estrella,
Eduard Fernández, Cheikh Ndiaye, Diaryatou
Daff, Taisheng Cheng, Jin Luo
Handrit: Alejandro Gonzalez Inarritu,
Armando Bo, Nicolás Giacobone
Bíómynd
Erpur
Eyvindarson
Mottukeppnin Tom Selleck á skemmtistaðnum Boston á miðvikudagskvöld:
Keppnin ekki lokuð konum
Tveir með mottu Aron Berg-
mann og Ragnar, kenndur
við Botnleðju, halda utan um
mottukeppnina Tom Selleck í ár.
Sigurður gefur
út í Danmörku
Íslenski saxófónleikarinn Sigurð-
ur Flosason og danska söngkonan
Cathrine Legardh hafa sent frá sér
geisladiskinn „Land & Sky“. Diskur-
inn er tvöfaldur og á honum eru 20
ný djasssönglög eftir Sigurð við texta
eftir Cathrine Legardh, tíu á ensku
og tíu á dönsku. Aðrir hljóðfæraleik-
arar eru danskir; píanóleikarinn Pet-
er Rosendal, kontrabassaleikarinn
Lennart Ginman og trommuleikar-
inn Andreas Fryland. Í tilkynningu
frá útgefanda kemur fram að lög
og textar voru samin á sex mánaða
tímabili á Íslandi og í Damörku, í
gegnum síma, milli tölva, á ferðalög-
um og í heimsóknum sem lengdust
vegna öskufalls úr Eyjafjallajökli.
Kurteist fólk í bíó
Myndin Kurteist fólk var frumsýnd
um helgina í Laugarásbíó. Óhæfur
verkfræðingur lýgur sig inn í samfé-
lag á Vesturlandi og þykist geta kom-
ið sláturhúsi staðarins í gang á ný
og óafvitandi gengur hann inn í litla
heimsstyrjöld sem ríkir í einkalífi
íbúa og pólitík bæjarfélagsins. Með
aðalhlutverk í myndinni fara Stefán
Karl Stefánsson, Ágústa Eva Erlends-
dóttir og Hilmir Snær Guðnason og
henni er leikstýrt af Ólafi de Fleur
Jóhannessyni.
Hræringur
Gestir á HönnunarMars mega ekki
láta myndbandsverkið Hræring fram
hjá sér fara. Um er að ræða sýningu
Fatahönnunarfélags Íslands sem er
myndbandsverk og innsetning þar
sem hönnun íslenskra fatahönnuða
verður í brennidepli. Myndbandið
er unnið í samstarfi við Saga Film og
Inspired by Iceland og verður í fram-
haldi af HönnunarMars notað sem
hluti af kynningarefni fyrir Ísland og
íslenska fatahönnun. Sýningin er í
Hótel 101, kjallara og opin frá 10.00
til 20.00.
Skankasúpa Skemmtilegt leirtau hannað með ferskum blæ en með tilliti til gamalla
hefða.
Skítugi dýrlingurinn