Dagblaðið Vísir - DV - 28.03.2011, Blaðsíða 23
Úttekt | 23Mánudagur 28. mars 2011
Verkamannaflokks Norður- Kóreu.
Minnismerkið stendur í höfuð-
borg landsins, Pjongjang, og skartar
þremur hnefum. Einn hnefinn held-
ur á hamri, annar á sigð og sá þriðji
á pensli. Má telja víst að hamarinn
og sigðin séu verkamönnum lands-
ins og afrekum þeirra til heiðurs, en
hvað pensillinn stendur fyrir er erf-
iðara um vik að fullyrða; kannski til
er hann til heiðurs mennta-, gáfu-
og listamönnum.
Sjálfur hefur Kim Jong-il verið
ólatur við að gera minnismerki sjálf-
um sér til dýrðar, hvort heldur sem
er með minnismerkjum í máluð-
um myndum og er það mat manna
að hann hafi gefið hugtökunum
„per sónu-“ eða „sjálfsdýrkun“ nýja
merkingu.
Friðarstillirinn Mars
Einn merkur leiðtogi, Napóleón
Bónaparte, komst að þeirri niður-
stöðu að við hæfi væri að hann tæki
á sig ímynd herguðsins Mars. Keisar-
inn fékk ítalskan listamann, Antonio
Canova, til að gera styttu af nöktum
Napóleón sem nefnd var Napóleón
sem friðarstillirinn Mars. Síðar ku
keisarinn hafa lýst óánægju með
styttuna og sagði, þegar hún var til-
búin fjórum árum eftir að verkið
hófst, að hann væri of íþróttamanns-
legur enda hafði heilsu hans hrakað.
Sjálf gefur styttan styttum af róm-
verskum keisurum lítið eftir hvað
stærð og útlit varðar.
Í umfjöllun um minnismerki
sem alvaldar hafa í gegnum tíð-
ina látið reisa sjálfum sér til hylli er
nánast broslegt að fjalla um mál-
verk. Máluð hafa verið málverk af
þjóðarleiðtogum á nánast öllum
tímum mannkynssögunnar. Í sum-
um tilfellum hefur ekki þurft meira
til en að myndefnið hafi verið seðla-
bankastjóri örríkis í Norður-Atlants-
hafi.
Einræðisherrarnir Adolf Hitler og
Benító Mússolíní létu báðir gera mál-
verk af sér, fleiri en eitt og fleiri en tvö.
Hitler var gjarna sýndur með dáleið-
andi augnaráð, sem reyndar átti eftir
að draga heila heimsálfu til helvítis.
Kollega Hitlers og bandamaður,
Benító Mússólíni, fékk dáðan málara,
Philip Alexius de László, til að koma
„il Duce“, leiðtoganum á léreft. Líkt
og hjá Hitler virðist sem mikil áhersla
hafi verið lögð á augnaráð alvaldsins.
Horft til fornaldar
Ramses II, faraó í Egyptalandi, er tal-
inn hafa verið einn valdamesti faraó
í sögu egypska veldisins. Hann var
dýrkaður sem Guð væri af epypsku
þjóðinni og hafði þurrkað út öll merki
fyrri valdaætta í ríkinu.
Þessi gríðarstóra stytta af Ramsesi
er við Lúxor-hofið og er talin til merk-
is um áhrif hans og völd í Egyptalandi
til forna, en styttan var gerð frá 1279
til 1213 fyrir Krists burð.
Konstantínus mikli var enginn
amlóði og eftir að hafi unnið slag-
inn og tekið yfir heilt stórveldi fannst
honum vel til fundið að taka hálf-
karaða styttu af fyrrverandi alvaldi,
Maxentíusi, og láta klára hana í sinni
mynd.
Eins og það væri ekki nóg þá fyrir-
skipaði hann smíði gríðarstórrar basil-
íku sem hýsti tólf metra háa styttu af
honum. Það eina sem eftir er af stytt-
unni í dag eru höfuðið og nokkrir aðrir
hlutar styttunnar og eru þeir geymdir
í Róm.
MYNDBIRTING SJÁLFSDÝRKUNAR
Í anda Rómaveldis Napóleon Bónaparte
fannst styttan sýna sig í helst til góðu formi
þegar smíði hennar var lokið. MYND WIKIMEDIA
Ramses II Gríðarstór stytta af einum
voldugasta faraó Egyptalands er við hofið í
Lúxor. MYND REUTERS
„Sverð sigurs“ í Bagdad Hvaða sigri einræðisherrann Saddam Hussein vildi fagna með
merkinu kann að velkjast fyrir fólki. MYND REUTERS
Styttan af Saparmurat Niyazov, einræðisherra í
Túrkmenistan Styttan snýst þannig að sólin skín ávallt
á „föður Túrkmena“. MYND REUTERS
Hugmyndasmiður „Stóra stökksins“ Stytta við grafhvelfingu Maós Zedong sýnir
hann fara fyrir hópi baráttuglaðra byltingarsinna. MYND: ÓÞEKKT
Krepptur hnefi Muammar al-Gaddafi lætur gjarna mynda sig við þetta minnismerki.
MYND REUTERS
Heimildir huffingtonpost.com, esquire.
com, thesexybeast.com, wikipedia.com
og fleiri miðlar