Dagblaðið Vísir - DV - 29.02.2012, Blaðsíða 3

Fréttir 3Miðvikudagur 29. febrúar 2012
Tæplega þúsund fóstureyðingar
n Svipað hlutfall fóstureyðinga og síðustu ár
Á
rið 2010 voru 976 fóstureyðing-
ar framkvæmdar hér á landi.
Það er sambærilegur fjöldi og
var tvö ár þar á undan. Þetta
kemur fram í Talnabrunni Land-
læknisembættisins en þar eru bornar
saman tölur frá embættinu fyrir árið
2010 og fyrri ár.
Algengt er að tíðni fóstureyð-
inga sé skoðuð í hlutfalli við fæð-
ingar. Sé það gert kemur í ljós að
framkvæmdar voru tæplega 200
fóstur eyðingar fyrir hver 1.000 börn
sem fæddust á sama tímabili. Lítil
breyting hefur orðið á þessu hlutfalli
á síðustu fimm árum. Talsvert hefur
hins vegar dregið úr fóstureyðingum
frá tímabilinu 1997 til 2003 því þá
voru framkvæmdar um 220 til 230
fóstureyðingar á móti hverjum 1.000
lifandi fæddum börnum.
Langstærstur hluti aðgerðanna,
eða um 90 prósent, var framkvæmd-
ur á kvennadeild Landspítalans.
Næstflestar aðgerðanna voru fram-
kvæmdar á Fjórðungssjúkrahúsinu á
Akureyri. Á undanförnum árum hef-
ur sú þróun átt sér stað að fóstureyð-
ingar eru framkvæmdar á sífellt færri
stöðum.
Flestar aðgerðirnar voru fram-
kvæmdar á konum sem gengnar voru
tólf vikur eða skemur. Sérstaklega er
kveðið á um það í lögum að fóstur-
eyðingar eigi helst að framkvæma á
fyrstu tólf vikum meðgöngunnar og
að aðeins sé leyft að framkvæma fóst-
ureyðingar vegna læknisfræðilegra
ástæðna eftir sextán vikna meðgöngu.
Aðeins fjögur prósent fóstureyðingar-
aðgerða voru gerðar eftir meira en tólf
vikna meðgöngu.
Þ
að fer eftir því hvernig kran-
inn snýr hvort ég get horft á
sjónvarpið eða ekki,“ segir
Elín Guðrún Þorsteinsdótt-
ir, íbúi í Reykjanesbæ, sem
segist ekki hafa getað horft á sjón-
varpsútsendingar til fjölda ára vegna
krana á byggingasvæði í næsta ná-
grenni við hana. Málið hefur komið
til kasta bæjaryfirvalda auk bygging-
araðila en engin lausn er í sjónmáli.
„Þessi byggingarkrani hér fyrir utan
hefur verið ónotaður í tvö ár. Þetta
er mjög þreytandi. Maður er kannski
að horfa á spennandi mynd og þá
skellur á með truflunum,“ segir Elín
og bætir við að hún sé að því komin
að segja upp sjónvarpsáskriftinni að
Stöð 2 vegna málsins.
Bæjaryfirvöld segjast hafa
brugðist við kvörtunum
Árni Sigfússon, bæja☻rstjóri Reykja-
nesbæjar, segir bæinn hafa brugðist
við kvörtun íbúa og reynt að fá stað-
fest hvort byggingarkrani geti trufl-
að útsendingu. Um það hafi þó ekki
fengist skýr svör. „Óskað var eftir að
bóma á krananum yrði felld. Ef hún
kynni að trufla móttöku sjónvarps í
ákveðnum áttum. Byggingaraðili hef-
ur enn ekki orðið við því,“ segir í svari
Árna við fyrirspurn DV. Þá segir Árni
að engar kvaðir um tíma séu settar á
byggingarsvæði þar sem hægst hefur
á framkvæmdum vegna niðursveiflu
vegna efnahagshrunsins. „Hér eru
hins vegar áhyggjur af því að bóman
trufli sendingar sjónvarps og sjálfsagt
að ítreka að hún sé tekin niður. Þann-
ig má sannreyna hvort truflunin sé af
hennar völdum. Ég hef ítrekað óskað
eftir að það verði gert en við beitum
engum dagsektum í svona máli. Leit-
um bara vinsamlegra lausna.“
„Guð hjálpi mér“
Áskell Agnarsson, eigandi Húsagerð-
arinnar, sem á umrætt vinnusvæði
segir byggingarfulltrúa í Reykja-
nesbæ ekki hafa staðfest gagnvart sér
að kraninn trufli raunverulega út-
sendingar. „Guð hjálpi mér. Ég þekki
þetta mál. Þetta er bara staðhæfing á
móti staðhæfingu sérfræðings,“ segir
Áskell en bætir við að íbúum á svæð-
inu bjóðist sjónvarp í gegnum kapal
í jörðu. Hann segir ekki fullvíst að
byggingarkraninn trufli útsendingar
enda séu móttökuskilyrði örbylgju-
útsendinga sjónvarpsstöðvanna ekki
upp á sitt besta í Reykjanesbæ. „Ör-
bylgjusamband frá Reykjavík er háð
veðri hér yfir flóann. Sérstaklega því
lægra sem þú ert. Lægstu húsin í
Keflavík eru í rosalegum vandræðum
með örbylgjusamband í Reykjavík,“
segi Áskell. Hann segist þó ekki vita
hvort Elín notist við örbylgjuloftnet.
„Ég hélt að þetta mál væri úr sög-
unni. Það hefur ekki verið leitað til
mín hvorki frá Reykjanesbæ eða frá
þessari konu,“ segir Áskell. Aðspurð-
ur hvort ekki væri nær að deiluaðil-
ar leituðu lausna til dæmis með því
að vinna að því í sameiningu að færa
sjónvarpstengingu Elínar í jörð sagði
Áskell að það væri líklega eðlilegast.
„Auðvitað. Prinsippsins vegna þá
finnst mér það samt dálítið skrýtin
leið. Ég vil bara fá á hreint að þetta
sé það sem talað er um,“ segir Áskell.
Augljóst mál
„Það er enginn vandi að sýna fram
á að kraninn sé það sem truflar. Það
fer eftir því hvernig hann snýr hvort
ég get horft á sjónvarpið,“ segir Elín
þegar blaðamaður bar undir hana að
ekki væri vissa um að byggingarkran-
inn truflaði útsendingu sjónvarpsins.
Hún segist þó ekki hafa ráðfært sig
við sérfræðinga í málinu. Hún viður-
kennir að hafa ekki athugað að fullu
hvort hægt sé að fá sjónvarp í gegn-
um kapal í jörðu. „Ég hef bara enga
peninga til að fá mér slíkt og hef ekk-
ert vit á því hvernig þetta er,“ segir
Elín sem sárnar að talað sé um mál-
ið líkt og hún sé ein með vandræði.
„Þetta vesen með sjónvarpið hefur
verið í gangi í tæp fjögur ár. Ég áttaði
mig bara ekki á því að kraninn væri
vandamálið fyrr en fyrir rúmu ári. Ég
er ekkert sú eina sem kvartar, það eru
þrjár fjölskyldur í nágrenni við mig
sem allar hafa kvartað yfir útsend-
ingunni hjá sér.“
Ekki náðist í byggingafulltrúa
Reykjanesbæjar þrátt fyrir ítrekaðar
tilraunir.
Krani truflar
sjónvarpið
n Guðrún Elín getur stundum ekki horft á sjónvarpið vegna truflana
„Það fer eftir því
hvernig hann snýr
hvort ég get horft á sjón-
varpið.
50 þúsund
krónur á ári
Hjá áskriftadeild 365 miðla fengust
þær upplýsingar að áskriftagjald og
leiga á myndlykli væri sú sama, óháð
því hvernig áskrifendur ná sendingum
fyrirtækisins. Hins vegar er nauðsynlegt
að kaupa netáskrift til að taka á móti
sendingum í gegnum ADSL-netsjónvarp.
Í söludeild Vodafone fengust þær upp-
lýsingar að ódýrasta leiðin fyrir þá sem
verða að fá sjónvarpið í gegnum netið
en nota ekki internetið sé svokölluð
Vodafone 0 leið sem kostar 4.219 krónur
á mánuði.
Miðað við þetta er ljóst að kostnaður
Elínar og annarra sem ekki eru með
netáskrift, við að skipta yfir í ADSL-sjón-
varp, er í kringum fimmtíu þúsund á ári.
Atli Þór Fanndal
blaðamaður skrifar atli@dv.is
Hættir með Stöð 2 Guðrún Elín Þor-
steinsdóttir segist að því komin að hætta
með Stöð 2 vegna ástandsins.
Skyggir á skemmtiefnið Bygginga-
kraninn sem sem Guðrún segir truflsjón-
varpsútsendingar til sín og nágranna.
Dregið úr fóstureyðingum Sé litið á hlutfall fóstureyðinga miðað við fjölda fæðinga
kemur í ljós að dregið hefur úr fóstureyðingum á síðustu árum frá því sem var 1997–2003.
Árás á grískan túrista:
Dæmdir í
fangelsi
Tveir af þeim sem réðust á grísk-
an ferðamann í miðbæ Reykjavík-
ur í maí árið 2010 voru dæmdir í
tveggja ára fangelsi í Héraðsdómi
Reykjavíkur á þriðjudag. Alls voru
fjórir karlmenn ákærðir vegna
árásarinnar en sá þriðji hlaut
sextán mánaða fangelsisdóm og
sá fjórði hálfs árs fangelsi.
Mennirnir réðust á Grikkjann
í Bankastræti þar sem þeir lömdu
og spörkuðu í andlit og höfuð
hans. 
Árásin á að hafa átt sér stað
í maí 2010 í Þingholtsstræti og
nokkru síðar í Bankastræti við
veitingastaðinn Sólon.
Mennirnir þrír sem eru á aldr-
inum 27 til 33 ára neituðu allir
sök. Einn mannanna játaði að
hafa gripið ferðamanninn háls-
taki aftan frá og að einhverjar
ryskingar hafi átt sér stað, en
neitaði að hafa beitt hnefum eða
sparkað í hann. Hinir tveir báru
fyrir sig minnisleysi og könnuð-
ust ekki við að hafa átt nokkur
samskipti við ferðamanninn,
þrátt fyrir að framburður vitna
gæfi annað til kynna.
Fleiri uppsagnir
hjá Orkuveitunni
Starfsfólki Orkuveitu Reykjavíkur
hefur fækkað um 200, niður í 400,
síðan árið 2008 þegar þeir voru
flestir. Á þriðjudag var 20 starfs-
mönnum sagt upp störfum hjá
fyrirtækinu og marka þær upp-
sagnir lokaáfangann í þeirri upp-
stokkun á rekstrinum sem staðið
hefur undanfarið misseri.
Í tilkynningu frá Orkuveitu
Reykjavíkur segir að skuldabyrði
fyrirtækisins sé enn mjög þung
og hagræðing í daglegum rekstri
því mikilvægur þáttur í að styrkja
fjárhagsstöðuna og ráða fram úr
skuldavandanum. Samkvæmt
aðgerðaáætlun sem Orkuveitan
er rekin eftir er gert ráð fyrir að
lækka rekstrarkostnað um 900
milljónir króna á árinu 2012.
Áætlunin gerir ráð fyrir lækkun á
rekstrarkostnaði um fimm millj-
arða á tímabilinu 2011 til 2016.
74 eiga
von á sekt
Brot 74 ökumanna voru mynd-
uð í Hamrahlíð í Reykjavík á
þriðjudag. Fylgst var með öku-
tækjum sem var ekið Hamra-
hlíð í vesturátt, á móts við
Menntaskólann í Hamrahlíð.
Á einni klukkustund, eftir há-
degi, fóru 192 ökutæki þessa
akstursleið og því ók meira en
þriðjungur ökumanna, eða 39
prósent, of hratt eða yfir af-
skiptahraða. Meðalhraði hinna
brotlegu var 43,5 kílómetrar
á klukkustund en þarna er 30
kílómetra hámarkshraði. Sjö
óku á 50 kílómetra hraða eða
meira.
Vöktun lögreglunnar í
Hamrahlíð er liður í umferðar-
eftirliti hennar við skóla á höf-
uðborgarsvæðinu en þarna eru
margir gangandi vegfarendur á
ferð, meðal annars vegna MH
og líka Hlíðaskóla en aðeins
Háahlíð aðskilur lóðir skólanna.