Dagblaðið Vísir - DV - 29.02.2012, Blaðsíða 8

Frestað vegna veikinda
n Þrotabú vill fá til sín heimili Stefáns og Rikku
M
unnlegum málflutningi í
máli þrotabús Stefáns H.
Hilmarssonar, fjármála­
stjóra 365 og fyrrverandi
fjármálastjóra Baugs, gegn félaginu
Vegvísi ehf. var frestað fyrir Héraðs­
dómi Reykjavíkur á mánudag vegna
veikinda lögmanns þrotabúsins.
Þrotabúið krefst þess að fá til sín
fasteignina Laufásveg 68, en um er
að ræða heimili Stefáns og konu
hans, sjónvarpskokksins Friðriku
Hjördísar Geirsdóttur, eða Rikku eins
og hún er jafnan kölluð.
Stefán seldi Vegvísi Laufásveg 68
þann 18. september árið 2008 og var
kaupverðið 150 milljónir króna. Fé­
lagið átti að taka við greiðslu áhvíl­
andi veðskulda upp á tæplega 85
milljónir króna og greiða Stefáni
lokagreiðslu upp á rúmlega 65 millj­
ónir króna þann 18. september árið
2009, að því er kemur fram í stefn­
unni sem birtist í Lögbirtingablaðinu
síðastliðið haust.
Þann 22. mars 2011 lýsti stjórn­
armaður Vegvísis því hins vegar yfir
að lokagreiðslan hefði verið innt af
hendi með gerð lánssamnings 2.
febrúar árið 2009. Samningurinn
lýtur að því að Vegvísir greiði Stefáni
60 milljónir króna í einni greiðslu eft­
ir 25 ár og er því um svokallað kúlu­
lán að ræða.
Í stefnunni er fullyrt að láns­
samningurinn sé til málamynda
á milli nátengdra aðila, en Stefán
var framkvæmdastjóri Vegvísis og
móðir hans var, á þeim tíma sem
kaupsamningurinn var gerður, bæði
stjórnarmaður félagsins og eigandi
þess, og er enn.
Þrotabúið fer fram á að kaup­
samningnum verði rift, sem og láns­
samningnum fyrir eftirstöðum kaup­
verðsins. „Markmið dómsmálsins er
að endurheimta fasteignina þannig
að hún standi til fullnustu fyrir kröfu­
hafa þrotabúsins,“ segir í stefnunni.
solrun@dv.is
A
ldraðir sem búa í þjón­
ustuíbúðum á vegum
Reykjavíkurborgar borga
260 krónum meira fyrir há­
degismat, en starfsmenn
Reykjavíkurborgar. Starfsmenn
Reykjavíkurborgar sem borða í
mötuneyti Ráðhússins borga 400
krónur fyrir máltíðina, en innifalið
í henni er súpa, heit máltíð og kaffi.
Hins vegar þarf heimilisfólk sem býr
í þjónustuíbúðum aldraðra að borga
660 krónur fyrir hverja máltíð ef hún
er keypt í lausasölu, en ef einstak­
lingur er í föstu fæði eða borgar með
matarmiðum kostar máltíðin 610
krónur. Vilji fólk fá mjólkurglas með
máltíðinni kostar það 150 krónur
aukalega fyrir hvert glas. Þess má
geta að einn lítri af léttmjólk kostar
109 krónur samkvæmt upplýsingum
frá Bónus.
Kaffibolli og te kostar 150 krónur
fyrir gamla fólkið, en er eins og áður
segir frítt ef þú vinnur hjá borginni.
„Ótrúlegt okur“
Aðstandandi aldraðrar konu sem
flutti nýlega inn í þjónustuíbúð á
vegum Reykjavíkurborgar segir að
gömlu konunni hafa blöskrað þeg­
ar hún var rukkuð um 150 krón­
ur þegar hún bað um mjólkurglas
með hádegismatnum. „Hún er ný­
lega flutt þangað og er í hádegis­
mat á hverjum degi. Hún borgar
eitthvað á milli sex og sjö hundruð
krónur fyrir máltíðina og getur sjálf­
sagt fengið vatn með máltíðinni, en
gamalt fólk er nú margt vant því að
drekka mjólk með matnum.“
Aðstandandinn segir konuna
hugsa um hverja krónu og finn­
ist miður að þurfa að borga þessa
upphæð fyrir mjólkina. „Það er lítil
búð þarna og hún getur keypt heil­
an lítra fyrir 130 krónur sem henni
finnst líka dýrt því hún veit alveg
hvað mjólkin kostar í Bónus. En
það er vissulega þægilegt að hafa
aðgang að lítilli búð þarna og geta
keypt sér mjólk og allt í lagi kannski
að borga 130 krónur fyrir mjólkina
þar, en 150 krónur fyrir mjólkurglas
er náttúrulega alveg ótrúlegt okur.“
Spurning hvað sé dýrt
Elfa Björk Ellertsdóttir, upplýsinga­
fulltrúi Velferðarsviðs hjá Reykja­
víkurborg, segir að rukkað sé eftir
gjaldskrá eftir settum reglum. „Það
er farið eftir reglum og gjaldskrám
sem settar eru. Hjá flestum mötu­
neytum er svo boðið upp á vatn
með mat og kaffibolla. Ef annað er
valið greiðir maður sérstaklega fyrir
það.“
Samkvæmt upplýsingum frá
félagsbústöðum kostar um 60 þús­
und krónur að leigja 35 fermetra
einstaklingsþjónustuíbúð hjá
Reykjavíkurborg, en það er þó eitt­
hvað misjafnt eftir þjónustukjörn­
um. Tveggja herbergja íbúð kostar
um 90 þúsund. Ofan á það bætast
þjónustugjald, hússjóður, rafmagn
og hiti. Sem dæmi má taka er þjón­
ustugjaldið á Dalbraut 19.800 fyrir
einstaklingsíbúð en inni í því gjaldi
felst sólarhringsvakt starfsmanns,
stjórnunar­ og skrifstofuhald, ræst­
ingar á sameign og aðstaða í setu­
stofu. Á Dalbraut er einnig lækna­
samningur inni í þjónustugjaldinu
og það því aðeins hærra en í öðrum
þjónustukjörnum. Grunnlífeyrir
aldraðra er um 150 þúsund krón­
ur og munar því um hvert mjólkur­
glas.
Mjólkurglas kostar
aldraða 150 krónur
n Okrað á öldruðum n Borga meira fyrir matinn en borgarstarfsmenn„Hún borgar eitt-
hvað á milli sex og
sjö hundruð krónur fyrir
máltíðina og getur sjálf-
sagt fengið vatn með mál-
tíðinni, en gamalt fólk er nú
margt vant því að drekka
mjólk með matnum.
Hanna Ólafsdóttir
blaðamaður skrifar hanna@dv.is
Dýr sopinn Það getur verið
dýrt fyrir aldraða sem búa í þjón-
ustuíbúðum ef þeir vilja helst
drekka mjólk með matnum.
Riftun Þrotabúið fer fram á
að kaupsamningnum sem og
lánasamningnum verði rift.
Ósáttur sjóðsfélagi:
„Harmið þið
heimsku ykkar í
fjárfestingum“
„Þar harmið þið heimsku ykkar í
fjárfestingum og lofið bót og betr­
un,“ skrifar Ísfirðingurinn Henry
Bæringsson í svarbréfi til stjórnar
Lífeyrissjóðs Vestfirðinga sem hafði
sent sjóðsfélögum bréf þar sem
stjórnin sagðist harma að hafa tap­
að 10,4 milljörðum króna. 
Í svarbréfi Henrys til stjórnar­
innar bendir hann á að þessi upp­
hæð dygði nærri því fyrir jarðgöng­
um frá Dýrafirði yfir í Arnarfjörð
sem og uppbyggðum vegi um
Dynjandisheiði.
Svarbréfið birtist á ísfirska vef­
fréttamiðlinum Skutli en þar segir
Henry meðal annars: „Teljið þið
að það sé nóg að senda okkur bréf
og lofa bót og betrun? Á ykkar vakt
tapaðist það fé sem verkafólk trúði
ykkur fyrir, og þó arfa heimskulegt
kerfi leyfi atvinnurekendum að
koma að ráðstöfun eigna lífeyris­
sjóðsins, er þyngra en tárum taki
að sjá þar efstan á blaði stjórnarfor­
mann í fyrirtæki sem fengið hefur
milljarða afskriftir. Sú ráðstöfun að
inni í stjórnum sjóðanna skuli vera
fulltrúar atvinnurekenda heyrir
vonandi brátt sögunni til. Því þetta
hrun lífeyrissjóðakerfisins hefur
sýnt okkur að í gegnum stjórnirnar
hafa atvinnurekendur gengið frek­
lega á okkar eign, sjálfum sér til
ágóða. Keypt í bönkum sem svo
lánuðu til fyrirtækja, sem svo fengu
þessa sömu peninga afskrifaða.
Hafa nýtt sér ítök sín í sjóðunum til
að færa sjálfum sér peningana aftur
í gegnum bankana. Eða haldið þið
að það sé hafið yfir vafa að á ár­
unum fyrir hrun hafi kaup lífeyris­
sjóðs á hlutafé í banka ekki liðkað
fyrir lánafyrirgreiðslu til fyrirtækis í
eigu stjórnarmanns í lífeyrissjóði?
Verkalýðurinn tapaði sínum lífeyri,
en gróðapungarnir fengu afskrift­
ir,“ skrifar Henry sem segir sjóðinn
sem betur fer ekki vera sinn aðal­
sjóð.
„En ef svo væri færi ég í kross­
ferð til þess að þeir stjórnarmenn
sem sátu í gömlu stjórninni víki
sæti strax og við tæki stjórn undir
forsæti fulltrúa verkafólks sem
berðist fyrir brottrekstri fulltrúa
atvinnurekenda úr stjórninni. Að
hafa atvinnurekendur þarna inni er
eins og að leyfa þeim að hafa pró­
kúru á launareikninginn okkar, því
lífeyrissjóðurinn er okkar framtíðar
launasjóður,“ skrifar Henry í bréf­
inu lesa má í heild sinni á skutull.is.
Stálu fartölvu
úr leikskóla
Óprúttnir aðilar brutust inn
í leikskólann Krógaból við
Bugðusíðu á Akureyri aðfara­
nótt þriðjudags. Þar var meðal
annars stolið Dell­fartölvu,
hljómborði, skanna og nokkr­
um stafrænum myndavélum
af gerðinni Canon. Einnig var
brotist inn í húsnæði Brim­
borgar við Tryggvabraut. Þar
var stolið lítilræði af pening­
um og síðan fór þjófurinn eða
þjófarnir á brott á Ford Mon­
deo­fólksbifreið árgerð 2011.
Bifreiðin er brún að lit með
skráningarnúmerinu OO­M86.
Þeir sem kunna að hafa orðið
bifreiðarinnar varir og eða vita
hvar hún er niðurkomin eru
vinsamlegast beðnir að hafa
samband við lögregluna á
Akur eyri í síma 464­7705.
8 Fréttir 29. febrúar 2012 Miðvikudagur