Dagblaðið Vísir - DV - 26.03.2012, Blaðsíða 2

2 Fréttir 26. mars 2012 Mánudagur
Misstu allt í Eldhrímni
n Vildu hætta við dómsmál vegna skorts á lagalegum rökum
F
yrrverandi eigendur persneska
veitingastaðarins Eldhrímnis
í Borgartúni sem varð gjald-
þrota í september í fyrra töp-
uðu í síðustu viku máli í Héraðsdómi
Reykjavíkur. Íslandsbanki höfðaði
málið gegn þeim vegna tæplega 1,4
milljóna króna sjálfskuldarábyrgðar
sem þau gengust í fyrir rekstarfélagið
Zafran ehf.
Stefndu tóku sjálf til varnar í mál-
inu, kröfðust þess að vera sýknuð og
að vanskil þeirra yrðu afskráð ásamt
niðurfellingu annarra krafna á hend-
ur þeim.
Í sameiginlegri greinargerð sem
stefndu lögðu fram segir að Eld-
hrímnir hafi boðið upp á persnesk-
an mat í fyrsta skipti í Reykjavík og
þau hafi verið stolt af því að skapa at-
vinnu í þeirri kreppu sem ríkti á Ís-
landi. Þrátt fyrir að þau hafi unnið
allan daginn alla daga hafi þau aldrei
fengið laun. Þau hafi því þurft að tak-
ast á við mörg vandamál og mikið
álag. Annað stefndu hafi til að mynda
lagt 16 milljónir króna af eigin fé í
reksturinn. Í greinargerðinni kemur
einnig fram að stefndu séu frænd-
fólk, bæði vel menntuð og hafi misst
allt sem þau settu inn í fyrirtækið og
meira til.
Í dómnum segir að fyrir áætl-
aða aðalmeðferð málsins hafi ann-
að stefndu sent tölvupóst til héraðs-
dóms sem í stóð: „Okkur hefur verið
ráðlagt að hætta með málið vegna
skorts á lagalegum rökum. Vinsam-
legast, tilkynnið háttsettum dóm-
ara um að við munum ekki halda
uppi frekari vörnum. Í ljósi þessarar
ákvörðunar, munum við ekki mæta
á miðvikudaginn.“ Stefndu voru því
ekki viðstödd aðalmeðferðina en
dæmt var í málinu eftir sem áður.
Var þeim gert að greiða Íslands-
banka sjálfskuldarábyrgðina með
dráttarvöxtum auk þess að greiða
málskostnað upp á 200 þúsund
krónur.
Hótaði að fleygja sér í höfnina:
Fannst þurr
heima hjá sér
Mikill viðbúnaður var við
Reykjavíkurhöfn um þrjúleytið á
aðfaranótt sunnudags þegar talið
var að karlmaður hefði fleygt sér í
höfnina. Voru kafarar frá slökkviliði
höfuðborgarsvæðisins kallaðir út
sem og lögregla og var leitað að
manninum við Austurbakka. Þá
fóru björgunarsveitarmenn um á
bátum og sigldu um höfnina.
Slökkvilið hafði fengið
tilkynningu um að maðurinn
hefði fleygt sér í höfnina við
tónlistarhúsið Hörpu, en hann
hafði hótað því að stökkva í
höfnina og horfið síðan og var
félagi hans áhyggjufullur. Rétt um
fjögur um nóttina kom í ljós að
maðurinn hafði ekki látið verða
af fyrirætlunum sínum. Þá hafði
lögreglu tekist að miða farsíma
mannsins út og fannst hann heill á
húfi heima hjá sér.
Nóg að gera hjá lögreglu:
Rændur með exi
Á laugardagseftirmiðdag fékk lög-
regla tilkynningu um mann með
hníf á lofti sem reyndi að komast
inn í íbúð við Skúlagötu. Mað-
urinn, sem var mjög ölvaður, var
handtekinn og vistaður í fanga-
geymslu þar til hægt var að ræða
við hann. Mikið var um líkams-
árásir á laugardagskvöld.
Um kvöldmatarleytið sama
kvöld kom aðili á slysadeild og
tilkynnti um líkamsárás sem
hann hafði orðið fyrir um tveimur
klukkustundum fyrr. Lögregla telur
sig vita hverjir voru að verki og er
málið í rannsókn. Stuttu síðar var
tilkynnt um rán í Kópavogi, en
þar höfðu aðilar ráðist að ungum
karlmanni og hótað honum með
exi. Mennirnir rændu hann. Þeirra
er nú leitað og málið er í rannsókn.
Um hálf eitt sömu nótt var
maður handtekinn við veitingahús
á Laugaveginum og er hann
grunaður um að hafa slegið
mann með flösku á veitingastað
og mundað þar hníf. Hann var
í annarlegu ástandi og hafði
töluvert af fíkniefnum á sér. Hann
var handtekinn og vistaður í
fangageymslu þar til hægt var að
ræða við hann.
Eins og venjulega um helgar
var mikið um útköll hjá lögreglu
vegna samkvæmishávaða og mála
tengdum ölvun, segir í tilkynningu
frá lögreglunni.
Ölvaður flúði
af slysstað
Rétt fyrir miðnættið á laugardags-
kvöld varð umferðaróhapp á Höfða-
bakka við Vesturhóla. Þar hafði
bifreið verið ekið út af og endaði
hún á ljósastaur. Lögregla fékk til-
kynningu um slysið, en þegar hana
bar að garði var engan ökumann að
finna. Hafði hann flúið af vettvangi.
Hann fannst stuttu síðar og er grun-
aður um ölvun við akstur. Hann var
handtekinn og gisti fangageymslu
þar til hægt var að yfirheyra hann.
S
málánafyrirtækin Kredia og
Hraðpeningar, sem eru þau
fyrirtæki sem lengst hafa
verið starfandi á smálána-
markaðinum á Íslandi, eru
með hlutfallslega fleiri viðskipta-
vini á aldrinum 18 og 19 ára en sem
nemur hlutfalli viðskiptavina Lands-
bankans, eins stærsta viðskipta-
banka landsins, á aldrinum 18–25
sem er með yfirdrátt. Samkvæmt
upplýsingnum frá smálánafyrirtækj-
unum eru níu prósent viðskiptavina
undir 20 ára en samkvæmt gögnum
frá Landsbankanum eru átta prósent
þeirra sem eru með yfirdráttarlán
undir 25 ára eða yngri. Ekki fengust
nákvæmar tölur frá hinum viðskipta-
bönkunum áður en þessi frétt var
skrifuð en í samtölum við talsmenn
þeirra eru þær á svipuðu reki.
Talsvert hærri vextir
Upphæðirnar sem einstaklingar hafa
möguleika á að fá í gegnum smálána-
fyrirtækin eru þó umtalsvert lægri en
þær sem einstaklingar geta fengið
sem yfirdráttarheimild hjá bönkun-
um. Vextirnir sem eru á smálánun-
um eru þó ekki í líkingu við það sem
gerist hjá smálánafyrirtækjunum og
eru því smálánin umtalsvert kostn-
aðarsamari en yfirdráttarlán. Kröf-
urnar sem gerðar eru á lántakendur
yfirdráttarlána eru þó ekki ósvipaðar
þeim sem gerðar eru á lántakendur
smálána.
Smálánafyrirtækin hafa flest ein-
faldar reglur sem snúast um að við-
skiptavinir mega ekki vera á vanskila-
skrá, skjólstæðingar umboðsmanns
skuldara eða eiga útistandandi
skuldir við fyrirtækin. Þar að auki
kveða skilmálar flestra fyrirtækjanna
á um að viðskiptavinur sé með virk-
an farsíma og netfang. Í tölvupósti
frá Óskari Stefánssyni, rekstrarstjóra
Hraðpeninga, til blaðamanns kemur
fram að um 52 prósentum af lána-
beiðnum viðskiptavina félagsins sé
hafnað.
Lagasetning í undirbúningi
Unnið er að lagasetningu um smá-
lán sem koma í veg fyrir að fyrirtæk-
in sem nú eru starfandi hér á landi
á þessum markaði geti unnið eins
og þau hafa gert undanfarin ár. Lög-
in eiga að vera í takt við tilskipanir
Evrópusambandsins um neytenda-
lán en þar er meðal annars kveðið á
um skyldu lánveitanda til að fram-
kvæma lánshæfismat fyrir lánveit-
ingu. Tilskipunin gerir þá einnig
Aðalsteinn Kjartansson
blaðamaður skrifar adalsteinn@dv.is
Hættu við Stefndu mættu ekki við aðalmeðferð málsins því þeim var ráðlagt að hætta
með málið vegna skorts á lagalegum rökum.
Ungt fólk tekur frekar smálán
n Unga fólkið sækist frekar eftir smálánum en yfirdrætti hjá viðskiptabönkunum