Dagblaðið Vísir - DV - 26.03.2012, Blaðsíða 13

Fréttir 13Mánudagur 26. mars 2012
Ánægð með þriðja sætið
n Séra Sigríður Guðmarsdóttir hefur væntingar til að kona verði næsti biskup Íslands
É
g hefði náttúrulega viljað
vinna, en ég er að mörgu leyti
mjög ánægð með þriðja sæt-
ið,“ segir séra Sigríður Guð-
marsdóttir, sóknarprestur í Graf-
arholtsprestakalli, um niðurstöðu
biskupskjörs sem kunngjörð var á
föstudag.
Séra Agnes M. Sigurðardóttir og
séra Sigurður Árni Þórðarson hlutu
flest atkvæði í kjörinu til biskups Ís-
lands. Því verður kosið á milli þeirra
tveggja í annarri umferð. Séra Sig-
ríður varð í þriðja sæti í kjörinu en
fjölmargir vildu sjá hana sem næsta
biskup Íslands. Þannig hlaut hún
flest atkvæði lesenda í könnun sem
fram fór á DV.is í janúar um það
hver ætti að verða næsti biskup Ís-
lands, eða 22,5 prósent atkvæða.
Sigríður, sem var yngst fram-
bjóðenda, segist vera mjög glöð yfir
því að kona skyldi vera í efsta sæti
en séra Agnes hlaut 131 atkvæði og
séra Sigurður 120 atkvæði. Séra Sig-
ríður fékk 76 atkvæði í þriðja sæt-
ið. „Ég er ánægð með að það eru
sterkar líkur á því að kona verði
biskup. Mér fannst þetta var góð
og heiðarleg kosningabarátta og
samtalið var gott. Ég er rosalega
ánægð yfir því,“ segir Sigríður. Hún
spáir því að mjótt verði á munum á
milli Agnesar og Sigurðar. „Ég hef
væntingar til þess að kona verði
næsti biskup Íslands í fyrsta sinn.
Það hafa verið 110 karlar og það er
kominn tími á konu. Þótt fyrr hefði
verið,“ segir hún. Sigríður vill að
lokum koma á framfæri þökkum til
þeirra sem greiddu henni atkvæði
og sýndu henni stuðning.
Gert er ráð fyrir að kjörgögn
vegna kosningar í annarri umferð
verði send út þann 2. apríl næst-
komandi að því gefnu að enginn
kæri kosninguna. Nýr biskup Ís-
lands verður svo vígður á Jóns-
messunni, sunnudaginn 24. júní
næstkomandi.
n Bubbi tók mikla áhættu 2007 n Tapaði miklu en hefur ágætlega upp úr tónlistinni í dag
Bubbi keypti bréf
fyrir 160 milljónir
Fínar arðgreiðslur
Í kjölfar hrunsins hætti Bubbi
sýsli með hlutabréf í eignarhalds-
félaginu Morthens ehf. og hefur
hann síðastliðin ár notað félagið
til að halda utan um tónleikahald
sitt og aðrar tekjur tengdar starfi
sínu í tónlistarbransanum. Hann
stofnaði líka annað eignarhalds-
félag til þessa árið 2009 en það
heitir B Morthens ehf.
Arðgreiðslurnar út úr þess-
um tveimur félögum síðastlið-
in ár sýna að Bubbi, sem er einn
af þekktari og vinsælli laga- og
textasmiðum þjóðarinnar, er
ágætlega staddur þrátt fyrir tap-
ið á hlutabréfunum í góðærinu.
Árið 2010 greiddi hann sér til að
mynda 15 milljóna króna arð út
úr Morthens ehf. vegna rekstr-
arársins 2009 og til stendur að
Bubbi greiði sér út 17 milljóna
króna arð vegna rekstrarársins
2010. Þá stóð til að eignarhalds-
félagið B Morthens myndi greiða
Bubba út 7 milljóna króna arð
árið 2011 vegna rekstrarársins
2010. Bæði félögin skiluðu nokk-
urra milljóna hagnaði árið 2010.
Bubbi virðist því vera kominn
aftur á réttan kjöl fjárhagslega
eftir dýfu góðærisins.
H
enrý Þór Baldurssyni skop-
myndateiknara var sagt
upp störfum hjá Íslands-
pósti árið 2009 eftir tveggja
ára starf. Hann starfaði í
þjónustuveri póstsins á Akureyri
og hafði unnið sig upp úr því að
vera almennur þjónustufulltrúi í að
sinna bakvinnslu. Henrý fékk aldrei
að vita ástæður uppsagnarinnar
þrátt fyrir að hafa gengið mikið á
eftir því.
DV greindi í síðustu viku frá máli
Sólveigar Sigurðardóttur, sem var
skyndilega sagt upp störfum sem
bréfbera hjá Íslandspósti í ágúst
síðastliðnum, eftir 24 ára farsælt
starf. Taldi hún ástæður uppsagn-
arinnar meðal annars vera þær að
eldri starfsmenn líkt og hún væru
dýrari starfskraftar, þá var hún að
bíða eftir niðurstöðum læknisrann-
sóknar og var gjarnan ósammála
skoðunum yfirmanns síns.
Eftir að hafa lesið sögu Sólveigar
ákvað Henrý að deila sinni reynslu
af Íslandspósti.
Spurði hvort hann yrði rekinn
Henrý segist hafa fundið fyrir ein-
kennilegu andrúmslofti á milli sín
og yfirmanna í Reykjavík í nokkurn
tíma áður en honum var sagt upp.
„Það var alltaf eitthvað skrýtið en
ég vissi aldrei hvað það var,“ segir
hann en á erfitt með að útskýra það
frekar.
Konan hans starfaði einnig hjá Ís-
landspósti en fór í fæðingarorlof í lok
nóvember 2008 eftir að þau höfðu
eignast barn. „Svo fer ég í mitt fæð-
ingarorlof. Skipti því upp og vann
janúarmánuð og fór aftur í fæðing-
arorlof í febrúar. Spurði minn næsta
yfirmann hvort ég yrði nokkuð rek-
inn þegar ég kláraði orlofið, hún hló
og taldi það ekki líklegt, ég væri slík-
ur „súper starfsmaður“ eins og hún
orðaði það.“
Það virðist þó ekki hafa verið nóg,
enda átti eftir að koma á daginn að
tilfinning Henrýs reyndist vera á rök-
um reist.
Fékk áminningu
Kona hans ákvað að segja upp starfi
sínu á meðan hún var í fæðingar-
orlofinu í byrjun maí árið 2009.
Rúmum tveimur vikum síðar, þann
19. maí, flaug yfirmaður Henrýs frá
Reykjavík norður til Akureyrar og
boðaði hann á fund. Var honum sagt
upp störfum og vinnuframlag hans á
uppsagnartímanum afþakkað. Stóðu
því Henrý og kona hans eftir bæði án
atvinnu með nýfætt barn.
Enginn aðdragandi var að upp-
sögninni fyrir utan að í lok október
árið 2008 hafði Henrý fengið áminn-
ingu fyrir störf sín. Hann fékk þó ekki
að vita fyrir hvað hann var áminntur
né hver kvartaði yfir honum. „Var það
eitt sagt að á fundarferð forstjóra um
landið þar sem starfsfólk var peppað
upp eftir hrun og það sannfært um
að Pósturinn stæði vel og störf þeirra
örugg, hefði einhver starfsmaður
pósthúss í Reykjavík kvartað undan
viðmóti frá mér,“ segir Henrý.
Almannatengill fundaði með
yfirmönnum
Henrý greindi vini sínum, Andrési
Jónssyni almannatengli, frá málinu
á sínum tíma og blöskraði honum
aðfarirnar. Hann hafði samband við
yfirmenn Íslandspósts fyrir Henrýs
hönd og fékk með þeim fund sem
kom þó ekkert út úr. Að sögn Henrýs
var upplifun Andrésar af fundinum
sú að það hefði verið búið að ákveða
að segja honum upp strax haustið
2008, þrátt fyrir að ekki hefði orðið af
því fyrr en hálfu ári síðar.
Var því borið við að persónu-
verndarsjónarmið hömluðu því að
hægt væri að greina frá ástæðu upp-
sagnarinnar.
Tengist öðru en starfinu
Henrý telur uppsögn sína tengjast
einhverju allt öðru en því sem hann
gerði eða gerði ekki á meðan hann
starfaði hjá Íslandspósti. Hann tel-
ur málið frekar tengjast einhverju
sem hann gerði utan vinnutímans og
hefur ákveðnar kenningar um hvað
það er, án þess að vilja fara út í það
nánar.
„Að minnsta kosti stórefast ég um
að einhver hugsanlegur núningur
við annan starfsmann myndi verða
stjórnendum póstsins svona mikið
hugðarefni og tilefni til þessa upp-
sagnarferlis. Einhver hefði kannski
stungið upp á að málin væru leyst
með samtölum frekar en að beita upp-
sögnum. Annar hefði kannski sagt að
það væri ólíklegt að starfsmaður bætti
sig eftir áminningu ef hann fengi ekki
að vita efni kvörtunarinnar sem varð
tilefni til áminningar.“
Henrý leitaði til Póstmanna-
félags Íslands eftir uppsögnina en
að sögn hans vildu þeir ekkert fyrir
hann gera. Sögðust ekki sjá sér fært
að þrýsta á stjórnendur Íslandspósts
um að greina honum frá ástæðum
uppsagnarinnar.
n Henrý Þór látinn taka pokann sinn hjá Íslandspósti án útskýringa
Rekinn en veit
ekki af hveRju
Sagt upp Henrý Þór fékk aldrei að vita ástæður þess að honum var sagt upp störfum hjá
Íslandspósti.
Sólrún Lilja Ragnarsdóttir
blaðamaður skrifar solrun@dv.is

heimamaður“ í stjórnkerfinu. Þann­
ig sendi hann mönnum ekki form­
leg erindi heldur talaði við þá. Því
er ekki hægt að staðfesta framgöngu
hans né virðist nokkur hafa hlustað á
viðvaranir hans. Andstæðingar hans
treystu honum ekki og samherjar í
Sjálfstæðisflokknum tóku ekki nægi­
lega mikið mark á honum. Það skýr­
ist meðal annars af óformlegu orða­
lagi sem Davíð notaði. Davíð átti
til að missa sig fundum, öskra og
halda reiðilestra yfir fólki. Hann tal­
aði um „glæpahunda í bönkunum“
við Geir Haarde, en lagði ekki sérstök
gögn fram orðum sínum til stuðn­
ings. Þá dró enn úr trúverðugleika
Davíðs sem seðlabankastjóra að um­
svifamestu útrásarvíkingar landsins
voru svarnir óvinir hans og töldu sig
eiga margt sökótt við hann.
Skorti traust
Skýrslutökur af Davíð og Geir fyrir
landsdómi hafa líka varpað ljósi á
samband þeirra tveggja. Samskipti
þessara tveggja lykilmanna í stjórn­
sýslunni í aðdraganda hrunsins.
Sem fyrr segir trúði Geir ekki við­
vörunum Davíðs, þar sem Davíð var
svo stóryrtur. Fyrir landsdómi, þegar
Geir var spurður út í alvarlega stöðu
bankanna, vísaði hann ekki í reiði­
lestra Davíðs heldur í skýrslu Seðla­
bankans frá 19. september 2008 þar
sem fjallað var vinsamlega um inn­
lánsreikninga erlendis. „Ég vek at­
hygli á þessu,“ sagði Geir.
Davíð lýsti því svo sjálfur fyrir
landsdómi að sér þætti vanta upp á
trúnað og traust á milli sín og Geirs.
Hann taldi sökina hins vegar kannski
að hluta til liggja í því að formlegheit
á milli þeirra hafi verið lítil.
Davíð sagði einnig að samskipti
sín og Geirs hefðu mótast af löngu
samstarfi og því hefði hann kannski
talað á annan hátt við Geir en við
aðra ráðherra. Geir og Davíð höfðu
enda starfað saman í ríkisstjórn og
á Alþingi árum saman áður en Geir
varð forsætisráðherra. Samskipti
þeirra ná reyndar allt aftur til áranna
þegar þeir voru báðir í Menntaskól­
anum í Reykjavík.
Fréttir 13Miðvikudagur 21. mars 2012
E
ftir 24 ára starf sem bréfberi
hjá Íslandspósti var Sólveigu
Sigurðardóttur sagt upp fyrir­
varalaust í ágúst síðastliðn­
um. Hún bjóst frekar við því
að fá gullúr frá fyrirtækinu, sem er al­
farið í ríkiseigu, eftir aldarfjórðungs­
starf eins og tíðkast en fékk þess í stað
uppsagnarbréf.
„Ég var rekin í endaðan ágúst og
bara út með kvikindið með það sama.
Ég kom í vinnuna um morguninn og
var bara rekin beint út. Ég var varla
búin að fatta það þegar ég stóð úti
á plani. Maður er svo hissa að mað­
ur er bara þó nokkurn tíma að átta
sig áður en sjokkið kemur. Ég gæti
fengið marga meðmælendur um það
að ég er búin að standa mig vel þau
24 ár sem ég hef unnið þarna,“ segir
Sólveig sem fyrst sagði vefmiðlinum
Smugunni sögu sína.
Bjóst við gullúri
Aðspurð um ástæðu þess að henni
var sagt upp segist hún telja að þær
séu nokkrar. „Í fyrsta lagi eru eldri
starfsmenn dýrari og því losa þeir
sig við þá. Síðan var ég að bíða eft­
ir niðurstöðu læknisrannsóknar því
ég hafði verið slæm í hendinni og
kannski hafa þeir haft áhyggjur af
því að það yrðu einhverjir veikinda­
dagar,“ segir Sólveig sem telur að hún
hafi tekið 1–2 veikindadaga að með­
altali á ári allan sinn starfsferil hjá Ís­
landspósti.
Sólveg starfaði á póststöðinni á
Fossaleyni í Grafarvogi. Hún segir
starfsandann þar hafa „verið svo
hrikalega vondan“ og raunar „alveg
hræðilegan“, eins og hún kemst að
orði.
„Það var svo sem búið að hóta
mér því að mér yrði sagt upp en ég
tók ekki mark á því. Fólk má ekki
hafa skoðanir þarna, ef það fer í sitt
félag til þess að leita réttar síns þá er
það bara rekið. Ég hafði í þó nokkur
skipti áður reynt að hjálpa fólki sem
hafði verið sagt upp en þarna er svo­
leiðis búið að leggja fólk í einelti að
mér blöskrar,“ segir Sólveig og nefn­
ir dæmi af útlenskum starfsmönnum
sem vinni fram á kvöld en fái aðeins
greitt til klukkan 16.15.
Aðspurð hvað hafi gengið á í sam­
skiptum hennar og yfirmannsins hjá
Íslandspósti áður en hún var rekin
svarar hún: „Æ, svo sem ekki mik­
ið. Ég myndi ekki segja að það hefði
gengið eitthvað sérstakt á.“
Hún tekur fram að næsta yfir­
manni sínum hafi einfaldlega fundist
óþolandi að Sólveig hefði aðrar skoð­
anir en hann.
„Venjan hjá Íslandspósti er að
starfsmenn fá gullúr eftir 25 ára starf
en það er svolítið ólíkt að fá uppsagn­
arbréf eftir 24 ára starf. Auðvitað bjóst
ég við því að fá gullúrið og ég átti ekki
von á því að vera látin fara svona. Ég
taldi að ég ætti miklu meira skilið.“
Sér ekki fram á að fá nýja vinnu
Sólveg stendur því uppi atvinnulaus,
55 ára, eftir tæplega aldarfjórðungs­
starf sem bréfberi. Það er ekki öf­
undsverð staða því konur á miðjum
aldri eiga ekki auðvelt með að fá nýja
vinnu. „Það er sko ekki létt, það er
eiginlega bara vonlaust. Eins og er
þá get ég bara gleymt því. Þetta er
ekki einfalt. Maður sýndi fyrirtækinu
tryggð í öll þessi ár þegar það var
hægt að fá nóg af vinnu annars stað­
ar. Mér finnst tryggð í vinnu vera
mikils virði,“ segir hún.
Hún sér ekki fram á að fá aðra
vinnu. „Auðvitað er þessi vinna
búin að skemma mig því þetta eru
óhemjuþyngsli sem maður er með á
öxlunum alla daga,“ segir Sólveig.
Upplýsingafulltrúi Íslandspósts
vildi ekki tjá sig við DV þegar eftir því
var leitað. Hún sagði það vera stefnu
fyrirtækisins að tjá sig ekki um mál­
efni einstakra starfsmanna.
„Auðvitað bjóst ég
við því að fá gull-
úrið og ég átti ekki von
á því að vera látin fara
svona. Ég taldi að ég
ætti miklu meira skilið.
Bjóst við gullúri en
fékk uppsagnarbréf
n Sólveig var rekin fyrirvaralaust frá Íslandspósti eftir 24 ára starf
Sólveig Sigurðardóttir Venjan hjá Íslandspósti er að starfsmenn fá gullúr eftir 25 ára
starf en það er svolítið ólíkt að fá uppsagnarbréf eftir 24 ára starf.
Valgeir Örn Ragnarsson
blaðamaður skrifar valgeir@dv.is
Gjaldþrot hjá Magnúsi Ármann
n Félagið skilaði aldrei ársreikningi
E
ignarhaldsfélagið Runnur
2. ehf., sem meðal annars
er í eigu fjárfestisins Magn­
úsar Ármann, hefur verið
tekið til gjaldþrotaskipta. Þetta
kemur fram í Lögbirtingablaðinu.
Stofnendur félagsins voru eignar­
haldsfélag í eigu Magnúsar,
Gunnars og Gylfa í verktakafyrir­
tækinu Bygg, Hannesar Smára­
sonar, Þorsteins Jónssonar og
Nóatúnssystkinanna svokölluðu.
Árið 2007 voru stofnuð fimm
eignarhaldsfélög sem báru nafn­
ið Runnur 1,2,3, 4 og 5 sem voru
í eigu þessara aðila. Félögin voru
stofnuð á grunni eignarhalds­
félagsins Runns ehf. sem var skipt
upp í fimm félög með áðurnefnd­
um hætti. Runnur ehf. hafði með­
al annars átt um 10 prósenta hlut í
fjölmiðlafyrirtækinu 365 ehf.
Runnur ehf. var tekið til gjald­
þrotaskipta árið 2010 og voru um
tveggja milljarða króna skuldir
inni í félaginu sem ekkert fékkst
upp í. Líkt og DV greindi frá í
fyrra skulduðu félög tengd Magn­
úsi, meðal annars Runnur ehf. og
Runnur 2. ehf., um 4,7 milljarða
króna í Byr eftir efnahagshrun­
ið 2008. Í umfjöllun DV um lána­
bók Byrs í júlí í fyrra kom fram að
sparisjóðurinn afskrifaði 4,3 millj­
arða af skuldum þessara félaga
árið 2009.
Skuldir Runns 2. ehf. liggja
ekki fyrir þar sem félagið skilaði
aldrei ársreikningi á starfstíma
sínum. Stjórnarmenn félagsins
voru áðurnefndur Magnús og Þor­
steinn Jónsson. ingi@dv.is
Byr afskrifaði 4,3 milljarða Sparisjóðurinn Byr afskrifaði 4,3 milljarða af skuldum
Runns 2. og tengdra félaga árið 2009.
Reiði Davíðs R glaði geiR
n Ófagmennska einkenndi samband Davíðs og Geirs n Reiðiköst og gífuryrði
Davíð og Geir
Davíð varaði við
en var of æstur og
reiður á fundum til
þess að tekið væri
mark á orðum hans.
21. mars 2012
Sátt Séra Sigríður Guðmarsdóttir er ánægð með að hafa lent í þriðja sæti. Hún spáir því að
mjótt verði á munum á milli séra Agnesar og Sigurðar.