Dagblaðið Vísir - DV - 13.04.2012, Blaðsíða 44

44 Lífsstíll 13.–15. apríl 2012 Helgarblað
Of lítill svefn
gerir þig feitan
n Getur þyngst um allt að sex kíló á ári
O
f lítill svefn getur orsakað of­
fitu. Í rannsókn sem birtist í
Science Translational Medi­
cine kemur fram að þeir sem
sofa minna en fimm og hálfan tíma
á nóttu gætu þyngst um sex kíló á ári,
jafnvel þótt að breytur eins og matar­
æði og hreyfing séu teknar með í
reikninginn. Talið er að niðurstöð­
urnar útskýri af hverju einstaklingar
sem fitna með aldrinum eigi erfiðara
með að sofa og af hverju vaktavinnu­
fólk, sem berst við að sofa á daginn,
sé líklegra til að vera í yfirvigt.
Fylgst var með áhrifum svefns á
21 sjálfboðaliða í rúmar sex vikur. Í
ljós kom að svefnleysi hægði á efna­
skiptum um allt að 12 prósent. Ef
minni orka er notuð og færri kaloríur
brenndar þá þyngjumst við – jafnvel
þótt við breytum engu í mataræði og
hreyfingu.
Niðurstöðurnar gáfu til kynna að
þegar fólk sefur minna en fimm og
hálfan tíma brennir það 120 færri ka­
loríum á dag. Á ársgrundvelli þýðir
það tæplega sex kílóa þyngdaraukn­
ingu.
Ullin er ávallt sígíld í tísku og á Íslandi er eiginlega ófyrirgefanlegt að segja skilið við prjónaðar flíkur. „Ullin er svolítið í bakgarðinum,“ segir
Bergþóra Guðnadóttir sem sækir í ræturnar í framleiðslu sinni fyrir Farmers Market. DV skoðar ull og tísku, íslenska sem erlenda.
Rokkuð en rómantísk mýkt
Í prjónakjól og vaðstígvélum með völd
Frú Vigdís Finnbogadóttir tekur við embætti á
svölum heimilis síns 30. júní árið 1980. Konur
með völd ættu ekki að útiloka mýkt og mynstur.
Prjónaðar flíkur minna á ábyrgð og tengingu við
náttúruna. Prjónaðar flíkur þurfa ekki að vera úr
lopa og þær þarf ekki að prýða íslenskt mynstur.
Fínlega ofið, prjónað efni gefur endalausa mögu-
leika á að vera virkilega glæsilega til fara. Vigdís
hætti ekki að vera í prjónuðum flíkum þegar hún
tók við embætti og oft brúkaði hún vaðstígvélin
með þegar hún ferðaðist um landið.
Mýkt innra sem ytra
Mjúk undirföt úr ull sækja í sig
veðrið og eru praktísk árið um
kring á Íslandi enda oft kuldi
og nepja þótt sólin sé á lofti.
Bergþóra Guðnadóttir hjá
Farmers Market hafði lengi
hugsað um að setja á markað
undirföt úr ull áður en hún lét
til skarar skríða. Ullin er það
efni sem henni finnst best að
vinna með.
„Ég byrjaði að vinna með
ull í skóla og finnst gaman
að vinna með hluti sem eru
í kringum mig, hlutlæga og
huglæga. Ullin er svolítið í
bakgarðinum okkar,“ segir
Bergþóra.
Töff en í öryggistónumAllir litir
öðlast aukna mýkt á prjónaðri flík.
Ef innihald fataskápsins núna er lítið
annað en svart teygjuefni, skyrtur og
gráir öryggistónar er tími til kominn
að kynnast því hvernig er að klæðast
sömu litum með breyttri áferð og
tónum. Í nýrri línu Munda eru fallegar
kápur, kjólar, leggings og peysur í
þessum öryggistónum en um leið er
farið úr þægindahringnum. Í þessum
flíkum er hægt að mæta til vinnu jafnt
og á opnun og í bíó.
Frískandi hönnunFremstu hönnuðir
heims eru farnir að nota prjónaefni í aukn-
um mæli til að ná fram spennandi áhrifum
og nýjum litum og áferð. Tsumori Chisato er
japanskur fatahönnuður sem notar prjónið
til að skapa líflegt og litríkt útlit. Í vetrarlínu
hans er að finna þessa skemmtilegu peysu
sem minnir á snjókorn.
Sofðu lengur
Að sögn vísinda-
manna í Boston
borgar sig að
sofa lengur en
fimm og hálfan
tíma á nóttu.
Rokk af rokknumRokkað útlit og
svolítið harðkjarna tapar engum mætti
þó þú bætir prjóni við. Leðurbuxur má-
tast fullkomlega við prjónið, auk þess
sem það er alltaf fallegt að sjá tveimur
efnum teflt saman ef það er vel gert.
Þessi peysa er frá Gudrun tískuhúsinu
sem er í eigu tveggja færeyskra kvenna.
Þær nýta sér náttúrufegurð Færeyja í
sköpun sinni á ullarfötum sem hafa með
tíð og tíma orðið að hátískuvöru.
Þær líkja aðferðum sínum við
matargerð. „Sumar flíkur eru skyndibiti
meðan aðrar eru ógleymanleg máltíð,“
segir Guðrún og vísar í að hvert einasta
hráefni og stílbragð er úthugsað
smáatriði og hluti af heild.