Dagblaðið Vísir - DV - 13.04.2012, Blaðsíða 30
Sandkorn
U
mræðan á Íslandi er á stund-
um gjörsamlega á haus.
Sláandi dæmi um ruglið er
að finna í umræðum um Ice-
save þar sem margur þykist
hafa höndlað sannleikann. Þótt engin
leið sé að sjá fyrir hvernig endanlegt
uppgjör verður fullyrðir einn hópur-
inn að við höfum stórgrætt á þeirri
ákvörðun núverandi forseta að hafna
samningum um Icesave. Annar hóp-
ur fullyrðir að við töpum hund ruðum
milljóna á þeirri afstöðu. Menn
reikna sig bláa í báðar áttir. En eng-
inn veit þó í rauninni neitt því málið
er fyrir dómi og niðurstaðan þar er
engan veginn fyrirsjáanleg.
Öfgaöfl til hægri og vinstri hafa
sameinast í stækri þjóðernishyggju
sem nærist á því að öll ríki Evrópu-
sambandsins séu andvíg Íslandi
og jafnvel haldin hatri í garð þessa
örríkis við ysta haf. Nú þegar máls-
höfðun með aðild Evrópusam-
bandsins er að verða blákaldur
veruleiki rísa íslensku öfgamenn-
irnir upp og heimta uppgjör Íslands
við Evrópusambandið. Við eigum
að hætta viðræðum um aðild að
ESB og helst að segja hyskinu stríð á
hendur. Allt er þetta uppnám vegna
þess að óreiðumenn í íslenskum
banka sviku út sparifé í nágranna-
löndum okkar og settu bankann
sinn á hausinn. Íslensk stjórnvöld
tryggðu allar innistæður skúrka-
bankans á Íslandi, langt umfram
lagaskyldu, en neita að bæta útlend-
ingum tjónið. Þegar hinir sviknu
krefjast síðan réttlætis og vilja fá
peningana sína trompast öfga-
mennirnir og tala um fantaskap.
Tónninn var sleginn þegar maður-
inn sem setti Seðlabanka Íslands á
hausinn sagði í sjónvarpsviðtali að
ekki kæmi til greina að Íslendingar
tækju á sig skuldir óreiðumanna í
útlöndum. En við tókum á okkur
skuldir þeirra hér heima.
Fólkið sem vill fá sparifé sitt aftur
er hópur af föntum sem vill Íslandi
illt. Það er hamrað á því að allir sem
rísi gegn þjófnaði Landsbankans
séu óvinir Íslands. Við erum föst í
ruglumræðu sem á sér rætur í apa-
pólitík hins íslenska Alþingis þar
sem rétt og rangt skiptir engu en
aðalatriðið er að rífast dagana langa
um hvað sem er. Við höfnuðum
samningum um Icesave og verðum
nú að taka því sem að höndum ber.
Forseti Íslands stöðvaði samninga-
ferlið og þjóðin sagði nei við að
borga Icesave. Nú verðum við að
berjast fyrir dómstólum með hrein-
leikann að vopni og vona að nei-
ið verði ekki dýrkeypt. Og það má
hverjum hugsandi manni vera ljóst
að óvinir Íslands eru ekki þjóðirnar
sem skúrkarnir okkar rændu. Við
erum sjálfum okkur verst.
Þjóðernissinnarnir hafa hamrað
á að Icesave-málið sé dæmi um
óvini okkar í Evrópu. Nú vilja menn
að viðræðum um aðild að ESB verði
slitið til að mótmæla því að útlend-
ingar sæki rétt sinn á hendur Íslend-
ingum. Þetta er auðvitað fráleitur
málflutningur og engin ástæða til að
blanda saman aðildarumræðum og
dómsmáli um Icesave sem við báð-
um sjálf um. Íslendingar verða að
klára samningaferlið. Þjóðin verður
að meta áhættuna af hinu yfirþjóð-
lega valdi og svara því á grund-
velli niðurstöðu samnings hvort
við göngum í sambandið eða ekki.
Öfgaöfl þjóðernishyggjunnar mega
ekki ráða örlögum Íslendinga.
Drjúgir dagpeningar
n Eftirlaunamennirnir Björn
Bjarnason og Styrmir Gunn-
arsson gerðu vel í því að
láta Evrópuvakt sína birta
sundurliðað í hvað ríkis-
styrkur til þeirra vegna Evr-
ópumála fór. Þar kom í ljós
að drjúgur hluti fór til að
greiða dagpeningagreiðslur
vegna ferðalaga til Evrópu
auk þess að yfirvigt Björns
var bókfærð. Forvitnilegt
væri að sjá hvernig launa-
greiðslum til þeirra félaga er
háttað og hvort launin eru í
samræmi við dagpeningana.
Sem kunnugt er skerðist líf-
eyrir þegar sá sem þiggur
fær laun annars staðar.
Kóngurinn Bubbi
n Þegar litið er til sölu
á dægurtónlist á Íslandi
kemst enginn með tærn-
ar þar sem
Bubbi Mort-
hens er með
hælana. Frá
árinu 1978
til vorra daga
hefur Bubbi
komið 27
plötum í fyrsta sæti í sölu.
Sem dæmi kemur Sálin
hans Jóns míns næst með
níu plötur. Björk hefur sjö
sinnum komist á topp-
inn og Björgvin Halldórsson
fimm sinnum. Stuðmenn
og Páll Óskar hafa komist
jafnoft á efsta tind. Þessar
tölur eru samkvæmt úttekt
Bárðar Bárðarsonar.
Leðjuslagur
n Margt bendir til þess að
slagurinn um forsetastólinn
verði einhver sá subbuleg-
asti um árabil. Fjöldapóstur
hefur gengið manna í milli
á Facebook þar sem vegið
er harkalega að Svavari Hall-
dórssyni, eiginmanni Þóru
Arnórsdóttur og rifjað upp
dómsmál á hendur honum.
Augljóst er að fljúgandi
meðbyr Þóru hefur kall-
að fram þessi viðbrögð. Þá
hefur skipulega verið dreift
leiðindum um Herdísi Þor-
geirsdóttur sem líkleg er talin
til árangurs í kosningunum.
Með höfðingjabrag
n Þess er beðið að Stefán
Jón Hafstein, starfsmaður
Þróunarstofnunar, gefi það
upp hvort
hann þori í
forsetaslag-
inn. Stefán
hefur yfir sér
nokkurt yfir-
bragð þjóð-
höfðingja og
þykir auk þess vera vel ætt-
aður og til þess fallinn að
sitja að Bessastöðum. Meðal
þeirra sem nefndir eru sem
stuðningsmenn hans er
Össur Skarphéðinsson utan-
ríkisráðherra en þeir eru
samflokksmenn. Líklegt er
talið að Stefán Jón leggi ekki
í slaginn.
Ég var vaktstjóri
þarna
Ég held að ég sé
orðin það nú þegar
Andri Ólafsson las fréttir með 5 mínútna fyrirvara. – DV Söngkonan Anna Mjöll þegar hún er spurð hvort hún geti orðið ástfangin að nýju. – Lífið
Íslensk apapólitík
Leiðari
Reynir Traustason
rt@dv.is
„Óvinir
Íslands eru
ekki þjóðirnar
sem skúrkarnir
okkar rændu
F
réttablaðið birti forustugrein um
daginn undir yfirskriftinni „Al-
þingi þarf að vanda sig“. Þar segir
m.a: „Stjórnskipunar- og eftirlits-
nefnd þingsins hafði tillögu stjórnlaga-
ráðs að breyttri stjórnarskrá til umfjöll-
unar í fimm mánuði.“ Þetta er ekki rétt.
Frumvarpið var afhent Alþingi 29. júlí
2011. Við erum að tala um átta mán-
uði, ekki fimm.
Átta mánaða leit
Síðan segir í leiðaranum: „Í stað þess
að fara efnislega ofan í saumana á
málinu, leita umsagna sérfræðinga,
skýra óskýrt orðalag, lagfæra mis-
ræmi í ákvæðum … skilaði meirihluti
nefndarinnar af sér ómerkilegri og illa
unninni þingsályktunartillögu um að
þjóðin yrði spurð álits á tillögu stjórn-
lagaráðs.“ Ekki er þetta heldur rétt.
Nefndin ræddi við sérfræðinga og aðra,
vann úr þessum viðræðum og spurði
stjórnlagaráð síðan bréflega um hugs-
anlega „óskýrt orðalag“ og hugsanlegt
„misræmi í ákvæðum“ á fáeinum stöð-
um í frumvarpinu. Hvorugu reyndist
vera til að dreifa, svo sem stjórnlagaráð
skýrði í svari sínu til þingnefndarinn-
ar 11. marz sl., enda gaf nefndin ekki
heldur neitt slíkt í skyn í bréfi sínu til
stjórnlagaráðs. Ef í frumvarpinu væri
að finna dæmi um „óskýrt orðalag“
og „misræmi í ákvæðum“, hefði rit-
stjóri Fréttablaðsins trúlega tilgreint
þau. En það gerði hann ekki, þótt ætla
megi, að hann og aðrir andstæðingar
frumvarpsins hafi leitað með logandi
ljósi að slíkum dæmum í átta mánuði.
Stjórnlagaráð hafði færum ráðgjöfum
og sérfræðingum á að skipa við vinnu
sína.
Sjálfstæðisflokkurinn og
Framsóknarflokkurinn eiga þrjá
fulltrúa í stjórnskipunar- og
eftirlitsnefnd Alþingis, alla löglærða.
Þessum þrem fulltrúum minni
hlutans hefði verið í lófa lagið „að fara
efnislega ofan í saumana á málinu,
leita umsagna sérfræðinga, skýra
óskýrt orðalag, lagfæra misræmi í
ákvæðum …“ eins og Fréttablaðið lýsir
eftir, en þeir hafa þó engin gögn lagt
fram í þá veru, ekki frekar en meiri
hluti nefndarinnar. Mér dettur ekki í
hug að efast um, að þau eru öll eins og
ritstjórinn að reyna að vanda sig.
Þingnefndin leitaði ekki álits er-
lendra sérfæðinga á frumvarpi stjórn-
lagaráðs. Á því getur varla verið önnur
skýring en sú, að nefndinni þótti það
ástæðulaust eftir að hafa kynnt sér
frumvarpið. Nefndin leitaði ekki heldur
til Feneyjanefndarinnar, sem á vegum
Evrópuráðsins er iðulega fengin til
að fjalla um nýjar stjórnarskrár í álf-
unni með lýðræði og mannréttindi að
leiðarljósi. Lýðræði og mannréttind-
um er gert hátt undir höfði í frumvarpi
stjórnlagaráðs. Því hefur þingnefndin
trúlega ekki séð ástæðu til að leita eftir
umsögn Feneyjanefndarinnar.
Leiðari Fréttablaðsins heldur áfram:
„Það liggur svo fullkomlega í augum
uppi að málið var vanreifað og óklárað
af hálfu Alþingis að það er mikil
blessun, en alls ekki bölvun, að þjóðin
skuli ekki verða spurð álits á tillögum
um breytingar á stjórnarskrá samhliða
forsetakosningunum.“ Blaðið missir
marks. Alþingi fól stjórnlagaráði að
semja frumvarp til nýrrar stjórnarskrár,
þar eð Alþingi hefur ekki tekizt að gera
það í 67 ár þrátt fyrir ítrekaðar tilraunir.
Hlutverk Alþingis nú þarf ekki að vera
annað en að standa við eigin samþykkt
um að halda þjóðaratkvæðagreiðslu
um frumvarpið samhliða forsetakjöri
30. júní, eða síðar í haust.
Þjóðin ræður
Fréttablaðið segir: „Þingið þarf að
taka efnislega afstöðu til þeirra til-
lagna sem fyrir liggja“. Þingið þarf
þess þó einmitt ekki. Þingið fól öðr-
um að vinna verkið og á því ekki að
hrifsa það til sín aftur. Staðhæfingar
Fréttablaðsins um „innri mótsagnir
í grundvallarplaggi stjórnskipunar-
innar“ eiga ekki við rök að styðjast,
enda myndi blaðið þá trúlega tefla
fram þeim rökum. Enginn hefur á
átta mánuðum nefnt nokkurt gilt
dæmi um „innri mótsagnir“. Full-
yrðingar um „innri mótsagnir“ og
annað í þeim dúr eru yfirvarp þeirra,
sem reyna að klæða andúð sína á
frumvarpinu í lagatæknilegt dular-
gervi. Frumvarpið á andstæðinga
eins og eðlilegt er. Sumir eru andvígir
auðlindum í þjóðareigu, jöfnu vægi
atkvæða, greiðum aðgangi að upp-
lýsingum og ýmsum öðrum réttar-
bótum, sem frumvarpið kveður á um.
Leitt er að sjá Fréttablaðið bergmála
andstöðu sérhagsmunahópa gegn
sjálfsögðum mannréttindum. En
þeir eiga ekki Ísland. Þjóðaratkvæði
er ætlað að sannreyna vilja fólksins í
landinu. Þjóðin á sig sjálf.
Að vanda sig
Útgáfufélag: DV ehf. Stjórnarformaður: Lilja Skaftadóttir Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
30 13.–15. apríl 2012 Helgarblað
Kjallari
Þorvaldur
Gylfason
„Þjóðaratvæði er
ætlað að sannreyna
vilja fólksins í landinu.
Þjóðin á sig sjálf.