Dagblaðið Vísir - DV - 07.05.2012, Blaðsíða 4

4 Fréttir 7. maí 2012 Mánudagur
Golfkortið
færðu hjá okkur
180
hrinGir
samtals
Frí spilun á 31 golfvelli
ALLT AÐ 6 HRINGIR Á HVERJUM VELLI!
Einstaklingskort
Aðeins kr. 9000
Fjölskyldukort
Aðeins kr. 14000
Pólitík bitnar á
skólabörnum
R
áða þarf nýtt teymi stjórn-
enda við grunnskólann í
Garði og vafi leikur á því
hvort skólanefnd Gerða-
skóla sé starfhæf vegna póli-
tísks ágreinings. Ágreiningurinn er
slíkur að hann hefur áhrif á faglegt
starf í skólanum. Þetta kemur fram í
harðorðri skýrslu sem unnin var fyrir
menntamálaráðuneytið um Gerða-
skóla í Garði á Reykjanesi.
Í skýrslunni kemur fram að starfs-
fólk skólans er almennt þeirrar skoð-
unar að starfsandi í skólanum hafi
verið erfiður frá því í fyrravor þegar
skólanefnd og sveitarstjóri hófu „að-
för að fyrrverandi skólastjóra“, eins og
orðrétt segir í skýrslunni. Það er mat
starfsmanna skólans að pólitík hafi
ráðið för þegar skólastjórinn, Pétur
Brynjarsson, var látinn fara í fyrra.
Í skýrslunni er hins vegar bent á að
námsárangur nemenda í skólanum
hafi versnað stöðugt frá árinu 2006 án
þess að við því hafi verið brugðist með
fullnægjandi hætti í tíð Péturs. Sam-
kvæmt heimildum DV var það meg-
inástæða þess að meirihluti skóla-
nefndar vildi að Pétur léti af störfum.
Varð ekki var við einelti
Gerðaskóli var síðastliðið haust
nokkuð til umræðu í fjölmiðlum
vegna eineltismála. Mæðgurnar
Margrét Eysteinsdóttir og Sigríður
Eydís Gísladóttir stigu meðal ann-
ars fram og sögðu sögu Sigríðar sem
hafði reynt að svipta sig lífi eftir ára-
langt einelti í skólanum. Mæðgurnar
sögðu ástandið ólíðandi. Einnig stigu
fram „Gribburnar“, sem eru hópur
mæðra eineltisþola í Gerðaskóla og
lýsti slæmu ástandi í eineltismálum
í skólanum.
Pétur Brynjarsson, þáverandi
skólastjóri, lét hafa eftir sér í DV að
hann hefði ekki orðið var við að ein-
elti þrifist í skólanum en á sama tíma
mat skólanefndin ástandið ólíðandi.
Það var svo í desember sem sam-
komulag náðist um að Pétur hætti
störfum.
Í skýrslunni kemur fram að
starfsfólk skólans var og er ósátt við
hvernig staðið var að þeirri ákvörð-
un að semja við Pétur um starfslok.
Einhugur er á meðal starfsmanna
hvað það varðar. Þá má nefna að
nemendur í skólanum afhentu bæj-
arstjóranum, Ásmundi Friðrikssyni,
plagg þar sem þeir lýstu yfir stuðn-
ingi við Pétur.
Mikill trúnaðarbrestur
Starfsmenn skólans telja mikinn
trúnaðarbrest ríkja á milli skólans
annars vegar og bæjarstjóra, skóla-
nefndar og sveitarstjórnar hins
vegar. „Í rýnihópi kennara kom
fram það sjónarmið að kennarar
hafi aldrei upplifað aðra eins póli-
tík í skólamálum í sveitarfélaginu,
skólamálanefnd nánast stimpli
ákvarðanir sveitarstjórnar um mál-
efni skólans.“
Þess má geta að í skýrslunni kem-
ur fram að samkvæmt Olweusar-
könnun sem framkvæmd var í fyrra
hefur skólinn náð, undir stjórn Pét-
urs, umtalsverðum árangri í því að
draga úr einelti. Mæling árið 2011
leiddi í ljós að einelti var örlítið yfir
landsmeðaltali. Ríflega 6 prósent
nemenda töldu sig hafa orðið fyrir
einelti, sem er um eða yfir helmings
lækkun frá því árið áður. Þess má
einnig geta að agavandamál eru lítil
við skólann.
Þrátt fyrir góðan árangur í því að
draga úr einelti má á skýrslunni sjá
að námsárangur í Gerðaskóla hef-
ur versnað samfellt á undanförnum
árum. Skólinn kemur illa út á sam-
ræmdum prófum, í PISA- könnunum
og lestrarskimunum. Fram kemur
að skort hafi á að kennsla hafi tek-
ið mið af þeirri námsskrá sem unnið
hefur verið eftir.
Ráðinn án auglýsingar
Nýr skólastjóri, Þorkell Ingimarsson,
var tímabundið ráðinn í stöðu skóla-
stjóra þegar Pétur hætti. Staðan var
ekki auglýst en samningurinn við
hann rennur út í lok yfirstandandi
skólaárs. Óhætt er að segja að al-
ger viðsnúningur hafi orðið á líðan
starfsmanna eftir að hann tók við.
Níu af hverjum tíu starfsmönnum
skólans leið oftast vel í vinnunni í
fyrra en aðeins einn af hverjum tíu
nú. Í skýrslunni segir að starfsandi
í skólanum hafi verið erfiður upp á
síðkastið en 83 prósent starfsmanna
skólans hafa oft eða frekar oft íhugað
að segja upp vinnunni, samkvæmt
könnun sem úttektaraðilar unnu í
vor. Þorkell þyki „einráður“ að mati
starfsmanna skólans og spyrji ekki
álits áður en ákvarðanir eru teknar,
að því er segir í skýrslunni.
Úr skýrslunni má lesa að kenn-
arar treysti því ekki að fagleg vinnu-
brögð verði viðhöfð við ráðningu nýs
skólastjóra fyrir næsta skólaár. „Vísa
kennarar þá m.a. til þess að starf-
andi skólastjóri [Þorkell Ingimarsson
innsk. blm.] tengist formanni skóla-
nefndar [Reyni Þorsteinssyni innsk.
blm.] fjölskylduböndum.“
Skólinn hefur síðan skömmu áður
en nýr skólastjóri tók við notið lið-
sinnis Fræðsluskrifstofu Reykjaness,
sem hefur lagt fram aðgerðaáætlun
um hvernig bæta megi námsárang-
ur. Góð reynsla er af því samstarfi en
skýrsluhöfundar leggja til að sveitar-
félagið veiti fræðsluskrifsofunni um-
boð til að annast ytra mat og eftirlit
sveitarfélagsins með skólastarfi.
Núverandi stjórnendur verði
látnir fara
Í niðurstöðum skýrslunnar eru gerð-
ar tillögur að aðgerðum til úrbóta
í málefnum skólans. Þar má finna
harða gagnrýni á stjórnendur skól-
ans. Á meðal þess sem þar kem-
ur fram er að ráða þurfi nýtt stjórn-
endateymi að skólanum, til að bæta
námsárangur og auka ánægju starfs-
manna. Í því teymi verði skólastjóri
og tveir millistjórnendur. Með öðr-
um orðum felst í þessu að núver-
andi skólastjóri og aðstoðarskóla-
stjóri verðir látnir fara. Mikilvægt sé
að þeir sem ráðnir verða tengist ekki
pólitískum fylkingum innan sveitar-
félagsins.
Þá þarf sveitarstjórn að taka af-
stöðu til þess hvort skólanefnd í nú-
verandi mynd sé starfhæf, vegna
mikils pólitísks ágreinings sem hef-
ur áhrif á faglegt starf í skólanum.
„Samskipti í skólanefnd á fundi með
úttektaraðilum voru þannig að það
veldur vafa hvort skólanefnd í núver-
andi mynd sé starfhæf.“
Einnig er tekið fram að endur-
skoða þurfi skólastefnuna, en hún
hefur ekki verið aðlöguð að nýjum
námsskrám, og markvisst þurfi að
vinna að því að bæta námsárangur,
með Reykjanesbæ og Sandgerði.
Þá er lagt til að reyndur vinnu-
sálfræðingur verði ráðinn til að að
byggja upp liðsheild starfsmanna,
undir yfirstjórn nýs stjórnenda-
teymis.
„Samskipti í skóla-
nefnd á fundi
með úttektaraðilum voru
þannig að það veldur vafa
hvort skólanefnd í núver-
andi mynd sé starfhæf.
n Ráða þarf nýja stjórnendur í Gerðaskóla n Hörð gagnrýni á skólann
Gerðaskóli Starfsmenn skólans telja mikinn trúnaðar-
brest ríkja á milli skólans annars vegar og bæjarstjóra,
skólanefndar og sveitarstjórnar hins vegar.
24. október 2011.
Stúka byggð
á Ísafirði
Fyrsta skóflustungan að nýrri
áhorfendastúku við Torfnesvöll-
inn á Ísafirði var tekin um helgina
og hófust framkvæmdir strax.
Samkvæmt fréttavefnum vestur.
is á stúkan að rúma 540 áhorf-
endur og verða 55 metrar. Undir
stúkunni verður síðan skotæfinga-
svæði fyrir Skotíþróttafélag Ísa-
fjarðarbæjar. Í framtíðinni er fyrir-
hugað að byggja félagshúsnæði og
þak yfir stúkuna
Bygging stúkunnar hefur verið
nokkuð umdeild enda lið BÍ/Bol-
ungavíkur spilað á Torfnesvelli á
undanþágu frá KSÍ undanfarin
tvö ár, en KSÍ gerir þá kröfu að lið
í fyrstu deild hafi áhorfendastúku.
Samkvæmt vestur.is verður bygg-
ingarkostnaður við stúkuna um 36
milljónir króna og hefur eignar-
haldsfélagið ST 2012 verið stofnað
til að sjá um fjármögnun og fram-
kvæmd.
Samþykkja mið-
aldadómkirkju
Kirkjuráð hefur samþykkt að ganga
til samstarfs um endurreisn mið-
aldadómkirkju í Skálholti, ef sátt
næst um staðsetningu hennar, að
því er fram kemur á mbl.is
Það var Guðmundur Arngríms-
son, upplýsingafulltrúi Icelandair,
sem kynnti hugmyndirnar síðastlið-
ið haust en þær ganga út á að reisa
stóra kirkju líkt og þá sem prýðir
fimm þúsund króna seðilinn. Ferða-
þjónustan og þjóðkirkjan munu þá
ráðast í uppbyggingu kirkjunnar og
reka hana sem menningar- og sýn-
ingarhús.
Málið hefur verið tekið fyrir á
þremur fundum kirkjuráðs. Næsta
skref er að vinna í deiliskipulagi
Skálholts, þar sem gert er ráð fyrir
miðaldadómkirkjunni. Kirkjuráð
setur það skilyrði fyrir þátttöku í
verkefninu að vandaðar kostnaðar-
áætlanir verði lagðar fram og að full
fjármögnun verði samþykkt áður en
farið verður í verklegar framkvæmd-
ir. Kirkjan ætlar ekki að bera fjár-
hagslega áhættu af verkefninu, aðra
en þá að kosta gerð deiliskipulags.