Dagblaðið Vísir - DV - 07.05.2012, Blaðsíða 25

Magnþrungið í Manchester
Sport 25Mánudagur 7. maí 2012
Ó
hætt er að segja að ár og dag-
ur sé síðan jafn mikil spenna
ríkti í ensku úrvalsdeildinni.
Bæði Manchester United og
Manchester City unnu leiki
sína um helgina og því ræðst ekki
fyrr en í lokaumferðinni hvort liðið
stendur uppi sem sigurvegari þessa
leiktíðina. Sömuleiðis er nokkur
spenna á botninum en fjögur lið
eiga á hættu að falla niður um deild
ásamt Úlfunum.
Gylfi lét finna fyrir sér
Manchester City, sem flestir telja lík-
legri til að sigra í deildinni sökum
mun betri markatölu, vann sannfær-
andi útisigur á Newcastle 0–2 með-
an sveinar Alex Ferguson hjá United
unnu lið Swansea á heimavelli sín-
um. Gylfi Sigurðsson var í byrjunar-
liði Swansea og stóð Íslendingurinn
sig ágætlega og lét David De Gea,
markvörð United, hafa aðeins fyrir
hlutunum. Hafði United þó leikinn í
hendi sér lengst af.
Sigur City gegn Newcastle var til-
tölulega auðveldur þrátt fyrir að lið
Newcastle hafi að undanförnu spil-
að vel og gert sér lítið fyrir fyrr í vik-
unni og lagt Chelsea á útivelli með
tveimur mörkum gegn engu. Yaya
Toure skoraði bæði mörk City í síðari
hálfleik en sigurinn hefði getað orðið
stærri enda fengu gestirnir töluvert
af góðum færum í leiknum.
Scholes heitur
Sömuleiðis hafði United yfirhöndina
allan leikinn gegn Swansea og réðu
heimamenn ferðinni á löngum köfl-
um þó sprækir sóknarmenn Swan-
sea hafi ógnað marki United annað
slagið. Paul Scholes setti fyrsta mark-
ið á 28. mínútu og Ashley Young
bætti öðru við rétt fyrir leikhlé.
Bæði Manchester-liðin eru með
sama stigafjölda þegar ein umferð
er eftir. City tekur þá á móti Queens
Park Rangers á heimavelli sínum
meðan United á útileik gegn Sun-
derland. Lið QPR vann mikilvægan
heimasigur á Stoke í gær en er enn
í fallhættu ásamt Bolton, Wigan og
Blackburn en lið Wolves er þeg-
ar fallið. Blackburn og Wigan eiga
bæði tvo leiki eftir meðan Bolton
og QPR eiga aðeins einn. Spenn-
an er því töluverð á botninum líka
en Blackburn og Wigan mætast
í kvöld. Blackburn þarf að vinna
báða sína leiki og það stórt til að
forðast fallið.
Mancini varkár
Stjóri Manchester City, Roberto
Mancini, vildi alls ekki meina að lið
sitt væri með sigrinum gegn New-
castle komið með aðra hönd á tit-
ilinn en City hefur 63 mörk í plús á
móti 55 mörkum leikmanna United
fyrir lokaumferðina. Sigri Manches-
ter City verður það fyrsti meistara-
titill liðsins í 44 ár. Benti Mancini á
að lokaleikurinn væri gegn QPR sem
eigi í fallbaráttu og þar stýrir skút-
unni Mark Hughes sem stýrði liði
City áður en Mancini kom til sög-
unnar. „Pressan er ekki aðalmál-
ið núna heldur að við erum með 86
stig í deildinni. Ég vonast til að vinna
deildina en verð ekki í rónni fyrr en
eftir síðasta leikinn.“
Tottenham upp í fjórða
Meðan Newcastle tapaði stigum á
heimavelli gegn City náði Tottenham
stigi í 1–1 jafnteflisleik gegn Aston
Villa. Það stig þýðir að Tottenham er
nú komið upp að erkifjendum sínum í
Arsenal en einungis eitt stig skilur þau
lið nú að. Arsenal er með 67 stig í þriðja
sætinu eftir jafnteflisleik við Norwich á
laugardag en Tottenham með 66 stig
í því fjórða. Newcastle hangir í því
fimmta með 65 stig. Fjögur efstu sæt-
in gefa sem kunnugt er keppnisrétt í
Meistaradeild Evrópu á næstu leiktíð.
Það er því víðar spenna en á toppi og
botni ensku deildarinnar.
n Það ræðst ekki fyrr en í síðustu umferðinni í enska boltanum hver hampar titlinum„Ég vonast til að
vinna deildina en
verð ekki í rónni fyrr en
eftir síðasta leikinn.
Albert Örn Eyþórsson
blaðamaður skrifar
Titillinn nálgast Manchester City þarf að vinna um næstu helgi til að verða meistari.