Dagblaðið Vísir - DV - 07.05.2012, Blaðsíða 9

Fréttir 9Mánudagur 7. maí 2012
Guðmundur Steingrímsson:
Óþolandi
málþóf
„Kannski þarf að stofna Samtök
Alþingismanna gegn alhæfing­
um,“ skrifar Guðmundur Stein­
grímsson, óháður þingmað­
ur. Hann spáði því nýlega að
á næstu dögum yrði málþóf á
Alþingi og skrifar í dag pistil þar
sem hann segir að ekki gangi að
hafa óstarfhæft þing.
„Í síðustu færslu spáði ég því
að pontan á þingi yrði hertek­
in út af viðvarandi valdabrölti
nokkurra þingmanna. Það hefur
ræst.
Nú er þörf á því að pæla pínu­
lítið. Hugsa út fyrir rammann.
Hvað er til ráða?
Það gengur ekki að hafa
óstarfhæft þing. Eitt af því sem
þarf að ræða opinskátt er ein­
faldlega það hvort það sé á nokk­
urn hátt í þágu lýðræðisins að
einstaka þingmenn geti hagað
sér svona: farið endalaust upp
í pontu, í andsvör og ræður og
sagt það sama aftur og aftur,“
skrifar Guðmundur. Hann segir
að það verði að takmarka slíkt
málþóf og segir: „Ef þeir gerðu
svona heima hjá sér yrði þeim
fleygt út,“ og undirstrikar að
það verði að stöðva það sem sé
í gangi og bendir á að heimild­
ir séu þegar fyrir hendi í þing­
sköpum. 
„Þar segir, í 64. gr, að heim­
ilt sé að gera tillögu um það í
upphafi umræðu að binda um­
ræðuna við vissa lengd. Hvers
vegna er það ekki gert? Í um­
deildum málum mætti gera til­
lögu um mjög ríflegan umræðu­
tíma, nokkra daga, jafnvel vikur!“
Hann viðurkennir að ástæðan
fyrir því að málþóf sé leyft og
reglunum ekki breytt sé sú að
stjórnarandstaðan á Íslandi vilji
hafa það sem tæki til að beita.
„En ég vil meina að tækið sé þeg­
ar ónýtt. Það er búið að ofnota
það. Nú er það notað í alls konar
málum, bara til þess að skapa sér
stöðu, eins og það er kallað, und­
ir þinglok. Það gengur ekki.“
Guðmundur veltir því fyrir
sér hvað sé til ráða og í léttum
tón stingur hann upp á því að
sá hluti þingsins sem ekki vilji
hlusta á þetta geti farið eitt­
hvert annað: „Ef menn vilja ekki
fara þessar leiðir mætti hugsa
sér margt annað. Kannski þarf
sá hluti þingheims, sem er með
sönsum og vill virkilega gera eitt­
hvað gagn, einfaldlega að leigja
Iðnó og hittast þar á meðan hinir
kjafta?
Í Iðnó væri hægt að hittast
með tölvurnar, fara yfir mál­
in, ræða saman, leita lausna og
skiptast á skoðunum í rólegheit­
um. Svo þegar málþófsmenn eru
búnir væri hægt að brokka yfir og
klára málin formlega.“
Afganskir flóttamenn koma í sumar
n Ríkisstjórnin samþykkti að bjóða átta flóttamönnum til Íslands
Í
slensk yfirvöld hyggjast taka á móti
allt að átta afgönskum flóttamönn­
um sem búsettir eru í Íran. Tillaga
þess eðlis var samþykkt á ríkis­
stjórnarfundi síðasta föstudag að
áeggjan Guðbjarts Hannessonar vel­
ferðarráðherra og Össurar Skarphéð­
inssonar utanríkisráðherra. Stefnt er
að því að fólkið komi hingað til lands
í sumar.
Samþykktin um móttöku flótta­
fólksins er byggð á tilmælum Flótta­
mannastofnunar Sameinuðu þjóð­
anna en stofnunin lagði áherslu á
stöðu afgansks flóttafólks í Íran. Stofn­
unin lagði til að leitað yrði eftir aðstoð
við konur sem skilgreindar eru í hættu
án þess þó að útiloka eigi aðra ber­
skjaldaða hópa.
Í tilkynningu velferðarráðuneytis­
ins segir að samhliða versnandi efna­
hagsástandi í Íran hafi fordómar í garð
flóttafólks og kerfislæg mismunun
aukist. Staða afganskra kvenna í Íran
sé sérstaklega slæm, þær búi flestar við
einangrun og efnahagslegar og félags­
legar hindranir auk lagalegra áskorana
„Eins er bent á að einstæðar kon­
ur og mæður séu sérstaklega varnar­
lausar þar sem menning og hefðir geri
kröfu um að karlmaður sé höfuð fjöl­
skyldunnar, möguleikar til framfærslu
og fæðuöflunar séu litlir auk þess sem
réttindi kvenna í landinu séu takmörk­
uð. Flóttamenn þurfa að greiða fyr­
ir atvinnuleyfi og menntun barna og
ferðafrelsi þeirra er takmarkað,“ segir
í tilkynningu velferðarráðuneytisins.
Flóttamannanefnd og Útlendinga­
stofnun munu fara með framkvæmd
málsins en Flóttamannastofnun Sam­
einuðu þjóðanna veitir aðstoð við val
þeirra sem boðið verður til landsins.
Afganskir flóttamenn væntanlegir
Guðbjartur Hannesson velferðarráðherra
stendur, ásamt utanríkisráðherra, að til-
lögunni um komu flóttafólksins.