Dagblaðið Vísir - DV - 21.05.2012, Blaðsíða 2

„Þau eru búin að
eyðileggja líf mitt“
Þ
ó að þetta fólk sé í fangelsi þá
er líf mitt eins og fangelsi,“
segir Berglind Steindórsdótt­
ir, fórnarlamb tveggja líkams­
árása, önnur þeirra tengist
aðilum sem eru tengdir Hells Angels
mótorhjólasamtökunum en sú seinni
er óupplýst. Fyrri árásin átti sér stað í
Hafnarfirði þann 22. desember og sú
síðari í Reykjavík þann 1.janúar síð­
astliðinn. Eins og DV hefur fjallað um
þá sitja fjögur í gæsluvarðhaldi út af
fyrri árásinni sem þótti sérstaklega
hrottaleg eins og má lesa um hér til á
opnunni en ekki er vitað hver stóð að
seinni árásinni. Síðan árásirnar áttu
sér stað hefur Berglind upplifað mikið
svartnætti og líf hennar gjörbreyttist í
kjölfar þeirra en meðal árásarmanna
var fyrrverandi vinkona hennar. Til­
efni árásarinnar er talið vera deilur
sem þær stóðu í.
Berglind hefur verið í felum und­
anfarna mánuði og undir vernd lög­
reglunnar. Þrátt fyrir það hafa henni
borist óbeinar hótanir og fyrir helgi
var kveikt í bílnum hennar. Bíllinn
stóð fyrir utan húsið þar sem var ráð­
ist á hana í seinna skiptið. Hún seg­
ist viss um að þarna séu að verki þau
sömu og stóðu að baki árásunum.
Getur hvergi verið
Hún segist vera fangi í eigin lífi. „Ég hef
ekkert frelsi til að gera eitt eða neitt. Ég
get ekki látið sjá mig neins staðar, ég
get ekki verið á opinberum stöðum,
get ekki talað við neinn, ég get ekki
lagt þá ábyrgð á neinn að vita hvar ég á
heima eða símann hjá mér. ég get ekki
leyft mér að leggja það á aðra að búa
yfir svo stóru leyndarmáli. Ég get eng­
um treyst, ég varð að loka á alla,“ seg­
ir hún og það er augljóst að hún tek­
ur það nærri sér. „Fjölskylda mín fékk
hótun og þá tek ég ákvörðun um að
loka bara á alla. Ég get ekki boðið nein­
um upp á þetta. Eina fólkið sem ég er
virkilega í samskiptum við eru lög­
fræðingurinn minn og fagfólk sem er á
launum hjá ríkinu við að hjálpa mér,“
segir Berglind sem lifir í stanslausum
ótta en er gífurlega þakklát fyrir þá
miklu hjálp sem hún hefur fengið frá
lögreglu og öðru fagfólki í kerfinu. Hún
var illa farin líkamlega eftir árásina
en segir þó að andlega hafi hún verið
mun verr farin. Líkamlegu einkennin
grói hraðar en þau andlegu gróa hægt,
og kannski aldrei alveg.
Treystir sér ekki til
að hafa dótturina
Eftir árásina treystir hún engum og
getur að mjög takmörkuðu leyti verið
í samskiptum við börnin sín en hún á
tvö börn. Eldra barnið býr erlendis en
það yngra bjó hjá henni áður en árás­
in átti sér stað. „Sem betur fer var hún
ekki heima þegar þetta gerðist,“ segir
Berglind og vísar til dóttur sinnar. Hún
kom henni fyrir hjá ættingjum þar sem
hún treysti því ekki að hún væri örugg
í sinni umsjá. „Ég er móðir og mér ber
skylda til að passa að barnið mitt sé
öruggt. Ég get ekki boðið henni upp
á öryggi, ég get ekki farið með hana
neitt. Og að þurfa að viðurkenna að
maður sé ekki besti kosturinn út af
einhverju svona, það er með því erf­
iðara sem maður gerir,“ segir hún.
Mæðgurnar hittast þó reglulega en þá
undir vernd. „Þannig að líf mitt er ekki
bara búið að kúvendast út af verkjum,
það er allt breytt,“ segir hún og vísar til
þeirra líkamlegu áverka sem hún hef­
ur þurft að kljást við en fyrri árásin var
mjög hrottafengin.
Þarf að flytja frá Íslandi
Berglind segist upplifa sig eina í heim­
inum. „Síðan þetta gerðist hefur mér
liðið eins og líf mitt sé búið. Ég þarf að
flytja í burtu frá Íslandi ef ég vil eiga
eitthvert líf. Það held ég að sé nokkuð
ljóst. Það eru svo margar manneskj­
ur sem koma að þessu. Mig langar að
vera hérna, ég elska Ísland. En líf mitt
er búið hérna í einhvern tíma og ég á
ekki heima hér,“ segir hún.
Á þeim fimm mánuðum síðan
árásin átti sér stað hefur Berglind
gengið í gegnum mikla hræðslu og
óöryggi. „Þetta er búið að vera gríðar­
lega erfitt, ég er búin að vera alveg
svakalega andlega í miklu þroti. Gjör­
samlega gjaldþrota andlega og engin
innistæða fyrir neinu. Mér finnst ég
alltaf vera bara í mínus.“
Missti trúna á mannkynið
Hún segist oft hafa íhugað að vilja
bara sofna svefninum langa. „Mig
langar miklu frekar að geta bara sofn­
að og dáið þannig heldur en að vera
pínd til dauða. Það er það sem mig
langar ekki. Mig langar ekki að lenda
aftur í þessari ógeðslegu pyntingu,
þau pyntuðu mig í lengri tíma.“
Hún endurupplifir fyrri árásina oft.
„Ég vakna oft upp á nóttunni við högg,
eins og það sé verið verið að berja mig.
Ég endurupplifi atburðina. Fyrstu
mánuðina ældi ég blóði af stressi og
vanlíðan. Ég gjörsamlega missti trúna
á mannfólkið. Núna er ég þannig að
mér finnst ég ekki hafa tilvistarrétt,
mér finnst ég ekki eiga rétt á sama súr­
efni og aðrir, mér finnst ég taka pláss
og mér finnst ég vera fyrir.“ Hún seg­
ist þó ekki ætla að gefast upp og ætlar
ekki að láta gerendurna komast upp
með glæpinn. „Fyrr skal ég dauð liggja
en að láta þau komast upp með þetta,“
segir hún.
Rotuð og skilin eftir
meðvitundarlaus
Bíll Berglindar var eins og áður sagði
staðsettur fyrir utan þar sem seinni
árásin átti sér stað þegar kveikt var
í honum. Hún man ekki mikið eftir
seinni árásinni.
Berglind veit ekki hver nákvæm­
lega var þar að verki þar sem þeir
sem stóðu að fyrri árásinni voru bak
við lás og slá á þeim tíma. En hún
segist fullviss hver sé að baki árás­
inni. „Ég veit á hvaða vegum það
var, það voru þau. Það er alveg aug­
ljóst. Þetta með bílinn núna. Þetta er
engin aðvörun, þetta er bara „state­
ment“ til að hræða mig. Þegar þau
skáru í puttann á mér í árásinni þá
hótuðu þau að taka alla puttana af
mér ef ég myndi ekki þegja. En ég
ætla ekki að þegja, ég ætla alla leið
með þetta,“ segir hún ákveðin. „Þau
eru öll í fangelsi en það er augljós­
lega einhver sem fer og gerir þessa
hluti fyrir þau. Ég á enga óvini nema
þau og ég veit að þetta er á þeirra
vegum. Ég er ekkert að leita að þeim
sem kveikti í bílnum því ég veit al­
veg hver gerði það. Það er einhver á
þeirra vegum sem fékk þau skilaboð
að gera þetta.“
Safnar fyrir jarðarförinni
Berglind segist vera farin að hugsa
fyrir jarðarförinni sinni því hún ætli
sér ekki að skilja börnin sín eftir með
jarðarfararkostnað. „Líf mitt er þann­
ig í dag að ég er búin að loka á alla
fjölskylduna og ég á tvö börn sem ég
ætla ekki skilja eftir með þann reikn­
ing að þurfa að borga jarðarförina
mína. Þannig að ég er farin að leggja
sjálf fyrir. Ég ætla að borga jarðarför­
ina mína sjálf og ég ætla að hafa eitt­
hvað um það að segja hverjir koma í
hana.“
Hætta ekki fyrr en ég er dauð
„Þau eru búin að eyðileggja líf
mitt, þau geta ekkert eyðilagt
meira. Ég veit ekkert hvað er rétt og
hvað er rangt lengur. Það er búið
að brjóta svo svakalega á mér að
ég veit ekkert hvað er rétt og hvað
er rangt lengur. Ég er bara að bíða
eftir að ég vakni af þessari hræði­
legu martröð. Þetta er bara eins
mögulega slæm staða og hægt er
að lenda í. Það er ekkert í lífi mínu
öruggt núna. Nema það að ég get
99,9 prósent gengið út frá því að
2 Fréttir 21. maí 2012 Mánudagur
Fljúgandi furðuhlutur á Akureyri
„Ég er ekki
geimvera“
„Þetta var bara svifvængjaflug­
maður,“ segir Sigurður Sigurðsson,
varðstjóri hjá lögreglunni á Akur­
eyri, eftir að tilkynning barst lög­
reglu um torkennilegan kringl­
óttan hlut sem kom svífandi niður
við Hamra rétt utan Akureyrar
á föstudag. Lögreglumenn, sem
sendir voru á vettvang, voru þó
fljótir að átta sig á hvernig í pott­
inn væri búið.
„Ég er ekki geimvera,“ segir
Ingvi Vaclav Alfreðsson tónlistar­
kennari, svifvængjaflugmaður og
meintur fljúgandi furðuhlutur. „Ég
var svolítið hátt uppi þannig að
það er skiljanlegt að viðkomandi
hafi ekki áttað sig á hvað þarna var
í gangi,“ segir hann í samtali við
DV og bætir við: „En ég get alveg
staðfest það að ég er jarðarbúi, þó
ég tali með furðulegum hreim.“
Að sögn Gísla Steinars Jóhann­
essonar, sem sér um vefsíðuna
paragliding.is, stafar almennt lítil
hætta af svifvængjaflugmönnum
og reyna þeir að lenda sem fjærst
skepnum og fólki.
Sigmund látinn
Uppfinningamaðurinn og
teiknarinn ástsæli Sigmund
Jóhannsson Baldvinsen lést á
laugardagsmorgun, 81 árs að
aldri, eftir erfið veikindi. Sig­
mund teiknaði skopmyndir
fyrir Morgunblaðið í 44 ár sem
unnu sér fastan sess í huga
þjóðarinnar.
Sigmund fæddist 22. apríl
1931 í Noregi. Hann lætur eftir
sig eiginkonu, Helgu Ólafsdótt­
ur, og þrjá syni, þá Ólaf Ragnar,
Hlyn og Björn Braga.
Fjölmennt björgunarlið tók þátt í
björgunaraðgerðum
Féll marga
metra á Horn-
ströndum
Á þriðja tug björgunarmanna
var kallaður út á sunnudag eft­
ir að maður féll niður tíu til tutt­
ugu metra bjarg á Hornströndum.
Maðurinn var við eggjatöku þeg­
ar slysið átti sér stað en hann var í
um 25 metra hæð yfir fjörunni þeg­
ar hann féll en hann lenti á syllu.
Þyrla Landhelgisgæslunnar flutti
manninn til Reykjavíkur en hann
var með meðvitund þegar björg­
unarmenn komust að honum.
Sérþjálfaðir fjallabjörgunarmenn
voru notaðir við björgunina. Þetta
kom fram í nokkrum mismunandi
tilkynningum frá Slysavarnarfélag­
inu Landsbjörg.
Björgunarmönnum gekk ágæt­
lega að komast að manninum þar
sem hann lá á syllunni þrátt fyrir
erfiðar aðstæður. Komu þeir hon­
um í björgunarbát sem sendur
hafði verið frá Ísafirði á slysstað­
inn. Með bátnum var hann svo
fluttur undir Grænuhlíð þar sem
hann var hífður upp í þyrlu Land­
helgisgæslunnar. Þyrlan flutti svo
manninn til Reykjavíkur.
n Berglind er fórnarlamb hrottalegrar líkamsárásar tengdri Hells Angels
Í stöðugum ótta Líf Berglindar
er ekki samt eftir árásirnar. Hún lifir í
stöðugum ótta, getur ekki haft dóttur
sína hjá sér og hefur lokað á samskipti
við alla sem standa henni nærri.
Bíllinn Hér sést Berglind við bílinn. Hann er brunarústir einar og nánast bara grindin
stendur eftir. Hún segist sannfærð um að sömu öfl séu að baki brunanum og eru að baki
árásunum.
Viktoría Hermannsdóttir
blaðamaður skrifar viktoria@dv.is