Dagblaðið Vísir - DV - 21.05.2012, Blaðsíða 8

8 Fréttir 21. maí 2012 Mánudagur
Sjúklingar safna sjálfir fyrir tækjum
n Guðjón Sigurðsson er með MND og einn þeirra er gáfu tæki og búnað til Landspítalans
V
ið reynum að halda í horf-
inu því spítalinn kemur
ekkert að kaupum á tækj-
um eða búnaði,“ segir Guð-
jón Sigurðsson, einn þeirra
er stóðu að söfnun fyrir Taugalækn-
ingadeild og sjúkraþjálfun á Land-
spítala Háskólasjúkrahúsi.
Meðal þess sem var gefið var
hluti hágæslubúnaðar, nuddbekkur,
vinnustólar, hjólastóll, setæfingahjól,
ísskápur og uppþvottavél. Þeir sem
gáfu voru: Parkinsonsamtökin, MG
félagið og MND félagið sem naut að-
stoðar Svalanna.
„Svölurnar eru náttúrulega alveg
frábærar og hafa stutt okkur og aðra
í ýmsum tækjakaupum áður. Gjafir
sem þessar létta okkur og starfsfólki
á deildunum lífið,“ segir Guðjón sem
sjálfur veiktist af MND fyrir 8 árum.
Guðjón hefur séð miklar fram-
farir á aðbúnaði sjúklinga og starfs-
manna síðan hann veiktist. „Aðbún-
aðurinn á deildunum hefur mikið
breyst til batnaðar, við tókum það
að okkur sjálf að bæta aðstöðuna.
Með betri búnaði verða starfsmenn
ánægðari og skilvirkari og þannig
fáum við betri þjónustu. Við reynum
að standa saman, þessi litlu félög og
það skiptir verulegu máli. Þegar ég
veiktist, árið 2004, var afar lítið til af
tækjum og búnaði. Í dag getum við
til dæmis horft á sjónvarpið,“ segir
hann léttur í bragði. „Meðferðin er
enn svipuð en nú hafa bæði sjúkling-
ar og starfsmenn það aðeins betur.“
Móttökurnar eru iðulega góðar
þegar staðið er að söfnun eins og
þessari að sögn Guðjóns. „Við sem
gáfum þökkum kærlega hlýjar mót-
tökur og hlökkum til frekari verkefna
á sjúkrahúsi allra landsmanna. Bún-
aðurinn mun nýtast öllum sjúklinga-
hópum sem koma á deildirnar og við
höldum áfram að vakta hvað þarf.“
kristjana@dv.is
Tæki og búnaður sem létta lífið Þeir sem gáfu voru: Parkinsonsamtökin, MG félagið og
MND félagið sem naut aðstoðar Svalanna. Guðjón er fyrir miðju. MyND JóN BaLDviN HaLLDórSSoN
Herdís sendi
hamingjuóskir
„Hamingjuóskir! Gæfan fylgi
litlu stúlkunni og ykkur,“ skrifar
forsetaframbjóðandinn Herdís
Þorgeirsdóttir á Facebook-vegg
meðframbjóðanda síns, Þóru
Arnórsdóttur, sem líkt og komið
hefur fram eignaðist stúlkubarn
á föstudaginn ásamt sambýlis-
manni sínum Svavari Halldórs-
syni. Það er skammt stórra högga
á milli í kosningabaráttunni því
daginn áður hafði Herdís skotið á
Þóru fyrir að hafa ósanngjarnt for-
skot á aðra frambjóðendur í krafti
starfa sinna hjá RÚV áður en hún
lýsti formlega yfir framboði. Taldi
Herdís að óháðir utanaðkomandi
aðilar ættu að stýra kosningaum-
fjöllun RÚV til að tryggja hlutleysi.
Hundur beit
mann í bílskúr
Maður á Suðurnesjum vissi ekki
hvaðan á sig stóð veðrið í síðustu
viku þegar stór hundur birtist
skyndilega í bílskúr hans. Maður-
inn klappaði saman höndunum
í von um að hrekja hundinn út
en hann brást hins vegar við með
því að bíta manninn í höndina og
hlaupa síðan á brott. Maðurinn
leitaði á sjúkrahús þar sem gert
var að sárum hans. Lögreglan á
Suðurnesjum segir að í hverri viku
berist tilkynningar um lausagöngu
hunda og brýnir fyrir hundaeig-
endum að fara að lögum.
Áfengisdauður
í ísskápnum
Honum var verulega brugðið hús-
ráðandanum í Reykjanesbæ sem
fann meðvitundarlausan karl-
mann hálfan inni í voldugum
amerískum ísskáp heimilisins á
föstudagsmorgun. Maðurinn mun
hafa farið íbúðavillt í fjölbýlishúsi
og rambað inn í ranga íbúð sökum
ölvunar. Samkvæmt Víkurfréttum
virðist sem maðurinn hafi verið
svangur og ætlað að næla sér í
nætursnarl en ekki vildi betur til
en svo að hann sofnaði áfengis-
dauða í miðju kafi. Þannig fannst
maðurinn í morgunsárið á föstu-
dag. Húsráðandinn kallaði til lög-
reglu sem fjarlægði manninn.
Þ
að er bara þannig; mig lang-
aði í Hörpu, það gekk ekki.
Ég held þá bara áfram að
vinna og sinna mínu starfi,“
segir þingkonan Þorgerður
Katrín Gunnarsdóttir sem sótti um
stöðu forstjóra Hörpu tónlistar- og
ráðstefnuhúss.
Tekist á um ráðninguna
Þorgerði var hafnað þrátt fyrir að
þrír af fimm stjórnarmönnum
Eignar haldsfélagsins Portusar sem
á og rekur Hörpu, hafi viljað hana
í starfið. Í stjórn Portusar sitja þau
Pétur J. Eiríksson sem er stjórnar-
formaður, Björn L. Bergsson, Har-
aldur Flosi Tryggvason, Svanhildur
Konráðsdóttir og Þórunn Sigurðar-
dóttir. Innan stjórnarinnar var tekist
á um ráðninguna en á endanum var
Halldór Guðmundsson bókmennta-
fræðingur ráðinn í starfið 3. maí síð-
astliðinn. Umsækjendur um starf-
ið voru 44 talsins en ásamt Þorgerði
Katrínu og Halldóri komust Þórólfur
Árnason, fyrrverandi borgarstjóri,
og Hrönn Greipsdóttir, fyrrverandi
hótelstýra, í lokahóp umsækjenda.
Stjórnin hefur ekki viljað tjá sig um
umsækjendur.
Enginn einn sem á tilkall til
stöðunnar
„Ég hefði aldrei sótt um hana nema
af því mig langaði sérstaklega í hana,
þetta var einstakt tækifæri. En ég ætla
og geri ráð fyrir því að þegar maður
fer í ferli að það sé enginn einn sem
á tilkall til stöðu umfram aðra. Það
var alveg ótrúlega gaman að fara í
gegnum þetta ferli. Þetta var svona
ákveðin hakkavél og mjög reynslu-
ríkt. Þannig að þegar upp er staðið er
maður reynslunni ríkari og alltaf eitt-
hvað sem kemur í sarpinn hjá manni,“
segir Þorgerður um það hvort að það
hafi verið vonbrigði að fá ekki starfið.
„Það er eitt sem maður er búinn
að læra, það sem skiptir mestu máli
er að Harpa njóti samhljóms meðal
þjóðarinnar. Það var frábær maður
sem var valinn í starfið. Maður sem
ég hef haft mikla og góða reynslu af
að vinna með. Ég vona bara að Hörpu
vegni sem best, mikilvægast er að
hennar framgangur verði sem mest-
ur. Það eru ótrúleg tækifæri sem fel-
ast bæði í ferðaþjónustunni ekki síð-
ur en menningarmálunum í Hörpu,“
segir hún.
vill ekki tjá sig um pólitísk áhrif
Þorgerður segist ekkert vilja tjá sig
um það hver hún haldi að ástæðan
hafi verið fyrir því að hún fékk ekki
starfið eða hvort einhver pólitísk öfl
hafi þar ráðið för. „Ég ætla ekkert
að tjá mig um það. Allar slíkar mál-
færslur bitna bara á starfi Hörpu og
ég ætla ekki að fara út í neitt slíkt.
Þetta er bara búið, þetta var lær-
dómsríkt ferli. Eitt og annað sem
maður hugsar eðlilega um en bara
frábær maður sem er núna í stafni
Hörpu og maður vonar bara að það
verði áfram blómstrandi líf í Hörpu.
Og nú er bara næsta skref,“ segir Þor-
gerður sem eins og kunnugt er situr á
Alþingi fyrir Sjálfstæðisflokkinn.
Búið að berja mikið á manni
Fyrst hún er farin að huga að öðr-
um starfsvettvangi þá liggur beint
við að spyrja hvort Þorgerður Katrín
hafi ákveðið að hætta í stjórnmálun-
um? „Ég hef ekki hugsað mér það. Ég
væri náttúrulega löngu hætt ef svo
væri það er búið að berja svo mikið
á manni. Þrátt fyrir allt þá er Alþingi
náttúrulega frábær vinnustaður og
ótrúlega gefandi, þótt það geti ver-
ið erfitt. Þegar einstök tækifæri gef-
ast þá eru þingmenn ekkert undan-
skildir því í samfélaginu að láta á
það reyna,“ segir hún og vísar í um-
sókn sína um stöðu forstjóra Hörpu
og heldur áfram: „Svo er líka fullt af
fólki inni á þingi sem er hæfileikaríkt
til margra verka.“
Þorgerður segist ekki hafa tekið
ákvörðun um það hvort hún muni
bjóða sig fram á næsta kjörtímabili.
„Það kemur bara í ljós, ég hef ekki
tekið neinar ákvarðanir um það.
Ég hef unun af mínu starfi enn sem
komið er.“
„Mig langaði í Hörpu“„Þetta
var ein-
stakt tækifæri
n Þorgerður Katrín vildi verða forstjóri Hörpu n Óvissa með þingframboð
Viktoría Hermannsdóttir
blaðamaður skrifar viktoria@dv.is
Hafði áhuga á
Hörpu Þorgerður
Katrín sótti um starf
forstjóra Hörpu. Hún
fékk ekki starfið þrátt
fyrir að þrír af fimm
stjórnarmönnum vildu
hana. SaMSETT MyND