Dagblaðið Vísir - DV - 21.05.2012, Blaðsíða 26

Þrjósk og skelegg
26 Fólk 21. maí 2012 Mánudagur
Bogi og Jóhanna Vigdís fyrirmyndir
n Rakel Þorbergsdóttir leysir Maríu Sigrúnu Hilmarsdóttur af
É
g fann vissulega fyrir
ákveðnum fiðringi en
fannst ég samt ekki eins
stressuð og ég ætti að vera
fyrir beina útsendingu. Þess
vegna var ég viss um að þetta
myndi klúðrast hjá mér. Stress­
ið kom svo í næsta fréttatíma
og þar næsta,“ segir fréttakon­
an Rakel Þorbergsdóttir sem
er farin að lesa sjónvarpsfrétt­
ir fyrir landsmenn á fréttastofu
RÚV.
„Ég kom inn í þetta í
sumar afleysingar í fyrra og
fannst rosalega gaman. Það
er skemmtilegur fiðringur
sem fylgir því að vera í beinni.
Fyrstu útsendingarnar þegar
ég leysti af í Kastljósi fyrir um
áratug voru í hálfgerðri móðu
en núna er ég búin að vinna á
fréttastofunni svo lengi. Þegar
þetta tækifæri bauðst aftur
ákvað ég að slá til. Ég hafði ver­
ið vaktstjóri í nokkuð mörg ár
og vildi prófa eitthvað nýtt og
breyta til. Það er ekkert sér­
stakt markmið að festast í
þessu, ég geri þetta á meðan
það er gaman.“
Rakel er að leysa Maríu
Sigrúnu Hilmarsdóttur af en
María Sigrún er í fæðingar­
orlofi. Aðspurð segir Rakel
Boga Ágústsson og Jóhönnu
Vigdísi Hjaltadóttur ákveðnar
fyrirmyndir í faginu. „Þau eru
búin að vera í þessu svo lengi,
eru miklir fagmenn og í mín­
um huga eru þau andlit trú­
verðugleikans og traustsins.
Svo er Logi Bergmann allur að
koma til.“
Rakel hefur starfað sem
fréttamaður í tólf ár en síð­
ustu árin hefur hún verið á bak
við tjöldin sem vaktstjóri. „Ég
hef tekið eina og eina vakt og
viðurkenni að ég sakna þess
svolítið að vera ekki að búa til
fréttir. Vonandi kemur að því
einhvern tímann aftur,“ segir
Rakel og bætir við að starfið
fari furðu vel með heimilis­
lífinu. „Maðurinn minn er
pródúsent á RÚV svo við erum
bæði í vaktavinnu. Það er al­
veg ótrúlegt hvað okkur hefur
tekist að föndra þessu saman
en við erum með tvö lítil börn,
þriggja og átta ára,“ segir hún
og bætir við að krakkarnir hafi
gaman af því að sjá mömmu
birtast á skjánum. „Þeim finnst
það bara skemmtilegt og fynd­
ið og sérstaklega þeirri þriggja
ára. Vinum hennar í leikskól­
anum finnst það líka svolítið
merkilegt. Þar fær maður allt­
af einlæg og skemmtilegt við­
brögð.“
indiana@dv.is
Svala í bíla-
auglýsingu
Svala Björgvins og félagar í
Steed Lord eru í aðalhlut­
verki í nýrri auglýsingu fyrir
Smart Car sem sænska fata­
fyrirtækið WeSc hannaði.
Hljómsveitarmeðlimir sjást
keyra agnarsmáan bílinn
um götur Los Angeles en
í auglýsingunni bregður
einnig fyrir sænska leikar­
anum Peter Stormare sem
og rapparanum Lady Tigra,
plötusnúðinum og tónlistar­
manninum Pase Rock og
myndlistarkonunni Vanessu
Prager. Svala og félagar hafa
einnig hannað nælur í sam­
vinnu við listamanninn
Tunde svo það er greinilega
nóg að gera.
Viðurkennir
kynferðis-
ofbeldi
Rithöfundurinn Haukur
Már Helgason viðurkennir á
bloggsíðu sinni að hann hafi
beitt kynferðisofbeldi. „Ég
hef beitt kynferðisofbeldi.
Ég hef beitt aðra manneskju
ofbeldi án þess að gera mér
grein fyrir því. Án þess að
ætla það. Án þess að sjá það.
Þessi blinda var liður í of­
beldinu,“ skrifar hann meðal
annars.
Hann segir ástvini sína
hafa efast um að kynferðis­
ofbeldi væri rétta orðið og
að hann sjálfur hafi verið
hræddur við að samþykkja
það. „En ég hef komið illa
fram og valdið alvarlegum
skaða í kynferðissambandi.“
Honum var greint frá
ábyrgð sinni í fyrrahaust og
það hefur tekið hann langan
tíma að horfast í augu við
hana. „Ég á vini sem létu
mig sæta ábyrgð og ég á vini
sem höfðu áhyggjur af því.
Ég hef þurft á báðum að
halda. Án þessa ferlis væri
ég enn óviti um sjálfan mig
og fáviti við aðra.“
Þ
etta er alltaf sama
kraftaverkið,“ segir
Svavar Halldórsson
sambýlismaður Þóru
Arnórsdóttur forseta­
frambjóðandi sem fæddi heil­
brigt stúlkubarn í Hreiðrinu á
Landspítalnum um sjö leytið
á föstudagsmorgun, þann 18.
maí síðastliðinn. Stúlkan lét
bíða eftir sér nokkurn tíma en
áætlaður fæðingardagur var 8.
maí. Henni virðist hafa liðið vel
í þeim rólegheitum sem hún
bjó við síðustu mánuðina og
ekki alveg verið tilbúin að hella
sér út í kosningabaráttu móður
sinnar.
„Og nei, þetta barn virð­
ist ekki hafa nokkurn áhuga á
að blanda geði við okkur enn
– er bara sátt þar sem það er,“
var ritað á Facebook­síðu kosn­
ingabaráttu Þóru á uppstign­
ingardag, daginn fyrir fæð­
ingardag stúlkunnar. Mátti á
þessum skrifum skynja örlitla
óþreyju eftir nýjum fjölskyldu­
meðlimi sem nú loksins hefur
látið sjá sig.
Stúlkan vó við fæðingu 18
merkur og var 55 sentimetr­
ar á lengd. Hún fæðist inn í
stóra fjölskyldu, en fyrir eiga
Þóra og maður hennar, Svav­
ar Halldórsson fréttamaður,
tvö börn saman auk þess sem
Svavar á þrjár dætur. Litla
stúlkan er af mörgum kölluð
„Bessí“.
Fetar í fótspor mömmu?
DV fékk Gunnlaug Guðmunds­
son stjörnuspeking til að útbúa
stjörnukort fyrir „Bessí litlu“
sem fæðist inn í nautsmerkið.
Á kortinu segir um grunneðli
og lífsorku að stúlkan komi til
með að verða jarðbundin og
föst fyrir. Hún verði jafnframt
þrjósk, úthaldsmikil og dug­
leg, en komi einnig til með
sækja í lífsnautnir. Þá vilji hún
sjá árangur af starfi sínu. „Fær
kraft með því að kafa inn á við,
byggja upp andlegan styrk,
og fást við verkefni sem varða
samfélagið og/eða heimsmál.“
Um tilfinningar segir kortið
að stúlkunni komi til með að
líða best þegar hún er virk í
félagsmálum, hópastarfi og
verkefnum sem varða samfé­
lagið.
Miðað við stjörnukortið
er því ekki útlokað að stúlkan
komi jafnvel til með að feta í
fótspor móður sinnar og fari í
forsetaframboð síðar á lífsleið­
inni.
Það verður áhugavert að fylgj­
ast með því hvort fjölgunin
í fjölskyldunni komi til með
að hafa áhrif á fylgi Þóru sem
frambjóðanda. En töluverð
umræða skapaðist um það eft­
ir að hún tilkynnti um fram­
boð sitt hvort það væri ger­
legt fyrir nýbakaða móður
með stóra fjölskyldu að sinna
krefjandi starfi forseta Íslands.
Margir risu upp Þóru til varn­
ar og bentu á að ekkert væri því
til fyrirstöðu að skelegg kona
sem einnig væri móðir tæki
við forsetaembættinu. Mæður
væru vel til þess fallnar að
sinna krefjandi störfum og hví
ekki embætti forseta Íslands?
Þá hefur Svavar, maður Þóru,
sagst ætla að vera heimavinn­
andi húsfaðir á Bessastöðum
nái hún kjöri.
Jákvæð athygli
Almannatengill sem DV ræddi
við benti á að tveir kvenkyns
ráðherrar, þær Katrín Jakobs­
dóttir og Katrín Júlíusdóttir,
hefðu báðir komið töluvert
betur út í könnun Capacent
um ánægju með störf ráðherra
og stjórnarandstöðu eftir að
þær annaðhvort áttu börn eða
í ljós kom að þær ættu von á
börnum.
Hann benti jafnframt á að
þegar fólk í valdastöðum er­
lendis eignast börn þá veki það
nánast undantekningarlaust
jákvæða athygli. Slík barns­
fæðing styrki tengsl og myndi
ákveðna nánd á milli einstak­
lingsins og almennings. Enda
verði fólk í slíkum stöðum hálf­
gerð almannaeign.
Má því ætla að fæðing stúlk­
unnar geti tvímælalaust hjálp­
að Þóru í baráttunni og auk­
ið fylgi hennar, allavega til
skamms tíma. Almanntengill­
inn benti þó á að það myndi
líklega ekki ráða úrslitum þeg­
ar gengið yrði til kosninga í
júní.
n Gunnlaugur Guðmundsson spáir fyrir „Bessí litlu“
Barnalán Þóra og
Svavar eignuðust stúlku
þann 18. maí síðastlið-
inn. Hún vó við fæðingu
18 merkur og var 55
sentimetrar á lengd.
Reynslubolti Rakel hefur starfað sem fréttamaður í tólf ár. Síðustu árin
hefur hún verið á bak við tjöldin sem vaktstjóri en í dag les hún sjónvarps-
fréttirnar.
Komust ekki
á toppinn
Tobba Marinósdóttir gekk
upp á Hvannadalshnjúk
með vinkonum sínum, Björk
Eiðsdóttur, Elísabetu Jóns­
dóttur og Ölfu Láru Guð­
mundsdóttur. Veður var þó
vont og þeim fannst súrt að
snúa við þegar 200 metrar
voru eftir upp á toppinn og
ætla þær því tvímælalaust að
gera aðra tilraun.