Dagblaðið Vísir - DV - 21.05.2012, Blaðsíða 12

Tryllitæki Gunnar
Vagn Aðalsteinsson við
mótorhjólið sem hann
smíðaði án teikninga.
12 Fréttir 21. maí 2012 Mánudagur
É
g byrjaði á þessu rugli 1996–
97 en þá smíðaði ég mitt fyrsta
hjól. Tveimur árum seinna fór
ég ég á netið og sá að það væri
alveg hægt að smíða eitthvað
svona. Svo ég fór af stað og það tók
mig ein tvö ár að koma þessu sam­
an,“ segir Gunnar Vagn Aðalsteinsson
mótorhjólaviðgerðarmaður um trylli­
tækið, en hjólið vekur jafnan mikla at­
hygli þegar Gunnar Vagn ekur á því á
götum borgarinnar.
Sjálflærður
Hjólið er þriggja hjóla, sjálfskipt og
engin smásmíði en það vegur um 900
kíló. Vélin er 350 Chevrolet, 8 strokka
vél og afturdrifið er undan Jagúar.
Gunnar er sjálflærður þegar kemur
að mótorhjólaviðgerðum og smíðum,
en hann segist hafa lært mikið á því að
fylgjast með föður sínum sem barn,
en hann er járnsmiður. „Þegar ég var
yngri átti ég aldrei mótorhjól en ég
ólst upp fyrir vestan á Þingeyri og ég
var oft sem krakki að sniglast í kring­
um pabba minn. Ég fékk að sjóða og
fikta og svona en ég hef aldrei lært bif­
vélavirkjun eða slíkt. Annaðhvort hef­
ur maður þetta í sér eða ekki.“
Hafði engar teikningar
Hjólið smíðaði Gunnar í frístundum
sínum, en hann segist hafa fengið
dyggan stuðning og skilning frá konu
sinni sem lést síðastliðinn febrúar og
án hennar hefði hann sennilega gef­
ist upp.
„Ég hafði engar teikningar, ég
smíðaði þetta allt saman bara upp úr
kollinum á mér.“ Hjólið er það eina
sinnar tegundar í heiminum og segir
Gunnar Vagn að það veki alltaf mikla
athygli og menn stoppi gjarnan og
spyrji hann út í gripinn á förnum
vegi. „Það eru til margar útgáfur af
þessu til dæmis úti í Bandaríkjunum,
en það smíðar enginn eins. Það er lít­
ið um svona hjól í Evrópu og það er
ekkert annað svona hjól hér á landi.“
Vesen að fá hjólið skráð
Hjólið er eins og gefur að skilja mjög
sérstakt og segir Gunnar Vagn að það
hafi reynst þrautin þyngri að koma
því í gegnum skoðun og fá það sam­
þykkt. „Í dag er þetta skráð ökutæki
og ekkert vandamál með það. En það
var svolítið vesen á sínum tíma að fá
þetta skráð.
Þegar ég kom þarna uppeftir þá
vildu þeir að ég færi með hjólið til
Þýskalands til að láta skoða það þar.
Þeir vildu meina að það væru ekki til
nógu fullkomin tæki hérna heima til
að mengunarprófa hjólið.“ Gunnar
tók þá til sinna ráða og á endanum
kom hann hjólinu í gegnum skoðun.
Gaman að athyglinni
Í dag segist hann nota hjólið meira
á tyllidögum. „Ég keyri nú ekki um
á hjólinu svona dagsdaglega. Þetta
er meira notað svona eins og forn­
bíll. Maður tekur það út þegar það
er sól og gott veður, ég nenni ekk­
ert að hjóla í einhverri rigningu og
þegar það er skítkalt. En þetta vekur
rosalega mikla athygli og það er bara
gaman að því.“
Gunnar ætlar að ferðast um land­
ið á hjólinu í sumar en hann hefur
notað það mikið til ferðalaga í gegn­
um tíðina og segir það henta vel í
slíkt. „Ég hef farið þrisvar á því norð­
ur á Akureyri og til Dalvíkur, vestur á
firði og í sumar ætla ég að fara á því á
æskuslóðirnar á Þingeyri.“
Smíðaði sér
einstakt hjól
n Tók tvö ár að smíða hjólið n 900 kíló og vekur athygli fyrir stærð og útlit„Ég fékk að sjóða
og fikta og svona
en ég hef aldrei lært
bifvélavirkjun eða slíkt.
Annaðhvort hefur maður
þetta í sér eða ekki.
Hanna Ólafsdóttir
blaðamaður skrifar hanna@dv.is
Ísland þriðja best
af 34 löndum
Íslenskir sjúklingar hafa mikil rétt­
indi, eru vel upplýstir, biðtími eftir
þjónustu er stuttur í samanburði
við aðrar Norðurlandaþjóðir og
árangur meðferðar er með því
besta sem gerist í Evrópu. Þetta er
meðal þess sem fram kom þegar
niðurstöður Euro Health Con­
sumer Index árið 2012 voru kynnt­
ar á Evrópuþinginu í Brussel síð­
astliðinn þriðjudag að því er fram
kemur á heimasíðu velferðar­
ráðuneytisins. Samkvæmt niður­
stöðu Euro Health Consumer
Index 2012 er Ísland í þriðja sæti
þeirra 34 landa sem úttektin náði
til.
Vísitala notenda heilbrigðis­
þjónustu, svo kölluð EHCI­vísi­
tala eða sem á ensku kallast Euro
Health Consumer Index, er orðin
samkvæmt upplýsingum frá vel­
ferðarráðuneytinu, staðlaður
mælikvarði á heilbrigðisþjónustu
í Evrópu og hefur verið gefin út af
fyrirtækinu Health Consumer Po­
werhouse í Svíþjóð frá árinu 2005.
Lagt er mat á 42 þætti heilbrigðis­
þjónustu sem flokkaðir eru í fimm
eftirtalin svið sem þykja hafa
mesta þýðingu fyrir notendurna:
réttindi sjúklinga og upplýsingar
til þeirra, aðgengi að (biðtími eftir)
meðferð, árangur meðferðar, um­
fang og útbreiðsla þjónustu og lyf
Ísland hafnaði í þriðja sæti á
eftir Hollandi og Danmörku í út­
tektinni 2012 og heldur því sæti
sínu frá síðustu könnun árið 2009.
Á heimasíðu velferðarráðu­
neytisins er haft eftir Guðbjarti
Hannessyni velferðarráðherra að
ánægjulegt sé að Íslandi takist að
halda stöðu sinni í efstu sætum
þessa lista, þrátt fyrir erfiða að­
lögun heilbrigðiskerfisins að lægri
fjárveitingum: „Við getum verið
stolt af heilbrigðiskerfinu okkar
og það er ástæða til að þakka heil­
brigðisstarfsmönnum fyrir frábær
störf og þrautsegju, oft við erfiðar
aðstæður. Við ætlum að halda
okkar stöðu meðal þeirra landa
sem bjóða upp á framúrskarandi
heilbrigðisþjónustu. Við getum
alltaf gert betur, sérstaklega þegar
við þekkjum veikleikana og vitum
hvað helst þarf að bæta.“