Dagblaðið Vísir - DV - 21.05.2012, Blaðsíða 17

Spurningin
Þykja þessar ásakanir
mjög sorglegar
Endar á sama
stað
Var búinn að safna
öllu sínu já-fólki
Heiða Kristín Helgadóttir svarar fyrir Besta flokkinn. – FréttablaðiðÓmar Ragnarsson um lífið, upphafið og endann. – DVIngunn Hafdís Þorláksdóttir, fyrrverandi varaformaður safnaðarráðs Fríkirkjunnar, um prestinn. – DV
Grænt ríkisfang
„Nei, ég hafði nú ekki hugsað
mér það.“
Andreas Aðalsteinsson
22 ára vinnur hjá Mjólkursamsölunni
„Nei, ég er að fara út á land og
verð því ekki í bænum. Ég væri
samt mjög til í að sjá eitthvað.“
Viktoría Halldórsdóttir
21 árs fornleifafræðinemi
„Já, ég ætla að sjá Bryan Ferry.“
Emil Hannes Valgeirsson
46 ára grafískur hönnuður
„Nei, ég fer ekki að sjá neitt.“
Stefanía Emilsdóttir
16 ára nemi
„Ég fer á tónleika með Bryan
Ferry.“
Arna Björk Stefánsdóttir
40 ára sagnfræðingur
Ætlar þú að sjá
eitthvað á
listahátíð?
Váfugl Bjarna Ben
S
varthöfði er einlægur stuðnings-
maður Bjarna Benediktssonar,
formanns Sjálfstæðisflokksins.
Bjarni er ekki aðeins með stórt
nafn heldur er hann eldklár líka. Hann
er þaulreyndur úr viðskiptalífinu þar
sem hann byggði upp stórveldi á borð
við olíurisann N1. Þá sýndi hann góða
viðskiptatakta með afskiptum sínum af
Vafningi. Bjarni er mikill laukur sinnar
ættar. Hann hefur bæði fótað sig á sviði
viðskipta og stjórnmála. Og þrátt fyrir
að fast hafi verið sótt að honum á for-
mannsstóli hefur hann staðist atlög-
urnar af harðfylgi. Nú síðast sigraði
hann Hönnu Birnu Kristjánsdóttur og
stendur keikur við stýri síns flokks.
Bjarni er í senn sveigjanlegur og
vafningalaus. Hann var á sínum tíma
hallur undir Evrópusambandið og
vildi að Íslandi bættist í þá flóru Evr-
ópuríkja. Vegna þessa varð hann fyrir
miklu aðkasti innan flokks og hraktist
af leið. Sú för endaði með því að hann
varð algjörlega andvígur ESB og berst
nú með kjafti og klóm gegn samtökum
nágrannaþjóðanna.
Á Íslandi er Hallur Hallsson í fylk-
ingarbrjósti þeirra sem berjast gegn
ESB. Hallur varð þjóðþekktur maður
þegar hann sem sjónvarpsfréttamað-
ur fékk góðglaðan og þvoglumæltan
forsætisráðherra til að segja „skál,
Bermúdaskál“ í beinni útsendingu.
Síðan hefur lítið til hans spurst þar til
hann kom með hárbeittan reifara um
Evrópusambandið. Það tímamótaverk
heitir Váfugl en fékk ekki vængi í ís-
lenska bókaflóðinu og því voru góð
ráð dýr.
Hallur er hallur undir Bjarna Ben
og leitaði hjálpar hans. Úr varð að
ákveðið var að koma bókinni á bresk-
an markað. Bjarni lagði svo sitt af
mörkum í markaðsstarfinu með því að
hafa samband við þingmenn breska
Íhaldsflokksins sem útveguðu herbergi
í þinghúsinu. Þangað mættu Bjarni
og Hallur. Sá síðarnefndi hélt tölu yfir
nokkrum þingmönnum sem andstæð-
ir eru Evrópusambandinu.
Úr þessu varð ein snilldarmarkaðs-
setning. Morgunblaðið, heima á Ís-
landi, sagði frá hinum mikla atburði
í máli og myndum sem hittir breska
bókamarkaðinn beint í hjartastað. Vá-
fuglinn fékk vængi. Og þess var getið
að Bjarni var á staðnum. Hann fékk
meira að segja að hitta breskan ráð-
herra til skrafs og ráðagerða. Þetta er
svo sannarlega okkar maður. Örríkið
Íslands fékk inni í breska þinginu með
viðvaranir um hið stórhættulega Evr-
ópusamband. Mikil eru áhrif okkar.
Svarthöfði
Á
undanförnum árum hefur út-
lendingum fjölgað sem hafa
áhuga á að setjast að á Íslandi og
óska eftir að gera Ísland að sínu
heimalandi. Þetta er fjölbreyttur hópur
sem styrkir efnahagslífið og auðgar
mannlífið. Íslenskt atvinnulíf hefur
þurft á erlendu vinnuafli að halda og
margir Íslendingar hafa eignast er-
lenda maka. Flest öllum sem hér hafa
sest að hefur tekist vel að aðlagast ís-
lensku samfélagi og þeir hafa styrkt það
og bætt á allan hátt. Einnig þurfa marg-
ir aðfluttir sérstakan stuðning þegar
þeir setjast að í nýju landi með fram-
andi tungu og menningu. Þétta verður
öryggisnetið fyrir þá innflytjendur sem
missa atvinnu, vegna þess að tengsla-
og fjölskyldunet þeirra er ekki jafn öfl-
ugt og Íslendingsins.
Á Íslandi býr á þriðja tug þúsunda
af erlendum uppruna og sýna tölur er-
lendis frá að fyrsta kynslóð afkomenda
innflytjenda verður oft ámóta fjölmenn
og innflytjendurnir sjálfir. Þegar horft
er til fjölda barna innflytjenda sem
fæðst hafa á Íslandi á liðnum árum er
ekki óvarlegt að ætla að þróunin geti
orðið svipuð hér á landi. Innflytjendur
auðga mannlífið og bæta, sérstaklega
úti á landsbyggðinni þar sem margir
hafa náð að festa rætur. Þetta er oftast
harðduglegt fólk, sem vílar ekki fyrir
sér að takast á hendur nauðsynlega
vinnu, sem Íslendingar fúlsa oft við og
ómögulegt er að manna. Unga fólkið
af erlendum uppruna virðist sam-
lagast ágætlega, einelti eða fordómar
eru hverfandi og margir nemendur af
erlendum uppruna standa sig afar vel
í námi. Einhver hópur aðfluttra á þó
erfitt uppdráttar og er nauðsynlegt að
takast á við þau vandamál sem koma
upp hverju sinni með opnum huga, svo
að fólk af erlendum uppruna geti sam-
lagast nýju samfélagi og talað tungu-
málið án erfiðleika. Fjölmennir hópar
innflytjenda mega ekki einangrast, og
verða Íslendingar sem gestgjafar að
passa upp á það að þeir sem hingað
flytjast og afkomendur þeirra geti sam-
lagast þjóðfélaginu og tekið fullan þátt í
því eins og hinir sem fyrir eru.
Samkvæmt upplýsingum sem emb-
ætti ríkisskattstjóra vann fyrir Byggða-
stofnun greiddu erlendir ríkisborg-
arar yfir tíu milljarða í skatta og gjöld
vegna tekna sem þeir öfluðu árið 2009.
Í skýrslunni segir, að skattar sem erlent
starfsfólk greiðir til íslensks samfélags,
séu m.a. notaðir til að reka mennta-
og heilbrigðiskerfið. Erlent verkafólk
skapar verðmæti fyrir samfélagið í
heild sinni og margir úr þeirra röðum
sinna öldruðum og sjúkum.
Í Bandaríkjunum notast stjórn-
völd við svokallað „Grænt kort“ (Green
Card) sem gefið er út til útlendinga
sem vilja vinna í Bandaríkjunum. Við
Ísendingar gætum komið upp svipuðu
kerfi sem myndi leyfa íslenskum fyrir-
tækjum að ráða útlendinga sem hafa
sérþekkingu á afmörkuðum sviðum
eða atvinnugreinum t.d. eins og olíu-
vinnslu, flugrekstri, siglingum, forritun,
raungreinum og öðrum vísindum
o.s.frv. Einnig mætti bjóða listamenn
sérstaklega velkomna t.d. eins og
kvikmyndagerðarmenn, rithöfunda
og aðra listamenn sem hafa hlotið al-
þjóðlega viðurkenningu. Hugsunin
með þessu er að laða að þekkingu á
sviðum sem okkur Íslendinga skortir
sérfræðinga á, og veita heimsþekkt-
um listamönnum friðsælt afdrep og
vinnuaðstöðu. Hægri grænir, flokkur
fólksins, vilja einnig sjá að öllum
Vestur-Íslendingum sé boðið upp á að
sækja um sérstakt „grænt ríkisfang“
sem gæfi þeim ýmis takmörkuð rétt-
indi. Það myndu margir nýta sér þetta,
en tvöfalt ríkisfang er leyft í Banda-
ríkjunum og Kanada. Íslendingar ættu
að líta til Kanada þegar kemur að inn-
flytjendamálum, en þeir hafa komið
sér upp sniðugu kerfi.
Dagar lista framundan Við setningu Listahátíðar í Reykjavík gekk hópur listamanna þvert í gegnum miðborgina frá Hörpu og út í Ráðhús og tóku konurnar á myndinni þátt í
göngunni af mikilli innlifun. Mynd: Eyþór ÁrnasonMyndin
Umræða 17Mánudagur 21. maí 2012
1 Morðtilraun í KópavogiManni var hent fram af svölum á
fjórðu hæð.
2 ,,Hann átti ekki að vera þarna!“
Móðir manns sem lést í jarðskjálft-
anum á Ítalíu á sunnudag.
3 Nú kæmi löggan og Land­helgisgæslan til að skipta
sér af
Einar Kjartansson smiður varð 70 ára
þann 20. maí og var í stuttu viðtali
vegna þess á afmælissíðu helgarblaðs
DV.
4 Árni Johnsen sakar ríkis­stjórnina um „hryðjuverka­
árás“
Sakar ríkisstjórnina um mesta fúsk í
samtímasögu Evrópu.
5 Fortíð ÞorgerðarSandkorn: Risastórt kúlulán sem
eiginmaður hennar fékk og getur ekki
borgað varð til þess að hún fékk ekki
starf framkvæmdastjóra Hörpu.
6 Blóðugur við Grandagarð eftir árás
Fórnarlambið á gjörgæslu og
árásarmaður í fangelsi.
7 15 leiðir til að brenna meiruMegrun, of lítill svefn og kyrrseta hefta
fitubrennsluna.
Mest lesið á DV.is
„Fjölmennir hópar
innflytjenda mega
ekki einangrast, og verða
Íslendingar sem gestgjafar
að passa upp á það.
Kjallari
Guðmundur
Franklín Jónsson