Dagblaðið Vísir - DV - 09.07.2012, Blaðsíða 18

18 Neytendur 9. júlí 2012 Mánudagur
E
ld
sn
ey
ti
Algengt verð 243,7 kr. 243,5 kr.
Algengt verð 243,4 kr. 243,2 kr.
Höfuðb.sv. 243,3 kr. 243,1 kr.
Algengt verð 243,5 kr. 243,3 kr.
Algengt verð 245,7 kr. 243,5 kr.
Melabraut 243,4 kr. 243,2 kr.
Hlakka til að
fara aftur
n Lofið fær Bergsson mathús í
Templarasundi 3 í Reykjavík en
viðskiptavinur segir að staður­
inn bjóði upp á ferskan, hollan
og góðan mat ótrúlega fínu
verði. „Við fórum fjögur um
helgina og enduðum á því
að vera í hátt í tvo klukku­
tíma á staðnum. Nut­
um matarins sem
var ótrúlega góður og
spjölluðum við starfs­
fólkið sem tók á móti
okkur með bros á vör.
Mæli hiklaust með þess­
um stað og hlakka mikið til að fara
þangað aftur við fyrsta tækifæri.“
Beinflísar í
hakki
n Lastið að þessu sinni fær Nóatún
en viðskiptavinur hafði þessa sögu
að segja; „Ég kom við í Nóatúni í
Hamraborg á leiðinni í grillveislu
um daginn. Þar sem ekki voru
til hamborgarar keypti ég hakk í
pakka, sem var merktur Nóatúni,
til að móta sjálfur í borgara. Þegar
hamborgarinn var svo grillaður og
ég byrjaði að gæða mér
á honum kom fljót­
lega í ljós að hann var
óætur vegna bein­
flísa í honum. Þegar
ég var búinn að tína
um það bil 20 slíkar flísar
út úr mér gafst ég upp. Ég
geri mér grein fyrir að slíkt
geti slæðst í hakkið en ekki
svona mikið. Það endaði með að
ég henti honum þar sem það var
engan veginn hægt að borða hann.“
Ragnheiður Björnsdóttir, að­
stoðarrekstrarstjóri Nóatúns segir
að verslunin vilji byrja á því að biðj­
ast afsökunar á óþægindunum sem
viðskiptavinurinn varð fyrir. „Við
höfum ekki heyrt um fleiri tilfelli
með hakkið og vonandi er þetta þá
algjört einsdæmi. Það hefði verið
gott að geta fengið vöruna til okk­
ar svo að við gætum komið henni
áfram í hendur birgisins sem fram­
leiðir og pakkar Nóatúnshakkinu
fyrir okkur en þessi vara kemur
pökkuð til okkar. Ég mun setja mig í
samband við birginn og láta vita af
þessu svo að þeir geti farið yfir hvað
þarna gerðist, því við viljum ekki
lenda í þessu aftur. Ég óska eftir að
viðskiptavinurinn hafi samband
við mig svo ég geti mögulega bætt
fyrir óþægindin.“
SENDIÐ LOF EÐA LAST Á NEYTENDUR@DV.IS
Lof&Last
Bensín Dísilolía
Hin fullkomna
ferðataska
V
eldu réttu ferðatöskuna,
settu aukatösku ofan í hana
og ekki pakka á síðustu
stundu. Þetta er meðal atr­
iða sem gott er að venja sig
á, áður en haldið er í sumarfrí. Ís­
lendingar flykkjast í ferðalög þessa
dagana og eflaust margar ferðatösk­
urnar komnar fram á gólf og tilbún­
ar til að verða fylltar af farangri. Það
vefst þó yfirleitt fyrir ferðalöngum
hvað skal taka með og hvaða hlutir
eru nauðsynlegir í ferðalagið en ef þú
pakkar skipulega í töskurnar verður
fríið mun þægilegra og þú munt hafa
betri yfirsýn. Á heimasíðu Politiken
má finna 20 ráð um hvernig þú pakk­
ar í hina fullkomnu ferðatösku.
n Pakkaðu rétt í ferðatöskuna og fríið verður miklu auðveldara
Gerðu töskuna sýnilega Merktu
töskuna þína með litríku bandi eða
stórum límmiða svo þú eigir auðvelt
með að sjá þína tösku á færibandinu.
Þetta auðveldar einnig starfsmönnum
flugvalla að finna hana ef hún týnist.
Ekki pakka á síðustu stundu
Byrjaðu að pakka nokkrum dögum fyrir
ferðalagið og þá sleppur þú við stressið
20 mínútum fyrir brottför.
Skoðaðu vel áfangastaðinn Vertu bú-
in/n að skoða veðurspána. Hversu heitt eða
kalt verður? Lítur út fyrir að það muni rigna,
snjóa eða er von á hitabylgju. Skoðaðu
hvaða þjónustu hótelið eða gististaðurinn
býður upp á; eru handklæði, sængurver og
lök. Er hægt að fá hárþurrku, straujárn og
hleðslutæki í síma lánað?
Gerðu lista Nú þegar þú ert búin/n að
kanna veður og upp á hvað staðurinn býður
þar sem þú munt dvelja, er gott að gera lista
yfir það sem þú þarft að hafa með. Fylgdu
listanum og ekki taka skyndiákvarðanir um
hluti sem eiga að fara með. Ef þeir eru ekki á
listanum, þarftu ekki á þeim að halda.
Veldu réttu töskuna Reyndu að
takmarka þig við eina ferðatösku auk
handfarangurs. Ef þú ert á leið í flug, hafðu
í huga að flugfélög gera stundum kröfur
um hve stór taskan má vera og hve þung.
Skoðaðu heimasíðu flugfélagsins en þar
ættir þú að fá allar upplýsingar um þetta.
Sértu á leið í bakpokaferðalag skaltu hugsa
vel um hvað er nauðsynlegt að taka með og
hvað er auðvelt að ferðast með. Stefnir þú á
að nota almenningssamgöngur frá flugvelli,
veldu þá tösku sem er auðvelt er að fara
með í rútu eða lest.
Vertu með aukatösku í töskunni
Taktu auka tösku með í ferðalagið og
settu hana neðst í ferðatöskuna. Þá ertu
með tösku undir þá hluti sem þú kaupir á
ferðalaginu.
Sjáðu þetta fyrir þér Byrjaðu á því að
leggja föt, skó og snyrtidót á rúmið eða borð
og þá færðu góða yfirsýn yfir það er sem þú
ert að fara að pakka niður.
Blandaðu saman fötum Reyndu að
sjá fyrir þér nokkrar samsetningar á flíkum;
einar buxur geta vel gengið með nokkrum
skyrtum eða toppum. Taktu flíkur sem
passa vel saman í litum því þá er auðveldara
að velja heildarútlit.
Þvottur í fríinu Taktu með þér þvotta-
efnisbréf í fríið. Þá er auðvelt að þvo bletti
úr buxum eða uppáhaldsbolnum. Þetta
kemur sér vel þegar maður hefur takmarkað
magn af flíkum.
Takmarkaðu fjölda skópara Best
er að taka tvö pör af skóm; eitt praktískt
sem þú getur verið í á ferðalaginu og aðra
fínni sem þú setur í töskuna. Ef þú ert á
leið á sólarströnd er tilvalið að taka einnig
með sér sandala.
Fylgihlutir Það má vel hressa upp á
hversdagsklæðnaðinn með aukahlutum í
staðinn fyrir að pakka flíkum sem þú notar
jafnvel eina kvöldstund. Pakkaðu því
nokkrum fallegum fylgihlutum.
Slepptu raftækjunum Takmarkaðu
magn af raf- og hleðslutækjum sem þú
tekur með. Er virkilega nauðsynlegt að
taka iPod, iPhone og iPad með í fríið?
Þá getur verið gott ráð að kaupa alhliða
hleðslutæki sem ganga í fleiri en eitt tæki.
Ferðasett fyrir snyrtivörurnar Það
er ástæðulaust að kaupa snyrtivörur í litl-
um ferðastærðum. Það er gott ráð að eiga
litlar flöskur og dósir til að setja í sjampó
og krem sem þú átt þegar.
Pakkaðu snyrtivörunum skyn-
samlega Settu snyrtivörur í vatnshelda
snyrtitösku eða í plastpoka en hér er átt við
vörur svo sem sjampó, ilmvatn og annan
vökva. Með þessu kemur þú í veg fyrir að
vökvinn leki út um alla tösku ef flaskan
skyldi springa eða eyðileggjast á leiðinni.
Ljósrit af mikilvægum pappírum
Ljósritaðu alla mikilvæga pappíra svo
sem vegabréf, ökuskírteini, flugmiða og
tryggingapappíra. Hafðu þessi ljósrit í
töskunni og í handfarangri ef þú lendir
í óhappi.
Lokast taskan almennilega? Lokaðu
töskunni þegar allur farangur er kominn í
hana og athugaðu hvort hún lokist ekki vel
á alla kanta. Auk þess er gott ráð að kaupa
viðurkenndan ferðatöskulás því þá ertu
öruggur um að enginn geti farið í hana á
leiðinni.