Dagblaðið Vísir - DV - 09.07.2012, Blaðsíða 26

26 Fólk 9. júlí 2012 Mánudagur
Með eigin vörulínu
n Það er alltaf í nógu að snúast hjá Hrefnu Rósu
É
g hef alltaf jafn gaman af
þessu. Þetta verður ein­
faldlega skemmtilegra
og skemmtilegra,“ seg­
ir meistarakokkurinn Hrefna
Rósa Sætran sem hefur haft í
nógu að snúast síðustu miss­
erin. Hrefna Rósa rekur tvo
veitingastaði auk þess sem
hún hefur stjórnað eigin sjón­
varpsþætti á Skjá einum síð­
ustu árin. Hrefna Rósa hefur
nú fært sig yfir á RÚV auk þess
sem vörulínan hennar mun
fást í búðum á næstum dög­
um. „Til að byrja með verða
þetta fjórar tegundir af köldum
salatsósum. Þessar sósur eru
byggðar upp á sósunum sem
eru á Fiskmarkaðnum og hafa
verið mjög vinsælar þar. Ég fór
af stað með þetta af því að fólk
hefur verið að spyrja svo mik­
ið um uppskriftina eða hvort
hægt væri að kaupa þessar sós­
ur. Þær passa bæði með grill­
inu í sumar og eru góðar með
steiktum fiski, hamborgurum
og bara kjötinu í nóvember.
Svo kemur meira fyrir jólin,“
segir Hrefna Rósa og bætir við
að vörurnar fari í verslanir um
allt land.
Hrefna Rósa er ánægð með
að vera komin á RÚV. „Mér
finnst mikill heiður að vera
komin þangað en fyrsti þáttur­
inn verður sjötta ágúst,“ seg­
ir hún og játar að í sumar hafi
verið lítill tími fyrir útilegur
vegna annríkis. „Ég hef samt
verið dugleg að grilla. Ég hef
bæði verið að
undirbúa mig
fyrir þáttinn og
svo hef ég ver­
ið að gera grill­
bók. Þátturinn
á RÚV verð­
ur með alveg
nýju sniði. Þetta
verður þema­
tengdur grill­
þáttur þar sem
eitt hráefni verð­
ur tekið fyrir í hverjum þætti.
Ég hef ekki komist í útilegu
en hef verið dugleg að bjóða
til mín fólki að smakka. Ég er
því bara í minni útilegu heima
á pallinum og fæ til mín til­
raunadýr í heimsóknir,“
indiana@dv.is
É
g kann stórkostlega vel
við mig í þessu. Alveg
meiriháttar,“ segir leik­
arinn og leiðsögumað­
urinn Björn Thors en
hann er einn þeirra sem fer
með ferðamenn niður í stór­
brotinn helli Þríhnjúkagígs.
Hellirinn, sem er í klukku­
tíma göngufæri frá skíðasvæði
Bláfjalla, hefur vakið heims­
athygli og er á skömmum tíma
orðinn vinsæll áfangastaður
ferðamanna sem koma hing­
að, jafnvel bara til þess eins að
berja hann augum.
„Ég var bara að byrja á
þessu núna. Það eru bara
nokkrir frídagar á stangli hjá
mér í sumar og ég ákvað að
nota þá í þetta. Það er mik­
ið prógram hjá manni eins og
vanalega í leiklistinni en mað­
ur vill alls ekki missa af sumr­
inu svo að ég ákvað að stökkva
á þetta.
Eins og Björn kom inn á er
það stórbrotin reynsla að koma
niður í hellinn. Björn sagði
meðal annars frá því í frétt­
um RÚV fyrir helgi að erlend­
ir ferðamenn hefðu hreinlega
brostið í grát vegna fegurðar­
innar. „Þetta er sannarlega eitt
best geymda leyndarmál ís­
lenskrar náttúru,“ segir hann
en hvað veldur því að hellir­
inn er orðinn vinsæll áfanga­
staður fyrst núna? „Hingað til
hafa bara færustu fjallageitur
komist niður í hellinn. Það eru
kannski um 20 manns sem
hafa haft þekkinguna og bún­
aðinn til þess að síga niður.
Þetta er enginn smá hellir. Það
eru um 120 metrar frá gígop­
inu og niður á botn hans.“
Björn segir hugmyndina
um að opna ferðaþjónustu á
svæðinu hafa kviknað þegar
National Geographic kom til
Íslands til að gera heimilda­
mynd um svæðið. „Hellir­
inn var gerður aðgengilegur
í kjölfarið en þeir fengu verk­
fræðinga til þess að hanna fyrir
sig búnað til að komast upp og
niður. Lyftan sem notast er við
núna er byggð á þeirri hönnun
en hefur verið útfærð til að
henta fleira fólki.“
Hellirinn hefur vakið heims­
athygli og fyrir utan um fjöll un
National Geographic má nefna
The Guardian, Sunday Times,
BBC og marga fleiri sem hafa
fjallað um hann. „Ég var að fara
niður með hóp af fólki frá Hong
Kong. Þau lásu um hellinn í
tímariti í Hong Kong og keyptu
sér miða til Íslands. Hingað eru
þau komin nokkrum dögum
seinna til þess að halda upp á
afmæli.“
Björn segist ætla að sinna
leiðsögumennskunni eins
og hann getur í sumar en frí­
ið frá leiklistinni er ekki mik­
ið. Hann lauk nýlega við að
leika í þáttunum Pressa og er
svo á leiðinni til Kanada. „Þar
er ég að fara leika í sjónvarps­
þáttum sem eru byggðir á
Transporter­myndunum,“ en
hasarmyndaunnendur ættu að
kannast vel við myndirnar sem
skarta Jason Statham í aðal­
hlutverki. „Ég leik þarna vonda
karlinn í einum þætti í serí­
unni,“ segir Björn sem verður
einnig í Þjóðleikhúsinu í vetur.
Frekari upplýsingar
og fróðleik er að finna á:
www.insidethevolcano.com
asgeir@dv.is
„Best geymda leyndar-
mál íslenskrar náttúru“
n Björn Thors leiðsögumaður í Þríhnjúkagíg n Leikur illmenni í erlendri þáttaröð
Þríhnjúkagígur Er stórbrotinn svo ekki sé meira sagt. Mynd SigtRygguR ARi
Björn thors Leikur
í sjónvarpsþáttum
byggðum á Transporter-
myndunum.
Skrifar
ævisögu
Jóns Páls
Fjölmiðlamaðurinn Sölvi
Tryggvason hætti nýverið
við að skrifa ævisögu Ann­
þórs Karlssonar en Ann­
þór situr í gæsluvarðhaldi
grunaður um að hafa orðið
manni að bana á Litla­
Hrauni. Sölvi hefur snúið sér
að nýju verkefni – nefnilega
að rita ævisögu kraftajötuns­
ins Jóns Páls Sigmarssonar.
Tilefni bókarinnar er að í jan­
úar eru 20 ár síðan Jón Páll
féll frá. Sölvi segir frá verk­
efninu á facebook­síðu sinni:
„ Hrikalega skemmtilegt
verk efni, um eitt mesta leg­
end sem Ísland hefur alið!“
Björn Jörund-
ur á veiðum
Söngvarinn og leikarinn
Björn Jörundur Friðbjörns­
son hefur verið að stunda
strandveiðar á Patreksfirði,
ásamt vini sínum, upp á
síðkastið. Þeir gera út lítinn
Færeying en það er nafn á
ákveðinni tegund af trillu.
Þeir voru á veiðum alla sein­
ustu viku og fóru svo í bæinn
á föstudag samkvæmt heim­
ildarmanni DV.
Björn Jörundur hefur
meðal annars leikið eitt af
aðalhlutverkunum í leik­
ritinu Gulleyjan sem var
sýnt við einstaka vinsældir í
Samkomuhúsinu á Akureyri
í byrjun þessa árs. Þótti hann
mjög góður í hlutverki sjó­
ræningja.
Hannes
Hólmsteinn á
Fiskfélaginu
Hannes Hólmsteinn Giss­
urarson segir frá því í pistli á
Pressunni að hann hafi fengið
Frelsisverðlaun frá Sambandi
íslenskra sjálfstæðismanna
þann 30. júní síðastliðinn. Í
ræðunni sem hann hélt við
afhendinguna sagði hann að
mesta bölið á Íslandi um þess­
ar mundir væri vinstri stjórn
og segir þá svíkja alla samn­
inga og ná engum árangri og
leggi þar að auki þungar klyfj­
ar á borgarana.
Hannes skrifar líka um
að Bjarni Benediktsson sé
að vaxa í sínu erfiða hlut­
verki sem formaður Sjálf­
stæðisflokksins. Hann segir
jafnframt frá því að hann hafi
borðað með vinum á Fiskfé­
laginu kvöldið sem forseta­
kosningarnar voru og þar hafi
hann spáð því að Ólafur Ragn­
ar fengi 55 prósent atkvæða og
hafi verið ansi nálægt því en
Ólafur fékk 53 prósent.
Kaldar salatsósur Hrefna Rósa byggði
uppskriftina af sósunum á vinsælustu sósu
num á
Fiskmarkaðnum. Mynd BjöRn ÁRnASon
Bjó til vörulínu Það hefur verið í nógu að snúast hjá Hrefnu Rósu uppá
síðkastið. Hún rekur tvo veitingastaði, er með eiginn sjónvarpsþátt og er
komin með eigin vörulínu. Mynd SigtRygguR ARi