Dagblaðið Vísir - DV - 26.07.2011, Blaðsíða 10

Fyrrverandi stjórnarmaður í Glitni,
Björn Ingi Sveinsson, fékk í gegn 200
milljóna króna lánveitingu frá Nýja
Glitni í nóvember 2008 til fasteigna-
félags sem nú er gjaldþrota, Norður-
turnsins ehf. Björn Ingi Sveinsson
var framkvæmdastjóri eignarhalds-
félagsins Saxbygg sem var stærsti
hluthafi Norðurturnsins með um 66
prósenta eignarhlut á móti 34 pró-
senta eignarhlut FL Group. Saxbygg
var jafnframt fimmti stærsti hluthafi
Glitnis fyrir hrunið. Eigendur Sax-
bygg voru eignarhaldsfélögin Sax-
hóll, sem var í eigu Jóns Þorsteins
Jónssonar og systkina hans og verk-
takanna Gylfa Héðinssonar og Gunn-
ars Þorlákssonar. Norðurturninn var
tekinn til gjaldþrotaskipta í septem-
ber í fyrra.
Norðurturninn ehf. var fasteigna-
félag sem stofnað var til að halda
utan um eignarhaldið á 15 hæða
verslunar- og skrifstofuhúsnæði við
norðurhlið verslanamiðstöðvarinnar
Smáralindar í Kópavogi. Byrjað var
að byggja turninn árið 2007 og var
stefnt að því að ljúka byggingunni
um sumarið 2008. Íslenska efnahags-
hrunið og þeir erfiðleikar sem dundu
yfir íslenskt efnahagslíf í aðdraganda
þess gerðu það hins vegar að verkum
að ekki náðist að klára bygginguna.
Talsverð örvænting greip um sig hjá
stjórnendum og eigendum Saxbygg
af þessum sökum, líkt og sést þeg-
ar litið er á samskipti Björns Inga og
starfsmanna Nýja Glitnis. Turninn
stendur hálfkláraður í dag – búið er
að byggja kjallara hússins og fjórar
hæðir – en ekki liggur fyrir hvort og
þá hvenær verkið verður klárað.
Beitti þrýstingi
Björn Ingi Sveinsson beitti stjórn-
endur Nýja Glitnis þrýstingi til að fá
þetta lán frá bankanum eftir efna-
hagshrunið 2008. Þessi þrýstingur
kemur til dæmis fram í tölvupósti
frá Birni Inga til nokkurra helstu
stjórnenda Glitnis og nokkurra
áhrifamikilla stjórnmálamanna
þann 29. október 2008, tæpum
mánuði eftir bankahrunið. Tölvu-
pósturinn er birtur í heild sinni með
þessari grein. Nýi Glitnir var þá í
eigu og umsjá íslenska ríkisins eftir
bankahrunið en hann var stofnaður
á rústum Glitnis.
Meðal þeirra sem fengu tölvu-
póstinn frá Birni Inga voru Birna
Einarsdóttir, bankastjóri Nýja Glitn-
is, tveir framkvæmdastjórar í bank-
anum og nokkrir stjórnmálamenn,
meðal annarra Gunnar I. Birgisson,
þáverandi bæjarstjóri Kópavogs,
Björgvin G. Sigurðsson viðskipta-
ráðherra og Gréta Ingþórsdóttir, að-
stoðarkona Geirs H. Haarde, þáver-
andi forsætisráðherra. Ekki liggur
fyrir af hverju þessum stjórnmála-
mönnum var sendur tölvupóst-
urinn en líklegt má telja að svo
hafi verið vegna þess að um var að
ræða nokkra af helstu ráðamönn-
um þjóðarinnar eða aðstoðarmenn
þeirra.
Hættu við fjögurra milljarða
lánasamning
Í tölvupóstinum lýsti Björn Ingi
yfir verulegum vonbrigðum með
það að Nýi Glitnir hefði ákveðið að
virða ekki rúmlega fjögurra millj-
arða króna lánasamning sem Glitn-
ir og Norðurturninn gerðu þann 17.
september 2008, tveimur dögum
eftir fall bandaríska fjárfestinga-
bankans Lehman Brothers og um
tveimur vikum fyrir upphaf íslenska
bankahrunsins – sem hófst með
falli Glitnis. Norðurturninn hafði
þá fengið greiddar út 800 milljón-
ir króna af lánasamningnum við
Glitni en þessi útgreiðsla frá Glitni
átti sér stað þann 19. september
2008. Tekið skal fram, líkt og áður
segir, að Saxbygg, stærsti hluthafi
Norðurturnsins, var einn stærsti
hluthafi Glitnis fyrir hrunið og sat
framkvæmdastjóri félagsins, Björn
Ingi, í stjórn hans.
Orðrétt segir í tölvupóstinum frá
Birni Inga sem sendur var á þessa
stjórnendur Glitnis og umrædda
stjórnmálamenn: „Samkvæmt sam-
tali undirritaðs, formanns stjórnar
Eikar Properties ehf og formanns
stjórna dótturfélaganna Fasteigna-
félags Íslands, Norðurturnsins ehf
og Eignarhaldsfélags Smáralindar,
við Magnús Arngrímsson hjá Nýja
Glitni þá virðist nú liggja fyrir sú
ákvörðun hins Nýja Glitnis um að
bankinn muni vanefna lánssamn-
ing, sem gerður var við Norður-
turninn ehf þann 17. september sl.
[…] Undirritaður vill lýsa yfir veru-
legum vonbrigðum með þessa nið-
urstöðu hins nýja banka, sem á sér
enga stoð í undirliggjandi gögnum
málsins, og er þeim mun dapurlegri
vegna eignatengsla bankans við fé-
lagið. Lánssamningur þessi er und-
irstaða verksamnings sem gerð-
ur var við BYGG hf þann 20. apríl
2008, en á sama tíma var undirrit-
að lánsloforð af hálfu bankans. Hef-
ur verktakinn unnið við verkið allar
götur síðan í góðri trú um að staðið
yrði við samninginn og vegna þessa
stofnað sér í miklar skuldbinding-
ar.“
Verktakinn sem Björn Ingi ræðir
um var BYGG, annar af eigendum
Saxbygg, og vinnuveitandi Björns
Inga en fyrirtækið vann einnig að
byggingu Norðurturnsins. Eigend-
ur BYGG eru Gunnar Þorláksson og
Gylfi Héðinsson.
Hætt við samninginn
Þessi samskipti á milli Norðurturns-
ins og Glitnis leiddu til þess að þann
14. nóvember 2008, í kjölfar falls
Glitnis og hinna íslensku bankanna,
gerðu Norðurturninn og Nýi Glitn-
ir, arftaki Glitnis, viðauka við lána-
samninginn frá því í september 2008.
Þá lá ljóst fyrir að forsendur lána-
samningsins voru brostnar og Nýi
Glitnir var kominn í eigu og umsjá ríkisins tímabundið eftir banka-
10 | Fréttir 26. júlí 2011 Þriðjudagur
Lánaði tæknilega gjaldþrota
félagi 200 milljónir eftir hrun
n Glitnir lánaði Norðurturninum ehf. rúma 4 milljarða rétt fyrir hrun n Fengu 200 milljóna lán hjá Nýja
Glitni eftir hrun n Framkvæmdastjórinn beitti Nýja Glitni þrýstingi n Milljarður rann út úr Nýja Glitni
„Undirritaður vill
lýsa yfir verulegum
vonbrigðum með þessa
niðurstöðu hins nýja
banka.
Ingi Freyr Vilhjálmsson
fréttastjóri skrifar ingi@dv.is
Fjármunirnir runnu til BYGG Fjármunirnir sem Norðurturninn fékk að láni hjá Nýja Glitni eftir bankahrunið 2008, 200 milljónir króna, runnu nær óskiptir til verktakafyrirtækisins
BYGG, sem byggði húsið. Eigendur félagsins, Gunnar Þorláksson og Gylfi Héðinsson, voru jafnframt stærstu hluthafarnir í fasteignafélaginu sem átti húsið, Saxbygg, í gegnum annað félag.
Saxbygg var einn af stærstu hluthöfum Glitnis.
200 milljóna lán Nýi Glitnir, fyrirrennari
Íslandsbanka, lánaði 200 milljónir króna
til Norðurturnsins jafnvel þó nokkuð ljóst
væri að félagið væri gjaldþrota. Birna
Einarsdóttir var bankastjóri Nýja Glitnis, nú
Íslandsbanka.