Dagblaðið Vísir - DV - 17.08.2011, Qupperneq 26

26 | Fólk 17. ágúst 2011 Miðvikudagur
Hleypur til
minningar
um Sjonna
Rakel Garðarsdóttir framleið­
andi hleypur 10 kílómetra í
Reykjavíkurmaraþoni Íslands­
banka fyrir Heilaheill. Heila­
heill er félag sem samanstend­
ur af þeim sem hafa fengið slag,
heilablóðfall, heilablæðingu,
blóðtappa eða súrefnisþurrð af
einhverju tagi. „Því meira sem
heitið er á mig, því hraðar hleyp
ég,“ lofar Rakel. „Tvær mann­
eskjur á dag verða fyrir þessum
heilsubresti og ég vil taka þátt í
því að vinna bug á þessu meini.
Ég þekki nokkra sem hafa feng­
ið slag og heilablóðfall sem því
miður hafa látist út af því. Ég
mun þó tileinka hlaupið mitt
honum Sjonna Brink – en hann
varð bráðkvaddur 17. janúar
2011 eftir heilablóðfall.“
Fékk ekki þátt
DV sagði frá því á mánudag­
inn að María Lilja Þrastardótt­
ir hefði sent dagskrárstjóra
Skjás eins bréf vegna nýs sjón­
varsþáttar Ellýjar Ármanns
og Tobbu Marinós á stöð­
inni. María Lilja var ósátt við
hversu þröngt þær flokkuðu
áhugasvið kvenna og vildi fá
þátt þar sem hún myndi fjalla
um áhugamál kvenna í víðara
samhengi. Hún fékk svar frá
Hilmari Björnssyni sjónvarps­
stjóra Skjásins og greinilegt er
á svari hans að hún fær ekki
þátt á stöðinni. Þar segir hann
meðal annars: „Takk fyrir póst­
inn. Leiðinlegt að heyra hvað
þér finnst um nýja þáttinn
okkar en vonandi verður þú
ekki fyrir vonbrigðum. Ég hef
fulla trú á stelpunum. Eins og
alltaf í sjónvarpi skiptir áhorf
miklu máli og það verður síð­
an að koma í ljós hvort þáttur­
inn skilar góðum áhorfstölum
til okkar. Takk sömuleiðis fyrir
hugmyndina, hún er komin í
bankann hjá okkur í dagskrár­
deildinni.“
Núðlustrákar
eignast
dóttur
Sigurður Jónas Eysteinsson
og Kristján Jörgen Hannes­
son sem eiga og reka Núðlu­
skálina á Skólavörðustíg eru
lukkulegir þessa dagana. Þeir
eru nýbakaðir feður því þeir
eignuðust litla stúlku í byrjun
ágústmánaðar með aðstoð
góðrar vinkonu.
É
g hef ræktað rósir í þrjú
ár,“ segir Bubbi Morthens
sem hefur vakið athygli
fyrir fallegar Dorn­rósir í
fallegum garði sínum við heim­
ili þeirra Hrafnhildar í Kjós­
inni. Hann segir Dorn­rósirnar
toppa aðrar tegundir sem hann
hefur nostrað við í garðinum og
eru þær fjölmargar og af ýms­
um tegundum. „Dorn­rósirn­
ar mínar eru fallegastar, og í ár
blómstruðu á milli fimm og sex
hundruð knúppar. Ég get ekki
hætt að dást að rósunum og nú
þegar haustið sækir að er gott
að hafa ilm sumarsins fyrir vit­
um sér.“
Hann segir galdurinn við fal­
legar rósir vera góða vökvun og
hann virðist vera með galdur­
inn á hreinu því rósaræktin er
viðamikil. Bubbi er með fjölda
rósarunna í garðinum og í ár
fékk hann í kringum fimmtán­
hundruð rósir, dimmrauðar,
gular og hvítar fyrir utan Dorn­
rósirnar fögru.
„Á næsta ári verð ég með í
kringum tvö til þrjú þúsund
blómstrandi rósir í garðinum,“
segir hann stoltur. Bubbi var
reyndar svo stoltur af rósunum
að hann setti myndir af þeim
á Facebook­síðu sína og fékk
fljótt athugasemd þar sem ýjað
var að því að það að rækta rós­
ir væri eitthvað sem færi sam­
kynhneigðum. Bubbi var skjót­
ur til svars og sagði þá sem
héldu að rósaræktin ætti eitt­
hvað skylt við samkynhneigð
eiga erfitt með að staðsetja sig
sem kynverur.
Rósabóndi í hjáverkum
n Bubbi er stoltur af rósunum sínum„Þeir sem
halda að rósa-
rækt sé gay eiga erf-
itt með að staðsetja
sig sem kynverur.
Getur ekki hætt að
dást að rósunum Bubbi
og Hrafnhildur rækta fagrar
rósir í garði sínum við heimili
sitt í Kjósinni.
Þ
að þarf bara eitt fífl til að
skemma skemmtunina.
Þetta var alveg stórkost­
legt ball og það skemmtu
allir sér vel en í seinni
hálfleik hefur einhver óprúttinn
náungi farið inn í starfsmanna­
aðstöðuna og gripið það sem
þar var,“ segir tónlistarmaður­
inn Magni Ásgeirsson sem lenti
í þeirri óskemmtilegu lífsreynslu
að vera rændur þegar hljóm­
sveit hans, Á móti sól, skemmti á
Blómaballinu á Hótel Örk í Hvera­
gerði um síðustu helgi.
„Jakkinn minn með símanum
og lyklunum mínum var tekinn
og líka græna hliðartaskan mín
en í henni voru fötin mín. Svo var
handtösku í eigu starfsmanns líka
stolið en í henni var veskið henn­
ar og öll kort. Sjálfum er mér alveg
drullusama um símann og allt það
en það er pirrandi að vera rændur
bíllyklunum. Sérstaklega þar sem
varalyklarnir eru löngu horfnir en
þeir gufuðu upp einhvern tímann
í flutningum,“ segir Magni sem
varð að láta draga bílinn frá Hvera­
gerði til Reykjavíkur.
Magni biðlar til Sunnlendinga
að hafa augun opin eftir grun­
samlegum fötum eða tösku sem
einhver hefur hent frá sér. „Það
eru allar líkur á að sá sem hef­
ur tekið þetta hafi svo bara hent
þessu frá sér enda kemur þetta
engum að notum nema mér. Því
bið ég fólk um að tala við lögg­
una eða senda mér tölvupóst á
magni@amotisol.is ef það finnur
eitthvað af þessu,“ segir Magni og
bætir við að sá seki eða sú seka
megi líka fyrir alla muni skila
starfsstúlkunni skilríkjunum sín­
um.
Magni segir engan hafa tekið
eftir grunsamlegum ferðum ná­
lægt starfsmannaaðstöðunni á
meðan á ballinu stóð. „Það var
svo mikið að gerast á þessu balli
og allir bara fullir að skemmta
sér. Ég hef nú spilað á nokkr­
um skemmtunum yfir ævina en
aldrei áður lent í einhverju svona.
Þetta er alveg hundfúlt. Það eru
aðallega lyklarnir sem mig vant­
ar. Síminn og fötin eru hlutir sem
maður endurnýj­
ar en það er leiðin­
legt að þurfa að skipta um
skrá heima hjá sér af því að
það er einhver fáviti með
húslykilinn,“ segir Magni
fúll en á lyklakippunni
stendur King of the Road.
Kippan fylgdi bifreiðinni,
sem er af gerðinni Toyota,
þegar Magni keypti hana.
„Ég væri ævinlega þakk­
látur og lofa að spila í
afmæli þess sem getur
skilað mér þessu!“
indiana@dv.is
Magni
rændur
á balli
n Söngvarinn Magni Ásgeirsson lofar að
spila í afmæli þess sem finnur bíllyklana
Svekktur
Magni segir
hundfúlt
að þurfa
að skipta
um skrá
heima hjá
sér þar sem
einhver
ókunnugur
sé með
húslyklana.