Dagblaðið Vísir - DV - 22.03.2013, Side 17

Erlent 17Helgarblað 22.–24. mars 2013
 Siðlaus morðingi Hinn 18 ára T.J. Lane var á þriðjudag dæmdur í lífstíðarfangelsi fyrir að hafa skotið þrjá framhaldsskólanema
til bana í tilefnislausri skotárás í smábænum Chardon í Ohio í fyrra. Við dómsuppkvaðningu klæddi Lane sig úr skyrtunni sem hann var í og
afhjúpaði bol sem hann hafði skrifað á „KILLER.“ Morðinginn sýndi enga iðrun heldur svívirti harmi slegnar fjölskyldur fórnar lambanna í
dómsalnum. Hló þegar hann var dæmdur og sagði við foreldrana: „Þetta er höndin sem tók í gikkinn sem myrti syni ykkar og fróar sér nú við
tilhugsunina. Farið öll til fjandans,“ hreytti hann í foreldrana og sýndi þeim fingurinn.
 Snjóhríð
í Peking
Hann var heldur
kuldalegur þessi
jakkafataklæddi
Kínverji sem lenti í
skyndilegri snjóhríð
í Peking, höfuðborg
Kína, á miðvikudag.
Íslendingar á Norð-
urlandi og víðar
gefa nú lítið fyrir
svona föl en myndin
er mögnuð.
 Hylltu hinn nýja páfa
Frans páfi fyrsti tók formlega við embætti
leiðtoga kaþólsku kirkjunnar í Páfagarði í
vikunni sem leið. Þúsundir samankominna
á Péturstorgi hylltu hinn nýja páfa þar
sem hann mætti til vígslumessunnar á
þriðjudag. Þjóðar- og trúarleiðtogar hafa
sent Frans páfa heillaóskir undanfarna
daga en hans bíður það tröllvaxna verkefni
að endurnýja og endurheimta traust
almennings á hina kaþólsku kirkju þar sem
hvert hneykslið hefur rekið annað.
 Morðvettvangur Lögreglumaður gengur fram
hjá glærum plastílátum sem notuð hafa verið til að varðveita
sönnunargögn á morðvettvangi í Cuernavaca í Mexíkó á mánudag.
Tveir menn voru skotnir til bana og sá þriðji særðist eftir að á þá var
ráðist er þeir komu út úr verslun. Árásir sem þessar eru því miður
daglegt brauð víða í landinu þar sem glæpahópar berjast um völd á
fíkniefnamarkaðinum.
 Sorgleg staðreynd Þessi hópur grunnskólabarna í
Aurora í Colorado-ríki Bandaríkjanna sýnir hér hvernig þau myndu
leita skjóls undir þessu skothelda teppi ef árás yrði gerð á skólann
þeirra. Það er vissulega sorgleg staðreynd að lítil börn þurfi að stunda
slíkar æfingar en almenningur í Aurora er enn að jafna sig eftir að
12 bíógestir voru skotnir til bana í júlí í fyrra við miðnætursýningu á
nýjustu Batman-myndinni. Þá hafa skotárásir í skólum verið tíðar í
Bandaríkjunum að undanförnu.