Dagblaðið Vísir - DV - 25.03.2013, Síða 2

Óttast skert
ferðafrelsi
2 Fréttir 25. mars 2013 Mánudagur
É
g er búin að vera mjög pirruð
yfir þessu máli lengi,“ seg­
ir Rakel Árnadóttir sem ítrek­
að hefur reynt að ná sambandi
við borgarfulltrúa Samfylk­
ingarinnar og Besta flokksins til að
fá upplýsingar um fyrirhugað útboð
á ferðaþjónustu fatlaðra. Tilraunir
hennar hafa ekki borið árangur og
hún er orðin þreytt á því að fá ekki
svör.
Samþykkt var í borgarráði og
borgarstjórn í fyrra að bjóða út ferða­
þjónustu fatlaðra sem Strætó bs.
hefur annast. Vinnur verkfræðistofan
Verkís nú að undirbúningi útboðs
fyrir hönd Samtaka sveitarfélaga á
höfuðborgarsvæðinu (SSH) og er
gert ráð fyrir því að útboðsgögn liggi
fyrir í sumar. Tilgangurinn er meðal
annars að samræma ferðaþjónustu
fatlaðra á höfuðborgarsvæðinu.
Hvött til að láta í sér heyra
Rakel er á meðal þeirra fjölmörgu
fötluðu einstaklinga sem eru háðir
þjónustunni til að komast á milli
staða. Hún fæddist heilbrigð en fékk
heilahimnubólgu aðeins tíu daga
gömul sem leiddi heilalömunar C.P.
Hún er bundin við hjólastól og þarf
aðstoð við allar daglegar þarfir.
Rakel hefur miklar áhyggjur af
því að yfirvofandi breytingar verði til
hins verra og komi til með að skerða
ferðafrelsi hennar. Hún segir þjón­
ustuna í dag mjög góða og skilur ekki
hvers vegna henni þurfi að breyta.
„Ég veit auðvitað ekki hvernig þetta
mun breytast en ég hef áhyggjur,“
segir hún. Eitt af því sem Rakel hefur
áhyggjur af er að þjónusta á stór­
hátíðardögum falli niður, en hún hef­
ur nýtt sér hana fram til þessa.
Rakel tekur fram að hún þekki
flesta bílstjórana sem keyri fyrir
Ferðaþjónustu fatlaðra í dag og að
henni líði vel í bílunum hjá þeim.
Þeir hafi ávallt reynst henni vel.
Hún lenti á spjalli um yfirvofandi
breytingar við einn bílstjórann á
dögunum. Hann tjáði henni að
margir skjólstæðingar hefðu lýst yfir
áhyggjum vegna málsins og sagðist
sjálfur hafa áhyggjur af framhaldinu.
Bílstjórinn hvatti Rakel til að vekja
athygli á málinu.
Samræmist ekki markmiðum
borgarinnar
Málið var rætt á fundi borgarstjórnar
þann 2. október í fyrra. En þá voru
lagðar fram tillögur vinnuhóps SSH
um útboðið. Sóley Tómasdóttir, borg­
arfulltrúi Vinstri grænna, setti sig ein
upp á móti hugmyndinni og lagði
fram tillögu að umsögn þar sem með­
al annars segir: „Reykjavíkurborg efast
ekki um kosti þess að samræma ferða­
þjónustu fatlaðra á höfuðborgarsvæð­
inu, en getur ekki fallist á útboð. Ferða­
þjónusta fatlaðra á að vera sjálfsagður
hluti almenningssamgangna á höfuð­
borgarsvæðinu og eðlilegast að Strætó
bs. annist hana, fyrirtæki sem hefur
það meginhlutverk að reka almenn­
ingsvagna, Ferðaþjónustu fatlaðra og
ferðaþjónustu eldri borgara. Auk þess
er fyrirtækið í eigu sveitarfélaganna á
höfuðborgarsvæðinu og á forræði al­
mennings.“ Sóley bendir á að það eigi
að vera forgangsmál tryggja aðgengi
allra að þjónustu Strætó bs., sem og
bæta aðgengi fatlaðra að að vögnum
og strætóstöðvum, en ekki fela öðrum
að mæta þessum sjálfsögðu kröfum.
Það sé ekki í samræmi við samning
Sameinuðu þjóðanna um réttindi fatl­
aðs fólks. „Útboð á ferðaþjónustu fatl­
aðra samræmist því ekki markmiðum
borgarinnar,“ segir Sóley í tillögunni.
Í tillögu borgarráðsfulltrúa Besta
flokks, Samfylkingar og Sjálfstæðis­
flokks sem lögð var fram á sama
fundi segir meðal annars: „Nú er ver­
ið að huga að útboði í ferðaþjónustu
með það að markmiði þróa þjón­
ustuna í takt við þarfir notenda, gera
hana sveigjanlegri og að þjónustu­
stig verði eflt með samdægursþjón­
ustu. Er talið að þetta sé hægt inn­
an núverandi fjárhagsramma þar
sem hagræðingu má ná fram með
útboði.“
Tillaga Sóleyjar var felld á fund­
inum með fjórtán atkvæðum gegn
einu.
Skylda að koma til móts við íbúa
„Þetta snýst um að borgin, eða
hið opinbera, sinni þeirri grunn­
þjónustu sem það tekur að sér að
sinna. Ég sé ekki af hverju við ætt­
um að bjóða út þjónustu við fatl­
að fólk varðandi almenningssam­
göngur frekar en þjónustu við fatlað
fólk í skólakerfinu eða einhverju
öðru,“ segir Sóley í samtali við DV.
„ Auðvitað eigum við bara að sinna
þessu almennilega,“ bætir hún við.
n Rakel áhyggjufull vegna fyrirhugaðra breytinga á ferðaþjónustu fatlaðra n „Uppgjöf“ segir Sóley
Sólrún Lilja Ragnarsdóttir
blaðamaður skrifar solrun@dv.is
Fær ekki svör Rakel segist
ítrekað hafa reynt að hafa sam-
band við borgarfulltrúa Besta
flokksins og Samfylkingar en
ekki haft erindi sem erfiði.
Fimleikafólk fær
brautargengi
Fimleikasamband Íslands (FSÍ)
hefur undirritað samstarfssamn­
ing við Tryggingamiðstöðina
(TM) sem felur í sér að TM verð­
ur einn af aðalstyrktaraðilum FSÍ
og um leið styrktaraðili að ný­
stofnuðum afrekssjóði fimleika­
sambandsins. Tilgangur afreks­
sjóðsins er að styrkja fimleikafólk
vegna kostnaðar við æfinga­ og
keppnisferðir erlendis, þar sem
helmingi fjármagns sjóðsins er
úthlutað ár hvert en hinn helm­
ingurinn er nýttur sem fjárhags­
stofn til lengri tíma. Þessi hug­
mynd er ný af nálinni hjá FSÍ og
er jákvætt skref til að auðvelda
afreksfólki, varðandi fjárhagslega
þætti á ferðum erlendis, sem hef­
ur oft þurft að fjármagna keppn­
isferðir sínar sjálft eins og raunin
var með Evrópumeistara síðasta
árs hjá Gerplu.
Vilja eiga sín
stefnumál
Stjórn Samstöðu, flokks lýðræðis
og velferðar, harmar það að aðrir
flokkar virðist hafa gert lausnir
flokksins að sínum eigin fyrir
komandi kosningar. Yfirlýsing
stjórnarinnar hefur vakið nokkra
athygli enda kemur fram í sömu
yfirlýsingu sem send var fjölmiðl­
um að flokkurinn muni hvorki
bjóða fram í komandi kosningum
né lýsa yfir stuðningi við önnur
framboð. Eru frambjóðendur
annarra flokka sakaðir um að
beita blekkingum til að ná til sín
stuðningsfólki, stefnu og lausnum
flokka eins og Samstöðu.
Vilja koma að
fríverslunar-
samningi
Hætta er á að fyrirtæki í EFTA­
ríkjunum tapi samkeppnisstöðu
gagnvart samkeppnisfyrirtækj­
um innan Evrópusambandsins
ef Bandaríkin og ESB ljúka gerð
fríverslunarsamnings sín á milli
eins og nú er fyrirhugað án þátt­
töku EFTA­ríkjanna. Þetta var
rætt á fundum Össurar Skarphéð­
inssonar, utanríkisráðherra með
Espen Barth Eide, utanríkisráð­
herra Norðmanna og sömuleiðis
á fundi Össurar og Trond Giske,
utanríkisviðskiptaráðherra Nor­
egs í opinberri heimsókn utan­
ríkisráðherra í Noregi síðustu
daga og voru norsku ráðherrarn­
ir sammála íslenska utanríkis­
ráðherranum um að nauðsynlegt
væri fyrir EFTA­ríkin að freista
aðkomu að samningnum, ann­
aðhvort með tvíhliða samning­
um eða gegnum EFTA, og hafa
aðkomu að samningagerðinni frá
upphafi.