Dagblaðið Vísir - DV - 25.03.2013, Síða 6

Skilorð fyrir
að berja og
snoða stúlku
Þrjár ungar konur voru í Héraðs­
dómi Reykjavíkur á föstudag
dæmdar í sex mánaða skilorðs­
bundið fangelsi fyrir að hafa ráð­
ist á unga konu þar sem hún lá
sofandi í íbúð einni í Mosfellsbæ í
janúar í fyrra. Fjórða árásarkonan
hlaut tólf mánaða óskilorðsbund­
inn dóm.
Líkt og DV hefur greint frá voru
konurnar fjórar ákærðar fyrir að
hafa komið að konunni sofandi,
slegið hana ítrekað í andlitið og
síðan rakað af henni mest allt hár­
ið með rafmagnsrakvél sem ein
þeirra hafði meðferðis. Eftir árásina
neyddu þær þolanda árásarinnar
úr fötunum með því að hóta henni
frekara ofbeldi og klæddi ein þeirra
hana úr öllu nema brjóstahaldara.
Konan unga hlaut margvíslega
áverka við árásina, meðal annars
kvarnaðist upp úr tönn auk þess,
sem fyrr segir, nær allt hár hennar
var rakað af.
Árásarkonurnar, sem eru á
aldrinum 19–27 ára, játuðu allar
sök þegar málið var þingfest. Þær
mættu ekki við dómsuppkvaðn­
ingu.
Áhugaljós-
myndari bak
við lopapeysu
Áhugaljósmyndarinnar sem ákærð­
ur er fyrir nauðgun og fyrir að lokka
unglingsstúlkur til nektarmynda­
töku var leiddur fyrir dómara á
föstudagsmorgun þar sem ákæran
á hendur honum var þingfest. Þing­
hald í málinu er lokað og liggur því
ekki fyrir hver afstaða mannsins,
sem er á þrítugsaldri, til ákærunn­
ar er. Samhliða þingfestingunni
var gæsluvarðhald yfir manninum
framlengt. Brot mannsins beinast
meðal annars gegn stúlkum á aldr­
inum 12–15 ára sem hann komst í
samband við í gegnum Facebook.
Maðurinn huldi andlit sitt með
lopapeysu fyrir myndatökumönn­
um á leið í dómsal.
Lithái áfram
í farbanni
Lithái um þrítugt var á föstudag
úrskurðaður í farbann til 17. apr­
íl í tengslum við fíkniefnamál, sem
er til rannsóknar hjá lögreglunni.
Hann og landi hans á fimmtugs­
aldri voru handteknir við kom­
una til landsins frá Bretlandi fyrr í
mánuðinum. Annar þeirra reyndist
hafa innvortis um 500 grömm af
ætluðu kókaíni. Þeim eldri var
sleppt úr haldi í síðustu viku, en
hann var þá jafnframt úrskurðaður í
farbann til 12. apríl.
Þriðjungur á móti
Þróunaraðstoð
Þ
að sem er jákvætt við þetta
er að það virðist vera góður
meirihluti fyrir því að Ísland
veiti aðstoð til fátækasta fólks­
ins í heinum,“ segir Stefán Jón
Hafstein, starfsmaður Þróunarsam­
vinnustofnunar. Könnun sem DV stóð
fyrir á vef sínum um helgina leiðir í ljós
að þriðjungur lesenda vill ekki að Ís­
land taki þátt í þróunaraðstoð.
Stefán Jón bendir á að hann myndi
vilja sjá niðurstöður úr faglega unninni
og markvissri skoðanakönnun en að
hann sé hugsi yfir niðurstöðunni. „Það
hefur verið mjög undarlegt ástand á
Íslandi og er enn. Ég skil vel að fólk
spyrji sig áleitinna spurninga um að
senda peninga úr landi. Það er okkar
hlutverk að svara og útskýra. Og það
hef ég, svo ég tali fyrir mig, sannarlega
reynt að gera.“ Hann segir að í Evrópu­
löndunum sé stuðningur við þróunar­
aðstoð almennt um 90 prósent.
„Gjaldþrota maður getur ekki
borgað“
Tilefni skoðanakönnunar DV var sú
staðreynd að Vigdís Hauksdóttir, þing­
maður Framsóknarflokksins, kaus
gegn tillögu um hækkun fjárveitingar
vegna þróunar aðstoðar á þingi í síð­
ustu viku. Þá var lagt til að upphæð­
in sem Ísland leggur í þróunaraðstoð
– aðstoð við fátækustu ríki heims –
hækki á fjórum árum úr 0,26 prósent­
um af vergum þjóðartekjum í 0,42
prósent.
Í samtali við fréttastofu Stöðvar 2
sagði Vigdís: „Þetta brýtur gegn sann­
færingu minni. Að vera að hækka
þessi gjöld.“ Hún hélt áfram. „Tuttugu
og fjórir milljarðar í erlendum gjald­
eyri næstu fjögur ár, á meðan að ís­
lenska þjóðin telur sig ekki hafa efni á
því að gera hér þær bætur á Landspít­
alanum sem þarf til þess að bjarga lífi
og limum landsmanna. … Gjaldþrota
maður getur ekki borgað fyrir aðra.“
Samkvæmt fjárlögum fyrir árið
2013 leggur íslenska ríkið í heildina
um fjóra milljarða króna í þróunar­
aðstoð. 2,2 milljarðar eru gjöld vegna
þróunarmála og alþjóðlegrar hjálpar­
starfsemi en 1,8 milljarðar fara til Þró­
unarsamvinnustofnunar til að fjár­
magna verkefni á hennar vegum.
Stefán Jón segir að Ísland leggi minna
af þjóðartekjum sínum í þróunarað­
stoð en önnur Evrópulönd. Aðeins
fimm ríki í OECD leggi til lægra hlut­
fall en Íslendingar til þróunarmála.
Hlutfallið sé yfirleitt um 0,5 prósent
en hér á landi hafi það verið helm­
ingi lægra. „Við erum mjög aftarlega á
merinni,“ segir Stefán Jón. „Ég held að
þetta sé ágætis tækifæri til þess að líta
í eigin barm og spyrja hvort við höfum
það svo skítt að við getum ekki hjálp­
að fátækasta fólki í heimi.“
Konur fæddu í moldarkofum
Þróunarsamvinnustofnun vinnur að
verkefnum í Mósambík, Úganda og
Malaví, þremur af fátækustu ríkjum
heims. „Okkar skilgreinda hlutverk
er að byggju upp grunnstoðir í fátæk­
ustu löndum í heimi; fæðingardeild­
ir og vatnsból,“ segir Stefán Jón. Hann
hefur sjálfur starfað í Afríku, í Namib­
íu og Malaví, og hefur því með eigin
augum séð hvað Íslendingar hafa lagt
að mörkum þar. „Það er mjög ánægju­
legt að verða vitni að því að konur, sem
áður fæddu börn sín heima í óupp­
lýstum leirkofum, án aðstoðar, geta
núna fætt börnin á fæðingardeildum
með heilbrigðis starfsfólk til aðstoðar.
Það er líka ánægjulegt að í 120 þús­
und manna samfélagi, sem við unn­
um í, þar er núna hreint og öruggt vatn
í brunnum fyrir öll heimili og að þar
hefur ekki komið upp kólerutilfelli síð­
an við byrjuðum það verkefni,“ segir
hann og heldur áfram. „Ef maður spyr
konurnar sem áður gengu tvo eða þrjá
klukkutíma á dag eftir vatni, hvort það
muni ekki um það þurfa bara að fara
500 metra og hafa alltaf hreint vatn, þá
er svarið mjög einfalt.“ Framlög frá Ís­
landi hafa gert þetta að veruleika.
Vill ræða við Vigdísi
Stefán Jón segist dálítið hissa á um­
mælum Vigdísar Hauksdóttur. Þau
þekkist persónulega eftir að hafa starf­
að saman í menntaráði Reykjavíkur­
borgar fyrir nokkrum árum. Honum
hafi alltaf fundist Vigdís, á meðan þau
störfuðu saman, mjög almennileg og
skilningsrík á hinar ýmsu félagslegu
þarfir. „Satt að segja myndi ég alveg
vilja setjast niður með Vigdísi aftur,
rifja upp gömul kynni og segja henni
aðeins frá störfum Þróunarsamvinnu­
stofnunar. En mér dettur ekki í hug að
fordæma hana.“ n
n Byggjum vatnsból og reisum fæðingardeildir í fátækustu ríkjum heims
Baldur Guðmundsson
blaðamaður skrifar baldur@dv.is
Börn í Malaví Konur útbúa máltíð fyrir
framan sjúkrahús í suðvesturhluta Malaví í
kjölfar uppskerubrests 2005. Þá horfðu 4,2
milljónir manna fram á matarskort. Í Malaví
búa um 11 milljónir manna.
„Við erum
mjög aftar-
lega á merinni
„Kjánalegt að hlusta á þetta“
n Vilhjálmur Bjarnason vill höfða skaðabótamál á hendur Björgólfi Thor
M
unnlegur málflutningur
fór fram í máli Vilhjálms
Bjarnasonar, fjárfestis og
lektors við Háskóla Ís­
lands, gegn Björgólfi Thor Björg­
ólfssyni, fyrrverandi aðaleiganda
Landsbankans, í Héraðsdómi
Reykjavíkur í síðustu viku. Sá
fyrrnefndi krefst þess að sautján
fyrrverandi eigendur og starfs­
menn bankans, sem og viðskipta­
félagar þeirra, verði látnir bera vitni
í skaðabótamáli sem um 350 fyrr­
verandi hluthafar íhuga að höfða
gegn Björgólfi Thor. Vilhjálmur er
einn þessara hluthafa. Ef héraðs­
dómur fellst á málflutning hans
munu vitnaleiðslur fara fram fyrir
opnum tjöldum og geta þær orðið
grundvöllur fyrir skaðabótamáli
gegn Björgólfi Thor. Slík málshöfð­
un yrði sú fyrsta sinnar tegundar
hér á landi eftir bankahrunið.
Í stuttu máli byggir mál Vilhjálms
á því að sterkar vísbendingar séu fyrir
hendi um að Björgólfur Thor hafi
beitt blekkingum til að leyna raun­
verulegu eignarhaldi sínu á hlutabréf­
um í Landsbankanum á árunum fyrir
hrunið. Inntakið í gagnrýninni er að
Björgólfur Thor hafi látið nána sam­
starfsmenn sína halda utan um lítinn
eignarhlut í bankanum í gegnum
eignarhaldsfélagið Samson þannig
að óbeint eignarhald hans sjálfs færi
niður fyrir 20 prósent.
Í munnlegum málflutningi hjá lög­
manni Vilhjálms, Jóhannesi Bjarna
Björnssyni, kom fram að skjólstæðing­
ur hans teldi Björgólf Thor hafa gef­
ið út rangar upplýsingar er vörðuðu
Landsbankann og þannig blekkt hann
til að kaupa hlutabréf í bankanum.
Lögmaður Björgólfs Thors, Reim­
ar Snæfells Pétursson, hélt því fram í
málflutningi sínum að enginn þessara
manna sem Vilhjálmur vill láta heim­
ila skýrslutökur yfir myndi geta gefið
einhverjar upplýsingar vegna við­
kvæmrar stöðu sinnar. Talaði hann
meðal annars um bankaleynd í því
samhengi.
Í andsvari lögmanns Vilhjálms
kom fram að ekki yrði spurt um atriði
er varða bankaleynd í skýrslutökun­
um. Þá sagði hann að málflutningur
Reimars benti til þess að búið væri að
tala við umrædda einstaklinga og sjá
til þess að þeir myndu ekki veita upp­
lýsingar í málinu. „Það er næstum því
kjánalegt að hlusta á þetta,“ hafði Jó­
hannes meðal annars á orði.
Verði skýrslutökur yfir fyrrverandi
eigendum Landsbankans, starfs­
mönnum og viðskiptafélögum heimil­
aðar mun það ráðast af útkomu þeirra
hvort skaðabótamál verður höfðað
eða ekki. n solrun@dv.is
Vill skaðabætur Vilhjálmur Bjarnason
telur Björgólf hafa gefið út rangar upp­
lýsingar er vörðuðu bankann og þannig
blekkt hann til að kaupa hlutabréf í honum.
6 Fréttir 25. mars 2013 Mánudagur
Já
67,7%
Nei
32,3%
Vilt þú að Ísland taki
þátt í þróunaraðstoð?
Um sjö hundruð manns tóku þátt í
skoðanakönnuninni á DV.is yfir helgina.
Rétt tæpur þriðjungur þeirra vill ekki að
Ísland taki þátt í þróunaraðstoð.