Dagblaðið Vísir - DV - 25.03.2013, Síða 12

12 Erlent 25. mars 2013 Mánudagur
„Þú ættir ekki að fara með þeim“
n Hefðu getað bjargað fórnarlambinu í Steubenville
N
ýju myndbandi hefur verið lek­
ið á netið þar sem sjá má yfir­
heyrslur lögreglu í Steuben­
ville í Ohio yfir unglingunum
sem urðu vitni að því þegar stúlka var
borin meðvitundarlaus úr partíi af
mönnunum sem síðar voru dæmdir
fyrir að nauðga henni.
Málið hefur vakið gríðarlega
athygli en þar voru ruðningsstjörn­
urnar Ma‘Lik Richmond og Trent
Mays dæmdar í unglingafangelsi fyrir
að byrla ungri stúlku nauðgunarlyf,
misnota hana, nauðga henni, taka
myndir og myndbönd af glæpnum og
birta á samskiptavefjum. Málið klauf
bæjarfélagið í Steubenville í tvennt
þar sem hinir dæmdu nauðgarar nutu
mikillar samúðar og fengu mikinn
stuðnings vegna þess hversu efnilegir
íþróttamenn þeir voru. Amerískur
ruðningur er í hávegum hafður í bæn­
um og meira að segja framhalds­
skólanemar á borð við tvímenning­
ana álitnir miklar stjörnur.
Og málið heldur áfram að vinda
upp á sig. Nú má heyra á upptökun­
um sem lekið var á netið hvernig ung­
menni í teitinu sáu þegar stúlkan var
komin í slæmt ásigkomulag eftir að
hafa innbyrt ólyfjan, en gerðu ekkert
til að stöðva Richmond og Mays þegar
þeir báru hana meðvitundarlausa út.
„Ég sá hvernig hún var að verða
sífellt ölvaðri eftir því sem leið á
kvöldið. Hún gat ekki gengið,“ sagði 16
ára stúlka, Farrah Marcino. Anthony
Craig, 18 ára, sagði að hún hefði ekki
sýnt nein viðbrögð og að Richmond
og Mays hefðu borið hana út.
„Hún vildi fara með Trent. En við
sögðum við hana. Þú vilt ekki gera
þetta. Þú ættir ekki að fara með þeim,“
sagði Anthony. „Ég leyfði henni bara
að gera það sem hún vildi, sem ég skil
nú að var rangt af mér.“
Saksóknarinn í Ohio er sammála.
Hann lætur nú rannsaka hvort hægt
verði að ákæra ungmennin sem gerðu
ekkert til að sporna gegn eða stöðva
árásina.
mikael@dv.is
Hermdi eftir
hryllingsmynd
Richard Hamilton, heimilislaus
maður í Bretlandi, var dæmdur til
þrjátíu ára fangelsisvistar fyrir að
pynta mann til dauða í þeim til­
gangi að komast yfir leyninúmer
að bankareikningi fórnarlambs­
ins svo hann gæti keypt fíkniefni.
Málið vakti mikinn óhug enda
hermdi maðurinn eftir atriði í
sjöttu Saw­hryllingsmyndinni.
Píndi hann fórnarlambið sitt í þó
nokkurn tíma með því að reyna að
skera í sundur hrygg þess. Hafði
hann þar á undan stungið fórnar­
lambið sautján sinnum.
Allt þetta gerði Hamilton í von
um að ná 45 þúsund krónum af
bankareikningi mannsins.
Herferð gegn
hvalbeinsklámi
„Sem móðir og kennari þykja mér
þessi „listaverk“ verulega ósmekk­
leg og krefst þess að þau verði fjar­
lægð,“ segir siðvandur kennari,
Ann Pimentel frá Vancouver í
Kanada, sem hafið hefur herferð
gegn því sem hún kallar hval­
beinsklám. Um er að ræða 19. ald­
ar nektarmyndir sem hvalveiði­
menn ristu í hvaltennur og bein
og eru nú til sýnis í sjávardýrasafni
borgarinnar. Herferðin hefur þó
hingað til gert lítið annað en að
vekja miklu meiri áhuga á sýn­
ingunni. Safnið hefur engin áform
um að verða við kröfu kennarans.
Bannaður frá
bókasöfnum
Tyree S. Carter, 20 ára Bandaríkja­
manni, hefur verið meinaður að­
gangur að öllum bókasöfnum á
jarðríki, eins og dómari orðaði það,
eftir að hann var tekinn fyrir að
fróa sér á bókasafni í Wisconsin í
Bandaríkjunum. Carter er sagður
hafa fróað sér fyrir framan gesti á
bókasafninu árla morguns í byrjun
mars og ekki farið dult með.
Þegar lögreglumenn komu á
vettvang var hann upptekinn við
lestur og þóttist ekki kannast við
neitt. Að lokum gaf hann sig og
baðst afsökunar á athæfinu, þá
sagðist hann aldrei hafa gert neitt
þessu líkt áður. Hann hefur verið
dæmdur í eins árs fangelsi og til að
greiða 11 þúsund dollara fjársekt.
Þá var niðurstaða dómarans sú að
honum skyldi meinaður aðgang­
ur að öllum bókasöfnum heims­
ins. Ekki er vitað hvernig slíkt
bann gengur fyrir sig eða af hverju
dómarinn telur sig þess umkom­
inn að banna Carter aðgang að
bókasöfnum í öðrum löndum en
ljóst er að Carter þessi mun ekki
verða aufúsugestur í bandarískum
bókasöfnum í bráð.
H
eba al­Shamary var leyst
úr haldi í síðustu viku eftir
fjögurra ára fangelsisvist í
Írak. „Ég var pyntuð og mér
var ítrekað nauðgað af íröksk­
um öryggissveitum,“ sagði hún í við­
tali við sjónvarpsstöðina Al Jazeera.
„Ég vil að heimurinn viti hvað ég og
aðrar írakskar konur í fangelsum höf­
um þurft að þola síðustu ár. Þetta
hefur verið hreint helvíti.“
Líkamshlutar brenndir
Heba var sakfelld fyrir að hafa tekið
þátt í að skipuleggja hryðjuverk. Saga
hennar virðist aðeins vera toppur­
inn á ísjakanum en í skýrslu frá Amn­
esty International kemur fram að
pyntingar og mannréttindabrot séu
daglegt brauð í írökskum fangelsum,
og beri bæði öryggissveitir stjórn­
valda og hernámsöflin í landinu
ábyrgð. Í skýrslunni segir ung kona frá
því hvernig 18 ára frændi hennar var
handtekinn, barinn með járnstöng­
um og niðurlægður auk þess sem
trúarskoðanir hans voru hafðar að
skotspæni. „Svo notuðu þeir rafmagn
til að brenna á honum ýmsa líkams­
hluta,“ sagði konan. Frændi hennar
sat í gæsluvarðhaldi í fjögur ár en
hann var handtekinn á grundvelli
lagaákvæðis sem heimilar stjórn­
völdum að handtaka og taka af lífi þá
sem eru grunaðir um glæpi á borð
við hryðjuverk, mannrán og morð,
en jafnframt smávægilegri brot, til
dæmis eignaspjöll.
Andlitin afskræmd
„Þeir létu aðra fanga standa berfætta
á sjóðheitri gangstétt á írökskum
sumardegi, og þeir fengu ekkert vatn
fyrr en það leið yfir suma þeirra,“
segir frænka drengsins. „Aðrir voru
teknir afsíðis, bein þeirra brotin og
andlitin afskræmd með hníf. Svo var
þeim kastað aftur í fangaklefana til að
aðrir fangar sæju hvað gæti hent þá.“
Drengurinn var pyntaður daglega
vegna þess að hann neitaði að játa að
hafa framið glæp sem hann hafði ekki
framið. Að lokum skrifaði hann undir
yfirlýsingu þar sem hann játaði á sig
brotin. Hann er enn í fangelsi og seg­
ist vera pyntaður af hermönnum sem
hafi stungið úr honum annað augað.
„Gat ekki pissað“
Yousef Abdul Rahman hefur einnig
hræðilega sögu að segja af vist sinni í
íröksku fangelsi. „Þeir helltu yfir mig
köldu vatni og gáfu mér raflost,“ sagði
hann í viðtali við Al Jazeera. „Mörgum
föngum var nauðgað með prikum og
flöskum. Ég sá blóðið á líkama þeirra.“
Ahmed Hassan, 43 ára leigubílsstjóri,
varð einnig fyrir barðinu á öryggis­
sveitum stjórnvalda, en hann var lok­
aður inni í litlum fangaklefa ásamt
að minnsta kosti 100 öðrum föngum.
Reglulega voru fangar sérstaklega
valdir og teknir út úr klefanum til að
þola pyntingar. „Ég var neyddur til að
drekka gríðarlegt magn af vatni og svo
var bundið fyrir typpið á mér svo ég
gat ekki pissað.“ Þá segist hann hafa
verið hengdur upp og hýddur auk
þess sem neglurnar hafi verið skorn­
ar af honum.
Há tíðni dauðarefsinga
Sögur á borð við þessar eru algengar
í Írak nútímans. „Bardaginn frá 2004
stendur enn yfir. Í stað þess að kljást
við bandaríska hermenn erum við að
berjast við Maliki, ranglæti og spill­
ingu,“ sagði Sheikh Khaled Hamoud
Al­Jumaili, sem skipulagt hefur
kröfugöngur gegn forsætisráðherra
Íraks, Nouri al­Maliki, og stjórn hans.
Fáar þjóðir búa við jafn háa tíðni
dauðarefsinga og Írakar en á síðustu
átta árum hafa um það bil 3.000 manns
verið dæmdir til dauða í landinu. 447
aftökur hafa farið fram á tímabilinu og
voru 129 fangar hengdir í fyrra. Stjórn
Maliki hefur verið harðlega gagnrýnd
fyrir þetta af Sameinuðu þjóðunum og
ótal mannréttindasamtökum. n
n Föngum ítrekað nauðgað n Kvenfangi rýfur þögnina
Hrottalegar pyntingar
í írökskum fangelsum
Jóhann Páll Jóhannsson
blaðamaður skrifar johannp@dv.is
Alræmdur forsætisráðherra Nouri
al-Maliki er forsætisráðherra Íraks en þar
tíðkast enn svívirðileg mannréttindabrot.
Kastað aftur í klefann „Aðrir voru
teknir afsíðis, bein þeirra brotin og and-
litin afskræmd með hníf. Svo var þeim
kastað aftur í fangaklefana til að aðrir
fangar sæju hvað gæti hent þá.“
MYND: REUTERS
„Ég vil að heimurinn viti hvað ég
og aðrar írakskar konur í fang-
elsum höfum þurft að þola síðustu ár.
Þetta hefur verið hreint helvíti.
Dæmdir Trent Mays og Ma‘Lik
Richmond voru dæmdir fyrir
nauðgunarárásina í Steuben-
ville. En spurt er um ábyrgð
þeirra sem gerðu ekkert til að
stöðva þá. MYND: REUTERS