Dagblaðið Vísir - DV - 25.03.2013, Qupperneq 23

1. sæti
Jón Gnarr
„Einlægur húmoristi með steiktan
og grillaðan húmor. Gerir gríni sínu
oftar en ekki skil með vandlega út-
hugsuðum kaldhæðnisglósum. Það
er alltaf stutt í brosið hjá þessum
hnyttna borgarstjóra.“
„Hann sagði einn stærsta og besta
brandara allra tíma með Besta
flokknum og sá brandari er langt í
frá búinn.“
„Borgarstjórinn er ennþá á toppnum
þrátt fyrir mikla nýliðun í bransan-
um undanfarin ár. Hann er ekki bara
fyndnasti maður landsins heldur
einnig besti stjórnmálamaður lands-
ins. Geri aðrir betur.“
„Einlægur, sannur, uppátækjasamur
og hrikalega fyndinn. Hef elskað
hann í gegnum útvarp og sjónvarp
og sem borgarstjóra.“
„Er einhvern veginn galdrakarl
þegar kemur að gríni. Alltaf ófyrir-
sjáanlegur og náttúrufyndinn.“
2.–4. sæti
Ari Eldjárn
„Styrkur Ara felst í auðmýkt; hann
er ekki að setja sig á háan hest gagn-
vart þeim sem á undan honum voru.
Það gerir að verkum að honum tekst
að nýta sér það besta – hann hefur
ákaflega kómíska (og græskulausa)
sýn á veröldina og honum er við
brugðið fyrir eftirhermueiginleika
sína.“
„Fyrsti maðurinn til að mastera al-
mennilega uppistand með einföld-
um bröndurum úr hversdagslífinu
fluttum á snjallan hátt. Ótrúlegar
tímasetningar og hann hefur gott tak
á gríni.“
„Brjálæðislega fyndinn og það of-
anmittis. Hann er „clean comic“
sem er tífalt erfiðara, samt nær hann
að vera á heimsmælikvarða.“
„Ótrúlega snjall húmoristi sem set-
ur einfalda hluti í stærra samhengi.
Kemur auga á það fyndnasta í hinu
smæsta. Vekur með snilligáfu athygli
á hlutum sem maður getur hæglega
látið fram hjá sér fara. Hefur djúpan
og þroskaðan skilning á mannlegu
eðli og innviðum samfélagsins – og
bendir á með kómískum hætti.“
2.–4. sæti
Edda Björgvinsdóttir
„Langfyndnasta kona Íslands frá
upphafi. Með tímasetningar sem fáir
á Íslandi eiga roð í. Getur leikið allt
og gerir allt fyndið.“
„Fáránlega fyndin. Úreldist bara ekki
og bara við það eitt að sjá hana fer
maður í gott skap.“
„Það er ekki hægt að sleppa því að
minnast á fyndnustu konu heims.
Hárbeittur húmoristi, ótrúlega
fyndin og sannkallaður gleðigjafi.“
„Bara að geta gert karakter úr mann-
eskju sem notar málshætti og orðtök
á rangan og sprenghlægilegan hátt,
eins og Bibba á Brávallagötunni, er
eitt og sér nóg til að fá fálkaorðuna
fyrir grín. En Edda er svoooo fyndin.“
2.–4. sæti
Pétur Jóhann
Sigfússon
„Vá. Sama hvort hann er í karakter
eða bara mætir á svæðið kemur
hann öllum í gott skap.“
„Einn sá allra besti. Það er eigin-
lega alveg sama hvað hann tekur sér
fyrir hendur – hann er alltaf drep-
fyndinn.“
„Þarf ekki einu sinni að opna munn-
inn, bara að mæta á svæðið. Klár-
lega fyndnasti maður landsins!“
„Notar sjálfan sig mikið í gríni og
besta grínið er oft að gera grín að
sjálfum sér. Þar er Pétur konungur.“
5.–6. sæti
Anna Svava
„Hefur heillað mig mikið undanfar-
ið. Ótrúlega orðheppin og fær mann
einfaldlega til að brosa með því að
mæta á svæðið.“
„Með fyndna rödd, orðheppin og
það er bara eitthvað mikið kómískt
við týpuna.“
„Getur gert grín að sjálfri sér. Besti
uppistandari sem ég hef séð.“
5.–6. sæti
Halldór Högurður
„Ég væri til í að eiga bara 10% af
heilanum hans. Yndislegur!“
„Alt muligt mand. Það magnaða
með Halldór er að hann kemst upp
með háð og grín sem í annarra
manna meðförum væri kvikyndis-
legt og yfir strikið. En Halldóri fyrir-
gefst allt slíkt. Enda er hann svo yfir-
gengilega fyndinn.“
„Ég nýt þeirrar gæfu að vera Face-
book-vinur Högurðar en á síðunni
hans er beitt þjóðfélagsgagnrýni í
formi orðaleikja eða klippimynda.
Í raun er veggurinn hans hæfur til
útgáfu. Ég er viss um að aðkoma
hans að einu skemmtilegasta ára-
mótaskaupi frá upphafi (2009,
minnir mig) hafi skipt sköpum.“
7.–13. sæti
Björk Eiðsdóttir
„Hún er með uppáhaldshúmorinn
minn.“
„Brilleraði í Dyngjunni, sjónvarps-
þætti á Skjá Einum. Laumaði út úr
sér áreynslulaust fyndnum og beitt-
um athugasemdum sem fengu mig
til að grenja úr hlátri. Vona að ein-
hver hafi vit á að koma henni í sjón-
varp aftur.“
7.–13. sæti
Helga Braga
„Bara andlitið og svipbrigðin sem
hún getur kallað fram eru nóg til að
koma mér í gröfina á góðum stund-
um. Ótrúlega fyndin og skemmtileg.
… Var svo stórkostleg í Fóstbræðrum
að ég tók oft andköf af hlátri.“
„Mögnuð leikkona. Þessi næmni á
kúnstpásur, smágeiflur sem segja
meira en þúsund orð og fleiri smáleg
tækniatriði sem hún kann upp á tíu.“
7.–13. sæti
Pétur Jesús
„Fáránlega fyndinn – og ekki bara
út af því að hann er rauðhærður.
Með hrikalega góða tímasetningu og
kann brandara fyrir hvert tilefni.“
„Ekki bara góður söngvari og
lagahöfundur, heldur líka mikill
húmoristi og bráðfyndinn.“
7.–13. sæti
Hugleikur Dagson
„Fyndinn.“
„Ógeðslega fyndinn. Það er ekkert
betra en að geta fylgst með fólki sem
skilur hann ekki á uppistandi. Það er
fyndnast í heimi.“
7.–13. sæti
Andri Freyr
„Hann hefur ekkert fyrir því að vera
fyndinn.“
„Segir bara allt sem honum sýnist.
Er fáránlega fyndinn og með
skemmtilegar pælingar. Ég er oft ein
að keyra og hlusta grenja úr hlátri.“
7.–13. sæti
Svavar Örn
„Með þeim fyndnari. Á bestu „one
linerana“ í bænum. Ég veit ekkert
skemmtilegra en að fara í klippingu
til hans og enda með verki í and-
litinu af hlátri þegar ég fer út. Allir
elska hann og ég mest.“
„Uppistandari af guðs náð en á bara
eftir að koma út úr grínskápnum.
Keyri stundum út af á leið í vinnuna
þegar hann er segja eitthvað fyndið.“
7.–13. sæti
Sólmundur Hólm
„Það er alveg sama hvað hann læt-
ur út úr sér … það vella út úr honum
gullmolarnir og húmorinn.“
„Algjör snillingur í húmor. Fljótur að
grípa fyndni úr loftinu og sjá spaugi-
legu hliðina á öllu. Þegar hann byrj-
ar þá vill engin að hann hætti.“
Fólk 23Mánudagur 25. mars 2013
„Með steiktan og
grillaðan húmor“
DV leitaði til stórs hóps álitsgjafa í leitinni að fyndn-
asta Íslendingnum. Fjölmargir komust á blað en
það er borgarstjórinn sjálfur, Jón Gnarr, sem hlýtur
titilinn Fyndnasti Íslendingurinn.
Álitsgjafar
Atli Fannar Bjarkason
framkvæmdastjóri Bjartrar framtíðar
Birna Björnsdóttir
danshöfundur
Gunnhildur Arna Gunnarsdóttir
upplýsingafulltrúi
Guðríður Haraldsdóttir
aðstoðarritstjóri
Ingibjörg Lárusdóttir flugfreyja
Jakob Bjarnar Grétarsson
blaðamaður
Júlía Margrét Alexandersdóttir
blaðamaður
Karen Kjartansdóttir fréttamaður
Karl Sigurðsson borgarfulltrúi
Kristján B. Jónasson útgefandi
Kiddi Bigfoot
Lilja Katrín Gunnarsdóttir leikkona
Malín Brand fréttamaður
Sævar Pétursson framkvæmdastjóri
Tómas Þór Þórðarson
íþróttafréttamaður
Villi Goði
Vera Sölvadóttir sjónvarpskona
Þóra Sigurðardóttir fjölmiðlakona