Dagblaðið Vísir - DV - 25.03.2013, Síða 13

Erlent 13Mánudagur 25. mars 2013
Kveikti í snák og brenndi ofan af sér
n Röð óheppilegra atvika í Texas
S
nákar eru ekki allra og margir
bregðast ókvæða við þegar
skriðdýrin verða á vegi þeirra og
aðrir eru haldnir fóbíu gagnvart
þeim á háu stigi. Kona ein í Liberty-
Eylau í Texas greip til sinna ráða þegar
einn slíkur heimsótti hana fyrir helgi.
Hún og sonur hennar ákváðu að bera
eld að hinum óboðna gesti en það átti
heldur betur eftir að draga dilk á eft-
ir sér.
Konan hellti bensíni á snákinn,
sem hún lýsti sem stórum og svörtum,
en það kom síðan í hlut sonarins að
kveikja í dýrinu. Þá hitnaði verulega í
kolunum. Snákurinn brást við íkveikj-
unni með því að flýja inn í runna milli
heimilis mæðgnanna og nágranna.
Þaðan barst eldurinn fljótt um óslegið
og skrjáfþurrt grasið á bletti þeirra og
æddi eldurinn í átt að heimili þeirra.
Þar læsti hann sig í húsið og þá voru
góð ráð dýr.
Hringt var á neyðarlínuna og þar
lýsti innhringjandi því að húsið stæði í
ljósum logum.
Til að bæta gráu ofan á svart þá
var konan víst nýbúin að kaupa hús-
ið og hugðist flytja inn og þrátt fyrir
að allt tiltækt slökkvilið í bænum og
nærliggjandi bæjum mætti á vettvang
tókst ekki að bjarga því. Það brann til
kaldra kola.
„Ég býst bara við að henni sé
virkilega illa við snáka,“ sagði David
Wesslehoft, slökkviliðsstjóri Liberty-
Eylau, um málið.
Hús nágrannans skemmdist einnig
töluvert í brunanum en það tókst þó
að bjarga því að mestu. Samkvæmt
frétt CNN er málið nú rannsakað en
ekkert er vitað um örlög snáksins.
BERST GEGN EKKJU-
KYNLÍFI Í MALAVÍ
L
ögfræðingurinn og mann-
réttindasinninn Seodi White
reynir nú að binda endi á
svokallaða ekkjuhreinsun
í heimalandi sínu Malaví
í Afríku. Þetta er siður sem er að
mestu stundaður í suðurhluta
landsins þar sem ekkjum er ætlað
að hafa samræði til að hreinsa sig
af anda látinna eiginmanna sinna.
„Því er trúað að ef ekkja sefur ekki
hjá öðrum manni herji andi látins
eiginmanns hennar á hana og leggi
bölvun yfir fjölskyldu hennar,“
segir White í samtali við banda-
rísku fréttastofuna CNN um málið.
White segir konurnar ekki vera
neyddar beint til samræðis við
aðra menn. Hins vegar er þetta
svo mikil hjátrú í þessum lands-
hluta að ekkjurnar sjálfar biðja um
að fá að sænga með mönnum eftir
að eiginmenn þeirra hafa farið yfir
móðuna miklu.
„Þetta varðar hugarástand
kvennanna. Ekkjurnar hafa sagt
við mig að þær vilji ekki deyja. Þær
vilji ekki raska hinstu hvílu eig-
inmanns síns. Þær leiti því eftir
hreinsun,“ segir White.
Hreinsa gegn greiðslu
Hún segir þennan sið auka líkurn-
ar á útbreiðslu HIV-veirunnar því
ekki má nota verjur við kynmökin
ef hreinsunin á að takast. Þá sé
búið að breyta þessum sið í hálf-
gerðan iðnað.
„Það eru menn sem hafa at-
vinnu af þessum hreinsunum,“
segir White sem segir mennina
rukka ekkjurnar um 50 dollara
fyrir þjónustuna, eða sem nem-
ur um sex þúsund og tvö hund-
ruð íslenskum krónum, í landi þar
sem lágmarkslaun fyrir heils dags
vinnu ná ekki einum dollara.
Síðustu misseri hefur ver-
ið reynt að sporna við þessum
sið og hefur verið höfðað til sam-
visku þeirra sem þiggja greiðslu
fyrir hreinsanirnar. „Sumir hafa í
raun stigið fram og viðurkennt að
hafa þegið greiðslu fyrir hreins-
anir. En nú eru þeir smitaðir af
HIV-veirunni og hættir. Þeir ferð-
ast á milli þorpa til að fá aðra til að
hætta þessari iðju,“ segir White.
Dæmdar til fátæktar
Þetta er ekki það eina sem ekkjurn-
ar þurfa að hafa áhyggjur af eftir að
eiginmenn þeirra eru fallnir frá.
Þær eiga einnig á hættu að missa
allar eignir eiginmannsins til ætt-
ingja hans. Eftir standa ekkjurnar
heimilislausar með börnin.
„Fjölskyldumynstrið er þannig
að konan er ekki talin skyld mann-
inum þó svo hún giftist honum,“
segir White og eru því flestar ekkjur
í landinu dæmdar til fátæktar.
„Þegar eiginmaðurinn deyr koma
ættingjar hans og taka hlutina sem
hann keypti. Þeir líta ekki á þetta
sem eignir fjölskyldunnar sem
hann lætur eftir sig.“
White berst fyrir jafnrétti kynj-
anna í Malaví þar sem nær helm-
ingur kvenna gengur í hjónaband
áður en átján ára aldri er náð.
White ferðast um landið þar sem
hún hvetur stúlkur til að halda
áfram í skóla í stað þess að hætta
námi og ganga í hjónaband. n
n „Hreinsa sig “ af anda látinna eiginmanna“ n Eykur útbreiðslu HIV
Á móti hreinsunum Seodi White berst
fyrir jafnfrétti kynjanna og gegn svokölluð-
um ekkjuhreinsunum.
Birgir Olgeirsson
blaðamaður skrifar birgir@dv.is
„Ekkjurnar hafa
sagt við mig
að þær vilji ekki deyja.
Þær vilji ekki raska
hinstu hvílu eiginmanns
síns. Þær leiti því eftir
hreinsun.
Trúa á hreinsun Ekkjur í Malaví
trúa margar hverjar að þær verði
að hreinsa sig með kynlífi eftir
fráfall eiginmannsins.
Algjört klúður Það er ótrúlegt til þess að hugsa að þennan eldsvoða megi rekja til snáks
sem húseigendur ákváðu að kveikja í.
Hýdd fyrir að
vera nauðgað
15 ára stúlka á Maldíveyjum hef-
ur verið dæmd til að undirgang-
ast 100 svipuhögg á almanna-
færi. Með því er verið að refsa
henni fyrir að hafa verið nauðg-
að árum saman af stjúpföður
sínum en dómstólar skilgreina
það sem „kynlíf utan hjóna-
bands.“ Stjúpfaðirinn er sagður
hafa barnað stúlkuna og drep-
ið dóttur þeirra en ekki er út-
lit fyrir að honum verði gerð
refsing. Fjöldi mannréttinda-
samtaka hefur skorað á forseta
Maldíveyja að hlífa stúlkunni og
breyta lögunum svo ekki verði
aftur brugðist við sambærilegum
málum með þessum hætti.
Neita að gifta
gagnkynhneigða
Kirkjusöfnuðurinn Green Street
United Methodist Church í Norð-
ur-Karólínu hefur gripið til rót-
tækra aðgerða til að berjast fyrir
því að hjónavígslur samkyn-
hneigðra verði lögleiddar í
Bandaríkjunum. Mun kirkjan
ekki gifta nein hjón fyrr en tek-
in verða upp ein hjúskaparlög. Í
söfnuðinum er nú þegar nokkur
fjöldi samkynhneigðs fólks og að
sögn prestsins, Kelly Carpenter,
er lögð mikil áhersla á jafnrétti
innan kirkjunnar. „Ég held að
allir í okkar röðum séu mjög
ánægðir með þetta framtak,“
sagði hann í viðtali við Fox News.
Hvítir fremja
frekar sjálfsmorð
Hvítir Bandaríkjamenn eru lík-
legri en svartir til að fremja sjálfs-
morð með skotvopni, en blökku-
menn eru líklegri til að verða
skotnir til bana af öðrum. Þetta
kemur fram í tölfræðisamantekt
Washington Post sem setti ban-
væn skot í samhengi við kynþátt
og búsetu. Í ríkjunum Montana
og Wyoming er hlutfall byssu-
eigenda stærst og jafnframt
sjálfsmorðstíðnin hæst. Öðru
máli gegnir um Massa chusetts
og New York þar sem færri eiga
byssu og sjálfsmorð eru ekki
nándar nærri jafn algeng.