Dagblaðið Vísir - DV - 24.05.2013, Síða 6

6 Fréttir 24.–26. maí 2013 Helgarblað
„Persónulegur hégómleiki“
n Lét dæluna ganga í þrettán tíma
S
tefán Pálsson sagnfræðingur
sló Íslandsmetið í ræðulengd
á miðvikudaginn síðastliðinn
þegar hann lét dæluna ganga í
þrettán klukkustundir og 32 mínútur
án þess að stíga úr pontu. Gjörningur-
inn fór fram í Friðarhúsi og var við-
fangsefni Stefáns teiknimyndasögurn-
ar um Sval og Val.
„Þetta var nú aðallega bara
persónulegur hégómleiki,“ segir Stefán
aðspurður hvað í ósköpunum honum
hafi gengið til. „Mér datt þetta strax
í hug þegar ég var í menntaskóla og
talaði stundum um að gera þetta en
flestum fannst þetta auðvitað tómt
rugl. Svo hefur alltaf vantað tilefni. Ég
kann ekki alveg við að láta dæluna
ganga um endurminningar mínar eða
eitthvað í þeim dúr,“ segir Stefán. „Svo
kveiki ég á því fyrr á þessu ári að Svalur
og Valur eigi 75 ára afmæli, en ég hef
lengi haft áhuga á þeim og safnað
teiknimyndasögunum. Svo ég ákvað
að rifja upp sögurnar og slá til.“
Stefán er hæstánægður með hve
margir létu sjá sig. „Það voru aldrei
færri en svona 10 til 15 manns í hús-
inu, líklega 40 þegar mest lét. Svo var
einn sem entist allan tímann og á
heiður skilinn.“ Stefán lifði daginn af
upp við pontuna án þess að borða eða
fara á klósettið. Aðspurður hvort hann
hafi verið með þvaglegg hlær hann og
segir: „Nei, nei, ég hafði ekki drukkið
mikinn vökva. Hins vegar varð ég ansi
svangur enda aðeins búinn að fá mér
Cheerios-disk um morguninn.“
Stefán hafði einsett sér að halda
samfellda ræðu í um sex tíma og ræna
þannig metinu af Ögmundi Jónassyni,
fyrrverandi innanríkisráðherra, sem á
heiðurinn af lengstu samfelldu ræðu
Íslandssögunnar. Þekkt ræða Jóhönnu
Sigurðardóttur, sem Samband ungra
sjálfstæðismanna gaf nýverið út á
bók, var rofin bæði með hádegis- og
kvöldverðarhléi á sínum tíma. „Eftir
þessa sex tíma ákvað ég bara að halda
áfram,“ segir Stefán. n
- johannp@dv.is
„Verða að sækja
hann til saka“
Þ
etta er bara fáránlegt, segir
Páll Sverrisson um þá
ákvörðun ríkissaksóknara
að falla frá saksókn í máli
sem Páll höfðaði á hendur
lækni fyrir að nýta upplýsingar úr
sjúkraskrá hans þegar hann varði
sig fyrir siðanefnd læknafélagsins.
Úrskurður siðanefndarinnar
var svo birtur í Læknablaðinu
haustið 2011 ásamt upplýsingum
úr sjúkraskrá Páls. Þrátt fyrir að
hann væri ekki nafngreindur voru
upplýsingarnar að hans mati
persónugreinanlegar, enda fékk
hann símtal frá kunningja sínum
sem þóttist þekkja hann á upplýs-
ingunum.
Refsilagabrot hjá lækninum
Þrátt fyrir að ríkissaksóknari telji
það refsilagabrot hjá lækninum
að hafa nýtt upplýsingar um Pál
í vörn sinni í ágreiningsmáli hjá
siðanefndinni, þá er fallið frá sak-
sókn í málinu. Er þar vísað til
ákvæðis í lögum um meðferð saka-
mála þar sem heimilt er að falla frá
saksókn „ef brot hefur valdið sak-
borningi sjálfum óvenjulega mikl-
um þjáningum eða aðrar sérstakar
ástæður mæla með því að fallið sé
frá saksókn, enda verði að telja að
almannahagsmunir krefjist ekki
málshöfðunar.“
Gefið fordæmi
Sjálfur vill Páll meina að málið
varði almannahagsmuni enda
snúist það um vörslu á sjúkra-
skrám. Hann vill að læknirinn
svari til saka. „Ef hann gerir það
ekki þá er búið að gefa fordæmi
fyrir því að læknar megi fara svona
í sjúkraskrár og dreifa upplýsing-
um á milli.“
Páll segir svona lagað ekki geta
liðist og ætlar ekki að gefast upp.
Svar ríkissaksóknara barst um-
boðsmanni Alþingis í vikunni en
Páll hefur frest til 5. júní næstkom-
andi til athugasemda. Aðspurður
segist hann svo sannarlega ætla að
gera athugasemdir við ákvörðun-
ina. „Þeir verða að sækja hann til
saka ef þeir ætla að halda friðinn
um sjúkraskrár. Það þekkist ekki í
hinum vestræna heimi að svona sé
farið með slíkar upplýsingar.“
Páli dæmdar bætur
Páll greindi frá málinu í viðtali í DV
í september 2011. Forsaga þess er
sú að Páll heyrði einn lækni kalla
annan „fyllibyttu frá Borgarnesi“
og bar ummælin á milli. Varð málið
að deilum á milli læknanna, en sá
sem lét ummælin falla var kærð-
ur til siðanefndarinnar fyrir þau.
Hann sagði Pál hafa haft rangt eftir
sér og rataði greining úr sjúkra-
skýrslum hans þannig inn í deilur
læknanna.
Páll kærði málið til Persónu-
verndar sem komst að þeirri niður-
stöðu að siðanefnd Læknafé-
lags Íslands hefði verið óheimilt
að birta upplýsingarnar í Lækna-
blaðinu. Málið fór svo fyrir dóm-
stóla og í janúar var Læknafélag Ís-
lands dæmt til að greiða Páli þrjú
hundruð þúsund krónur í miska-
bætur.
Finnst honum að öllu undan-
gengnu mjög sérstakt að fallið sé
frá saksókn á hendur lækninum
sem nýtti sér upplýsingarnar úr
sjúkraskrám hans.
Ekki lækninum að kenna
Ríkissaksóknari metur það hins
vegar á þann veg að ekki sé hægt
að kenna lækninum um að upp-
lýsingarnar hafi verið birtar í úr-
skurðinum, að hann hafi verið birtur
og að kunngjört væri að þær væru
um Pál. Bent er á að Páll hafi sjálfur
ákveðið að stíga fram í DV og stað-
festa þannig fyrir alþjóð að upp-
lýsingarnar í úrskurðinum væru
um hann. Þannig hafi hann dregið
athygli að úrskurðinum og efni hans.
„Þeir ríku almannahagsmunir
sem Páll telur felast í að ákæra
vegna brota sem þessara gætu átt
mjög vel við ef (læknirinn) hefði
staðið að því að birta upplýs-
ingarnar um Pál fyrir alþjóð en sú
er ekki raunin eða rofið trúnað um
þær í því skyni að þær yrðu birtar,“
segir í bréfi ríkissaksóknara til um-
boðsmanns Alþingis. n
n Læknirinn ekki ákærður n Saksóknari segir Pál hafa dregið að sér athygli
Sólrún Lilja Ragnarsdóttir
blaðamaður skrifar solrun@dv.is
Ósáttur Páll ætlar ekki að gefast
upp þrátt fyrir ákvörðun ríkissak-
sóknara um að falla frá saksókn.
„Ef hann gerir það
ekki þá er búið að
gefa fordæmi fyrir því að
læknar megi fara svona í
sjúkraskrár og dreifa upp-
lýsingum á milli.
Nýr kampa-
vínsklúbbur
opnaður
Nýlega var opnaður nýr kampa-
vínsklúbbur í Reykjavík sem ber
heitið Crystal exclusive cham-
pagne club. Klúbburinn er við
hliðina á Broadway í Ármúla 7,
fyrir ofan veitingastaðinn Vita-
borgarann.
Nýr staður af þessi tagi hefur
ekki verið opnaður hér á landi í
þó nokkur ár. Þeim fjölgaði hratt
í kringum aldamót en fækkaði
jafnt og þétt aftur eftir að
breytingar voru gerðar á lögum
sem settu starfsemi sem þessari
þrengri skorður. Nú eru aðeins
tveir eftir.
Lógó staðarins er nafn hans
og á því situr brjóstgóð kona
sem reigir sig afturábak og tyllir
fótunum niður. Má af því ætla
að á staðnum sé hægt að drekka
kampavín og komast í kynni við
fáklæddar konur. Einnig má af
því ráða að klúbburinn sé helst
ætlaður karlmönnum sem vilja
njóta drykkja í faðmi kvenna.
Stefán Pálsson „Einn sem entist allan
tímann og á heiður skilinn.“