Dagblaðið Vísir - DV - 24.05.2013, Qupperneq 11

sem hún vildi ekki. „Ég hringdi í
vin minn og lét hann sækja mig.
Ég gat þetta ekki. Og hef verið edrú
síðan þá,“ segir hún og segir ein­
hverja hugarfarsbreytingu hafa átt
sér stað. „Þetta hefur aldrei gerst
hjá mér áður.“
Ætlar að standa sig
Anna er á byrjunarreit, hún hefur
misst forræði yfir tveimur eldri
börnunum sínum til 18 ára aldurs,
fær aðeins að hitta þau fjórum
sinnum á ári og má ekki hafa sam­
band við þau símleiðis. Það er gert
til þess að hún raski lífi þeirra sem
minnst. Hún segir þau eiga heima
hjá yndislegu fólki en langar að
vera í sambandi við þau. Yngsta
barnið fær hún að hitta reglulega.
„Ég vona bara að ég fái að hitta
þau meira, bara aðra hvora helgi
og heyra líka reglulega í þeim. Ég
veit að þau yrðu mun rólegri ef
þau fengju að heyra í mér og vita
að það væri í lagi með mig.“ Anna
gerir sér þó grein fyrir því að það
sé ekki raunhæf krafa að ætlast
til þess að hún fái að hitta börnin
reglulega á næstunni. Hún segist
finna til skammar yfir því að hafa
misst börnin frá sér. „Mér dettur
ekki í hug að biðja um það strax.
Eina sem ég get gert er að reyna að
standa mig og það ætla ég að gera.
Þau eiga það skilið frá mér.“ n
Ef þú hefur reynslusögu eða
ábendingu tengda þessu málefni
endilega hafðu samband í tölvu-
pósti: viktoria@dv.is.
Vísaði dóttur sinni burt á jólunum
n Barátta móður og dóttur við fíkniefnaneyslu dótturinnar n Lokaði á dóttur sína til að hlífa hinum börnunum n Dóttirin missti börnin sín vegna neyslu
Fréttir 11Helgarblað 24.–26. maí 2013
Þ
að er svolítið útbreitt
viðhorf í þjóðfélaginu
að það eigi alltaf bara að
henda fíklinum út, en við
lítum á það sem algjört
neyðarúrræði. Við byrjum aldrei á
því,“ segir Helga Óskarsdóttir, dag­
skrárstjóri fjölskyldudeildar SÁÁ.
Þar er foreldrum leiðbeint hvern­
ig þeir geti tekist á við barn sem
er í neyslu. Helga segir samtökin
ráðleggja foreldrum að reyna í
lengstu lög að halda sambandi
við barnið, reyna fá það til sam­
vinnu en oft sé það þó ekki hægt.
Þau ráðleggi foreldrum hvernig
sé best að hátta samskiptum og
að setja sér mörk varðandi sam­
skipti við þann sem er í neyslu.
„Foreldrar eru oft í mjög miklum
vandræðum og vita ekki hvað þeir
eiga að gera. Það er líka eitt sem
maður þarf að átta sig á og það er
að unglingurinn er ekki vondur.
Hann er veikur en þetta er samt
sem áður þannig sjúkdómur að
einstaklingurinn verður að taka
ábyrgð á sinni hegðun. Það er oft
erfitt að fá hann til að skilja það.“
Helga segir það vera algengan
misskilning að aðstandendum
sé ráðlagt að loka algjörlega á
öll samskipti við þann sem er í
neyslu. „Við ráðleggjum fólki yfir­
leitt aldrei að henda barni út. Við
ráðleggjum fólki að tala við ung­
linginn, gefa honum val, að það
geti leitað sér aðstoðar og svo
framvegis. Stundum vilja ung­
lingarnir bara fara sjálfir og fá
frið í sinni neyslu. En að henda
barninu sínu út á götu er engin
lausn.“
Hún segir mikilvægt fyrir for­
eldra að gera barni sínu grein fyrir
því hvernig neysla þess hafi áhrif
á fjölskylduna. Oft sé sá sem er í
neyslu í mikilli afneitun. „Við tök­
um bara hvert tilfelli og greinum
það. Þetta er einstaklingsmiðað
hjá okkur. Við ráðleggjum fólki
að hafa einhver samskipti, eins
og við segjum, það er engin lausn
að loka á mjög veikan einstakling
en foreldrar þurfa samt alltaf að
passa upp á sjálfa sig, vera með­
vitaðir um að missa sig ekki í
meðvirkni og taka alla ábyrgð af
einstaklingnum. Hvort sem hann
býr á heimilinu eða er fluttur að
heiman. Við fræðum foreldra og
ráðleggjum þeim hvernig best sé
að hafa samskiptin.“
Ráðleggja ekki að
lokað sé á barnið
AÐSTOÐ FRÁ
RÁÐGJÖFUM
Hjá SÁÁ geta aðstandendur ungra fíkla
fengið aðstoð hjá ráðgjöfum. Einnig eru
stuðningsfundir haldnir auk þess sem
boðið er upp á fjögurra vikna meðferð
fyrir aðstandendur. Þar er leitast við að
auka þekkingu þátttakenda á fíknisjúk-
dómnum, einkennum hans, hvernig hann
birtist og hvaða áhrif hann hefur á alla þá
sem búa í návígi við hann. Stuðningshóp-
ur er svo í boði í kjölfar meðferðarinnar.
Vímulaus æska
Boðið er upp á fjölskylduráðgjöf í For-
eldrahúsi sem er ætluð bæði foreldrum
og börnum í vanda. Þar er lögð áhersla
á einstaklingsmiðaða ráðgjöf; boðið
er upp á sálfræðiþjónustu, ráðgjöf og
meðferð barna og unglinga með hegð-
unar- og/eða áfengis- og fíkniefna-
vanda. Þar eru einnig í boði námskeið
fyrir bæði börn og foreldra.
Foreldrasíminn
Fjölskylduhús stendur að foreldra-
símanum sem er ætlaður foreldrum og
aðstandendum barna og ungmenna
sem lenda í vanda vegna vímu-
efnaneyslu og annarra erfiðleika.
Síminn er hugsaður sem fyrsta hjálp
og staður fyrir foreldra til að fá ráð um
hvert næsta skref skuli vera. Nánari
upplýsingar á vimulaus.is
Barátta Þegar dóttirin byrjaði að
drekka, ellefu ára, fór bilið að breikka
milli mæðgnanna. Þegar dóttirin var
18 ára tók móðirin ákvörðun um að
hlúa að hinum börnunum sínum og
loka á þá sem var í neyslu. „Ég hataði móður
mína þegar ég var
unglingur, hún var minn
versti óvinur.
Neyðarúrræði Helga
segir það vera neyðar-
úrræði að vísa þeim sem er
í neyslu út af heimilinu.