Dagblaðið Vísir - DV - 29.05.2013, Blaðsíða 6

6 Fréttir 29. maí 2013 Miðvikudagur
Ekki gefa öndunum brauð
n Mávurinn krækir sér í unga og brauð á Tjörninni
M
ikilvægt er að borgarbúar og
gestir miðborgarinnar gefi
öndum, gæsum og svönum
ekki brauð á Reykjavíkur­
tjörn í sumar, sérstaklega í júní og
júlí. Á vef Reykjavíkurborgar er bent
á að andarungar séu nú óðum að
koma úr eggjum og sjást nú á ferð
með foreldrum sínum á Tjörninni.
Á næstu vikum fer ungum fjölgandi
og því ítrekar Reykjavíkurborg þau
tilmæli að öndunum við Tjörnina
sé ekki gefið brauð á þessum við­
kvæma árstíma þegar ungviðið er að
komast á legg. Sílamávurinn, helsti
vargfuglinn við Tjörnina, sækir stíft
í brauðgjafir og annan skyndibita.
Hann er einnig sólginn í andarunga
og tekur þá þegar þeir skríða úr eggi
eða eru á sundi á Tjörninni.
Brauðið laðar mávinn að svæðinu
og það gagnast hvorki öndum né
ungum þeirra. Mikilvægast er að
gefa ekki brauð í júní og júlí á með­
an andarungar eru að komast á legg.
Í tilkynningu frá borginni kemur
fram að fækkun máva sé mikilvægur
þáttur í því að bæta afkomu andar­
unga en viðkomubrestur stendur
andastofnum á Tjörninni fyrir þrif­
um. Á sumrin er meira af náttúru­
legu æti í Tjörninni fyrir endur og
svani en yfir vetrartímann og því
minni þörf fyrir brauðbitann.
Þá er rétt að minna á að mávar
sækja ekki bara í brauð heldur aðr­
ar matarleifar sem verða eftir á víða­
vangi, í opnum ruslatunnum og rusli
sem er fleygt í götuna og því æskilegt
að ganga vel um miðborgina hér eftir
sem endranær. n
astasigrun@dv.is
Isavia styrkir
björgunarsveitir
Síðastliðinn laugardag veitti Isavia
23 björgunarsveitum um allt land
samtals átta milljónir króna í
styrki til kaupa á hópslysabúnað.
Er þetta þriðja árið í röð sem veitt­
ir eru styrkir til björgunarsveita
úr styrktarsjóði Isavia, en samtals
hefur 20 milljónum króna verið
úthlutað í styrki úr sjóðnum.
Styrktarsjóðurinn var stofnaður
árið 2011 og tilgangur hans er að
bæta hópslysabúnað björgunar­
sveita Slysavarnarfélagsins Lands­
bjargar með sérstaka áherslu á
björgunarsveitir sem gegna hlut­
verki í flugslysaáætlunum. Upp­
haflega átti verkefnið að vera til
þriggja ára en hefur nú verið fram­
lengt um tvö ár. Áherslurnar hafa
einnig verið víkkaðar út, meðal
annars með hliðsjón af vinsælum
ferðamannastöðum. Isavia vill
þannig hjálpa björgunarsveitum
að takast á við aukið álag sem
fylgir auknum ferðamannastraumi
til landsins.
160 kíló af þýfi
í Norrænu
Tollverðir fundu rúm 160 kíló af
meintu þýfi í Norrænu við brottför
skipsins frá Seyðisfirði í síðasta
mánuði. Um var að ræða rúmlega
400 keramikeiningar, úr nýjum og
notuðum hvarfakútum, sem tveir
erlendir karlmenn hugðust flytja úr
landi. Hið meinta þýfi var haldlagt
á staðnum.
Hvarfakútar gegna því hlutverki
að hreinsa útblástursloft bifreiða og
draga úr skaðsemi þess fyrir um­
hverfið. Þynnur úr afar verðmætum
málmum, svo sem platínu og
palladíum, sem eru til dæmis einnig
notaðir til skartgripagerðar, skapa
þessa eiginleika hvarfakútanna.
Í hverjum hvarfakút geta verið
þrjár til fimm keramikeiningar og
með ákveðnum aðferðum er unnt
að einangra þessa góðmálma.
Mennirnir tveir höfðu sankað að
sér 128 einingum úr nýjum hvarfa­
kútum og 273 úr notuðum kútum.
Kaupverð hvers kúts getur hlaupið
á tugum þúsunda króna. Málið er í
rannsókn.
Búið að opna í
Dimmuborgum
Búið er að opna alla göngustíga
í Dimmuborgum í Mývatnssveit,
eftir að svæðinu var lokað tíma­
bundið á dögunum. Einn lítill skafl
er þó á Kirkjuhringnum og ein­
hverjir pollar á göngustígum, en
óhætt er að fara um svæðið án þess
að skaða viðkvæman gróður þess.
Umhverfisstofnun minnir ferða­
menn þó á að óheimilt er að ganga
utan göngustíganna og að gróður
er viðkvæmur á þessum árstíma.
Þrátt fyrir að enn sé maí eru nú
þegar töluvert margir gestir farnir
að heimsækja svæðið, en ferða­
mannastraumurinn hefur aukist
jafnt og þétt síðastliðin ár.
Vill skjalfest afnám
auðlegðarskattsins
n Stálfrúin í mál við ríkið vegna 35 milljóna n Á um 2.000 milljónir
G
uðrún Lárusdóttir, fram­
kvæmdastjóri og einn
eigenda útgerðarfyrirtækisins
Stálskipa í Hafnarfirði, vill fá
það skjalfest frá Bjarna Bene­
diktssyni, nýjum fjármála­ og efna­
hagsráðherra að auðlegðarskattur­
inn verði aflagður um næstu áramót.
Þessi orð lét hún falla í samtali við
vefútgáfu Viðskiptablaðsins á mánu­
daginn. Hún vill fá endurgreiddar 35
milljónir sem hún hefur greitt í auð­
legðarskatt en á sjálf eignarhlut í út­
gerðinni sem er um tveggja milljarða,
tvö þúsund milljóna króna, virði.
„Ég er ekki svona trúgjörn,“ sagði
hún um orð Bjarna sem höfð voru eft­
ir honum eftir undirritun stjórnarsátt­
mála nýrrar ríkisstjórnar Framsókn­
ar­ og Sjálfstæðisflokks í síðustu viku
um efasemdir hans um að auðlegðar­
skatturinn stæðist eignaréttarákvæði
stjórnarskrárinnar.
Um miðjan maí greindi Viðskipta­
blaðið jafnframt frá því að Guðrún
hefði stefnt íslenska ríkinu og krefð­
ist þess að ríkissjóður endurgreiddi
henni um 35 milljónir króna sem hún
hefur greitt í auðlegðarskatt á undan­
förnum árum en honum var kom­
ið á árið 2009. Verður mál hennar
tekið fyrir í Héraðsdómi Reykjavíkur
á næstunni.
Skilar ríkinu átta milljörðum
Árið 2012 fékk ríkissjóður alls átta
milljarða króna í tekjur í formi auð­
legðarskatts sem lagður var á eignir
5.200 einstaklinga. Almenni skattur­
inn nam 5,6 milljörðum króna. Við­
bótarauðlegðarskattur, sem lagður
er á muninn á nafnverði og raunvirði
hlutabréfaeignar í árslok 2010, nam
2,4 milljörðum króna. Við álagningu
árið 2012 var lagður tveggja prósenta
skattur á hreina eign einhleypings
umfram 150 milljónir króna og um­
fram 200 milljónir króna hjá hjónum.
Í þessu samhengi má geta þess
að raunverulegt virði 20 prósenta
eignarhlutar Guðrúnar Lárusdóttur í
Stálskipum nemur líklega um tveim­
ur milljörðum króna. Þá fer eigin­
maður hennar með jafn stóran hlut.
Bókfært virði eignar þeirra í Stálskip­
um nemur þó líklega ekki nema rétt
rúmum milljarði króna þar sem Stál­
skip ehf. bókfærir virði aflaheimilda
sinna nærri tuttugu sinnum lægra en
raunverulegt virði þeirra er.
Páll Kolbeins ritaði grein í
Tíund, fréttablað ríkisskattsstjóra,
í nóvember árið 2009 sem kallað­
ist „Eignir og skuldir Íslendinga“. Þar
kom fram að eftir bankahrunið í árs­
lok 2008 hafi 2.366 fjölskyldur átt
meira en 100 milljónir króna í hreina
eign en þessar fjölskyldur töldu fram
eignir sem voru samtals 543 milljarð­
ar króna umfram skuldir. DV greindi
nýlega frá því að hrein eign Íslendinga
umfram skuldir næmi í dag líklega
nærri 2.000 milljörðum króna. Miðað
við það ættu þessar fjölskyldur sem
teljast til 1,3 prósenta af heildarfjöld­
anum meira en fjórðung af hreinni
eign Íslendinga.
Vill líka losna við veiðigjaldið
Guðrún Lárusdóttir hefur verið áber­
andi vegna andstöðu sinnar við veiði­
gjaldið sem og auðlegðarskattinn
sem komið var á í tíð ríkisstjórnar
Samfylkingarinnar og Vinstri grænna.
„Við tókum þá erfiðu ákvörðun að
segja upp mannskapnum hjá okkur í
framhaldi af þeirri óvissu sem greinin
hefur búið við alltof lengi,“ sagði Guð­
rún í samtali við DV á mánudaginn.
Átti hún þar við veiðigjaldið sem hún
telur alltof hátt. Ástæða orða hennar
var sú að öll 25 manna áhöfn frysti­
togarans Þórs HF 4 frá Hafnarfirði
hefur fengið uppsagnarbréf en Þór er
eina skipið sem Stálskip ehf. gerir út.
Nýlega var greint frá því að nýju
ríkisstjórnarflokkarnir hefðu uppi
áform um afnám sérstaka veiðigjalds­
ins. Talið er að það eigi að skila um átta
til ellefu milljörðum króna í ríkiskass­
ann árlega. Samkvæmt áætlun sem
forsætisráðuneytið kynnti árið 2012
var gert ráð fyrir að nota 17,1 millj­
arð króna sem að mestu kæmi af sér­
staka veiðigjaldinu á árunum 2013 til
2015 til þess að fjármagna samgöngu­
mannvirki fyrir 7,5 milljarða króna
en þar á meðal eru Norðfjarðargöng,
sex milljarðar króna í rannsóknar­ og
tækniþróunarsjóð og 3,6 milljarðar
króna í sóknaráætlun landshluta. Ef
miðað er við að sérstaka veiðigjaldið
nemi árlega á bilinu átta til tólf millj­
örðum króna má gera ráð fyrir að
ríkis sjóður gæti orðið af 30 til 50 millj­
örðum króna í skatttekjur á komandi
kjörtímabili frá 2013 til 2017.
Ef ný ríkisstjórn Framsóknar­ og
Sjálfstæðisflokksins kemur því í fram­
kvæmd að afnema auðlegðarskatt­
inn sem og sérstaka veiðigjaldið má
gera ráð fyrir að ríkissjóður verði af
nærri 20 milljörðum króna í tekjur ár­
lega sé miðað við núverandi áætlan­
ir. Gert var ráð fyrir að ríkið fengi um
átta til ellefu milljarða króna í tekjur
af sérstaka veiðigjaldinu á núverandi
fiskveiðiári og líkt og áður kom fram
námu tekjur ríkissjóðs af auðlegðar­
skattinum alls átta milljörðum króna
árið 2012. n
Annas Sigmundsson
blaðamaður skrifar as@dv.is
Treystir ekki
„Ég er ekki svona trú-
gjörn,“ segir Guðrún
við Viðskiptablaðið
um orð Bjarna Bene-
diktssonar. Mynd hag
Skrifa undir Bjarni sagðist við undirritun stjórnarsáttmálans efast um lögmæti auðlegðarskattsins.
Ekkert brauð! Brauðbitinn
hjálpar ekki öndunum yfir
sumartímann.