Dagblaðið Vísir - DV - 14.01.2014, Síða 15

Vikublað 14.–16. janúar 2014 Fréttir Viðskipti 15
Finni Ingólfssyni ýtt út úr Frumherja
Í
slandsbanki hefur eignast 80
prósenta hlut í Frumherja. Í til­
kynningu frá bankanum kemur
fram að þetta sé niðurstaða fjár­
hagslegrar endurskipulagningar á
fyrirtækinu. Frumherji skilaði rúm­
um milljarði í hagnað í árið 2012,
samkvæmt nýjum ársreikningi fé­
lagsins. Viðsnúningur félagsins
frá 2011 ári er mikill, en þá tapaði
Frumherji 370 milljónum króna.
Frumherji, sem hefur verið í eigu
Finns Ingólfssonar og viðskiptafé­
laga hans í gegnum eignarhaldsfé­
lagið Spector, er með 32 starfsstöðv­
ar um allt land. Hjá fyrirtækinu
vinna rúmlega 100 manns – á sex
mismunandi sviðum. Fyrirtækið
gefur sig út fyrir að vera „sérfræði­
fyrirtæki sem veitir alhliða þjónustu
á sviði ýmiss konar skoðana og próf­
ana ásamt annarri starfsemi“. Flest
starfssvið félagsins eru rekin sam­
kvæmt viðurkenndum gæðastöðl­
um.
Bókfærður gengishagnaður fé­
lagsins er upp á 1.461 milljón króna
sem útskýrir hagnað þess. Sam­
kvæmt efnahagsreikningi nema
eignir samstæðunnar 2.867 milljón­
um króna, eða tæpum þremur millj­
örðum og er eigið fé neikvætt sem
nemur 334 milljónum.
Finnur Ingólfsson, fjárfestir og
fyrrverandi þingmaður, hefur hætt
öllum afskiptum af félaginu sam­
kvæmt Ásgeiri Baldurs, stjórnarfor­
manni. Finnur hefur ekki selt hlut
sinn, heldur var hann afskrifaður
frá félaginu og nýtt hlutafé er komið
í staðinn. Í ársreikningi Frumherja
fyrir árið 2011 kom fram að Finnur
hafi haldið fyrirtækinu eftir að hafa
staðið í áralöngum samningavið­
ræðum við Íslandsbanka um fram­
tíðareignarhald þess.
Í skýrslu stjórnar, skrifaðri af Orra
Hlöðverssyni, framkvæmdarstjóra
Frumherja, kemur fram að tveir
hluthafar eru í félaginu og í árslok á
Spector ehf. 99,9 prósent af hlutafé
félagsins. Þá hafa skattyfirvöld tek­
ið til skoðunar samruna félagsins
við Bil árið 2007 og yfirtekinn fjár­
magnskostnað. „Ljóst er að ef frá­
drætti vegna þessa fjármagnskostn­
aðar verður hafnað mun það hafa í
för með sér verulegar skattgreiðsl­
ur vegna áranna 2007–2011 sem
og veruleg neikvæð áhrif á fjár­
hagsstöðu félagsins og getu þess til
áframhaldandi reksturs,“ stendur í
ársreikningnum varðandi málið.
Hreinsibílar ehf. er eina dóttur­
félag Frumherja. n
ingolfur@dv.is
Bílaskoðunarfyrirtækið Frumherji skilaði milljarði í hagnað árið 2012
Keypti fyrirtækið árið 2007
Finnur Ingólfsson er genginn út.
Hluthafi Moggans
kaupir félag 365
n Leggst vel í Póstdreifingu að losna úr viðjum 365 miðla
F
yrirtækið Traðarsteinn ehf.
er í viðræðum um kaup á
Póstdreifingu, dótturfélagi
365 miðla, og er áætlað að
gengið verði frá kaupunum í
mánuðinum. Þetta staðfestir Hann­
es Hannesson, framkvæmdastjóri
Póstdreifingar, í viðtali við blaða­
mann DV.
„Það er rétt,“ segir Hannes. „Það
eru þreifingar á milli aðila um þessi
mál og þetta leggst vel í okkur.“
Þorsteinn Már stór hluthafi í
Morgunblaðinu
Traðarsteinn er einkahlutafélag sem
var stofnað í maí 2010 og er, sam­
kvæmt heimildum DV, stýrt af Þor­
steini Má Baldvinssyni og Malcolm
Walker, þótt það sé í eigu son­
ar hans, Þorsteins Baldvinssonar,
og fyrrverandi eiginkonu, Helgu S.
Guðmundsdóttur. Malcolm Wal­
ker er stofnandi og forstjóri bresku
matvörukeðjunnar Iceland Foods
og Þorsteinn Már Baldvinsson er
forstjóri Samherja og er jafnframt
hluthafi í Morgunblaðinu. Malcolm
Walker er einnig gamall viðskiptafé­
lagi Jóns Ásgeirs Jóhannessonar.
Því má segja að með kaupun­
um séu eigendur Morgunblaðsins
að læðast bakdyramegin inn í 365
miðla.
Krossanes ehf. sem er í eigu
Þorsteins Más er næststærsti út­
gerðarhluthafinn í Morgunblaðinu.
Hluturinn nemur um 18,5 prósent­
um. Þá á Síldarvinnslan í Neskaup­
stað liðlega sex prósenta hlut í
blaðinu, en hún er í helmingseign
Samherja, fyrirtæki Þorsteins. Því
má segja að Samherji eigi saman­
lagt um 23 prósenta hlut í Morgun­
blaðinu.
365 opið fyrir
sölu á Póstdreifingu
Ari Edwald, forstjóri 365 miðla, seg­
ir viðskiptin enn þá vera í vinnslu og
vildi því ekki hafa mörg orð um þau.
Hins vegar viðurkennir Ari að 365
miðlar hafi verið opnir fyrir því að
selja Póstdreifingu.
„Það er rétt að við höfum verið
opnir fyrir þeirri hugmynd að selja
Póstdreifinguna frá okkur,“ segir Ari
Edwald, en 365 miðlar eru að stærst­
um hluta í eigu Ingibjargar Pálma­
dóttur, eiginkonu Jóns Ásgeirs. „Í
sjálfu sér er ekki nauðsynlegur hluti
af okkar starfsemi að vera eigendur
að dreifingunni, ekki frekar en við
erum eigendur að prentsmiðjunni
sem prentar blaðið,“ útskýrir Ari enn
fremur.
Ari þvertók hins vegar fyrir þann
orðróm að 365 miðlar hafi verið til
sölu í þónokkurn tíma. „Það er ekki
inni í neinum kortum,“ segir Ari um
hugsanlega sölu fyrirtækisins. „Þetta
er rangt, þrátt fyrir að einhverjir
endurtaki í sífellu að 365 sé til sölu.
Það er það ekki.“
Gæfuspor fyrir Póstdreifingu
Hannes hjá Póstdreifingu telur rétt
skref fyrir fyrirtækið að losna undan
viðjum 365 miðla. Póstdreifing hef­
ur séð um dreifingu Fréttablaðsins
undanfarin ár og er áætlað að þau
viðskipti haldi áfram þrátt fyrir yfir­
vofandi sölu 365 miðla á fyrirtækinu.
„Ég held að þetta gæti orðið gæfu­
spor fyrir fyrirtækið,“ segir Hannes.
„Í raun og veru verðum við sjálf­
stæð, en ekki dótturfélag lengur, og
það gefur okkur svigrúm til athafna
og að sækja á okkar markmið.
Við erum búin að vera í
samkeppni við Íslandspóst í mörg
ár og við ætlum bara að efla þá
samkeppni.“
Heldur að Eiríkur sé að grínast
Eiríkur Jónsson segist á fréttavef sín­
um hafa góðar heimildir fyrir því
að kaup Traðarsteins ehf. á Póst­
dreifingu sé fyrsta skref Morgun­
blaðsins til að yfirtaka 365 miðla.
Þar fullyrðir Eiríkur einnig að fjöl­
miðlafyrirtækið hafi verið til sölu
um nokkurt skeið. Ari Edwald segir
orðróminn fráleitan og ályktanir Ei­
ríks vera fjarri raunveruleikanum.
Þegar blaðamaður spyr Ara hvort
hann hafi lesið umrædda frétt Eiríks
segist hann ekki kannast við hana.
„Ég veit ekki hvernig ég ætti að
vita það,“ segir Ari. „Það sem felst
í mínu svari er að ég hafi annað að
gera heldur en að fylgjast með því
hvað hann er að skrifa. Ég held að
þetta sé nú meira grín hjá honum
Eiríki.“
Hannes hafði heyrt af frétt Eiríks,
en gefur lítið fyrir orðróminn.
„Ég legg ekki nokkurn trúnað á
það,“ segir Hannes. „Ég kannast ekk­
ert við þetta plott sem hann er að
leggja upp.“
Í samtali við blaðamann seg­
ist Eiríkur Jónsson standa við sinn
fréttaflutning. n
„Höfum verið opn-
ir fyrir þeirri hug-
mynd að selja Póst-
dreifinguna frá okkur.
Ingólfur Sigurðsson
ingolfur@dv.is
365 Hafa verið
opnir fyrir því
að selja Póst-
dreifingu.
Marel styrkir
nýsköpun
Frumkvöðlasetur Klak Innovit og
útflutningsfyrirtækið Marel hafa
skrifað undir áframhaldandi
samning um hugmynda­
samkeppni framhaldsskólanna
sem nefnist Snilldarlausnir
Marel. Keppnin, sem fer fram á
hverju ári, gengur út á að virkja
ímyndunaraflið. Marel hefur
verið ötull bakhjarl keppninnar
frá árinu 2009. Útflutningsfyrir­
tækið mun eiga fulltrúa í dóm­
nefnd og jafnframt halda lokahóf
fyrir þátttakendur í lok keppn­
innar.
Marel er alþjóðlegt fyrirtæki
með yfir fjögur þúsund starfs­
menn um allan heim og er með
dótturfyrirtæki í meira en 30
löndum.
Umdeildur
RIFF-styrkur
Borgarstjórnarflokkur
Sjálfstæðis flokksins vill halda
áfram að styrkja alþjóðlegu kvik­
myndahátíðina RIFF, sem haldin
hefur verið á Íslandi við góðan
orðstír. „Okkur finnst illa farið
með samstarfsaðila til margra
ára og ákvörðun meirihlutans
í þessu máli ekki nógu vel
ígrunduð,“ segir Áslaug Friðriks­
dóttir borgarfulltrúi. Meirihluti
Besta flokksins og Samfylkingar
vill hætta að styrkja hátíðina.
RIFF hefur iðulega verið stökk­
pallur fyrir unga kvikmynda­
gerðarmenn, hérlenda sem
erlenda. Óvíst er hvort rekstrar­
grundvöllur sé nægjanlegur til
að hátíðin verði að veruleika á
þessu ári, en hún er vanalega
haldin á haustin, slíti borgaryfir­
völd samstarfinu.