Dagblaðið Vísir - DV - 21.02.2014, Blaðsíða 24

Helgarblað 21.–24. febrúar 201424 Fréttir Erlent
Þjóðverji berst fyrir því að háþrýstidælur til mannfjöldastjórnunar verði ekki leyfðar í Bretlandi
T
æplega sjötugur Þjóðverji,
Dietrich Wagner, blindaðist
eftir að lögregla sprautaði í
andlit hans úr öflugri vatns­
dælu á mótmælum. Atvikið
átti sér stað fyrir fjórum árum í þýsku
borginni Stuttgart.
Nú hefur Wagner lagt land undir
fót og er þessa dagana í Bretlandi
þar sem hann freistar þess að hitta
borgar stjóra Lundúna, Boris Johnson.
Ástæðan er sú að bresk yfirvöld íhuga
þessa dagana hvort taka eigi í notkun
háþrýstidælur líkt og þær sem notað­
ar voru í mótmælunum í Stuttgart árið
2010.
Wagner segir við breska ríkisút­
varpið, BBC, að dælurnar geti reynst
stórhættulegar og hann ætli að gera
sitt besta til að fá bresk stjórnvöld til
að falla frá áætlunum sínum.
Augun úr augnatóftunum
Wagner, sem er 69 ára, slasaðist alvar­
lega þegar verið var að mótmæla nýrri
miðstöð lestarsamgangna í borginni.
Mótmælin fóru úr böndunum og
fékk Wagner, sem er verkfræðingur
að mennt, á sig vatn úr háþrýstispúl
sem óeirðalögreglan notar til mann­
fjöldastjórnunar. Meiðsli hans voru
meiriháttar; augnlok hans rifnuðu,
andlitsbein við augun brotnuðu sem
varð til þess að augun féllu úr augna­
tóftunum. Þó að afar sjaldgæft sé að
fólk verði fyrir viðlíka meiðslum sýna
meiðslin að vatnsbyssur sem þessar
geta verið stórhættulegar, jafnvel lífs­
hættulegar. „Skyndilega fékk ég þungt
högg á andlitið og féll aftur fyrir mig,“
rifjar Wagner upp. Wagner er talinn
hafa rotast við höggið og rankaði
hann við sér þegar tveir mótmælend­
ur báru hann í öruggt skjól. „Ég man
að ég sá ekki neitt. Það var allt svart. Á
þeim tímapunkti áttaði ég mig ekki á
að augun stóðu út úr augnatóftunum.“
„Ofbeldistæki“
Wagner þurfti á sex aðgerðum að
halda eftir atvikið. Stálplötu var meðal
annars komið fyrir í höfði hans en
ekki reyndist unnt að bjarga sjóninni
nema að verulega takmörkuðu leyti.
Er Wagner í dag einungis með átta
prósenta sjón á öðru auga en alveg
blindur á hinu.
Í samtali við BBC segist Wagner
vonast til þess að bresk yfirvöld hlusti
á það sem hann hefur fram að færa
og dragi lærdóm af því sem kom fyrir
hann. Nú er verið að safna umsögn­
um frá almenningi um hvort lögregla
fái að nota háþrýstidælur til mann­
fjöldastjórnunar en þegar á hólminn
verður komið mun innanríkisráð­
herra Bretlands, Theresa May, taka
ákvörðun. Boris Johnson borgarstjóri
er sagður fylgjandi dælunum. „Þetta
er ekki lýðræðistæki. Þetta er ofbeldis­
tæki,“ segir Wagner.
Engin meiðsli í Norður-Írlandi
Lávarðadeild breska þingsins ræddi
um málið í síðustu viku, hvort leyfa
ætti notkun háþrýstidæla, utan
Norður­ Írlands þar sem byssurnar
eru notaðar. Samtökin Association of
Chief Police Officers í Bretlandi hafa
þegar gefið skýrslu um málið þar sem
meðal annars kemur fram að dælurn­
ar geti vissulega valdið „alvarlegum
meiðslum og jafnvel dauða“. Þrátt fyrir
það er bent á að þær hafi verið notaðar
í Norður­Írlandi undanfarinn áratug
og þar hafi engin meiðsli verið skráð
vegna notkunar þeirra. n
Blindur eftir
háþrýstispúl
Einar Þór Sigurðsson
einar@dv.is
Ofbeldistæki Wagner segir að vatnsbyssur séu ekkert annað en ofbeldistæki. Hann er með átta prósenta sjón á öðru auga eftir að hafa
orðið fyrir barðinu á einni slíkri.
Illa útleikinn Eins og sést á þessum borða var Wagner illa útleikinn eftir atvikið í
Stuttgart 2010.
„Á þeim tíma-
punkti áttaði
ég mig ekki á að
augun stóðu út úr
augnatóftunum
Handtekinn í tengslum við morðin
Rannsókn á morðunum við Annecy-vatn í Frakklandi í fullum gangi
L
ögreglan í Frakklandi hefur
handtekið 48 ára karlmann í
tengslum við viðamikla rann­
sókn á morðum við Annecy­
vatn í frönsku Ölpunum þann 5. sept­
ember árið 2012. Morðin vöktu mikla
athygli á sínum tíma, ekki síst vegna
þess að svo virðist vera sem um þaul­
skipulagðan verknað hafi verið að
ræða.
Írakskur verkfræðingur með
breskt vegabréf, Saad Al­Hilli, eigin­
kona hans, Ikbal, og móðir hennar,
Suhaila al­Allaf, voru myrt með
köldu blóði um hábjartan dag í bif­
reið sem þau ferðuðust í. Franskur
hjólreiðamaður, Sylvain Mollier, var
einnig skotinn til bana en dætur Al­
Hillis, Zainab og Zeena, lifðu árásina
af. Þrátt fyrir viðamikla rannsókn var
lögregla engu nær en nú virðist vera
sem hún sé komin á sporið.
Á þriðjudag var 48 ára karlmað­
ur handtekinn vegna rannsóknar
málsins. Maðurinn var handtekinn
skömmu eftir að lögregla birti teikn­
ingu af mótorhjólamanni sem grun­
ur leikur á að hafi verið á svæðinu
þegar morðin voru framin. Lögregla
hefur ekki gefið upp hvað maðurinn
heitir eða hvar hann var handtek­
inn og segir talsmaður lögreglunn­
ar í Annecy að verið sé að rannsaka
hvort og þá hvernig maðurinn tengd­
ist fórnarlömbunum.
Í september í fyrra greindi
breska blaðið The London Evening
Standard frá því að flest benti til þess
að leigumorðingi hafi verið að verki.
Vísaði blaðið í heimildarmann innan
frönsku lögreglunnar. Sá vísaði í trú­
verðugan framburð vitnis sem sagði
að leigumorðinginn hefði komið
frá landi við Balkanskagann. Þá hafi
morðin mögulega tengst deilum um
arf innan Al­Hilli­fjölskyldunnar en
vitað var að Saad Al­Hilli og bróðir
hans höfðu átt í deilum um eigur sem
faðir þeirra átti. Bróðir Saads, Zaid
Al­Hilli, var handtekinn vegna gruns
um að hafa skipulagt morðið en hon­
um var sleppt þar sem engar sannan­
ir gegn honum lágu fyrir. n
einar@dv.is
Teikningin Hér má sjá teikninguna sem lögregla dreifði til almennings. Nú hefur 48 ára
karlmaður verið handtekinn.
Sykursam-
ráð skekur
Þýskaland
Þjóðverjar hafa um nokkurra ára
skeið greitt of hátt verð fyrir sykur.
Þýsk yfirvöld lögðu á dögunum
280 milljóna evra stjórnvaldssekt,
jafngildi 43 milljarða króna, á þrjú
stærstu fyrirtæki Þýskalands sem
sýsla með sykur. Voru þau fundin
sek um ólöglegt verðsamráð. Leit­
uðu fyrirtækin leiða til að hækka
verð og þar af leiðandi fá meira
fyrir sinn snúð frá grunlausum
þýskum neytendum. Fyrirtækin
sem um ræðir, Pfeiler & Langen,
Südzucker og Nordzucker, hafa
möguleika á að áfrýja málinu til
Hæstaréttar Dusseldorf­borgar.
Yfirmenn áttu
þátt í sjálfsvígi
Tveir yfirmenn manns sem framdi
sjálfsvíg í Svíþjóð árið 2010 hafa
verið dæmdir í skilorðsbundið
fangelsi og til greiðslu sektar vegna
dauða undirmannsins. Mennirnir
störfuðu allir fyrir sveitarfélag í
norðurhluta Svíþjóðar. Dómstóll í
Östersund komst að þeirri niður­
stöðu í vikunni að sannað væri að
yfirmennirnir, 55 og 57 ára, hefðu
lagt undirmann sinn, Lars Pers­
son, í einelti sem átti sinn þátt í
því að hann ákvað að svipta sig lífi.
Eiginkona Persson sagði við Afton­
bladet í fyrra að eineltið hefði
valdið manni hennar miklu hugar­
angri; hann fengið magakrampa,
átt erfitt með svefn og að lokum
hafi hann ákveðið að svipta sig lífi.
Á sjúkrahús
eftir kanna-
biskökuát
Háskólanemi í Madrid á Spáni
féll í dá og níu aðrir voru fluttir á
sjúkrahús á sunnudag eftir að hafa
borðað köku sem innihélt kanna­
bisefni. Afmælisveisla hafði verið
haldin kvöldið áður í Alfonso X­
háskólanum í Madrid þar sem
hópurinn, allt karlar á aldrinum 19
til 22 ára, ætlaði að gera sér glaðan
dag; borða köku og komast í vímu.
Eitthvað fór kakan illa í
veislugesti og þurftu allir tíu sem
borðuðu kökuna að leita sér
læknisaðstoðar vegna hjartsláttar­
truflana daginn eftir. Einn féll í dá
sem fyrr segir en hann mun þó
vera á batavegi. Ekki liggur fyrir
hvort önnur efni, sem höfðu þessi
áhrif, hafi verið í kökunni. Rektor
skólans, José Domínguez, sagði
við spænska fjölmiðla að um­
ræddum nemendum verði refsað
fyrir uppátæki sitt.