Dagblaðið Vísir - DV - 21.02.2014, Blaðsíða 42

Helgarblað 21.–24. febrúar 201442 Lífsstíll
T
rússferðir hafa notið vax­
andi vinsælda undanfar­
in ár. Í þessum ferðum er
farangur og vistir fluttar á
milli staða en göngufólk
gengur aðeins með léttan dagpoka
með nesti og hlífðarfatnaði. Páll
Guðmundsson, framkvæmdastjóri
Ferðafélags Íslands, segir marga
taka alltof mikinn farangur með sér
í slíkar ferðir, en að mikilvægt sé að
fá hvíld frá því neyslusamfélagi sem
við lifum í.
Hægindastólar,
hljómborð og tölvur
„Vinsældir trússferða eru eðlilegar.
Þær gefa fleirum kost á að ferðast um
svæði með þægilegum hætti og njóta
útivistar og náttúru,“ segir Páll.
„Þrátt fyrir að trússferðir séu
allra góðra gjalda verðar má segja
að þær hafi smám saman farið úr
böndunum hjá ferðahópum hér á
landi. Sterk tilhneiging er hjá ferða­
mönnum að taka of mikið með sér
af vistum. Mörg dæmi eru um að í
20 manna ferðahópi í viku sumar­
leyfisferð hafi búnaður og vistir ver­
ið tvö til þrjú tonn. „Trússurum“
hafa fallist hendur þegar hlaða á
vistir um borð í báta, bíla eða rútur.
Í einhverjum tilfellum hafa farþegar
í ferðum tekið með sér hægindastól,
hljómborð og tölvur. Oft hefur það
tekið eina til tvær klukkustundir að
hlaða vistunum um borð. Þá hjálp­
ast menn að og telja það ekki eftir
sér að bera allt um borð þegar ver­
ið er að leggja af stað. Algengt er svo
þegar ferð er að ljúka að menn klóri
sér í höfðinu þegar verið er að bera
allt til baka um borð og þá stundum
helmingurinn ónotaður.“
Huga þarf að matnum
„Góð regla í trússferðum er að taka
með sér það sem maður getur sjálfur
borið í einni ferð, til dæmis um borð
í bátinn. Ef þú þarft að fara margar
ferðir með þinn eigin farangur þá er
það vísbending um að þú sért með of
mikið af farangri með þér,“ segir Páll.
„Farangurinn í þessum ferðum er
eitt, maturinn er annar kapítuli. Auð­
vitað er gaman að gera vel við sig og
hafa góða máltíð í ferðinni en þegar
reiddar eru fram þriggja til fjögurra
rétta lúxusmáltíðir mörg kvöld í röð,
betri og veglegri en fá má á fínustu
veitingastöðum, þá má spyrja hvort
við séum á réttri leið. Lúxusferðir eru
sannarlega ein tegund af því sem er í
boði í ferðaúrvalinu en þegar flestall­
ar ferðir eru orðnar að lúxusferð þá
erum við kannski búin að missa
sjónar á tilganginum.“
Hvíld frá neyslusamfélaginu
Páll segir mikilvægt að komast út
í óbyggðirnar. „Í sumarleyfisferð­
um Ferðafélags Íslands er í mörg­
um tilvikum ferðast um óbyggðir og
eyðisvæði og þá gefst fólki kostur á
að upplifa náttúruna með öðrum
hætti en dags daglega og þá kom­
ast menn í snertingu við uppruna
sinn. Hluti af því að upplifa nátt­
úruna, söguna og menninguna er
einfaldleiki, nægjusemi og hófsemi,
sem og virðing fyrir náttúrunni. Þá
upplifa menn einnig frelsið, í marg­
víslegri merkingu þess orðs. Meðal
annars frelsi og hvíld frá því neyslu­
samfélagi sem við búum í.“
Nýta mat úr heimabyggð
„Með góðum undirbúningi og fyrir­
grennslan er í mörgum tilvikum
hægt að njóta þess sem matarkista
náttúrunnar býður upp á. Einnig
er tilvalið fyrir ferðafólk að nýta
sér sem mest mat úr heimabyggð.
Það er bæði fjölbreytilegt, fróðlegt
og skemmtilegt og eykur tengsl við
þjónustuaðila í héraðinu. Nú þegar
sumarið er fram undan þá er gott
fyrir ferðahópa að skipuleggja ferð­
irnar og finna út hvernig þeir vilja
hafa sumarleyfisferðirnar.“ n
Frelsi í náttúrunni Páll segir fólk
komast í snertingu við uppruna sinn þegar
það ferðast um óbyggðir og eyðisvæði.
Trúss í ferðum
n Varast skal að taka of mikið n Margir vilja þriggja rétta lúxusmáltíðir
Matur úr náttúrunni Páll segir skemmtilegt að nýta mat úr heimabyggð sem og að
borða það sem náttúran býður upp á.
Ekki taka of mikið „Ef þú þarft að fara margar ferðir með þinn eigin farangur þá er það
vísbending um að þú sért með of mikið af farangri með þér,“ segir Páll.
Reglur í
fjallaskálum
Vetrarumferð ferðafólks hefur nú
aukist að nýju eftir að verulegur
samdráttur var í umferð ferða­
manna um hálendið eftir hrun.
Nú þegar umferðin er að aukast
er mikilvægt að minna alla ferða­
menn að ganga vel um fjallaskála
og skilja við þá í því ástandi sem
þeir vilja sjálfir koma að þeim:
Gisting í skálum Ferðafélags
Íslands utan gæslutíma
Umgengnisreglur
n Þeir sem hafa pantað gistipláss njóta
forgangs.
n Svefnfriður skal ríkja frá kl. 24.00 til
07.00.
n Reykingar eru bannaðar í skálum
félagsins.
n Gestir eru beðnir að virða skálareglur
sem hanga uppi á hverjum stað.
n Gestir eru vinsamlega beðnir um að
hleypa ekki inn í skála öðrum en þeim
sem hafa gildar gistibeiðnir.
Áður en farið er heim
n Mikilvægt er að loka öllum gluggum
tryggilega og læsa útidyrum.
n Þrífa borð, sópa og skúra gólf.
n Athuga að örugglega sé skrúfað fyrir
allt gas.
n Vaska upp, þurrka og ganga frá öllum
eldhúsáhöldum í skápa.
n Hrista dýnur og setja þær upp á rönd í
rúmstæðunum.
n Þrífa útigrill, hafi það verið notað.
n Alls ekki skilja sorp eftir í eða við
skálana.
Vinsamlega athugið
Gestum er ráðlagt að taka með
sér viskustykki, handklæði og
tuskur. Ekki er hægt að treysta á
að slíkt sé að finna á staðnum.
Ekkert rennandi vatn er í
skálum utan gæslutíma, því þarf
að sækja vatn utanhúss. Athug­
ið að hella ekki vatni né öðru í
vaskana því það frýs í lögnunum
sem við það geta skemmst.
Vatnssalerni eru lokuð en
kamrar eru við alla skálana. Alls
ekki henda rusli í kamrana!
Engin sorphirða er í skálun­
um. Gestir verða því að taka
með sér allt sorp í bæinn eða
næsta sorpgám. Ath! Sorpgámar
eru við skálana í Landmanna­
laugum, Hvanngili og í Langadal
í Þórsmörk.
Skilið lykli á skrifstofu FÍ við
heimkomu. Gestir eru beðnir
um að láta vita ef eitthvað er bil­
að, brotið eða aðfinnsluvert í
skálunum. Allar athugasemdir
um betrumbætur eru vel þegn­
ar. Vinsamlegast skiljið við skál­
ann eins og þið viljið taka við
honum.
D
V ræddi við margreynda
fjallgöngumenn og fékk
góð ráð um hvernig eigi að
búa sig til ferðar. Auk þess
að klæða sig vel er mikil­
vægt að vita hvert maður er að fara
og að láta einhvern nákominn vita
af ferðum sínum. Hér eru sex atriði
sem hver einasti fjallgöngumaður
ætti að vera með á hreinu.
Góður útbúnaður
Grunnskilyrði fyrir fjallgöngu er
að vera vel í stakk búinn og búast
við því versta. Lykilatriði er að vera
í góðum skóm og með aukaflíkur
í töskunni. Passaðu þó upp á að
verða ekki of heitt á leiðinni upp.
Nesti
Það er mikilvægt að næra sig vel og
drekka nóg af vatni fyrir brottför.
Taktu með nesti og nóg af vatni.
Meira, frekar en minna – enda ekki
sérstök tilhugsun að finna fyrir
hungri uppi á fjallstind.
Veðurspá
Það tekur enga stund að kíkja á
veðurspána. Ekki láta neitt koma
þér á óvart. Við búum nú einu
sinni á Íslandi.
Þekkja leiðina
Áður en lagt er af stað er nauðsyn­
legt að vita hvert maður ætlar
að fara. Ekki ganga út í buskann.
Stingdu landakorti í rassvasann.
Það má snúa við
Sumir segja að það séu til tvær
týpur af fjallgöngumönnum,
annars vegar varkárir og hins
vegar dauðir. Það er allt í lagi að
snúa við, sama hversu lítilvæg
ástæðan er.
Vertu með símann
Láttu vita af þér. Hringdu í ein­
hvern sem er þér nákominn, segðu
nákvæmlega frá ferðalagi þínu og
hvenær þú búist við að koma aft­
ur á heimaslóðir. Snjallsímar þola
kulda illa og því er tilvalið að eiga
gamla, góða Nokia­símann fyrir
fjallgöngurnar. n
ingolfur@dv.is
Með allt á hreinu fyrir fjallgöngu
n Láttu ekkert koma þér á óvart n Það má snúa við á miðri leið
Skoðaðu veðurspána Það
getur dregið fyrir sólu á auga-
bragði og þá er gott að vera
með aukapeysu í töskunni.