Dagblaðið Vísir - DV - 21.02.2014, Blaðsíða 41

Lífsstíll 41Helgarblað 21.–24. febrúar 2014
E
rna Katrín Árnadótt-
ir er 24 ára fluggagna- og
landfræðingur. Hún er mik-
ill matgæðingur og held-
ur úti matarbloggsíðunni
RottenShark.com þar sem hún
deilir uppskriftum að hefðbundn-
um íslenskum mat en matar-
gerðina lærir hún ýmist hjá ömmu
sinni og afa eða á elliheimilum
landsins.
Kann betur að
sjóða pasta en fisk
„Þetta er matarblogg á ensku
um íslenskan mat, sem er samt
smá nútímavæddur. Núna eru til
dæmis komið alls konar krydd
sem var ekki til í gamla daga,“ seg-
ir Erna. Hún segir hugmyndina að
matarblogginu hafa kviknað eftir
matarboð hjá tengdamóður sinni.
„Fyrir nokkrum mánuðum var
mér boðið í mat til tengdamömmu
minnar og hún var með soðna ýsu,
gellur og hamsatólg. Þá fór ég að-
eins að hugsa að ég vissi ekki ná-
kvæmlega hvernig ferlið væri við
að sjóða fisk. Ég kann miklu betur
að sjóða pasta en fisk. Og þá kvikn-
aði skyndilega hjá mér áhugi á ís-
lenskri matargerð og fannst tilval-
ið að sanka að mér uppskriftum
og fara til ömmu og afa og læra
þetta. Þannig að þetta var eigin-
lega þá; þegar ég borðaði gellur og
hamsatólg.“
Heimsækir elliheimilin
Aðspurð segist Erna afar hrifin af
íslenskum mat, þó svo að hann sé
ekki eins oft á boðstólum og áður.
„Þegar ég var lítil þá var
mamma alltaf vön að hafa fisk að
lágmarki þrisvar í viku en svo ein-
hvern veginn dó það út og í matinn
urðu oftar pítsur og pasta, sushi og
kjúklingaréttir.“
Erna þurfti þó ekki að leita langt
til þess að læra réttu handtökin í
íslenskri matargerð.
„Tengdamamma mín er mikill
kokkur og hún er mikið fyrir svið
og slátur og svoleiðis. Svo get ég
leitað til ömmu minnar og afa og
líka langömmu minnar,“ segir hún.
„Svo heimsæki ég meira að
segja vinkonu ömmu minnar sem
er á elliheimili þannig að ég er að
hitta fjölda snillinga á elliheimil-
um landsins.“
Er enn að læra
„Ég er að læra þetta og deili svo
mínum lærdómi með öðrum á síð-
unni, helst þá ungu kynslóðinni
og kannski erlendum ferðamönn-
um sem vilja fræðast um íslenskan
mat,“ segir Erna. Hún er nú kom-
in upp á lagið með að sjóða fisk og
útbúa hamsatólg en á margt eftir
ólært.
„Ég er ennþá að læra. Í
næstu viku er ég til dæmis að
fara til ömmu að læra að gera
saltfiskkássu,“ segir hún og bætir
við að matreiðslukennslan sé ekki
síst góð samverustund með ömmu
hennar og afa.
„Mér finnst gaman að heim-
sækja þau og þeim finnst líka gam-
an að hafa eitthvað að gera og vera
með barnabarninu sínu.“
Elskar fisk í karríi
Erna er mikill matgæðingur og
segist nú elda hefðbundna ís-
lenska rétti mikið í bland við það
sem flestir eiga að venjast í dag.
„Það er svolítið eins og gamli,
góði íslenski maturinn hafi gleymst
og mér finnst að það mætti vera
meira af honum á kvöldverðar-
borðinu,“ segir hún og bætir við
að hún haldi nú mikið upp á þessa
matargerð.
„Það nýjasta í uppáhaldi er fisk-
ur í karríi, sem er einmitt inni á
heimasíðunni. Hann er einfaldur
og mér finnst hann mjög góður.“
En hvað með þorramatinn?
„Mér finnst lifrarpylsa og blóðmör
mjög góð og ég borða alveg svið en
mér finnst svolítið skrýtið að borða
augun.“ n
Bloggar um íslenska matargerð
Lærði að sjóða fisk
hjá ömmu og afa
Ofnbökuð ýsa
með karríi
Uppskrift
Innihald:
n 1,7 kg ýsuflök
n 200 g hrísgrjón
n 1 bolli AB-mjólk
n 1 bolli súrmjólk
n 4 msk. majónes
n 3 tsk. karrí
n 2 tsk. salt
n ¼ tsk. pipar
Aðferð:
Skref 1: Sjóðið hrísgrjónin.
Skref 2: Hrærið saman AB-mjólk, súr-
mjólk, majónes, karrí, salt og pipar.
Skref 3: Skerið fiskinn í stóra bita (eitt
flak er um fjórir til fimm bitar)
Skref 4: Takið stórt eldfast mót og
smyrjið með olíu. Setjið hrísgrjónin í
mótið og raðið svo fiskbitunum þétt
ofan á. Hellið sósunni yfir fiskinn og
dreifið svo rifnum osti yfir. Setjið í ofn
og bakið í 25 til 35 mínútur á 200°C.
Hörn Heiðarsdóttir
horn@dv.is
Þorrabakki Erna Katrín útbjó þorrabakka með öllu tilheyrandi. Mynd ErnA KAtrín ÁrnAdóttIr
Matgæðingur
Erna Katrín er mikill
matgæðingur.
Girnilegt Pönnukökur ömmu Dísu.
Mynd ErnA KAtrín ÁrnAdóttIr
Fæst apótekum, Krónunni, Nóatúni og Grænni heilsu
Grænkál í
staðinn
fyrir snakk
Einstaklega gott snarl
Grænkál er með hollari fæðu
sem hægt er að finna, en það er
ríkt af beta-karótíni, K-vítamíni,
C-vítamíni og kalsíum. Líkt og
spergilkál inniheldur grænkál
sulforaphane, en það er talið
hafa verndandi áhrif gegn
krabbameini. Þá hefur grænkál
einnig góð áhrif á kólesteról-
magn líkamans og því frábær
fæða til að neyta á milli mála.
Skemmtileg leið til að matreiða
grænkál er að útbúa grænkáls-
flögur. Þær eru frábært snarl
sem kemur í staðinn fyrir popp-
korn og kartöfluflögur og eru
auk þess mun hollari kostur.
Flögurnar er líka afar einfalt
að útbúa og getur hver og einn
kryddað þær að vild.
Skerið stóru stilkana af kál-
hausnum, því eingöngu blöðin
eru notuð. Rífið blöðin í litla bita
og setjið í skál. Þvoið grænkáls-
blöðin með vatni og þurrkið svo
vel, til dæmis með bréfþurrku.
Dreypið ólífuolíu yfir kálið þegar
það hefur þornað og veltið því
svo upp úr olíunni. Stráið salti,
pipar og sesam fræjum yfir kálið
og veltið til. Raðið kálinu svo á
bökunarplötu og bakið inni í ofni
á 200°C í fimm til tíu mínútur, eða
þar til grænkálið er orðið stökkt
og dökkgrænt að lit. Gott er að
snúa grænkálinu við á meðan
það bakast til að það verði stökkt
á alla kanta. Athugið að hver og
einn getur kryddað kálið að vild.
Það er til dæmis gott að setja
papriku-, chili- eða hvítlauksduft,
cayenne-pipar eða parmesanost
út á kálið.
„Í næstu
viku er ég til
dæmis að fara til
ömmu að læra að
gera saltfiskkássu