Dagblaðið Vísir - DV - 01.04.2014, Qupperneq 10
10 Fréttir
Vikublað 1.–3. apríl 2014
„Þeir borga sem njóta“
n Greiða þarf á bilinu 200–37.000 krónur fyrir aðgang n Leiðsögn sjaldan innifalin
N
áttúrupassinn svokallaði
sem iðnaðar- og viðskipta-
ráðherra, Ragnheiður Elín
Árnadóttir, er með í smíð-
um mun að öllum líkindum
ekki ná til allra náttúruperla á Íslandi.
Þeirra á meðal er Vatnshellir, en
þangað mega ferðamenn aðeins fara
í fylgd leiðsögumanns gegn því að
greiða 2.000 krónur fyrir. Sama gild-
ir um þá sem vilja kafa í Silfru, en til
þess að geta kafað þar þarf að panta
tíma fyrirfram og greiða 1.000 krónur
fyrir aðganginn.
Landeigendur Reykjahlíðar munu
byrja að taka gjald fyrir aðgang að
Dettifossi, Leirhnjúkum og Náma-
skarði í sumar og gjaldtaka hefur
nú þegar hafist við Geysi í Hauka-
dal. Landeigendur á þessum svæð-
um hafa sagt að frumvarp Ragnheið-
ar Elínar hafi komið of seint fram, en
hún biðlaði til þeirra um að bíða með
gjaldtöku þar til frumvarp um pass-
ann hefði fengið meðferð í þinginu.
Enn hefur frumvarpið ekki verið lagt
fram á þinginu, en ráðherra ræddi
um passann í útvarpsþættinum
Reykjavík síðdegis á dögunum. Þar
kom fram að gjaldtakan verði alfar-
ið í gegnum netið og að hægt verði að
sækja smáforrit í símann. Engin hlið
verða á svæðunum, heldur munu
eftirlitsaðilar athuga hvort gestir
hafi náttúrupassa með stikkprufum.
Séu þeir ekki með passa, verði þeir
sektaðir. Áætlað er að passi fyrir fjóra
daga kosti 2.000 krónur, mánaðar-
passi verði á 3.000 krónur og fimm
ára passi á 5.000, en aðeins átján ára
og eldri þurfa að greiða. n
Rögnvaldur Már Helgason
rognvaldur@dv.is
Kerið
n 350 krónur
Gjaldtaka í Kerinu hófst síðastliðið sumar og þar borga allir 12 ára
og eldri 350 krónur fyrir að fá að skoða gíginn. Gjaldið á að gera
Kerfélaginu kleift að vernda viðkvæma náttúru landsins svo hægt
sé að halda áfram að taka á móti ferðamönnum. Kerfélagið bannaði
hópum að skoða svæðið árið 2008, en það þótti umdeilt vegna þess
að umbætur höfðu verið gerðar í kringum svæðið sem kostaðar voru
af ríkinu. Þeim er nú leyft að skoða svæðið gegn gjaldi, rétt eins og
öllum öðrum ferðamönnum. Á árunum 2001–2002 varði Vegagerðin
að minnsta kosti 2,5 milljónum til uppbyggingar áningarstaðar við
Kerið til viðbótar við bílastæði sem þar höfðu verið lögð. Auk þess
hafði Ferðamálaráð varið fjórum milljónum króna til uppbyggingar á
aðstöðunni.
Bláa lónið
n 1.500 krónur
Frá og með 1. júní 2013 hóf Bláa lónið að rukka þá gesti sem vildu skoða lónið en ekki baða sig í
því um 10 evrur fyrir aðgang. Slíkt er kallað heimsóknargjald, en það gengur upp í baðgjald ef
viðkomandi ákveður að hann vilja fara ofan í eftir að hafa skoðað sig um. Áður gátu gestir geng-
ið um svæðið en þeir voru farnir að hafa áhrif á upplifun baðgesta, að því er fram kemur í svari
frá fyrirtækinu vegna fyrirspurnar blaðamanns. Heimsóknargestum hefur fækkað og því hefur
gjaldið skilað tilætluðum árangri, sem er að fæla þá frá sem ekki vilja fara ofan í lónið sjálft. Tíu
prósent af gjaldinu renna til uppbyggingar á innviðum ferðaþjónustunnar á Reykjanesi, svo sem
til framkvæmda við göngustíga og merkingar.
Silfra
n 1.000 krónur
Þeir sem vilja kafa í Silfru þurfa að greiða 1.000 krónur, en gjaldtaka hófst
í mars fyrir ári síðan. Gjaldið verður notað til uppbyggingar á aðstöðu fyrir
kafara, svo sem á aðstöðu til að hafa fataskipti og á salernum. Nú þegar
hafa verið byggðir stígar til að auðvelda köfurum aðgengi bæði ofan í, og
upp úr gjánni. Þá hefur aðgengið á svæðinu í kring verið gert mun betra, nýtt
bílastæði hefur verið lagt sem og göngustígar, auk þess sem sérstakt borð
hefur verið sett upp svo hægt sé að leggja þar frá sér köfunarbúnað. Til þess
að komast ofan í gjána þarf að bóka tíma, en flestir fara á vegum fyrirtækja
sem sérhæfa sig í þjónustu við kafara. Leiðsögumenn frá fyrirtækjunum
fara með hópum ofan í, en Samgöngustofa hefur sett ítarlegar reglur um
hvernig eigi að bera sig að. Þannig verða hópar að láta ákveðinn tíma líða
á milli þess sem farið er ofan í, svo dæmi sé tekið. Aðgangi að gjánni er því
stýrt, líkt og gert er í Vatnshelli, en munurinn er sá að verkið hefur ekki verið
boðið út og því sér ekkert ákveðið fyrirtæki um leiðsögn um gjána.
Vatnshellir
n 2.000 krónur
Hellinum var lokað árið 2009 þar sem
hann lá undir skemmdum vegna um-
ferðar ferðafólks. Ákveðið var að gera
hann aðgengilegan almenningi með
því að stýra umferð um hann og rukka
2.000 krónur fyrir aðganginn. Innifalið
í því gjaldi er leiðsögn um hellinn og
leiga á vasaljósi og hjálmi. Verkefnið
var unnið í samstarfi þjóðgarðsins á
Snæfellsnesi, Snæfellsbæjar auk þess
sem félagasamtök og einkaaðilar
komu að verkefninu. Verktakar sjá um
leiðsögn um hellinn, en Umhverfis-
stofnun bauð verkið nýlega út. Þeir
eru með samning til tveggja ára, en
þó má segja honum upp með þriggja
mánaða fyrirvara. Ólíklegt þykir að
náttúrupassi muni veita aðgang að
hellinum, þar sem aðgangi er stýrt og
aðeins hægt að fara um hann með
leiðsögn verktakanna.
Reykjanesfólkvangur